топлик – Kurir.mk

Укината првостепената пресуда за „Tоплик- Сончев град“, предметот вратен на повторно постапување

Ивана Ефремовски — Tue, 17 Oct 2023 14:03:25 +0000

Апелациониот суд Скопје ги уважи жалбите на обвинетите за „Tоплик- Сончев град“, ја укина првостепената пресуда и предметот го врати пред Основниот кривичен суд Скопје на повторно постапување и одлучување. - Апелациониот суд Скопје известува дека, постапувајќи по кривичниот предмет КОКЖ-137/22, во јавноста познат како „Tоплик- Сончев град“, по одржана јавна седница на 08.06.2023 година, по советување и гласање на нејавен дел од седницата на 06.09.2023 година, донесе решение со кое ги уважи жалбите на обвинетите М.Ј од С., Т.Ѓ од С., Д.Д. од С., М.Т. од С., Д.Ѓ.од С. И В.Т. од С., изјавени преку нивните бранители, ја укина првостепената пресуда и предметот го врати пред Основниот кривичен суд Скопје на повторно постапување и одлучување, се вели во соопштението од Апелационен суд Скопје. Од Апелација, посочуваат дека вака донесената неправосилна одлука ќе биде објавена во целост на веб страната на судот, согласно Начелниот став на Општата седница на Врховниот суд на Република Северна Македонија од 21.12.2022 година. Основниот кривичен суд во Скопје во април 2022 година го осуди на казна затвор од 3 години и 6 месеци првоосомничениот за случајот „Топлик“, поранешниот министерот за транспорт и врски Миле Јанакиески. За злоупотреба на службената положба и овластувања, обвинети се уште пет лица од Министерството за транспорт и врски, кои биле членови на Комисијата за јавни наддавања. Претседателот на Комисијата Томе Ѓурчиловски доби затворска казна во траење од три години, додека останатите членови на комисијата добија условни казни затвор од две години. Според обвинението за предметот, кој беше отворен од поранешното СЈО, првоосомничен е поранешниот министер за транспорт и врски Миле Јанакиески, кој како раководно лице во Министерството, спротивно на Законот за јавни набавки составил Комисија за јавни наддавања на која ѝ наложил да избере понудувач за купување и располагање со државно земјиште за изградба на елитниот комплекс „Сончев град“ во Сопиште, иако фирмата не ги исполнувала условите за тоа. (МИА)

Јанакиески сведочеше во случајот „Топлик“: Немав никакво влијание во работата на второстепената комисија на Министерството

Ивана Ефремовски — Fri, 29 Oct 2021 11:36:56 +0000

Одговорно тврдам дека немав никакво влијание во работата на второстепената комисија при министерството за транспорт и врски. Таа комисија е за отуѓување на градежно неизградено земјиште, истакна во своето сведочење Миле Јанакиески во случајот Топлик. Тој пред судот уверуваше дека немал со членови на комисијата немал директен контакт и ја почитувал хиерархијата во министерството. -Комисијата работеше независно во рамки на нивните надлежности без никаков притисок, рече поранешниит министер пред судот. Jaнакиески објасни дека ниту тој ниту комисијата можеле да знаат што ќе се случува во иднина,односно цели четири години откако ќе заврши јавното наддавање. -Тврдам дека нема направено никаков пропуст, истакна Јанакиески. Тој објасни дека во министерството има јасна поставеност по функции и надлежности. -Затоа не може целата одговорност да припадне на министерот. Продажбата на неизградено градежно земјиште се одвива според законот за градежно земјиште и уредбата што произлегува од тој закон, истакна Jанакиески.

Судот прави преседан: Антикорупциска утврди конфликт на интереси, директорот на СДСМ не можел да биде и вештак, но судијата игнорира

Ивана Ефремовски — Sat, 03 Jul 2021 14:05:09 +0000

Судот прави преседан во случајот Топлик по утврден судир на интереси од Антикорупциска комисија во случајот со Борис Тунџев кој во исто време е вештак, но и директор на Катастар. Судијата Осман Шабани денеска одлучи да не го почитува мислењето на Анткорупциската. Одбраната побара мислење од ДКСК дали Борис Тунџев може да биде вештак во овој случај. Мислењето на ДКСК беше дека не смее и дека има судир на интереси. Наградата што би ја добил вештакот, смета Антикорупциска, не спаѓа во приходи кои службеното лице, во случајот директорот на Агенцијата за катастар на недвижности, може да ги остварува. Но, за судијата Шабани ова мислење беше неважно и рече дека „Антикорупциска не е надлежна за спроведување на законот“. Претходно одбраната образложи дека вештакот мора да биде изземен. -Ова не е став само на одбраната, туку и на Комисијата за спречување на корупција. И нема врска со тоа дали вештакот има или нема лиценца. Еве има, и што со тоа? Овде има конфликт на интереси, објасни адвокатот Дончо Наков. Вештачењето на Тунџев ќе биде на седми јули. КУРИР денес побара коментар од Тунџев, но до овој момент одговор немаме добиено. На оваа тема се огласија и од Коалиција „Сите за правично судење“. Ја истакна својата загриженост за постапувањето на судечкиот совет во предметот познат во јавноста како „Топлик“ во однос на вештачењето предложено од страна на јавното обвинителство како доказ во постапката. „Од аспект на начелото на непристрасно водење на судската постапка, судот има обврска да остане и ја задржи улогата на независен арбитар во постапката, при што не смее да зазема страна во текот на истата, односно судот е должен да гарантира еднаков натпревар помеѓу странките во постапката без притоа да биде оставен впечаток кај јавноста дека на една или друга страна во постапка помага да се докаже теоријата на случај која странката ја застапува“, се вели во реакцијата. Целосниот текст на реакцијата можете да го прочитате на следниот линк

Мислење од Антикорупциска: Има судир на интереси со вештакот на обвинителството со случајот за Сончев Град

Ивона Петрова — Fri, 02 Jul 2021 08:20:48 +0000

Судир на интереси кај вештакот во случајот „Топлик“, поврзан со Сончев Град, утврдува и Антикорупциската комисија во своето мислење. Во мислењето кое било побарано од нив, од ДКСК пред неколку дена одговараат дека директорот на Агенцијата за катастар на недвижности, Борис Тунџев, во целост треба да постапува согласно законските одредби за судир на интереси. Од Антикорупциска појаснуваат дека доколку службеното лице - директор на Агенција за катастар на недвижности прифати да биде вешто лице (вештак) во судска постапка која се води пред надлежен суд, ќе постапи спротивно на член 44 став 6 од Законот за спречување на корупцијата и судирот на интересите каде е утврдено дека: Член 44 (6) Службено лице може да остварува приходи од научни, наставни, културни, уметнички и спортски активности и приходи од авторски, патентни и слични права, интелектуална и индустриска сопственост, освен ако со закон не е поинаку определено. Од горе наведеното и цитираната законска одредба, произлегува дека наградата, односно приходите остварени од вештачење како вешто лице (вештак), не спаѓаат во приходи кои службеното лице, во случајот директорот на Агенцијата за катастар на недвижности, може да ги остварува, сметаат од ДКСК. Повикувајќи се на членот 72 став (1) и (2) од Законот за спречување на корупцијата и судирот на интереси, секое службено лице, во своето работење е должно да внимава на потенцијален судир на интереси и да презема мерки за негово одбегнување, а во случај на сомневање за постоење судир на интереси, службеното лице е должно да ги преземе сите неопходни мерки за да го спречи влијанието на неговиот приватен интерес или приватниот интерес на друго лице врз извршувањето на неговите овластувања и должности. Антикорупционерите се повикуваат и на одредбите од Законот за катастар на недвижности што го регулираат судирот на интереси. Според член 25, вработениот во Агенцијата за катастар на недвижности не смее да врши никаква друга функција, должност или дејност поврзана со остварување на профит која е во судир со извршувањето на неговите работни обврски, ниту да се регистрира како трговец поединец овластен геодет, ниту да врши дејност како сопственик или партнер во трговско друштво за геодетски работи. Исто така вработениот во Агенцијата не смее да врши работи од надлежност на трговците поединци овластени геодети и трговските друштва за геодетски работи. Кодексот на етика на вештаците предвидува и дисциплинската мерка одземање на лиценцата за вештачење, а истата се изрекува ако нестручно или несовесно го врши вештачењето во спротивност со правилата на науката и струката, етичките норми и конфликт на интереси. Одбраната во овој случај реагираше на вештачењето и бараше изземање на вештакот посочувајќи дека е пристрасно бидејќи било изработено од вештак чија ќерка работи во СЈО и кој е актуелен директор на Агенцијата за катастар и недвижности. Во 2018 година, медиумите пишуваа дека до Основното јавно обвинителство е поднесена кривична пријава за Тунџев, за основано сомнение за фалсификување исправи и лажно претставување. Наводно, Тунџев немал лиценца кога го изготвувал вештачењето за продажбата на државно земјиште за изградба на Сончев град, во случајот „Топлик“ на СЈО.

Нови рочишта за „Траекторија“ и „Топлик“ на СЈО

Ивана Ефремовски — Thu, 14 Feb 2019 06:44:04 +0000

Во Кривичниот суд во Скопје денеска продолжуваат судењата за „Траекторија“ и „Топлик“ на Специјалното јавно обвинителство.

Случајот за постапката за избор на компанија за изградбата на автопатите Миладиновци-Штип и Кичево-Охрид „Траекторија“ на Специјалното јавно обвинителство се наоѓа во доказна постапка. Во „Траекторија“ обвинети се поранешниот премиер Никола Груевски на кого му се суди во отсуство, ексминистерот за транспорт и врски Миле Јанакиески, поранешниот вицепремиер Владимир Пешевски и ексдиректорот на ЈП Државни патишта Љупчо Георгиевски. Според обвинението на СЈО, обвинетите во втората половина на 2012 година и во текот на 2013 година презеле повеќе дејствија со кои во постапката за избор на компанија за изградба на автопатиштата Миладиновци-Штип и Кичево-Охрид ги искористиле и пречекориле своите овластувања. Со тоа му нанелe штета на Буџетот од најмалку 155 милиони евра. Во Кривичниот суд денеска треба да се одржи и ново рочиште за случајот „Топлик“, каде првоосомничен е ексминистерот за транспорт и врски Миле Јанакиески, за продажба на државно земјиште за изградба на комплексот „Сончев град“. Случајот се наоѓа во доказна постапка и го води судијата Осман Шабани. Според обвинението на СЈО, првоосомничениот Јанакиески, како раководно лице во Министерството за транспорт и врски, спротивно на Законот за јавни набавки составил Комисија за јавни наддавања на која и наложил да избере понудувач за купување и располагање со државно земјиште за изградба на елитниот комплекс „Сончев град“ во Сопиште, иако фирмата не ги исполнувала условите за тоа. Од доказите, според СЈО, произлегува дека поради раскинувањето на договорот по вина на Министерството, тоа се обврзало во износ од еден милион евра да му исплати долг и затезна камата на правното лице „Сан сити“. Според обвинението Јанакиески и другите петмина обвинети го оштетиле државниот Буџет за 64.206.839 денари, односно за милион и 44.000 евра. (МИА)

Одбраната тврди дека комисијата за одлучување за „Сончев град” имала двојни аршини при составување на записници

Предраг Кукиќ — Thu, 08 Nov 2018 13:57:11 +0000

На денешното рочиште за случајот на СЈО „Топлик“, сведок на обвинителството истакна дека немањето инфраструктура на градежното земјиште "Сончев град", било пречка за негово јавно наддавање. Василка Поп-Георгиева член на комисијата за одлучување во 2006, и вработена во секторот за нормативно-правни работи при Министерството за транспорт и врски, сведочеше дека "Сончев град" немал патна и друга инфраструктура. Таа не била на терен за да го утврди тоа, но за тоа и кажала колешката Малинка Матеска. Одбраната констатираше дека сведокот, членот на комисијата Поп-Георгиева не излегла на терен, а одлучувала и давала мислење во комисијата за недостатоците на градежната парцела "Сончев град". Според одбраната исто така пак, контрадикторно е тоа што за другите предмети, за кои што одлучувала комисијата, инфраструктурата не била пречка за јавно наддавање. Имено по разрешувањето на членовите, постои записник од состанок на 12 април, за раздолжување на завршени предмети од комисијата, во кои предмети јасно се гледа дека членовите дале зелено светло за јавно наддавање за парцели без инфраструктура.

Казна од 1000 евра за адвокатите на Јанакиески

Предраг Кукиќ — Fri, 21 Sep 2018 09:53:05 +0000

Денешното рочиште за предметот „Топлик“, Космос“ е одложено, бидејќи бранителите на поранешниот министер за транспорт и врски Миле Јанакиески, Сања Алексиќ и Дончо Наков, не се појавија во судницата, за што од судијата Осман Шабани добија парична казна во висина од 1.000 евра, во денарска противвредност. Тие во ист термин денеска имаа закажано притворски предмет за "27 април" на кој што мораа да присуствуваат. Судијата рече дека не го интересираат други предмети и дека тој си ја гледа својата работа.

Продолжува судењето за „Топлик“ на СЈО

Ивона Петрова — Fri, 14 Sep 2018 05:45:52 +0000

Во Кривичниот суд за денеска е закажано ново рочиште за случајот „Топлик“ на Специјалното јавно обвинителство, каде првоосомничен е ексминистерот за транспорт и врски Миле Јанакиески, за продажба на државно земјиште за изградба на комплексот „Сончев град“ во Сопиште. На претходните рочишта обвинителите на СЈО ги пречитаа 608-те материјални докази во врска со предметот, а беа преслушани и неколку телефонски разговори, кои произлегуваат од следењето на комуникациите. Според обвинението на СЈО, првоосомничениот Јанакиески, како раководно лице во Министерството за транспорт и врски, спротивно на Законот за јавни набавки составил Комисија за јавни наддавања на која и наложил да избере понудувач за купување и располагање со државно земјиште за изградба на елитниот комплекс „Сончев град“ во Сопиште, иако фирмата не ги исполнувала условите за тоа. Од доказите, според СЈО, произлегува дека поради раскинувањето на договорот по вина на Министерството, тоа се обврзало во износ од еден милион евра да му исплати долг и затезна камата на правното лице „Сан сити“. МИА

Ново рочиште за „Топлик“

Ивана Ефремовски — Fri, 29 Jun 2018 06:18:42 +0000

Во Кривичниот суд за денеска е закажано ново рочиште за случајот „Топлик“ на Специјалното јавно обвинителство, каде првоосомничен е ексминистерот за транспорт и врски Миле Јанакиески, за продажба на државно земјиште за изградба на комплексот „Сончев град“ во Сопиште. На претходното рочиште обвинителите на СЈО ги причитаа 608-те материјални докази во врска со предметот. Судијата Осман Шабани го прекина рочиштето со цел, како што рече обвинителите на СЈО да се подготват за презентација на доказите кои се побарани од одбраната на обвинетите во овој случај. Одбраната од судот побара на следното рочиште да биде повикано и вештото лице Борис Тунчев со цел да биде сослушан. Според обвинението на СЈО, првоосомничениот Јанакиески, како раководно лице во Министерството за транспорт и врски, спротивно на Законот за јавни набавки составил Комисија за јавни наддавања на која и наложил да избере понудувач за купување и располагање со државно земјиште за изградба на елитниот комплекс „Сончев град“ во Сопиште, иако фирмата не ги исполнувала условите за тоа. Од доказите, според СЈО, произлегува дека поради раскинувањето на договорот по вина на Министерството, тоа се обврзало во износ од еден милион евра да му исплати долг и затезна камата на правното лице „Сан сити“. (МИА)

Прочитани 608 материјални докази за „Топлик“, новото рочиште закажано за 29 јуни

Матеја Петровски — Fri, 11 May 2018 12:33:03 +0000

По завршувањето на неколкучасовното читање на 608-те материјални докази од страна на обвинителите на СЈО во врска со предметот „Топлик“, во кој првоосомничен е ексминистерот за транспорт и врски Миле Јанакиески, судијата Осман Шабани го прекина судењето и ново рочиште закажа за 29 јуни. Рочиштето е одложено со цел, како што рече судијата Шабани, обвинителите на СЈО да се подготват за презентација на доказите кои се побарани од одбраната на обвинетите во овој случај. Одбраната од судот побара на следното рочиште да биде повикано и вештото лице Борис Тунчев со цел да биде сослушан. Претходно на почетокот на денешното судење адвокатите побараа да се изврши анализа од стручно лице на прислушуваните разговори кои беа презентирани на минатото рочиште. Според адвокатите, постои сомнеж „бомбите“ да се менувани за што им било кажано од технички советник поради што предложија да се наложи нивно вештачење. Адвокатката Сања Алексиќ рече дека постојат технички лаборатории каде што може да се утврди автентичноста, веродостојноста и целовитоста на снимките. Според обвинеието на СЈО, пвоосомничениот Јанакиески, како раководно лице во Министерството за транспорт и врски, спротивно на Законот за јавни набавки составил Комисија за јавни наддавања на која и наложил да избере понудувач за купување и располагање со државно земјиште за изградба на елитниот комплекс „Сончев град“ во Сопиште, иако фирмата не ги исполнувала условите за тоа.

Од доказите, според СЈО, произлегува дека поради раскинувањето на договорот по вина на Министерството, тоа се обврзало во износ од еден милион евра да му исплати долг и затезна камата на правното лице „Сан сити“.

(Миа)