топ тема – Kurir.mk

Зибери: По скринингот на градинките и домовите за стари лица, следува скриниг на вработените во јавниот превоз

Ристе Здравков — Wed, 27 May 2020 20:49:15 +0000

Центрарот за јавно здравје во битката со Ковид ја вклучува и сопствената лабораторија. По скринингот на градинките и домовите за стари лица, следува скриниг на вработените во јавниот превоз, најави вечерва во Топ Тема, Арбен Зибери.

Лидерот на ВМРО-ДПМНЕ Христијан Мицкоски вечерва гостин во ,,Топ Тема”

Тале Кристо — Thu, 14 May 2020 13:12:17 +0000

Вечерва во 19:15 часот ќе гостувам во ,,Топ Тема" на Телевизија Телма. Следете ме!, објави на својата Фејсбук страница лидерот на ВМРО-ДМПНЕ Христијан Мицкоски.

Славески: Власта нема план да се справи со потенцијална глобална рецесија, тоа не е паметно

Дарко Андоновски — Wed, 04 Mar 2020 18:57:09 +0000

Професорот Трајко Славески во дебата со министерката за финансии, Нина Ангеловска во емисијата Топ Тема изрази сомнеж за подготвеноста на власта да се справи со глобална рецесија во налетот на пандемијата на новиот коронавирус. Тој истакна дека надежта дека нема да има некој поголем шок за македонската економија не е план, а тоа не е паметна политика. Многу брзо може да се забават економските активности и во таква ситуација мора да се има план потенцираше Славески. -Видете да темелиме очекување дека ќе можеме да се справиме со некој посериозни последици од ширењето на новиот коронавирус по глобалната, балканските, европските економии и на крај нашата земја мислам дека не е паметна политика. Надежта дека нема да се случи некој поголем шок за македонската економија не е план. Имено оваа пандемија на коронавирусот го забрзува надоаѓањето на глобална рецеција за која што има навестување уште од минатата година, германската автоинфустрија, услугите во најголемата европска економија итн. Ние сме го виделе тоа и претходно во услови на екстерен шок кој што не е невозможен приходите може многу брзо да колабираат, извозот колабира, забавува економската активност и мораме да имаме план, вели Славески

Дерковски: Изборниот законик е со многу системски слабости

Ивана Ефремовски — Tue, 03 Mar 2020 19:44:18 +0000

Има многу непрецизности, многу системски слабости, многу работи се регулираат со други закони, а потоа се нафрлаат во изборен законик. Овој текст на изборен законик е менуван веќе 33-34 пати и веќе станува банално да зборуваме за потребата од негова промена. Ова вечерва го истакна Претседателот на Државната изборна Комисија, Оливер Дерковски во емисијата „Топ Тема“. -Внатре во самиот изборен законик има одредби кои се судираат една со друга и не можете да најдете правилно толкување. Сета среќа во ситуацијава е што како ДИК, имаме можност и право да носиме по0дзаконски акти, упатства, правилници, за некако да го доуредиме, истакна тој. Дерковски порачува дека треба прецизно доуредување на сите работи.

Славевски: Реално е дека наредната влада предводена од ВМРО-ДПМНЕ ќе ги зголеми платите за над 20%

Дарко Андоновски — Wed, 12 Feb 2020 18:50:18 +0000

Трајко Славевски, Член на извршниот комитет на ВМРО-ДПМНЕ во емисијата „Топ Тема“ зборуваше за економските мерки кои ВМРО-ДПМНЕ ги вети дека ќе ги преземе и реализира кога ќе ја преземе власта, поточно зборуваше како ќе се реaлизира растот на платите и пензиите од 20-25 % за четиригодишен мандат. -Се работи за збирен раст, секоја година 5%, вкупно 4 годни. Ако наредната влада предводена од ВМРО-ДПМНЕ може да го искористи целокупниот свој мандат, тоа би значело дека платите ќе порасната за над 20 до 25 %. И тоа не е воопшто нереално, сосема е реално, истакна Славевски. Тој во своето гостување зборуваше за стапката на раст и ако во првите две години се оствари стапка на раст од 4 % и ако се додаде номинално зголемување од инфлацијата 5% е сосема достижно за разлика од некои таргети кои уште ВМРО-ДПМНЕ во почетокот кога беа најавени ги критикуваше. Според него овде станува збор за просечната плата од 500 евра што не се реализира, минимална плата од16 000 денари што е далеку од реализација.

Александар Николоски вечерва на ТВ дуел со Бујар Османи во „Топ Тема“ во 19:15 часот

Дарко Андоновски — Wed, 02 Oct 2019 14:08:41 +0000

Потпретседателот на ВМРО-ДПМНЕ Александар Николоски вечерва ќе биде гостив во емисијата „Топ Тема“ на телевизија Телма. Тој ќе гостува заедно со Бујар Османи со кого преку ТВ дуел ќе дебатираат на актуелните политички прашања. Емисијата започнува во 19:15 часот. -Денес од 19:15 часот следете го мојот ТВ Дуел со Бујар Османи на ТВ Телма во емисијата Топ Тема. Ќе дебатираме за најактуелните политички прашања. Следете!, стои во неговиот пост на Фејсбук.

Николоски: Прашање е дали и во 2020 година Македонија ќе добие датум за преговори

Дарко Андоновски — Tue, 18 Jun 2019 19:52:05 +0000

Потпретседателот на ВМРО-ДПМНЕ, Александар Николоски во своето готување во емисијата „Топ тема„ ја информираше јавноста за неколку работи кои не и се познати на македонската јавноста во врска со датум за отпочнување на преговори за членство на Македонија во ЕУ. Имено едната е дека македонската влада во месец март е информирана од страна на неколку врни дипломати во оваа држава од земји членки на ЕУ дека нивото на реформи е ниско и дека во јуни нема да има датум за почеток на преговори и им е кажано да ги спуштаат очекувањата со цел „Да не се удрат во ѕид“. -Втора работа којашто и е многу добро позната на владата и ја крие од јавноста е дека неколку држави изработија свои извештаи за напредокот на Македонија. Тие извештаи и се познати на Владата затоа што им се доставени и се многу различни од извештајот којшто како целина го изработи Европската Комисија и удри заради пријателкиот однос на тие држави во моментот на драфтирање на тие извештаи. Но, тие извештаи се дадени на Владата со цел да се обидат да направат подобрување во одредени сектори, имајки предвид дека подобрување нема, истакна Николоски во своето гостување. Николоски рече дека очекувањата на Владата денес беа ќе добијат 2-3 бенчмаркови коишто ќе треба да ги реазлизираат до октомври, за во октомври да се определи датум. -Денес немаме ни бенчмаркови што значи дека најдоброто што може да го очекуваме во октомври е во октомври да добиеме неколку бенчмаркови за коишто ќе се даде временски период во којшто ќе требa да се реализираат, па доколку се реазлират дури тогаш да се определи датум за почеток на преговори, што значи во најбелото сценарио прашалник е дали до декември 2020 година ние можеме да очекуваме дека суштински би почнале преговорите со ЕУ,додаде Николоски.

Николоски: ЕУ сака да ни порача во една реченица Владата е неспособна и не испорачува

Дарко Андоновски — Tue, 18 Jun 2019 18:25:05 +0000

Потпретседателот на ВМРО-ДПМНЕ, г. Александар Николоски вечерва гостуваше на „Топ Тема“ при што појасни дека ќе имаме одредници во октомври од страна на ЕУ. Јасен е речникот и на ЕУ каде што се вели дека ќе се донесе одлука, а не дека ќе се донесе датум за преговори во октомври. Што значи дека во октомври во најдобар случај за нас одлуката на ЕУ ќе е направете ги 3,5 или 10 работи до март и ќе видиме во март што ќе правиме. -Не малцинството туку една држава ако не се согласува почеток на преговори нема да има. За жал на Македонија во овој момент тоа малцинство ако го соберете како економија, или ако го соберете како број на жители во ЕУ е мнозинство. Односно во малцинството како бројка спаѓаат најсилните држави во ЕУ. На почеток се обвинуваше само Франција дека е проблем сега еве гледаме дека и Германија е проблем. Па имавме една тирада против канцеларката Меркел ко да таа ги носи одлуките врз основа на тоа какво и е расположението наутро кога ќе се разбуди. Сето ова ние можеме да го гледаме колку сакаме широко но се сведува на една реченица Владата е неспособна и не испорачува, истакна Николоски. Николоски додаде дека владата не добива датум за преговори и е кажано уште во март во лице и брутално. Но секако дека во јавност го кажуваат на еден друг посебен и културен начин. Но фактите се дека втора година по ред Македонија не добива датум за преговори со ЕУ. А, ова е сосема спротивно од ветеното на оваа Влада.

Николоски: Поради СДСМ Македонија е доведена во ситуација да европските држави не сакаат да започнат преговори за членство

Дарко Андоновски — Tue, 18 Jun 2019 18:22:30 +0000

Во денешната емисија „Топ Тема“ гостуваше потпретседателот на ВМРО-ДПМНЕ, Александар Николоски кој посочи дека да се беше во ред во Македонија, да имаше спроведено реформи оваа Влада ќе добиеше датум уште лани. -Ако се беше во ред Македонија требаше да добие датум за почеток на преговори во јуни 2018 година. Ова е втора утешна награда која што структурите на владата се обидуваат да ја промовира. Треба да се вратиме на основите, а тоа е дека се до потпишувањето на Преспанскиот договор практично не постоеше ниту една пречка освен ветото кое што Грција секоја година го ставаше на одлуката за почеток на преговори помеѓу Македонија и ЕУ, појасни Николоски. Николоски во текот на емисијата рече и дека: „За да нас ни се случи да на 17 јуни минатата година се потпише тој Преспански договор и на 29 јуни ЕУ односно Советот да донесе одлука дека нема Македонија да започне преговори за членство. И да се одложи одлуката за една година. Тогаш прво премиерот Заев даваше изјави дека сме добиле датум за почеток на преговори со ЕУ и тоа е јуни 2019 година. За да потоа го посоветуваат околу него дека тоа не е баш така. Па да се каже дека ќе се одлучи во јуни 2019 година. Па гледавме изминативе неколку недели како се напаѓаа европските лидери на чело со Меркел директно и индиректно. Како тие да се виновни ова што се случува. Се ветуваа оставки на влада и предвремени избори за да сега се бега од таа работа и да се поставува октомври како датум“. Николоски додаде дека тој лани во април кажал ако не се спроведат реформите, а лани не се спроведоа и нема да има датум. -Македонија е доведена во ситуација да европските држави не сакаат да започнат преговори за членство. А, камоли да зборуваме за членство. Што е резултат на едно тотално фијаско. Тоа фијаско е во два дела, првото е неиспорачување на реформи, цвета корупција во државата, економијата оди наназад, немаме јасен систем на владеење на правото. Вториот дел од фијаско е апсолутно погрешната стратешка одлука донесена минатата година да влеземе во ист пакет со Албанија, истакна Николоски.

Милошоски: Власта само наоѓа изговори за неостварените ветувања кои ги имаат дадено на граѓаните

Дарко Андоновски — Tue, 07 May 2019 18:22:43 +0000

Антонијо Милошоски пратеник од редовите на ВМРО-ДПМНЕ и Коалицијата „За подобра Македонија“ во емисијата „Топ тема“ појасни дека неговиот колега Зекири што говори дека власта била зафатена со избори и затоа не можеле да се посветат на ветувањата е смешно, бидејќи не само на национално туку и на локално ниво ништо немаат направено. -Градоначалникот на Велес на пример или градаоначалникот на Прилеп, или на која било друга општина немал никаква работа со договорот од Преспа, ниту со референдумот, ниту би требало да има, не би било законски да има нешто да прави или да има влијание. Тие требало да се посветат на ветувањата кои ги имаат дадено на граѓаните, истакна Милошоски. Милошоски додаде дека очигледно е дека тие дадени ветувања без разлика дали биле на локално или државно, национално ниво, ниво на здравство или образовани власта ништо не исполни.