тони стојановски – Kurir.mk

Стојановски до власта: Колку и да се обидувате да не сотрите, нема да успеете, Македонија НЕ Е НА ПРОДАЖБА

Магдалена Андонова — Sat, 02 Jul 2022 18:49:26 +0000

Среќен сум и тажен. Среќен сум затоа што Божјата волја беше да се родам во Македонската лулка. А тажен бидејќи сите ние заедно споделувајќи ја радоста што му припаѓаме на овој народ, се туку и секаде некому му се објаснуваме и докажуваме, се што имаме и од неа никогаш и под никакви услови нема да се откажеме, порача коментаторот Тони Стојановски на денешниот протест. Стојановски пред присутните порача дека македонскиот народ е добродушен, но не и наивен, како и дека туѓото го почитуваме, - Ќе слушнат дека ние се родивме, живееме и ќе умреме во Македонија. Добродушни сме но, наивни не сме. Зло не мислиме, но зло повеќе не трпиме. На секој предлог, договор и услов кој што постои за нас ќе одговориме со НЕ, НЕ и уште една НЕ. Туѓото го почитуваме, добрата волја ја цениме, но вечерва овде, а и утре и задутре ако треба и во еоните ќе испратиме лавовски крик за да се разбуди исконот кај заспаните меѓу нас, рече тој. Стојаноски потенцираше дека македонскиот народ е исправен пред тешка задача и токму поради тоа од платото пред Владата порача нон пасаран. - Македонци мои ние сме исправени пред тешка задача. Да љубиме безусловно а да ни поставуваат услови. Да почитуваме безгранично, а да ни поставуваат граници. Да сме подготвени на компромиси, а да ни нудат ропство. Вечерва им велиме нон пасаран, истакна тој. - Подадовме рака, ни ја бараат душата. А има ли цена душата? Колку гроша вреди крвта на предците, колку милиони вреди комфорот на наследниците? Ќе ги има ли воопшто ако се продадеме, праша Стојановски. Стојановски изјави дека колку и да се обидуваат од државниот врв нарекувајќи ги самопрокламирани визионери, нема не можат да ја сотрат Македонија. - Само безумните може да веруваат дека иднината се менува на подобро со капитулантски потпис со откажување од претходната и со условување на следната генерација. И затоа наша обврска е повторно да им кажеме НЕ, Македонија НЕ БИЛА, НЕ Е И НИКОГАШ НЕМА ДА БИДЕ НА ПРОДАЖБА. Не можат да ја сотрат Македонија, па колку и да сакаат да ја продаваат. Оваа држава Македонија настана со револуција, не една туку повеќе, со јасна историска постојаност. И затоа оваа држава Македонија нема да падне со еволуција на таканаречените европски вредности, туку ако паднеме ние Македонците ќе паднеме од гола сила. А и тоа нема да биде лесно, ниту ќе биде со наша добра волја, ниту ќе биде со потпис на кој било самопрокламиран визионер од државното раководство. Отпорот ќе биде секогаш и засекаде а победата е загарантирана затоа што Македонија, Македонците, македонскиот јазик и историја, култура и идентитет се единствената вистина. Македонци мои вистината се брише само со сила. Но колку и тие да се држат до силата ние нема да отстапиме од вистината, порача Стојановски.

Говорот на Тони Стојановски по пласманот на одбојкарите на ЕП: Луѓе мои, луѓе мои, учете од овие момци (ВИДЕО)

Магдалена Андонова — Sat, 16 Jan 2021 20:45:06 +0000

Коментаторот на МТВ, Тони Стојановски по фудбалерите, ги испрати и одбојкарите на Европско првенство со емотивен говор по големата победа над Турција. Македонија оствари голема победа над Турција од 3-1 која значеше второ учество по ред за одбојкарите на Европското првенство. А колку е значаен овој успех за македонската одбојка и спортот воопшто, најдобро го доловува овој емотивен говор на коментаторот Тони Стојановски. Извор: Мкд.мк

Специјално изненадување: Епскиот говор на Тони Стојановски испишан на ѕидовите во ФФМ, еве како реагираше тој (ВИДЕО)

Дарко Андоновски — Wed, 30 Dec 2020 10:55:10 +0000

Репрезентацијата на Македонија по добро ќе ја памети чудната 2020 година бидејќи за првпат сениорите се изборија за пласман на едно Европско првенство. Натпреварот во Тблиси против Грузија ќе остане вечно запишан во аналите на македонскиот фудбал. Посебен шмек на таа победа даде фантастичниот завршен коментар на Тони Стојановски кој во тие моменти допре до срцата на секој навивач на Македонија. Тони Стојановски беше примен од првиот човек на ФФМ Муамед Сејдини кој му ја покажа плакетата на ѕидовите на ФФМ на која ќе бидат испишани неговите зборови. Видеото погледнете го ТУКА.

Пароли низ Струмица со поддршка за коментаторот Тони: „Стоп за цензурата на македонизмот“ (ФОТО)

Магдалена Андонова — Sun, 15 Nov 2020 13:36:00 +0000

Не стивнуваат преписките за различнте ставови по однос на коментарот на спортскиот новинар Тони Стојановски за време на фудбалскиот меч на кој Македонија обезбеди пласман на Европско првенство со кој порача дека во период во кој не оспоруваат како нација, влегуваме во Европа. „Во овој период, кога ни оспоруваат и име и презиме и нација и ген, еве не во Европа! Еве не таму, меѓу сите тие што ги описменивме, ќе не дочекаат наредниот јуни. Ќе ја поздрават нашата репрезентација, ќе стојат мирно на нашата химна!“ – гласеше изјавата Стојановски. Во родениот град Струмица на нашата фудбалска икона, Горан Пандев, кој со неговиот гол обезбеди пласман на Европското првенство кое ќе се одржи следната година, во центарот беа поставени пароли на кои пишува: „СТОП за цензурата на македонизмот“ Струмичани со ова оддадоа почит и поддршка кон спортискиот новинар Тони Стојановски, во време кога од најразлични страни е осудуван и критикуван.