топанско поле – Kurir.mk

МВР работи на расчистување на случајот во кој вооружени лица нападнале чувар во деловен објект во Скопје

Тале Кристо — Wed, 07 Dec 2022 11:57:38 +0000

Министерот за внатрешни работи Оливер Спасовски денеска информираше дека се работи на расчистување на случајот во кој неколку лица со закана со оружје изутрината во деловен објект во Скопје нападнале чувар, а потоа запалиле неколку банкомати кои биле во склоп на деловниот објект. – Кога ќе има информации во однос на тоа, ќе ги споделиме со јавноста, одговори Спасовски на новинарското прашање за повеќе информации во однос на овој случај. Во 05.54 часот во СВР Скопје било пријавено дека во деловен објект на ул.„М.К.Бригада“ во Скопје неколку лица со закана со оружје го нападнале чуварот Ш.М. Потоа, како што информираа од МВР, запалиле неколку банкомати кои биле во склоп на деловниот објект.

Вооружен напад утрово во Топанско поле, запалени банкомати во Трговскиот центар

Тале Кристо — Wed, 07 Dec 2022 08:49:45 +0000

Вооружен напад се случил рано утринава пред 6 часот во Трговскиот Центар во населбата Топанско Поле, објави Телма .

Неколку лица со закана со оружје го нападнале чуварот во објектот, а потоа запалиле неколку банкомати кои биле во склоп на деловниот објект. Се преземаат мерки за расчистување на случајот, соопштија од МВР.

Ужасна случка во скопска населба: Прегазиле старец, го ограбиле и го фрлиле во слепа улица – човекот починал

Тале Кристо — Thu, 26 May 2022 20:44:25 +0000

70-годишниот Ахмед Кокица пред две недели излегол од работа, кога на пат кон дома и бил прегазен од автомобил на крстосница во скопската населба Топанско поле, пишува Алсат. Според членовите на семејството, луѓето кои биле во автомобилот, наместо да му укажат помош и да го однесат во болница, го ограбиле старецот и го оставиле во слепа улица. Тој паднал во кома и починал по неколку дена. Ахмед работел во угостителски објект до 22 часот и тргнал кон дома, но ноќта на 12 мај не се вратил. Роднините не можеле да го добијат на мобилниот телефон зашто виновниците веројатно го фрлиле. -Според првите информации на докторката тој ден кога отидовме во болницата, кажувајќи ни го случајот, таа рече дека починатиот бил прегазен на пешачки премин. Сомнежите се дека го прегазиле, го зеле и го фрлиле во слепата улица, изјави за Алсат неговиот роднина Шемун Амети. Во потрага по траги, земени биле снимките од безбедносните камери од околината каде се случила несреќата, но надлежните не даваат информации дали возилото е идентификувано. Од јавното обвинителство велат дека се во почетна фаза на случајот. Од МВР велат дека случајот во полиција бил пријавен околу два часот по полноќ. По доаѓањето на местото на настанот го нашле Ахмет со тешки телесни повреди и речиси без знаци на живот. Го однеле во Клиничкиот центар „Мајка Тереза“. -Во разговор со медицинскиот персонал на Клиниката за токсикологија изјавил дека се здобил со повреди од удар на возило. Полициски службеници од единицата за сообраќајни незгоди при СВР Скопје извршиле разговор со медицинскиот персонал, по што бил известен Јавен обвинител кој дал упатства за понатамошно постапување. СВР Скопје работи на расчистување на случајот велат од МВР. Според извештајот од Судска медицина, обдукцијата покажала дека Ахмед Кокица имал траги од силни удари од страната на половината со скршени ребра и пршлени. Од здобиените повреди на виталните органи паднал во кома сè до 18 мај, кога починал во болницата. Роднините ангажирале и адвокат, бидејќи се сомневаат дека има обиди настанот да се забошоти. Тие бараат итно да се откријат виновниците. -Има сомневања дека оние кои го прегазиле го фрлиле и му ги зеле парите, чантата, телефонот и сакале да го сокријат случајот. Сега велат дека имал шише во џебот, сега не разбирам. Ем го удрило возило, ем шишето не се скршило, а сè друго зеле. Немам друг коментар, изјави неговот роднина Шемун Амети.

Познат идентитетот на убиениот скопјанец

Ивана Ефремовски — Wed, 01 Sep 2021 14:07:27 +0000

На 01.09.2021 во 09.12 часот во СВР Скопје било пријавено дека во населба Топанско поле било пукано во Е.Б.(33) од Скопје, кој починал од повредите. Се преземаат мерки за расчистување на случајот.

Убиство утринава во Скопје

Ивона Петрова — Wed, 01 Sep 2021 09:45:46 +0000

Едно лице е убиено утринава во скопски Чаир.

Од МВР потврдуваат дека случајот кај нив е пријавен во 9:21 часот.

-Пријавено е дека во населба Топанско Поле во близина на бензинска пумпа било пукано во Е.Б. кој починал од повредите. Се преземаат мерки за расчистување на случајот, велат од МВР.

Јавен обвинител и екипи на МВР се на терен.

ФОТО: Обвинителката Фатиме Фетаи вечерва доживеала сообраќајна несреќа, веднаш била префрлена во болница

Тале Кристо — Thu, 24 Jun 2021 23:49:05 +0000

Поранешната специјална обвинителка Фатиме Фетаи доцна ноќеска во Топанско поле доживеала сообраќајна незгода. Имено, насреќата меѓу две возила Поло и Сеат Ибица се случила на раскрсницата кај улицата Џон Кенеди, пишуваат албанските портали во земјата. Според информациите, а како што пренесуваат медиумите, судирот не бил силен, направена е материјална штета и возачите се здобиле со лесни повреди. Обвинителката, Фатиме Фетаи како што пишува ин7, со друго возило е однесена во болница на контрола, а нејзината состојба не треба да биде сериозна. Фотографии од несреќата можете да погледнете ТУКА

Сцени од крвавото место на настанот: Познато е кои момчиња се убиени синоќа во Топанско (ВИДЕО)

Ивана Ефремовски — Fri, 05 Mar 2021 15:47:14 +0000

Локвите крв и стакло од изрешетаниот автомобил сведочат за убиството кое го потресе Топанско поле. Смртно застрелани биле 24-годишниот Бурим Вардар и 28-годишниот Африм Бериша. Двојното убиство се случило после 2 часот по полноќ на улицата пет која се спојува со булеварот Македонско-косовска бригада. Безживотните тела на двајцата скопјани биле пронајдени во автомобил „Цитроен“ со скопски регистрации. Околу возилото полицијата пронашла повеќе чаури од пиштол и автоматска пушка. Полицијата засега нема информации кој и зошто пукал кон автомобилот во кој се наоѓале двете лица. Пукањето ги разбудило жителите на населбата.. Пред камерата на Сител сведочат дека слушнале рафални истрели. Ова е втор инцидент со огнено оружје неделава. Во понеделникот полицаец беше повреден во Ѓорче откако во него било пукано од автомобил во движење. Во врска со случајот полицијата приведе двајца косовски државјани, но обвинителството ги ослободи бидејќи немало докази дека тие пукале во службеното лице. Целиот прилог на СИТЕЛ погледнете го во пшродолжение:

НАЈНОВИ ДЕТАЛИ: Познат идентитетот на убиените во Топанско, пронајдени чаури од автоматска пушка

Ивона Петрова — Fri, 05 Mar 2021 08:20:01 +0000

Двојно убиство се случило синоќа во скопската населба Топанско Поле.

Од полицијата за Курир велат дека добиле пријава во 02:35 за пукање на бул.„Македонско – Косовска бригада“.

-По излегување на местото на настанот од страна на полициски службеници, било пронајдено патничко моторно возило „цитроен“ со скопски регистарски ознаки и две лица кои не давале знаци на живот. Од страна на лекар од Итна медицинска помош била констатирана смрт кај двете лица, велат од МВР за Курир.

Утврдено е дека убиените се двајца скопјани, А.Б. (28) и Б.В. (24). Полициските екипи на местото на двојното убиство пронашле чаури од пиштол и автоматска пушка.

Од МВР додаваат дека се преземаат мерки и активности за расчистување на случајот.

Пронајдена мајката која си го остави новороденчето во парк- еве ги деталите

Дарко Андоновски — Thu, 16 May 2019 11:47:03 +0000

Полицијата ја пронашла мајката која го остави своето новороденчето во парк до скопската населба Топанско Поле. Таа е малолетна и дала изјава дека не е во можност да се грижи за бебето, а тоа нема друг родител. Во присуство на нејзината мајка која и е законски старател, девојчето било однесено на лекар, објавува Слободен Печат. – Малолетната мајка даде изјава дека не е во можност да се грижи за своето дете поради што, откако ќе се стабилизира неговата здравствена состојба, тоа ќе биде префрлено во згрижувачко семејство. Мајката има рок од три месеци да се предомисли, а ако тоа не се случи, бебето ќе биде дадено на посвојување – вели Наташа Станојевиќ, директорка на Цетарот за социјални работи во Скопје. Дали мајката ќе одговара затоа што детето го оставила во паркот веднаш по породувањето, ќе треба да се изјасни полицијата. Бебето пред два дена беше пронајдено во парк во Топанско Поле од случаен минувач. Потоа беше пренесено на Клиниката за детски болести каде му е дадена неопходната медицинска грижа и тоа е во добра општа состојба.

Позната состојбата на новороденчето оставено во трева во Топанско

Дарко Андоновски — Wed, 15 May 2019 08:07:46 +0000

Бебето најдено во парк во Топанско поле било родено вчера и веднаш по раѓањето, голо било оставено во тревата. Случаен минувач го слушнал плачењето на новороденчето и пријавил во полиција, пренесува Слободен Печат. Од Клиниката за детски болести велат дека, иако бебето било оставено во несоодветни услови, сега е во добра општа состојба. – По папочната врвца и состојбата може да се заклучи дека бебето е родено вчера. Донесено беше голо, но веднаш ставено во инкубатор да се загрее. Дадена е соодветна терапија и засега е во добра состојба – за Слободен Печат вели Катерина Ставриќ, директорка на Детска клиника. Таа нагласува дека досега ваков случај, штотуку родено бебе да биде оставено на улица, немале. Од полиција велат дека работат на откривање на идентитетот на мајката и околностите во кои новороденчето било оставено во тревата веднаш по раѓањето.