топ 3 – Kurir.mk

Променливо облачно време со повремени врнежи

Тале Кристо — Tue, 29 Sep 2020 08:13:22 +0000

Времето во земјава ќе биде променливо облачно со повремени врнежи од дожд и со умерен до засилен ветер од западен и северозападен правец. На места врнежите ќе бидат поројни проследени со грмежи. Утринската температура ќе се движи од 8 до 15, а дневната од 18 до 25 степени. Во Скопје ќе биде променливо облачно со повремен дожд и појава на ретки грмежи. Ќе дува умерен, повремено засилен јужен ветер. Утринската температура ќе се спушти до 14, а дневната ќе достигне до 21 степен. Од утре следува период на стабилно време со пониски утрински температури. Во деновите од викендот ќе дува засилен југоисточен ветер и преку денот ќе биде значително потопло.

Федерер ја минува 750-та недела во топ 3 на АТП листата

Тале Кристо — Thu, 05 Mar 2020 16:06:31 +0000

Роџер Федерер ја минува 750-та недела како дел од топ 3 на АТП листата. Далеку зад него на таа листа се Рафаел Надал (602 недели), Џими Конорс (591), Новак Ѓоковиќ (571) и Иван Лендл (499). Федерер само неколку пати во последните 17 години беше под третата позиција на светската ранг листа. Првиот пат се случи во 2016 година кога падна на 16 место, но се врати во водечката тројка по Вимблдон во 2017 година. Од топ 3 испадна и во февруари минатата година, а со тоа ќе мора да се помири и од понеделник, па зад Ѓоковиќ и Надал ќе биде Австриецот Доминик Тим. Федерер претходно објави дека нема да учествува на Мастерсите во Индијан Велс и во Мајами, како и на Ролан Гарос, што, секако, ќе придонесе за сериозен пад на АТП листата.

Прва жртва на коронавирус во Италија

Тале Кристо — Sat, 22 Feb 2020 08:25:19 +0000

Пациент заразен од коронавирусот во италијанскиот град Падова почина, со што стана прва жртва на ковид-19 во Италија. Како што објавија италијанските медиуми, претходно е соопштено дека вчера биле регистрирани вкупно 15 случаи на заразени од коронавирус во регионот Ломбардија, како и два во Венето. Лицето кое почина од коронавирус во Падова било на 78-годишна возраст.