Тони Надал – Kurir.mk

Надал: Федерер достигна повисоко ниво на тенис, но Ѓоковиќ е најголем во историјата

Ристе Здравков — Tue, 12 Sep 2023 06:14:25 +0000

Тони Надал беше составен дел од огромен дел од успесите кои ги оствари неговиот внук Рафаел Надал, но тој беше првиот кој ја „намириса“ опасноста и кој уште во далечната 2007-ма година најави дека Новак Ѓоковиќ ќе биде ривалот кој ќе треба да се победи. 15 години подоцна, српскиот тенисер е рекордер по бројот на освоени грен слем титули и во неделата во Њујорк стигна до 24-от трофеј, по што чичкото на Рафа призна дека се оди во прилог на Ноле кога е во прашање дебатата „најголем играч на сите времиња“. – Новак Ѓоковиќ е голем шампион и ќе биде тешко да се достигне некогаш. Нема да биде тешко само за мојот внук, ќе биде тешко за било кој друг играч кој ќе дојде. – Ѓоковиќ најверојатно е најголем играч на сите времиња. Тешко е да се одреди кој е најдобар во историјата, но ако мора да бирате, тогаш треба да се одлучите за Ѓоковиќ. – Сите бројки одат во негова корист. Иако лично мислам дека Федерер повремено успеваше да достигне повисоко ниво на тенис од Новак, ако гледаме само по бројките, тогаш Ѓоковиќ е најдобар на сите времиња, – признава Тони Надал.

Рафаел Надал ќе игра на Роланд Гарос

Бошко Тасиќ — Mon, 01 May 2023 16:51:49 +0000

Шпанскиот тенисер Рафаел Надал, ќе настапи на претстојниот гренслем турнир на Франција, познат како Ролан Гарос, изјави неговиот вујко Тони Надал. „Рафа би сакал уште сега да излезе на теренот, останаа уште неколку работи да се направат. Рафа ќе игра во Париз“, рече Тони Надал за радио Марка. Последен настап на Рафаел Надал беше на првиот годинешен гренслем турнир, Отвореното првенство на Австралија каде загуби во второто коло од Мекензи Мекдоналд.

Тони Надал со „низок удар“ кон Ѓоковиќ: Не знам дали измислува повреди или не…

Ристе Здравков — Wed, 06 Oct 2021 13:39:39 +0000

Новак Ѓоковиќ во последен момент поради повреда се повлече од настап на турнирот во Индијан Велс. Како и секоја друга постапка на српскиот тенисер и оваа предизвика различни толкувања. Тони Надал се огласи во врска со откажувањето на првиот светски рекет и му упати „низок удар“. „Ме изненадува тоа што некој остава впечаток дека ќе се откаже поради повреда, а потоа следниот ден се однесува како ништо да не се случило. Не е до мене да зборувам дали измислува или не, но кај него таа постапка е почеста отколку кај другите спортисти. Ѓоковиќ стана жртва на своето его. Неговото однесување на теренот во некои ситуации е некомпатибилно со неговата позиција на АТП листата“, вели вујкото на Рафаел Надал. Ѓоковиќ нема јасна визија што ќе прави до крајот на годината. Нема да биде изненадување ако воопшто не се појави на терените и ги откаже сите турнири.

Надал го избра „идеалниот“ и зборуваше за Федерер и Новак

Магдалена Андонова — Wed, 22 Jul 2020 14:05:30 +0000

Тони Надал, поранешен тренер на Рафаел Надал, го „создаде“ својот најдобар тенисер, комбинирајќи ги доблестите на само тројца играчи. „Големите тројца“ се најдоа во изборот на шпанскиот тренер. Тој несомнено го избра сервисот и волејот што го има Роџер Федерер во својот репертоар. Чичко Тони имаше поголем проблем во селекцијата со форхендот, бидејќи се двоумеше меѓу Федерер и Рафа, а сосема јасно дека бекхендот на Ѓоковиќ е идеален за него. Во однос на менталната сила, тој ги одбра и Новак и Рафа. – Секогаш беше потешко кога Рафа играше против Новак, изјави Недал неодамна. Потоа истакна дека знаел какви тактики да му препорача на својот внук за дуелот со Федерер. – Кога станува збор за Ѓоковиќ, многу пати не знаевме што да правиме, истакна Надал. (MИА)