топло време – Kurir.mk

Пролетни температури во есен: Продолжува периодот на топло време

Ивана Ефремовски — Fri, 27 Oct 2023 10:10:26 +0000

Продолжува периодот на релативно топло време за овој период од годината. Утре ќе дува умерен, а во западните делови повремено засилен ветер од југозападен правец, соопшти УХМР. Потоа во следните денови по одделни котлини ќе има појава на утринска магла, а кон средината на неделата локални врнежи од дожд.

Тековната година би можела да стане најжешката досега

Катерина Бојаџиева — Thu, 05 Oct 2023 06:51:33 +0000

Тековната година е на пат да стане најжешката во историјата, објави денеска службата за климатски промени на Европската унија Коперникус. Најтоплиот септември на глобално ниво дојде оваа година по летото со рекордно високи температури, објави Коперникус. Температурите во септември беа за половина степен повисоки од претходниот најтопол септември досега и речиси еден степен потопли од просекот за септември помеѓу 1991 и 2020 година.

Јапонија го евидентираше најтоплиот септември во историјата

Катерина Бојаџиева — Tue, 03 Oct 2023 07:20:45 +0000

Јапонија го забележа најтоплиот септември во историјата, објави тамошната метеоролошка агенција. Јапонската метеоролошка агенција доцна синоќа соопшти дека просечната температура во септември била 2,66 степени над просечните температури. Ова е највисоко од почетокот на водење статистика во 1898 година, наведува агенцијата. Топлото време се очекува да продолжи во текот на зимата до февруари. Истражувањето на метеоролошката агенција на 914 локации низ земјата откри дека Јапонија забележала температури од 35 степени Целзиусови или повеќе на 385 локации. Температурите го надминаа претходниот рекорд поставен во 2012 година, кога живата порасна за 1,51 степен над просечните рекорди.

ВИКЕНДОВ ПЕКОЛНО ТОПЛО – за време на неработниот ден големо разочарување, еве што не очекува следната недела

Дарко Андоновски — Fri, 25 Aug 2023 10:26:01 +0000

До понеделник ќе се задржи многу топло време, информира Управата за хидрометеоролошки работа. УХМР за утре (сабота) во попладневните часови прогнозира развој на нестабилна облачност со пороен дожд и грмежи во јужните делови од земјава. -Во понеделник кон крајот на денот и во вторник се очекува променливо облачно и нестабилно време со повремен пороен дожд и грмежи, локално во форма на невреме. Дневните температури од вторник ќе опаднат за неколку степени, информира УХМР.

ВИКЕНДОВ УШТЕ ПОТОПЛО – еве какво време не очекува во следните денови

Дарко Андоновски — Thu, 24 Aug 2023 10:23:08 +0000

Претежно сончево и многу топло време ќе биде и следните денови. Ќе биде активно жолто ниво за опасност од висока температура. Максималната температура ќе биде во интервал од 30 до 38 степени. Како што соопшти УХМР, најтопло ќе биде в недела и в понеделник, со максимална температура од 32 до 38 степени. Во следните три дена ќе дува слаб до умерен ветер од северен правец. УВ-индексот ќе изнесува 7, односно 8. Попладне ќе биде нестабилно со пороен дожд и грмежи. Локално процесите ќе бидат во форма на невреме со интензивен пороен дожд, електрични празнења, силен ветер и појава на град.

УХМР: Следува период на стабилно време, еве колку степени ќе достигне температурата идната недела

Ивона Петрова — Fri, 11 Aug 2023 10:08:35 +0000

Следува период на претежно стабилно време со умерен, повремено засилен северен ветер. Во вторник и во среда ќе има услови за локална нестабилност со краткотраен пороен дожд и грмежи. Температурата ќе биде во постепен пораст, а во четврток ќе достигне до 37 стпени Целзиусови, најавуваат од Управата за хидрометеоролошки работи (УХМР). Како што велат, времето утре ќе биде сончево со мала до умерена облачност. Ќе дува слаб до умерен, а долж Повардарието повремено засилен ветер од северен правец. Температура ќе биде во интервал од 9 до 33 степени Целзиусови, а УВ индексот ќе изнесува 7. Во Скопје ќе биде сончево со мала до умерена облачност и со слаб до умерен ветер од северен правец. Минималната температура ќе биде 16, а максималната ќе достигне до 30 степени Целзиусови. За недела е најавена температура во интервал од 10 до 34 степени, за понеделник од 10 до 35, вторник од 11 до 35, среда од 12 до 36, а за четврток од 13 до 37 степени Целзиусови.

Јули натпросечно топол, највисоката максимална температура 42,1 степен

Ивона Петрова — Fri, 04 Aug 2023 14:00:02 +0000

Согласно мерењата и набљудувањата на метеоролошките станици во земјава, јули 2023 година беше многу топол и просечно влажен месец во споредба со многугодишните просечни вредности, со исклучок на Маврово и Струмица. Според УХМР, средномесечната температура се движеше од 18,2 степени во Лазарополе до 28,2 во Гевгелија. Споредено со просечните јулски средномесечни температури, за триесетгодишен период (1991-2020), овогодинешната температура беше натпросечна за 1,6 степени на ниво на држава. Средната максимална температура варираше од 25,7степени во Лазарополе до 35,9 во Гевгелија. Највисоката максимална температура беше измерена на 22 јули во Гевгелија и изнесуваше 42,1 степен. Карактеристична појава е пролонгираниот период, од 12-ти до 26 јули, со максимални температури над 90 перцентилниот распоред 1961/90, односно продорот на интензивни топлотни бранови. Средната минимална температура варираше од 11 степени во Лазарополе до 20,1 во Гевгелија. Најниската минимална температура во текот на месецот беше измерена во Берово, на 28 јули и изнесуваше 4,3 степени. Во јули 2023 година месечната сума на врнежи во државата варираше од 20 милиметри во Охрид до 114,7 во Маврово. Врнежите беа од дожд и град. Максималното дневно количество на врнежи од 63,5 милиметри беше регистрирано во Струмица на 6-ти во месецот. Споредено со јулската просечна вредност за многугодишен период (1991-2020), измерената месечна сума на врнежи беше седум милиметри над просечната на ниво на држава.

Иран нареди национално затворање поради жешкото време, измерени над 50 степени

Ивона Петрова — Thu, 03 Aug 2023 15:39:04 +0000

Иранските власти вчера и денеска наредија прво речиси целосно затворање на земјата поради рекордните температури на воздухот. Два дена се затворени банките, училиштата, универзитетите, јавните канцеларии и некои приватни компании. Во многу региони од почетокот на јули регистрирани се рекордни температури, а во јужниот дел од земјата измерени се над 50 степени Целзиусови. - Со оглед на рекордните температури и за да го заштити јавното здравје, Владата го прифати предлогот на Министерството за здравство да се прогласат среда и четврток за државни празници низ целата земја, напиша на Твитер владиниот портпарол Али Бахадори Јахроми. Дводневното затворање е поврзано и со недостиг на електрична енергија во земјата. Иранскиот дневен весник „Пајаме Ма“, повикувајќи се на „добро информиран извор“ во своето издание од 1 август објави дека „покрај порастот на температурите, одлуката за затворање на земјата се должи и на падот на производството на електрична енергија. Весникот објави дека двете електрани, Карун 3 и 4, лоцирани во западен Иран, беа исклучени од мрежата поради многу голема побарувачка, особено како резултат на зголемената употреба на климатизација. Во Иран, лошата состојба на дотраената и неисправна инфраструктура доведе до чести исклучувања на електраните, особено оваа година. Во Техеран и другите градови во земјата од јуни се забележани прекини на струја и вода, понекогаш и по 10 часа.

Иран: Утре и задутре неработни денови поради „досега невиден“ топлотен бран

Ивона Петрова — Tue, 01 Aug 2023 15:55:19 +0000

Владата на Иран ги прогласи среда и четврток за неработни поради „досега невиден“ топлотен бран, имајќи предвид дека температурите во повеќето делови на земјата достигнаа повеќе од 40 степени Целзиусови, јави ДПА. Филијалите на банките, судските и правните канцеларии ќе бидат затворени, а испитите и фудбалските натпревари ќе бидат откажани. Болниците се во состојба на готовност. Метеоролошката служба предупреди дека постои ризик од загаденост на воздухот и песочни бури на југот од земјата, каде оваа недела се очекува температурите да бидат над 50 Целзиусови степени. Во курдскиот град Дивандаре, жителите вчера излегоа на улиците за да го изразат своето незадоволство затоа што им било прекинато водоснабдувањето. Голем дел од Иран, земја со речиси 90 милиони жители, е пустина. Научниците со години предупредуваат на се почести суши во регионот, кој е особено тешко погоден од последиците од климатската криза.

Правите грешки со течностите кога надвор е жешко: Еве што МОРА, а што НЕ СМЕЕ да пиете

Ивана Ефремовски — Sun, 30 Jul 2023 09:48:03 +0000

Голема грешка за време на пеколните жештини е да се пие ладна вода или сокови полни со мраз, бидејќи тогаш на течноста ѐ е потребно повеќе време да се прошири низ телото и да го хидрира. Затоа, најидеално тогаш е да се пие вода изладена на собна температура. Водата секогаш е подобар избор од соковите. Исто така, добро е да се испие топол чај, но кога надвор е сув воздухот, а не влажен. Чајот го потикнува потењето, а со тоа и разладувањето на телото. Имајте на ум дека со потењето се губат течности, па тоа треба да се надомести. Лекарите велат да се избегнува алкохол, бидејќи тој дополнително го суши организмот. Сепак, каде и да одите секогаш со себе носете вода и пијте по неколку голтки што е можно почесто.