топ – Kurir.mk

Барди: Подготвен сум за настап на ЕП

Дарко Андоновски — Wed, 09 Jun 2021 12:50:56 +0000

Фудбалерот од средниот ред на македонската репрезентација, Енис Барди рече дека е подготвен за настап на Европското првенство. За потсетување, Барди пропушти поголем дел од подготовките во Скопје поради позитивен тест на коронавирус. – Ми беше тешко во карантин и мислев дека ќе го пропуштам Европското првенство. Среќа добро се заврши. Тренирав индивидуално и кога бев во изолација, па подготвен го дочекувам шампионатот. Секој од нас со нетрпение ги чека натпреварите и убеден сум дека ќе даде максимум на теренот. Јас веќе имам искуство од младинското ЕП, но ова е нешто друго. Не дојдовме овде да бидеме аутсајдери. Сакаме на сите да им покажеме дека и Македонија има квалитет и дека знае да игра одличен фудбал. Ќе уживаме во секој момент од ЕП, изјави Барди. Македонската репрезентација првиот натпревар на ЕП ќе го има на 13 јуни во Букурешт против Австрија. Во групата Ц се и селекциите на Украина и на Холандија.

Трипуновски: Калиманско езеро е десеткувано, и е доведено до раб на пресушување заради алчноста на власта

Ивона Петрова — Sun, 15 Nov 2020 09:36:28 +0000

Езерото Калиманци е пресушено во целост. Од 120 милиони метри кубни вода колку што е капацитет на истото, во моментот имаме само 19 милиони метри кубни вода. Тоа значи дека власта ја десеткувала акумулацијата, изјави Цветан Трипуновски од ВМРО-ДПМНЕ. Тој посочи дека Калиманското езеро е доведено на раб на пресушување и до раб на биолошки минимум. -Претераната потрошувачка на вода со цел производство на струја во летниот период придонесе Македонија да се соочува со најголемата криза во последните децении. Езерото не е оперативно. А иста е состојбата низ цела држава. Доколку зимото кое е пред нас нема доволно врнежи се доведува под знак прашалник дали воопшто ќе биде исполнет капацитетот на акумулацијата. А со тоа се доведува во прашање како понатамошното производство на струја од истото, така и наводнувањето на земјоделските површини долж реката Брегалница од Виница и Кочани па се до Велес односно со тоа се загрозени директно илјадници земјоделци кои што егзистираат од оваа дејност, нагласи тој. Трипуновски вели дека Зоран Заев и СДСМ ја ставаат цела држава во залог. -Македонија тоне со СДСМ. За оваа проблематика веќе алармиравме во текот на пролетта, но ниту тогаш ништо не се презема и затоа сме денес каде што сме. Потребен е итно стратешки пристап на проблемот, со аматеризам со кој пристапува СДСМ само се влошува состојбата со акумулациите ширум Република Македонија, изјави Трипуновски.

Ладен туш за СДСМ, Јанша со твит: Помошта е по барање на Мицкоски

Тале Кристо — Sun, 05 Apr 2020 09:32:08 +0000

Пред неколку дена на скопскиот аеродром слета првиот авион од Словенија со хуманитарна помош од стотина илјади заштитни маски и ракавици за македонските институции, и тоа е единствената помош која што Република Македонија ја добила од друга земја за време на пандемијата која го зафати целиот свет. Лидерот на ВМРО-ДПМНЕ Христијан Мицкоски во интервју за една национална телевизија информираше дека всушност помошта од Словенија пристигнала по претходен негов разговор со словенечкиот премиер и истата веќе тогаш пристигнала и ќе можат да ја користат оние на кои најмногу им е неопходна и кои се во првите борбени линии со невидливиот непријател. Инаку, со твит се јави и премиерот на Словенија Јанез Јанша, кој што потврди дека помошта е испратена по барање на лидерот на ВМРО-ДПМНЕ Христијан Мицкоски, кој што го информирал дека состојбата во Македонија со коронавирусот е загрижувачка. -Веднаш по разговорот со Христијан Мицкоски во кој ме извести за сериозната ситуација во Македонија во врска со коронавирусот, го поврзавме министерството за одбрана на Словенија со министерството за внатрешни работи на Македонија за да испратиме помош на пријателската држава. Истовремено јас лично им се јавив на неколку лидери од ЕУ, да ги потсетам да не заборават на државите од Западниот Балкан. Додека власта спие, а Филипче глуми портпарол, Мицкоски во неодамнешното интервју најави дека уште еден авион со хуманитарна помош ќе пристигне во Македонија. Истата ќе биде од една пријателска држава и треба да пристигне во текот на неделата, а ќе биде реализирана повторно благодарение токму на лидерот на ВМРО-ДПМНЕ Христијан Мицкоски.