Тони Паркер – Kurir.mk

Франција го повлекува дресот на Тони Паркер

Бошко Тасиќ — Sat, 12 Aug 2023 06:00:25 +0000

Францускиот кошаркарски сојуз, идната година ќе го повлече дресот со број 9 во репрезентацијата во чест на легендарниот Тони Паркер, пишуваат француските медиуми. Сојузот уште во април се одлучи да го повлече дресот на Паркер, а сега одреден е и точниот датум – 12 јули 2024 година. Свеченоста ќе биде одржава во Лион, во новоизградената „ЛДЛЦ Арена“ која ќе биде отворена во ноември оваа година. Паркер одигра 181 меч во селекцијата на Франција, а постигна 2.741 поен за националниот тим. На ЕП освои по еден златен и еден сребрен медал, како и две бронзи.

Новицки, Гасол и Паркер и официјално ќе бидат нови членови на Куќата на славните на НБА

Бошко Тасиќ — Sun, 02 Apr 2023 06:27:54 +0000

Легендарните европски кошаркари, Дирк Новицки, Пау Гасол и Тони Паркер и официјално ќе бидат дел од класата 2023 која ќе биде примена во Куќата на славните на НБА лигата во Спрингфилд. Покрај Гасол, Паркер и Новицки, во класата 2023 се уште и легендарниот тренер на Сан Антонио спарс, Грег Попович и поранешната ѕвезда на Мајами хит, Двејн Вејд. Свечената церемонија на која легендарните кошаркари и тренери ќе бидат и официјално примени во Куќата на славните ќе се одржи на 11. и 12. август.

Тони Паркер предлага крај на сезоната во Евролигата без шампион

Тале Кристо — Tue, 24 Mar 2020 16:34:29 +0000

Поранешната ѕвезда на Сан Антонио, а сега претседател на АСВЕЛ, Тони Паркер се сомнева во продолжување на Евролигата која е во прекин, како и многу натпреварувања, поради пандемијата на коронавирус. Па, затоа излезе со предлог за прогласување на крај на сезоната без прогласување на шампион. -Најпаметно би било да се прогласи крај на сезоната без шампион и излегување од лигата по полека да почнеме да се подготуваме за наредното издание. Факт е дека сите ќе претрпат големи загуби, изјави Паркер за „Лекип“. Паркер е во изолација со семејството во Сан Антонио и апелира до раководството на Евролигата да престане да дава лажна надеж на клубовите дека Евролигата ќе продолжи. -Ќе биде многу тешко да се дојде до крајот, бидејќи ситуацијата со коронавирусот не е иста во сите земји. Целата состојба зависи од многу држави, но и различни здравствени и безбедносни прописи, истакна поранешниот француски кошаркарски репрезентативец и освојувач на четири шампионски прстени во НБА лигата.

Тони Паркер не знае каде ќе ја продолжи кариерата

Даниел Василев — Fri, 11 May 2018 16:37:13 +0000

Кошаркарот на Сан Антонио спарс, Тони Паркер од први јули ќе биде слободен играч, но се уште не знае дали ќе остане во клубот во кој ја помина целата НБА кариера или ќе продолжи на друго место.

- Се уште не сум сигурен дали ќе останам во Сан Антонио. Отворен сум за сите можности. За Спарс играв 17 години и секогаш ќе чувствувам носталгија, но нема да биде крај на светот ако го сменам клубот, истакна 35-годишниот кошаркар.

Паркер дојде во Сан Антонио во 2001 година и досега со клубот има освоено четири шампионски титули. Минатата година од договорот со Спарси заработи над 15 милиони долари. МИА