топлана скопје север – Kurir.mk

ЕСМ ќе го преземе управувањето со Топлана Скопје Север, најави Ковачевски

Ивана Ефремовски — Wed, 30 Nov 2022 12:54:47 +0000

Премиерот Димитар Ковачевски соопшти дека Топланата „Скопје Север“ и АД „Електрани на Северна Македонија“ (ЕСМ) денеска ги завршуваат преговорите и ќе потпишат договор за деловно техничка соработка, со што ЕСМ го презема управувањето со топланата и затоплувањето на нејзините корисници. -Раководството на Топланата „Север“ денеска во 13 часот е на состанок во АД ЕСМ каде треба да ги заврши преговорите, да потпишат договор за деловно техничка соработка и да се обезбеди затоплување на граѓаните во општините Чаир и Бутел, како и на институциите, градинките и училиштата, со оглед на тоа дека ЕСМ го презеде затоплувањето и на тој дел, изјави Ковачевски, одговарајќи на новинарски прашања по настанот за завршување на изградбата на магистралниот гасовод Неготино – Кавадарци – Битола. Претхдно АД ЕСМ објави дека испораката на топлинска енергија тече непречено и така и ќе продолжи и во следниот период, како и дека за декември е обезбеден природен гас од „Макпетрол пром – гас“ и топлинска енергија од ТЕ-ТО. (МИА)

Директорот Рамадани пцуеше новинарка: Пика ти материна… матер ти еам!

Ивона Петрова — Sat, 26 Nov 2022 15:17:25 +0000

Директорот на топланата Скопје Север, Куштрим Рамадани, во телефонски разговор со пцовки и навреди ѝ се обраќаше на новинарката на МКД.мк Катерина Додевска, која ја работеше темата за дозволите на топланата. Откако беше консултиран и коректно му беше пренесена изјавата во објавениот текст дека топланата Скопје Север работи на мазут, но без дозвола, се јави и наместо да реагира за својата изјава, со пцовки и со висок тон ѝ се обраќаше на новинарката на МКД.мк. Пцовките, викањето и заканите од Рамадани се пријавени во новинарските здруженија, а во продолжение ќе следуваат истражувања за спорното работење на топланата Скопје Север, пишува порталот. Разговорот во кој директорот неколку пати ја пцуе новинарка Г. Рамадани: Кај пишува дека работиме на своја рака?! Новинарката: Ви кажувам дека како што Ве консултирав Вас, ги консултирав и од Град Скопје, од другата страна. Г. Рамадани: И што?! Новинарката: Како што? Вашата изјава дали е во ред? Г. Рамадани: Дека работиме на своја рака?! Новинарката: Вашата изјава дали е во ред? Г. Рамадани: Мојата е во ред, кај кажав дека работиме на своја рака, пи*ка ти материна! Новинарката: Молам? Г. Рамадани: Кај пишува дека работиме на своја рака? Новинарката: Јас не сум Ве цитирала во Вашата изјава дека Вие кажувате дека работите на своја рака? Г. Рамадани: Насловот, од кај го извадивте тоа, пи*ка ти материна. Новинарката: Господине Рамадани... Г. Рамадани: Матер ти еб*м... Новинарката: Значи, во Вашата изјава не пишува такво нешто и Вашата изјава е пренесена како што треба. Насловот е цитиран од друг извор. Г. Рамадани: Ви плаќаат таму да пишувате, ве плаќаат, ве плаќаат! Новинарката: А кој ме плаќа мене? Кој Ви дозволува на Вас како директор да се обраќате со пцовки кон новинар? Г. Рамадани: Ве плаќаат! Новинарката: Како може да се обраќате со пцовки кон новинар кој коректно Ви се јави и Ви пренесе изјава? Г. Рамадани: Коректно, Вие сте коректни?! Новинарката: Да, точно, ние сме коректни? Г. Рамадани: Ти си коректна?! Новинарката: Да, точно. Изјавата прочитајте ја, во неа ниту еден збор, ни додаден, ни одземен, од Вас е. Во текстот, во насловот односно... Г. Рамадани: Кај пишува дека работиме на своја рака, од кај го земавте тоа? Новинарката: Од брифинг од друг извор, кој немам обврска да го откријам. Г. Рамадани: А бе кои сте вие да пишувате таков наслов?! Новинарката: Ние го пишуваме насловот врз основа на наши извори. Г. Рамадани: Ќе ве тужам, да знаете! Новинарката: Ако мислите дека имате основа за тужба, слободно. Г. Рамадани: Не мислам, 100 посто! Новинарката: Добро, во ред. Г. Рамадани: Ќе видиш, ќе видиш! Новинарката: Какви се овие пцовки и закани? Г. Рамадани: Ќе видиме, ќе видиме, да знаеш! Во нашата држава последното истражување на ПИНА покажа дека над 80 отсто од новинарките се соочиле со вознемирување.

Ако не се исполнат претходните обврски ЕСМ нема да склучи договор со „Скопје Север“

Магдалена Андонова — Thu, 20 Oct 2022 13:18:46 +0000

АД ЕСМ нема да склучи договор за деловно-техничка соработка со АД „Топлификација“ во стечај, кој е мнозински сопственик на АД „Скопје Север“, доколку не се исполнат обврските од претходниот договор за минатата грејна сезона, соопшти денеска генералниот директор на ЕСМ, Васко Ковачевски. Како што изјави Ковачевски, рок за склучувањето на договорот нема и овој пат „Топлификација“ мора да гарантира со својот имот и финансии дека ќе се вратат назад средствата што ќе ги вложи ЕСМ во набавка на природен гас и во негова испорака до „Скопје Север“. Утре, информира Ковачевски, претставници од АД „Скопје Север“ ќе бидат повикани на состанок во ЕСМ на кој ќе бидат предложени новите мерки, термин-плановите и новиот договор за деловно-техничка соработка, но ќе биде и предочено дека старите обврски мора да се испочитуваат, како и дека прокурист од ЕСМ мора да биде назначен за да се грижи за имотот и средствата на ЕСМ и граѓаните.

– Нема да пристапиме кон реализирање на новиот договор доколку не се завршат претходните обврски. Гаранции мора да има, овој пат нема да се потпише договор доколку не се испочитуваат сите формално-правни работи. Се ќе направиме и ние од ЕСМ и Владата, жителите на Бутел, Чаир и околината да имаат парно, но формално-правно и правните и финансиските работи мора да се почитуваат зашто мора да ги заштитиме и парите на граѓаните. Средствата од минатата грејна сезона се уште не се вратени во АД ЕСМ и не се потпишани никакви обврски од страна на „Скопје Север“. Греењето кон граѓаните е испорачано, сметките се испорачани, граѓаните ги платиле, но парите се уште не се вратени на наменската сметка на АД ЕСМ. Затоа вчера Владата, покрај тоа што не задолжи да склучиме нов договор за деловно-техничка соработка, во заклучокот стои дека овој договор не ги исклучува обврските од претходниот договор што беше потпишан, но во целост не се испочитувани обврските од АД „Скопје Север“, истакна Ковачевски. Тој информира дека „Скопје Север“ и неговиот мнозински сопственик АД „Топлификација“ во стечај воопшто не соработувале со АД ЕСМ минатата грејна сезона. – Јавноста мора тоа да го знае. Наидовме на многу препреки и потешкотии да ги задржиме и зачуваме државниот капитал, како и државните средства што ги вложивме за да се набави природен гас за да може „Скопје Север“ да работи. Се попречуваше пристапот на нашиот прокурист, чија улога е да има увид во работењето и да го претставува АД ЕСМ во „Скопје Север“. Прокуристот на ЕСМ со претходниот договор никогаш не беше впишан во Централниот регистар. Овластеното лице никогаш не го врза потписот за да можеме да ги контролираме протокот на финансии, другите исплати од наменската сметка и иако има таква обврска во договорот, „Скопје Север“ не испраќаше секојдневни извештаи до прокуристот за извршените плаќања од претходниот или за наредниот ден. Стечајниот управник на АД Топлификација во стечај одби да го потпише договорот и да даде гаранција за уплатените средства и не издаде меница за обезбедување на нашите исплатени средства. Не доставуваа извештаи до АД ЕСМ за порамнување на финансиската помош на сметките за домаќинствата кои ги користеа услугите на „Скопје Север“, потенцира Ковачевски, додавајќи дека за овие работи АД ЕСМ неколку пати се обраќала до „Скопје Север“ и барала состаноци. За половина грејна сезона, од јануари до април, АД ЕСМ кон „Скопје Север“ исплатила над 26 милиони денари или околу 425 000 евра, а за оваа грејна сезона, „Скопје Север“, како што соопшти, побарува околу 60 милиони денари или околу еден милион евра. (МИА)

Топлана Скопје север утринава пушти парно за домаќинствата од Бутел и Чаир

Магдалена Андонова — Tue, 04 Oct 2022 10:09:19 +0000

Утрово скопските семејства во Бутел и Чаир се разбудија со парно, а останатите домаќинства во главниот град со студени радијатори. Граѓаните од Бутел и Чаир, се греат на Топланата Скопје север и станува збор за околу 500 семејства. Како што пренесува Фактор, топланите Скопје Север и Енергетика, деновиве ги купиле потребните количини на гас за неколку дена од Макпетрол, компанија која го набавува овој енергенс од Гаспром. Дека топланата Скопје Север и утрово пушти парно, за Фактор потврди директорот на Топлана Скопје Север, Куштрим Рамадани. - Точно е дека набавивме гас за следните неколку дена, и ако прогнозите нагло не се сменат, во вторник наутро треба да има парно, а ќе пуштиме и во среда. Системот технички е во ред, денеска ги правиме потребните проверки, изјавил вчера Рамадани за порталот.

топлана скопје север – Kurir.mk

ЕСМ ќе го преземе управувањето со Топлана Скопје Север, најави Ковачевски

Директорот Рамадани пцуеше новинарка: Пи*ка ти материна… матер ти е*ам!

Ако не се исполнат претходните обврски ЕСМ нема да склучи договор со „Скопје Север“

Топлана Скопје север утринава пушти парно за домаќинствата од Бутел и Чаир

Директорот Рамадани пцуеше новинарка: Пика ти материна… матер ти еам!