топ вест – Kurir.mk

Вилма Русковска суспендирана од работното место!

Ивана Ефремовски — Tue, 16 Aug 2022 13:54:48 +0000

Шефицата на Основното јавно обвинителство за гонење на организиран криминал и корупција, Вилма Русковска за МИА потврди дека е суспендирана од функцијата. Републичкиот јавен обвинител Љубомир Јовески, како што претходно денеска информираа од Јавното обвинителство, врз основа на член 81 од Законот за јавното обвинителство, донел Решение за оддалечување од функцијата на еден јавен обвинител додека трае кривичната постапка поведена по поднесена кривична пријава против него. Републичкиот јавен обвинител, се вели во соопштението од ЈОРМ, поднел предлог за поведување дисциплинска постапка за утврдување одговорност на тројца јавни обвинители, за кои постои сомнение дека намерно и неоправдано направиле крупна професионална грешка со што сториле тешка дисциплинска повреда. – Во согласност со член 93 од Законот за јавното обвинителство, Јавниот обвинител на Република Северна Македонија денеска поднесе предлог за поведување дисциплинска постапка за утврдување одговорност на тројца јавни обвинители, за кои постои сомнение дека намерно и неоправдано направиле крупна професионална грешка со што сториле тешка дисциплинска повреда од член 91 алинеја 6 од Законот за јавното обвинителство, се вели во соопштението од Јавното обвинителство.

Уште еден брод со украинско жито пристигна во Истанбул

Ристе Здравков — Sun, 07 Aug 2022 08:30:12 +0000

Бродот Ројен, кој исплови под малтешко знаме од пристаништето Черноморск, натоварен со 13.000 тони пченка, стигна до брегот на Истанбул. Ова е уште еден брод што превезува жито како дел од договорот потпишан на 22 јули од Турција, Украина, Русија и Обединетите нации (ОН) со цел да се обноват испораките на украинското жито од пристаништата на Црното Море. Како што јавува Анадолија, бродот „Ројен“, чија крајна дестинација е Велика Британија, ќе биде закотвен во Истанбулскиот Теснец, каде тим составен од претставници на Турција, Русија, Украина и ОН ќе изврши инспекција на бродот, по што бродот ќе го продолжи патувањето. Се очекува и бродот Поларнет, кој плови под знаме на Турција, и кој превезува 12.000 тони жито, наскоро да влезе во Истанбулскиот Теснец. Министерството за одбрана на Турција во петокот соопшти дека три брода со вкупно 58.000 тони пченка тргнале од украинските пристаништа за Турција, Велика Британија и Ирска. Во понеделникот од украинското пристаниште Одеса исплови првиот брод со жито, кој потоа го продолжи патувањето од Истанбул до Либан.

Фрчеа казни во Скопје- возачи и пешаци ВНИМАВАЈТЕ, засилените контроли продолжуваат

Катерина Бојаџиева — Sat, 09 Apr 2022 07:29:05 +0000

Во засилени акциски контроли во областа на сообраќајот вчера на територија на град Скопје се изречени 243 мерки, меѓу кои за возење повеќе од дозволената брзина 82 санкции, 18 мерки за возење без возачка дозвола, 25 санкции за недавање првенство на минување на пешаци. Како што соопшти Министерството за внатрешни работи, изречени се и седум мерки за користење мобилен телефон, 12 санкции за прекршоци што ги прават пешаците, осум мерки за управување под дејство на алкохол, четири санкции за минување на затворен сигнал (црвено светло), осум санкции за технички неисправни и нерегистрирани возила… – Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, велат од МВР.

Лајм: Бујар Османи му наредува на македонскиот директор да постави табла и на албански јазик (ВИДЕО)

Дејан Никола — Mon, 16 Sep 2019 08:13:40 +0000

Вицепремиерот за европски прашања Бујар Османи објави видео на кое се гледа како се грижи за двојазичноста во Северна Македонија. Тој заедно со директорот Илбер Села ги проверуваат сите табли на институциите кои немаат натписи и на албански јазик. Османи наиде на Агенцијата за администрација каде се гледа дека таблата е само на македонски јазик, при што вицепремиерот Османи веднаш му се јави на директорот Спасе Глигоров и му нареди, таблата која е на македонски јазик да ја направи и на албански јазик. Ова може да се види на 5:30 од видеото постирано од Бујар Османи