Герила акција на студенти на УКИМ: „Јас не ја разбирам Мила“, а „Цезар не е само салата“!

Магдалена Андонова — Fri, 25 Dec 2020 15:59:39 +0000

„Не ја предаваме историјата“, „Но пасаран“ и „Јас не ја разбирам Мила“ се дел од пораките кои денеска се појавија на кампусот на Универзитетот „Св. Кирил и Методиј“ и пред Владатa, јави Радио МОФ. Станува збор за герила акција на студенти од Институтот по историја при Филозофскиот факултет, со која се спротивставија на понудениот Концепт на Министерството за образование и наука за основно образование. - Како историчар ми пречи тоа што таканаречениот Концепт што го понуди МОН е донесен без консултација со професорите историчари и без воопшто да се информира струката што утре ќе треба да ги спроведе „реформиве“ во дело во училиштата. Ми пречи и тоа што идејните творци на т.н. Концепт покажуваат непознавање на материјата што сакаат да ја реформираат. Најмногу ми пречи, пак, тоа што „Концептот“ предвидува интегрирање на историјата со науки од сосема поинаков вид. А сето ова се прави во момент кога македонската историја и македонскиот идентитет се нападнати и оспорени однадвор. Како претседател на сите студенти на Филозофскиот факултет, ми пречи што освен предметот историја се засегнати и редица други предмети за кои кадарот произлегува од неколку Институти на Филозофскиот факултет, што според мене значи дека се загрозува иднината на сите сегашни и идни наставници и професори од сферата на хуманистичките и општествените науки“, вели Димитар Коруноски, дипломиран историчар и претседател на Факултетското студентско собрание на Филозофски факултет. Целиот текст мое да го прочитате на РАДИО МОФ.

Мисајловски: Со предлог законот за ЈО, СДСМ и Заев сакаат да се заштитат од криминалите и корупцијата

Ристе Здравков — Sun, 09 Feb 2020 18:09:29 +0000

Ние сакаме да се донеси Закон за јавно обвинителство, но сметаме дека правната фела треба да се вклучи целосно. Има доста забелешки, има доста критики на законот и не е јасно зошто власта не сака да прифати ниту една критика од она што го кажуваат најстручните луѓе, вели потпретседателот на ВМРО-ДПМНЕ Владо Мисајловски во гостување во емисијата Трилинг на ТВ 24. Мисајловски посочи дека ВМРО-ДПМНЕ ќе го поддржи Законот за јавно обвинителство само доколку истиот е составен од најеминентните луѓе, додавајќи целта на СДСМ со предлог законот е да формира ново СЈО кое што ќе ги штити криминалните афери и скандали на СДСМ. -Нашето барање е да се состават најпрофесионалните и најквалитетните луѓе од фелата , се со цел да се донесе еден европски Законот за јавно обвинителство, а ние ќе го поддржиме. Не ни е јасно зошто СДСМ толку многу брзо со донесување на овој закон, а од друга страна сака да направи едно ново Специјално јавно обвинителство каде што ќе оживеат старото СЈО, а од друга страна се што направија овие три години се криминали, афери, скандали и имаат луѓе што таму ќе ги заштита. Тоа е целта на овој закон, нагласи Мисајловски. Мисајловски смета дека Законот за јавно обвинителство мора да е европски закон, применлив и во интерес на граѓаните, а не во интерес на криминалот и уцените. -Се разбира ВМРО-ДПМНЕ е подготвена да разговара за овој закон и многу пати тоа сме го покажале. Ние не сакаме заштита на никаков криминал, единствено сакаме да се донесе закон кој што биде добар, применлив и во интерес на сите граѓани. Треба целосно да се гонат сите оние криминали од минатото и сега, но да се внимава да не се затскриваат сите афери од страна на СДСМ кои што сега ги прави и сакаат повторно тој тим кои што си го избраа да биде нивниот тим за повторно да го гони ВМРО-ДПМНЕ, од друга страна тие да се заштитени. Тоа нема да се дозволи, порача Мисајловски. Во однос на кампањата на ВМРО-ДПМНЕ за обнова на Македонија, Мисајловски е дециден дека обновата на Македонија мора да се случи бидејќи во овие три години од владеење на СДСМ нема никакви капитални инвестиции и проекти, ниту пак решавање на проблемите на граѓаните. На Македонија и треба обнова бидејќи е разурнат системот. Ние моментално сме прогласени за најкорумпирана земја во Европа. Корупцијата е длабоко навлезена во институциите Обновата на Македонија ќе се случи бидејќи е потребно капитални инвестиции, изминатите три години немаме ниту една капитална инвестиција, ветија клинички центар нема ништо од тоа, ветија многу автопати и од тоа нема ништо, ветија многу детски градинки и од тоа нема ништо. Проблемите на граѓаните мора да се решат, а јасно е дека оваа власт не ги решава, кажа тој.

топ вестиж – Kurir.mk

Герила акција на студенти на УКИМ: „Јас не ја разбирам Мила“, а „Цезар не е само салата“!

Мисајловски: Со предлог законот за ЈО, СДСМ и Заев сакаат да се заштитат од криминалите и корупцијата