топ всти – Kurir.mk

Лефков: Владата е спремна да прифати предлог кој носи бесконечно преговарање со една цел асимилација

Тале Кристо — Fri, 08 Jul 2022 13:20:21 +0000

Овде сме на регионалниот пат Струмица – Радовиш, уште еднаш да кажеме громогласно НЕ за дипломатскиот нокаут којшто го доживеавме како држава, изјави денескапратеникот и член на ИК на ВМРО-ДПМНЕ Миле Лефков. -Се наоѓаме пред асимилација и бугаризација на Македонија. Тргнуваме во еден лавиринт од кој што ќе нема излез и се подготвува влез којшто ќе биде бесконечно преговарање кој ќе има една цел – асимилација. Овде сме заедно со струмичани, заедно со луѓето Василево, Босилово, Ново Село, Конче Радовиш, Гевгелија, Валандово. Практично целиот југоисток е овде за да кажеме громогласно НЕ. Конечно неизбраниот премиер Ковачевски, да го слушне својот народ да ги слушне повиците на илјадници луѓе коишто маршира во главниот град еден до еден и кои што кажаа не, не прифаќаме вакво понижување, рече Лефков. Лефков додаде дека ВМРО-ДПМНЕ власта преговара за мртов предлог затоа што го немаат потребното мнозинство. -Време е да се слушне македонскиот народ и да престанат со игрите и она што го слушаме дека предлогот ќе дошол во Собрание. Еве од овде сите заедно со други колеги пратеници ве уверуваме дека ВМРО-ДПМНЕ нема да го даде потребното мнозинство. Практично преговараат за еден мртов предлог затоа што го немаат потребното мнозинство за отворање на Уставот. На овој начин се прави само поделба, дополнителна поделба и дополнително формализирано понижување на македонскиот народ. Ние ова не го заслужуваме. Веднаш бараме да престане ваквиот понижувачки однос кон македонскиот народ. Македонци сме од памти век и тоа ќе останеме засекогаш. Нема предавање, нема враќање назад. Таче слушни го твојот народ и престани со понижувањето, повика Лефков.

„Блумберг“: Македонија со ова темпо на вакцинација ќе стекне колективен имунитет за 10 години- последни во регионот

Катерина Бојаџиева — Wed, 07 Apr 2021 21:04:11 +0000

Со ова досегашно темпо на вакцинација, Македонија ќе стекне колективен имунитет за повеќе од 10 години, покажува истражувањето на „Блумберг“. -Во Македонија, најновите податоци покажуваат дека во просек се дава по 651 доза на ден. Со ова темпо, потребни ќе бидат уште 10 години за да се имунизира 75 отсто од популацијата, пишува „Блумберг“. За разлика од Македонија, на Албанија потребни ќе и бидат уште само девет месеци за да се имунизира 75 проценти од населението. Бугарија ќе стекне колективен имунитет за три години од сега. Србија е лидер по вакцинација во регионот и за четири месеци веќе ќе бидат имунизирани 75 отсто од луѓето. На Грција пак, со ова темпо ќе и биде потребна една година за да дојде до посакуваниот колективен имунитет.

Данела Арсовска: Немаше доволна дебата околу законот за прогресивно оданочување

Ристе Здравков — Tue, 06 Nov 2018 20:37:37 +0000

Во вечерашната емисија Отворено на Тв 24 гостуваа актуелниот министер за финансии Драган Тевдовски универзитетскиот професор , поранешен министер за економија Трајко Славески и Данела Арсовска од Сојузот на стопанските комори каде што се зборуваше за економијата и за прогресивното оданочување кое е актуелно во јавноста. Арсовска на прашање на новинарот дали сметаат дека овие промени во поглед на оданочувањето се козметички кажа дека она кое што ги загрижува бизнисите е дека Владата не дозволила доволна дискусија околу ова прашање. „Најпрво се работи за нешто кое што сметаме дека немаше доволно дискусија за да можат да се дадат консултивни решенија односно да се даде наш инпут како понатаму не би имало проблеми при имплементацијата “ Таа исто така спомна дека оваа измена и реформа не ги опфаќа само платите туку и договорите на дело преку хонорарите кои што се најчесто луѓе кои преставуваат дефицитарни професии во Република Македонија како и оданочување на дивидендите и слично. Арсовска истакна дека со ваква даночна реформа се стимулира и сивата економија што е погубно за економијата.