тоник – Kurir.mk

Тоник од ѓумбир за здрава коса

Ивона Петрова — Mon, 20 Mar 2023 07:54:17 +0000

Тоник за коса од ѓумбир е многу силен производ, кој се нанесува директно на коренот на косата. Можете да го втриете пред миење или да го оставите да се исуши без да го исплакнете. Сигурно ќе има подобар ефект доколку е подолго на косата. Измијте неколку корени од ѓумбир и изблендирајте ги што е можно поситно. Добиената паста процедете ја низ крпа и ќе добиете чист сок од ѓумбир. Ако имате соковник, тој што сам го цеди сокот, ставете ги корените во него. Така ќе добиете најмногу сок. Овој тоник не се чува долго време, најмногу 7 дена на студено место. Откако ќе го искористите, повторно направете доколку ви одговара. Не се додава ништо, само втријте го во скалпот. Можно е да почувствувате пецкање, но тоа е во ред. Тоникот делува на циркулацијата на крвта. Резултатите за раст ќе бидат одлични.

Тајната на руските убавици: Водка – тоник за лице

Ивана Ефремовски — Fri, 18 Nov 2022 20:52:24 +0000

Доколку имате проблеми со мрсна кожа можете да ги решите со помош на овој трик. Станува збор за тоник од водка кој лесно ќе го направите во домашни услови. Овој пијалок е одличен за дезинфекција на лицето, а добар е и за намалување на порите, па во комбинација со одлични состојки е супер ефикасно сретство за чистење на лицето. Потребно ви е: Пластично шише со распрскувач Дестилирана вода Водка Гранче рузмарин Во шишето наполнете дестилирана вода, додадете малку водка, ставете го и гранчето рузмарин, измешајте и оставете да отстои неколку часови. Тоникот се чува во фрижидер, се нанесува наутро и навечер после чистење на лицето со млеко и пред нанесување крем, дневен или ноќен. Не се нанесува на очи!

Овој тоник прави чуда, а се подготвува од само 2 состојки

Ивана Ефремовски — Thu, 25 Jun 2020 06:07:55 +0000

Тоникот во последно време е неизоставен дел од негата на кожата на лицето. Тој ја одржува влажноста на кожата и ѝ овозможува да остане блескава и здрава. Наместо да купувате скапи тоници во аптеките, можете да си направите домашен тоник кој е подеднакво ефикасен, а за истиот ќе ви бидат потребни само 10 минути. За кожата да ја задржи еластичноста и да изгледа добро, тајната е во зелениот чај. Листовите од зелениот чај биле користени во древна Кина уште многу милениуми наназад, поради нивните ефектни лековити својства, а истиот се користи и денес. Зелениот чај содржи дури 200 биоактивни соединенија вклучувајќи галокатехин, епигалокатехин и епикатехин кои имаат одлични лековити својства за кожата. Денеска ви претставуваме рецепт за тоник од зелен чај, а доколку го користите секое утро и секоја вечер, за кратко време ќе забележите значајна промена на лицето. Освен што ќе изгледа позатегнато и посвежо, кожата ќе стане и поотпорна на штетните надворешни влијанија. Потребни состојки: – една ќесичка зелен чај – една шолја дестилирана вода Начин на подготовка: Во мал сад, загрејте ја водата речиси до вриење, тргнете ја од оган и во неа додадете една ќесичка зелен чај. Оставете да отстои 10 минути, а потоа префрлете го во шише со распрскувач и вашиот тоник е спремен за употреба. Совет: чувајте го шишето во фрижидер за максимални резултати и за тоникот да трае подолго. Некогаш најголемите тајни на добриот изглед се сосема едноставни.

Еве како да направите домашен тоник против акни

Предраг Кукиќ — Sat, 11 May 2019 08:33:15 +0000

Оние луѓе кои имаат проблем со акните знаат колку е тешко да се справиме со нив. Често се појавуваат без некоја посебна причина, а многу препарати и козметички производи воопшто не помагаат. За среќа, постои природен домашен тоник кој може да го реши овој проблем. Потребни состојки: 15 мл органски јаболков оцет 60 мл вода 3 таблети аспирин Стаклено шише со капаче Измешајте ги водата и јаболковиот оцет, па во шишето додадете ги и аспирините. Измешајте убаво и почекајте убаво да се растопат. Тогаш тоникот е подготвен за употреба. Користете го наутро и навечер ставајќи на деловите каде се појавуваат акните со помош на памук или газа.