тони менкиновски – Kurir.mk

Менкиновски за осудените од 27ми април: Тие се херои за нас, ги осудија затоа што си ја бранеа и ја сакат татковината

Катерина Бојаџиева — Wed, 27 Apr 2022 17:03:41 +0000

Овие луѓе од тука ќе излезат и ќе бидат херои за нас. Херои со кои ќе ги учиме нашите деца како се чува својот дом, се брани својата земја и како се сака Македонија, порача денеска адвокатот Тони Менкиновски на протестот по повод неправедно осудените за случајот 27 април од страна на Патриотски Институт на ВМРО-ДПМНЕ „Гоце Делчев“ пред затворот КПД во Штип. -Кога како адвокат го следев овој процес морам да кажам дека сме имале многу вакви процеси, многу Македонци биле во вакви процеси заради нивната македонска определба во сопствената земја. Сакам само да напоменам три процеси кои ќе ви останат врежани, а тоа е првиот процес во Софија 1890 година против Александар Караѓулев најголемиот патриот, кој што бил осуден затоа што е Македонец. 1943 година Никола Јонков Вапцаров е осуден од бугарскиот цар на смрт затоа што бил Македонец. И сега доживеавме ние Македонците во сопствена држава да ги судат нашите луѓе кои не бранеа, вели Менкиновски. Менкиновски додаде дека никаде во светот нема вакви драконски казни, порачувајќи дека оние кои што го бранеле Уставот се во затвор, а оние кои што го погазиле добиле функции од власта. -Ваква одлука нема никаде во цивилизираниот свет и судијата е награден за Уставен судија. Па каква иронија е тоа, тие што го бранеа Уставот се во затвор, а тие што го погазија добиваат функции. Нека запамтат добро се додека има Македонци нема да отстапиме никогаш, порача адвокат Менкиновски на денешниот протест.

Адвокатот на Камчев: Ќе поведеме постапка за утврдување на незаконитост на докази

Ивона Петрова — Mon, 12 Apr 2021 11:16:59 +0000

Одбраната на Јордан Камчев денеска информираше дека ќе поведе постапка за утврдување на незаконитост на докази и согласно со членот 12 и членот 93 од Законот за Кривична постапка, а со цел остварување на Уставно загарантираните права и гаранции на Камчев на „слобода и безбедност”, „правото на ефикасна и делотворна одбрана ” и на неговото право на „правично судење пред непристрасен трибунал”. Тоа значи дека сите докази прибавени на незаконит начин или со кршење на слободите и правата како и доказите произлезени од нив, не можат да се користат и врз нив не може да се заснова судската одлука. -Сакам да потенцирам дека Доказот Информација од АНБ на РСМ СД бр. 02-545/1 од 14ти Март 2021 година, кој е доставен и предложени како доказ кон Предлогот за изрекување на мерка притвор и врз основа на кој се темели Решението за определување на мерка притвор КОК ПП 43/21 од 14ти Март 2021 година, треба да се има во предвид дека никогаш не е доставен до одбраната и е единствениот доказ на кој се темелел на Предлогот од „ОЈОГОКК” и е незаконит, а поради следново: 1. Агенцијата за национална безбедност АНБ постапила надвор од своите законски овластувања предвидени во Закон за агенција за национална безбедност ( шпионажа, тероризам и негово финансирање, насилен екстремизам и други активности поврзани со безбедносни закани и ризици за националната безбедност на државата) па оттука останува нејасно како г-дин Камчев ја загрозува националната безбедност на државата и претставува закана за националната безбедност на државата за да биде следен од 12 февруари 14 февруари 2021 години како и да биде изготвена службена белешка со таа содржина?!; 2. Агенцијата за национална безбедност ако имала било какви индиции за наводно бегство на г-дин Јордан Камчев согласно со закон била должна да го извести Бирото за јавна безбедносткако орган во состав на Министерството за внатрешни работи ( кој врши полициските работи во Министерството чија надлежност е концептуалното планирање, следење и анализирање на безбедносната состојба и причините за појава на криминалитет и загрозување на јавната безбедност...), а Бирото доколку сметало за тоа требало да го извести Јавниот обвинител! ; 3. АНБ нема добиено судска наредба за спроведување на мерки за тајно собирање на податоци и информации од страна на Судот, односно од страна на Врховниот суд на Р.С. Македонија согласно член 32 вв со член 34, 35 и 36 од Законот за Агенција за национална безбедност?! 4. Дека се работи за скандалозно изрекување на најстрога мерка за обезбедување (мерка притвор), изречена врз усна белешка на доушник, и не презентирање на докази на нас како одбрана, потврдува и Премиерот на Р.С.М кој како носител на извршната власт имал ингеренции и можел да има увид во извештајот на АНБ. Тој изјави дека осомничениот г-дин Камчев не планирал бегство со бугарски агенти. Имено цитирам : Не се работи за следење, кажувам дека не е следен.. тоа агенти, Бугарија, не е точно, нема таму таква работа. Има неколку причини, кои што тие, се побудил кај нив инстинктот да напишат и да пријават (АНБ).. понатаму тоа го цени јавен обвинител.“ – вели Заев; Истовремено повторувам, во Решението за изрекување мерка притвор на мојот клиент, а истото ни беше соопштено и усно од страна на Судијата на претходна постапка, стои јасно запишано дека мерката притвор ја изрекуваат поради соработка со бугарски агенти и план за бегство. Притоа, без презентирање на докази, и прецизно објаснување на причините поради кои е лишен од слобода. Ова претставува флагрантно кршење и непочитување на Европската Конвенција за човекови права и Меѓународниот Пакт за политички и човекови права, кои недвосмислено предвидуваат дека при лишување од од слобода на лицето мора да му се прецизно презентирани доказите поради кои се лишува од слобода, информираше денеска адвокатот Тони Менкиновски. Поради ова пред Републичкиот Судски Совет, одбраната поднесува Претставка за несовесно и нестручно работење на судијата на претходна постапка, кој ја изрече мерката притвор без да ни презентира докази. -Дополнително, неспорно во наведениов случај постои пречекорување на законските ограничувања и овластувања при постапувањето на АНБ во постапка СД бр.02-545/1 од аспект на пречекорување на овластувањата, преземање неовластена постапка, злоупотреба и други неправилности во работењето,не постапување врз основа на наредби од Суд за спроведување на мерки за тајно собирање на податоци и информации, како и по наредби од Суд за спроведување на мерки за следење на комуникации, а вооедно начинот на собирање на безбедносните податоци и информации во врска со горенаведената постапка не законски спроведена спротивно на нивните права утврдени со закон. Во овој поглед најпрво сакаме да нагласиме дека, оваа своја информација Агенцијата за национална безбедност ја изготвила надвор од сите свои овластувања утврдени во Законот за АНБ и со истата му ги ограничила основните слободи и права на Камчев. Аплелираме до институциите на системот да работат совесно, штитејќи го својот професионален интегритет. Време е во оваа држава да завршат иживувања врз лица, загрозување на нивно здравје, загрозување на сериозни бизниси и работни места на луѓе, преку местенки и злоупотреба на тајните служби, истакна адвокатот Менкиновски.

Менкиноски: Никој не може да се откаже од правата на Македонците во Бугарија со билатерален договор

Тале Кристо — Mon, 30 Nov 2020 08:59:13 +0000

Тони Менкиноски во своето гостување во утринската емисија на телевизија Алфа рече дека малцинските права во Македонија служат за пример во целиот свет и многу меѓународни институции биле заинтерсирани за примерот на Македонија за почитување на малцинствата. Според него македонското малцинство во Бугарија е внатрешен проблем на Бугарија и никој никаде не може да се откаже од правата на македонците во Бугарија со билатерален договор. -Најпрво би сакал да почнам од една историска и социолошка констатација дека ние македонците во ново вековната историја никогаш ниту сме асимилирале, ниту сме имале намера некој да асимилираме и тоа е многу битен факт и битна појава. Ако тргнеме од Република Македонија, малцинските права во Република Македонија служат за пример во целиот свет исто така и многу меѓународни институции биле заинтерсирани за примерот на Македонија за почитување на малцинствата. Тоа е внатрешен проблем на Македонија, но македонското малцинство во Бугарија е внатрешен проблем на Бугарија и никој никаде не може да се откаже од правата на македонците во Бугарија со билатерален договор. Со ова сакам да напоменам јас не можам да се откажам од вашите права, тоа во моментов се случува во билатералниот однос помеѓу Македонија и Бугарија, рече тој во своето гостување.

Менкиноски: Бугарија ја има промашено темата со ветото за Македонија

Ристе Здравков — Fri, 20 Nov 2020 20:50:48 +0000

Адвокатот Тони Менкиноски и правен застапник на „Македонскиот клуб за Етничка толеранција во Бугарија“ вели дека Бугарија ја има „промашено темата со ветото за Македонија“, зашто воопшто не е во корелација со содржината на критериумите на ЕУ. Според него барањето за гаранции на бугарската министерка Захариева е несериозно и покажува основно непознавање на меѓународното право, меѓународната практика, па и меѓународната политика. Признавањето на правата на малцинствата не го бара Македонија, туку во случајот со Бугарија тоа го бара Советот на Европа. Почитувањето на малцинските права е демократски меѓународен стандард, кој треба да биде вграден во внатрешното уредување на секоја земја што се изјаснува за демократска, особено ако е и членка на ЕУ, вели Менкиноски. Значи, на македонското малцинство во Бугарија му припаѓаат правата според стандардите на меѓународното право и Македонија едноставно не може да се откаже од тие права на Македонците во Пиринскиот дел на Македонија, зашто тоа не е во нејзина државна надлежност. Европскиот суд за човекови права во Стрзбург на 28 мај годинава ја осуди Бугарија, носејќи пресуда со која утврди дека е повредено првото на здружување по член 11 од Европската конвенција за човекови права, на македонците во Бугарија. Случајот се однесуваше на прашањето дали е потребно во едно демократско општество бугарските судови да одбијат да регистрираат здружение кое се залага за идејата дека постои угнетено македонско малцинство во Бугарија и се обидува да ги заштити правата на малцинството, со образложение дека здружението било насочено против единството на бугарската нација и дека нејзините цели биле политички и дека имаат цели повеќе на политичка партија отколку на редовно здружение. “Од Македонија се бараат гаранции за нешто што не го поседува. Правата на малцинствата се надвор од мандатот на Захариева и мандатот на македонските политичари”, вели адвокатот Менкиноски. “Историско-идентитетските прашања воопшто не се дел од критериумите за членство во Унијата. Вообичаената аргументација за некакво блокирање на преговорите се темели на непочитување на владеење на правото, зголемена корупција, криминал…, но никако не е разбирливо оспорување нечиј национален идентитет и права на малцинствата да биде аргумент за блокирање на евроинтеграциите на некоја земја-кандидат”, вели Менкиноски за Нова Македонија. Според него Бугарија ја има промашено темата за вето, а кога-тогаш ќе мора да овозможи регистрација на македонските здруженија кај неа, зашто тоа од неа го бара Советот на Европа.

Менкиновски за Шпански скали: Власта го злоупотребува Јавното обвинителство како во 47 година за спроведување политички прогон

Дарко Андоновски — Tue, 17 Sep 2019 19:14:40 +0000

Опозицијата ја обвинува власта дека го злоупотребува и користи Јавното обвинителство за спроведување на политички прогон во Република Македонија истакна адвокатот Тони Менкиновски кој воедно е лидер на преговарачкиот тим за Законот за јавно обвинителство на ВМРО-ДПМНЕ. Тој посочи дека најтрагично e тоа што осомничените и после три-четири месеци не се повикани на распит. -Предметот Шпански скали кој СЈО го отфрли со решение за истиот луѓе кои се во раководството на ВМРО-ДПМНЕ беа и се уште се во притвор. Значи мерката притвор се уште стои само е заменета со куќен притвор. Како може СЈО го отфрла предметот и вели нема криминал нема инкриминирани дејствија нема ништо, а јавното обвинителство за организиран криминал поведува постапка и знаете што е најтрагично луѓето се уште после три-четири месеци не се повикани на распит. Значи се користи јавното обвинителство како во 47 година од страна на СДСМ за политички прогон на одредени луѓе. Тоа во една демократска држава е непоимливо, вели Менкиновски.

Менкиновски за преговорите со СДСМ: За власта најважно беше Русковска да го води случајот „Рекет“

Дарко Андоновски — Tue, 17 Sep 2019 18:38:59 +0000

Адвокатот Тони Менкиновски кој е лидер на преговарачкиот тим на опозициската ВМРО-ДПМНЕ за носење на ново законско решение за јавното обвинителство истакна дека власта наместо да биде фокусирана на носење на нов Закон за јавно обвинителство, таа имала други приоритети. Тој посочи дека власта од самиот старт немала сериозен пристап кон преговорите за Законот за јавно обвинителство, а за нив клучно било што ќе се случи со Вилма Русковска и предметот Рекет. Менковски потенцираше дека клучните две барања на СДСМ биле обвинителката Вилма Русковска да не биде променета од сегашната позиција во обвинителството и предметот „Рекет“ да остане во нејзини раце. -Сите патишта водеа кон тоа Вилма Русковска да не биде сменета, да остане на позицијатан а која што е моментално. И сите патишта водеа во текот преговорите предметот рекет да не биде воопшто надлежен никој друг освен Вилма Русковска. Дури ние му предложивме во текот на преговорите, дајте еве во закон ќе го ставиме дека Вилма Русковска ќе го води предметот Рекет. Значи тоа е она што реално се случуваше позади завесата за која зборуваше и пратеникот Антонио Милошоски за која зборуваше и претседателот на партијата, вели Менкиновски.

Менкиновски: Власта уште од самиот старт имаше несериозен пристап кон темата Закон за јавно овинителство

Дарко Андоновски — Tue, 17 Sep 2019 17:57:26 +0000

Лидерот на преговарачкиот тим за Законот за јавно обвинителство на ВМРО-ДПМНЕ, адвокатот Тони Менкиновски ја потенцираше потребата од формирање на Анкетна комисија која ќе ја истражи досегашната работа на Специјалното јавно обвинителство. Тој посочи дека по последните случувања околу СЈО формирањето на ваква комисија е клучно за информирање на пошироката јавност. Менкиновски ја обвини власта за несериозен пристап кон решавањето на темата Закон за јавно обвинителство уште од самиот старт. -СДСМ немаа сериозен пристап кон решавање на темата Закон за јавно обвинителство, бидејќи ние цело време говориме за Закон за јавно обвинителство каде што ќе се инкорпорира СЈО. Во врска со анкетната комисија, пред почетокот на преговорите ние предложивме принципи како насоки со кои ќе се водат преговорите. Во тие принципи беше побарано и анкетна комисија која ќе се состави, да се почитуваат принципите на меѓународното право, основните човекови права како би можело да се влезе во едни преговори за носење на добар и квалитетен Закон за јавно обвинителство. Приципите беа доставени во петокот, тоа многу добро се сеќавам не ги прифати во петокот ги прифати принципите. Зошто е тоа така не знам. Значи уште тогаш прифатија дека треба да се формира Анкетна комисија. После овие настани Анкетна комисија е многу потребна. Потребна не е само за парламентот, потребна е за пошироката јавност. Анкетната комисија не бара увид во предметите бара да го види работењето на СЈО, вели Менкиновски.

Менкиноски: Во последните 2 години за 40 проценти е зголемен бројот на притвори

Ивана Ефремовски — Mon, 08 Jul 2019 18:10:04 +0000

Тони Мекиноски, адвокатот и претседателот на правна комисија на ВМРО-ДПМНЕ во денешното гостување во емисијата „Отворено“ посочи дека во последните две години во Република Македонија за 40 проценти е зголемен бројот на притворите, укажувајќи дека оваа ситуација е својствена само за една тоталитарна држава. -Морам да напоменам еден факт кој не го знаете дека иако постои и пракса на судот во Стразбур, има директни препораки за притворите. Притворите во Република Македонија согласно нашата анализа во последните две години се зголемени за 40 проценти. Тоа треба нешто да значи. Наместо ние да ги намалиме тие ограничувања на слобода на движење на одредени луѓе, Македонија повторно влегува во една ситуација каде се зголемува бројот на предмети за кои се бара притвор. За 40 проценти, ова е нешто кое е својствено за една тоталитарна држава, нагласи Менкиноски.

Интервју со Менкиновски: Владата наводно бара решение за СЈО, а моли Бога да не го најде, нашиот закон треба да обезбеди правда

Ивана Ефремовски — Mon, 01 Jul 2019 16:52:15 +0000

„Некако психолошкиот страв од судирот со законите се прелева кај власта, па практично она што нас не обвинуваат станува некаков скриен страв посакувано решение исклучиво на власта. Никаква амнестија не бараме, а единствено веројатно амнестија посакуваат некои луѓе од власта бидејќи единствео тие ја споменуваат како категорија“. Ова во интервју за КУРИР го истакнува адвокатот и преговарачот од ВМРО-ДПМНЕ за новиот закон за обвинителство Тони Менкиновски. КУРИР: Зошто не го прифативте предлог законот за обвинителство од власта? Менкиновски: Затоа што целта на еден закон е да создава и гарантира правда. Предлогот на Владата, поточно на министерството за правда имаше сериозни недостатоци кои во повеќе наврати беа коментирани од моја страна и од страна на ВМРО-ДПМНЕ. Со таквите предлози на мала врата се враќа земјава во едноумие и минатиот систем на социјализам. Не беа прифатливи одредбите СЈО да не одговара пред никого и сам да си го создава буџетот. Потребно е СЈО да биде дел од постојното обвинителство а не привилигирано тело кое ќе се злоупотребува за политика. Потребата од ново законско решение се наметнува преку досегашната работа на постојното специјално обвинителство кое има нарушен углед што е последица пред се на неможноста да испорача правда, користејќи го власта како алатка за политички притисоци наместо како алатка за спроведување на правдата. Нам во судскиот систем не ни требаат заштитени бели мечки, и механизми за злоупотреба во политички цели туку ни треба владеење на правото, почитувајќи ги и меѓународните норми и позитивното право. КУРИР: Дескоска вели дека нема да прифати законско решение кое ќе значи амнестија. Барате ли амнестија? Менкиновски: Некако психолошкиот страв од судирот со законите се прелева кај власта, па практично она што нас не обвинуваат станува некаков скриен страв посакувано решение исклучиво на власта. Никаква амнестија не бараме, а единствено веројатно амнестија посакуваат некои луѓе од власта бидејќи единствео тие ја споменуваат како категорија. КУРИР: Тогаш, што ќе предложите како законско решение? Менкиновски: Ќе предложиме законско решение, a кое ќе ги опфати анализите спроведени на европското применливо право од оваа област , препораките на меѓународната заедница во Република Македонија, принципите и начелата од Судот за човекови права од Стразбур. Законското решение ќе гарантира непристрасност во борбата против организираниот криминал, и ќе овозможи реална борба против корупцијата која беше констатирана и во последниот извештај на Европската Комисија за Република Македонја. КУРИР: Оптимист ли сте за постигнување на решение? Менкиновски: Тоа не зависи од нас, тоа зависи од спремноста на Владата и министерството за правда да ги слушне аргументите. Некако се наметнува чуството дека Владата наводно бара решение, а моли Бога да не најде, и притоа обвинувајќи не дека ние наводно го кочиме процесот. Еве шанса, ајде да седнеме, да го продискутираме предлогот кој ќе го дадеме до министерството за правда и да го прифатиме. Предлогот и новиот закон нема да биде ништо повеќе од сето она што веќе се применува во напредните земји од Европската Унија кон која се стремиме. Нека не се плаши Власта од спроведување на законот и гарантирањето на владеењето на правото, се друго би било лош изговор.

Менкиноски: Не може да дозволиме СЈО кое нема да одговара пред никого, тоа не е својствено за демократија туку за монархија

Предраг Кукиќ — Tue, 19 Mar 2019 19:35:27 +0000

Не можеме да дозволиме Специјално Јавно Обвинителство кое нема да одговора пред никого, тоа не е познато во ниту една демократска држава. Не може да создадеме орган кој пред никого нема да одговара, тоа не е својствено за демократија, тоа е монархија, изјави во емисијата Отворено на Алфа Телевизија, адвокатот Тони Менкиноски кој ја предводи работна група на ВМРО-ДПМНЕ за реформските закони. Тој посочи дека Македонците не заслужуваат ваков однос да се става ваков закон е монархистички и не може никого да изземеме од одговорност и токму затоа функционирањето на Специјалното Јавно Обвинителство како оддел на јавното обвинителство мора да биде засновано на закон, мора специјалниот јавен обвинител да одговара пред некого. - Не можеме да излеземе надвор од меѓународните стандарди, не можеме да излеземе надвор од суверенитетот на граѓаните, или да направиме некој монарх кој ќе се однесува како сака. Мора да има закон кој ќе биде пример како ќе се перцепира обвинителството кој ќе биде пример како треба да биде орган кој ќе ги штити човековите правата на граѓаните, а не орган кој ќе врши репресија. Ние не почувствувавме како нација дека ова обвинителство досега не штити, потенцираше Менкиноски.