топење – Kurir.mk

Најмоќниот напиток за топење на мастите: Само две лажици дневно ќе ви помогнат да го доведете струкот до совршенство

Ристе Здравков — Mon, 07 Nov 2022 15:14:03 +0000

Користејќи го овој сируп, ќе го намалите обемот на половината и ќе се ослободите од вишокот вода во телото. Неговите состојки се добри и за видот, слухот и меморијата. Главната состојка на овој еликсир за слабеење е рен, намирница богата со витамин Ц, калиум, витамини Б1 и Б6, железо, витамин Б2, магнезиум и фосфор. Ренот, исто така, го забрзува метаболизмот, го намалува заморот и го стимулира развојот на добри бактерии во цревата. Состојки: - 125 грама свеж рен; - 4 лимони; - 3 лажици мед; - 2 лажички цимет; - 2 сантиметри корен од ѓумбир. Подготовка: Измешајте ги ренот и ѓумбирот во блендер. Во нив додадете го исцедениот сок од лимон и мешајте во блендер уште три минути. Потоа додадете ги медот и циметот и продолжете со мешањето додека сè убаво не се соедини. Сирупот истурете го во стаклена тегла. Земајте по една лажица двапати на ден пред јадење или пред вежбање. Консумирајте го три недели, а потоа направете пауза неколку дена.

ЗАГРИЖУВАЧКИ: Трета најголема загуба на мраз на Гренланд за еден ден, температурите алармантни

Ивона Петрова — Sat, 31 Jul 2021 06:53:31 +0000

Гренланд во средата загуби огромно количество мраз, што се стопи поради високите температури предизвикани од климатските промени. Според научниците стопената вода е доволна за да ја покрие американската сојузна држава Флорида со 5,1 сантиметри. Тоа е трета најголема загуба на мраз на Гренланд во еден ден од 1950 година. Другите два рекорда се случија во 2012 и во 2019 година. Брзото топење е последица на топлиот воздух, заробен над арктичкиот остров, што го смени моделот на атмосферска циркулација. Тоа може да доведе до уште поголемо топење на мразот. – Само во средата (28 јули), околу 22 гигатони мраз се стопија, од кои 12 гигатони се влејаа во океанот, а 10 гигатони беа апсорбирани од снежната покривка, што може повторно да ја замрзне водата, изјави климатолог на Универзитетот во Лиеж во Белгија, Хавиер Фетвајс. Во средата, температурите на воздухот над Гренланд беа алармантни, при што во Констабл Пинт, во источниот дел на островот, достигнаа дури 23,2 степени Целзиусови. Данска група истражувачки институции на Арктикот, Поларен портал, на Твитер го опиша феноменот на Гренланд како „настан за масовно топење“. Иако волуменот на топење е помал отколку во 2019 година, погодената област е поголема. Научниците проценија дека топењето на ледената покривка на Гренланд, втората по големина на Земјата после Антарктикот, предизвика зголемување на глобално ниво на морињата за околу 25 проценти во изминатите децении. Научниците предупредуваат дека моделите што се користат за проектирање на идната загуба на мраз не го регистрираат влијанието на променливите обрасци во циркулацијата на атмосферата, што значи дека можеби се потценува идното топење на мразот во Гренланд.

Исландските глечери се топат многу брзо, им се заканува целосно исчезнување

Ивона Петрова — Tue, 01 Jun 2021 05:57:07 +0000

Исландските глечери, на кои им се заканува целосно исчезнување до 2200 година, веќе изгубија 750 километри квадратни површински простор од почетокот на 2000 година или седум проценти од вкупната површина, како резултат на глобалното затоплување, покажуваат податоците на најновото истражување. Вкупно површината на глечерите, кои сè уште опфаќаат нешто повеќе од 10 проценти од островската држава, падна во 2019 година на 10.400 квадратни километри, според публикацијата во научното списание „Јокул“. Од 1890 година, површината на глечерите е намалена за околу 2.200 квадратни милји или 18 проценти. Но, речиси една третина од тоа намалување се одвиваше од 2000 година, според последните податоци на исландските експерти за глечери, геолози и геофизичари. Повлекувањето за две децении претставува речиси вкупна површина на Хофсјакул (810 км2), трета по големина ледена капа на северноатлантскиот остров. „Измените на површината на глечерите во Исланд од 1890 година покажуваат јасен одговор на климатските промени“, истакнуваат научниците. Во 2014 година, Исланд беше сведок на првото исчезнување на еден од неговите глечери, Окјекула, поради глобалното затоплување.

10-минутен утрински тренинг за топење калории

Ристе Здравков — Tue, 01 Sep 2020 13:13:13 +0000

Фитнес рутина која може да ја практикувате секој ден. Со помош на овие вежби ќе се чувствувате подобро и ќе имате енергија во текот на целиот ден.

Земјата од 1994 година изгубила 28 трилиони тони мраз

Ивона Петрова — Sun, 23 Aug 2020 08:58:06 +0000

Од 1994 година од површината на Земјата се изгубени вкупно 28 трилиони тони мраз, а до овие податоци дојдоа британските научници кои користеле сателити за да ја истражат површината на Земјата. Ова количество на загубен мраз научниците од универзитетите во Лидс, Единбург и Лондон го опишаа како „зачудувачко“, пишува „Гардијан“. -Доколку глечерите и ледените плочи продолжат да се топат со ова темпо, секој сантиметар раст на нивото на морето ќе значи околу еден милион луѓе да бидат раселени од нивните домови, објасни професорот Енди Сефард од Универзитетот во Лидс. Научниците посочуваат дека топењето на мразот во овие количества сериозно ја намалува можноста Земјата да го одбие сончевото зрачење назад во вселената. Мразот исчезнува, а морето или земјата под него апсорбираат се повеќе топлина, со што се зголемува затоплувањето на планетата. -Истражувачите во минатото проучувале само одредени области, како што се Антарктикот или Гренланд, гледајќи каде и колку се топи мразот. Ова е прв пат некој да ја проучи целата површина на земјата. Она што го најдовме не остави без зборови”, рече Сефард.

Рекордно топење на Гренланд, мразот се губи седум пати побрзо отколку во ’90

Ивона Петрова — Fri, 21 Aug 2020 06:26:14 +0000

Топењето на мразот на Гренланд лани повторно се зголеми и го урна претходниот рекорд за 15 отсто, предупредуваат научниците. Според новата анализа, нивото на распаѓање е „невидено“, врз основа на мерењата почнати уште во 1948 година. Непосредна причина за огромната загуба на мразот е фактот дека високите системи за притисок на воздухот минатото лето беа блокирани над Гренланд, но авторите на анализата веруваат дека емисиите на јаглерод го воведуваат овој остров во ерата на екстремно топење, пренесува Би-Би-Си. Студијата укажува дека уделот на Гренланд во глобалното ниво на морето значително се зголеми во последните 30 години, бидејќи е зголемено количеството на стопен мраз. Меѓународниот извештај од декември минатата година посочува дека Гренланд губи мраз седум пати побрзо отколку во текот на 90-тите години. Новата студија потврдува дека овој тренд продолжува. Истражувачите тврдат дека Гренланд во текот на целата година изгубил 532 гигатони мраз, што е значително зголемување во однос на 2012 година. Научниците објаснуваат дека ова количество на стопен мраз додава 1,5 милиметри на глобалното ниво на морето, што е околу 40 проценти од просечното зголемување за една година. Според пресметките на данскиот климатолог Мартин Стендел, загубата на мраз од минатата година е доволна за да ја покрие цела Велика Британија со околу 2,5 метри вода.

ФОТО: На Арктикот исчезнаа санти мраз стари 5.000 години

Ивона Петрова — Thu, 06 Aug 2020 05:48:26 +0000

Нови сателитски слики од НАСА покажаа дека две големи санти мраз во канадскиот залив на Сент Патрик целосно исчезнале. Поголемата имала површина од 3 квадратни милји, а помалата 1,1 милја и тие од 1959 година се намалувале поради глобалното затоплување. Научниците проценуваат дека сантите се формирале пред околу 5.000 години и дека биле значително поголеми од 16 до 19 век, во периодот познат како „Мало ледено доба“, јави Си-Ен-Ен. Од 2015 година тие две санти почнаа да се топат брзо, па сигурно беше дека ќе исчезнат во блиска иднина, но Марк Сиризи, од Националниот центар за проучување на снегот и мразот, вели дека тој се уште е изненаден што исчезнале многу побрзо отколку што очекувале. – Едноставно, премногу е топло на Земјата, изјави Сиризи, додавајќи дека исчезнувањето на двете санти од заливот Сент Патрик претставува сериозно предупредување за тоа што се случува на Арктикот.

Глобалното затоплување-главен виновник за појавување на нови потенцијални и смртоносни вируси!

Тале Кристо — Wed, 08 Jul 2020 11:16:43 +0000

Научниците предупредуваат за вознемирувачката состојба на Арктикот. Во последните две недели, температурите на Сибир се значително високи, достигнувајќи дури рекордни 38 степени целзиусови. Поради топлиот бран, избија и голем број на пожари кои зад себе оставија јаглен како и јаглерод диоксид кој може да се каже дека е поради климатските промени. Додека научниците кои се фокусираат на климатските промени размислуваат, светот се бори со ширењето и мутирањето на коронавирусот. Тие се плашат дека со топењето на ледените површини и зголемените температури, на површина ќе дојдат и многу нови вируси. -„Се претпоставува дека бактериите можат многу долго да преживеат во ледот но не се знае колку точно, дали 50.000 или 500.000 години?“, се прашуваат научниците. Доктор Клавер предупредува дека опасноста не е само да се одмрзнат ледените површини туку и во се поголемата присутност на луѓето и животните. -„Ова е рецепт за катастрофа, бидејќи тука има „свежи“ вирус. А кога ќе се стопи ледот тој ќе се размножува поради топлината и ќе зарази некого“, вели Клавер.

Брзи и ефикасни утрински вежби за топење маснотии

Ристе Здравков — Wed, 06 May 2020 07:34:16 +0000

Фитнес инструкторката, Наташа Јовановска, нуди утринска програма во времеметраење од само 15 минути со која можете во домашни услови да топите маснотии. Програмата е едноставна и е наменета за сите. Не се грижете доколку не можете да ги направите сите вежби одеднаш. Не се преоптоварувајте и одете чекор по чекор, ден по ден доколку ви е заморно.

View this post on Instagram

?HIIT IN THE PARK? High intensity interval training - ?Short intense workouts?very effective for weight loss? burns calories even after the workout ?excellent for those who don't like long cardio session. Work 40 sec,rest 20 sec,repeat 4 times and done???☑️ - ☑️Jump squats ☑️Plank jumps ☑️ Inchworms w/push up ☑️ High knees . . . . #hometraining #homeworkoutroutine #homeworkoutvideos #homevideos #workoutvideos #workoutathome #hiit #highinensity#intervaltraining #highintensitytraining #hiitworkouts #cardioworkout #cardio #outdoorworkout

A post shared by Natasha Jovanovska (@romanoff_dynasty) on May 5, 2020 at 8:39am PDT

Смрзнатата плоча на Гренланд забрзано се топи

Ивона Петрова — Thu, 16 Apr 2020 05:37:17 +0000

Гренладнската ледена плоча минатата година се намалила најмногу од периодот кога во 1948 година почнаа да се бележат податоците за неа, покажуваат најновите истражувања. Лондонски „Индипендент“ пренесува дека истражувачите откриле дека големиот пад на површинската маса го предизвикале не само високите температури на воздухот, туку и одредени атмосферски услови кои станале зачестени заради климатските промени. „Со децении го уништуваме мразот што настанувал со илјадници години“, изјави раководителот на истражувањето Марко Тедеско, истражувач во опсерваторијата Ламонт-Доерти на Универзитетот Колумбија во Њујорк. Ледената плоча на Гренланд, втора по големина во светот, покрива 80 отсто од островот. Минатата година загуби приближно 600 милијарди тони вода, што придонесе за раст на глобалното ниво на морињата за околу 1,5 милиметар, се наведува во истражувањето објавено во магазинот „Криосфера“.