топло – Kurir.mk

2023 година би можела да биде најтоплата досега, 2024 ќе биде уште полоша, тврдат научници

Ристе Здравков — Tue, 15 Aug 2023 09:36:28 +0000

Има околу педесет проценти шанси дека 2023 година ќе биде најтоплата година досега, а 2024 година се очекува да биде уште полоша, предвидуваат научниците од американската влада. Досега, 2023 година е трета најтопла година, рече Сара Капник, главен научник на американската Национална управа за океани и атмосфера (НОАА). А веројатноста дека ќе стане најтоплата е „речиси 50 проценти“, додаде таа. Покрај глобалното затоплување, за тоа придонесува и цикличниот феномен Ел Нино, синоним за дополнително глобално затоплување, кој ја загрева површината на океаните. Треба да трае и по следната зима, прогнозираат експертите. „Најсилното влијание на Ел Нино ќе се случи во 2024 година“, изјави климатологот на НАСА Гевин Шмит. „Затоа, очекуваме не само дека 2023 година ќе биде исклучително жешка, а можеби и рекордна, туку и дека 2024 година ќе биде уште потопла“. И двајцата зборуваа на прес-конференција посветена на анализа на глобалните температури забележани минатиот месец, за кои НОАА потврди дека е рекорден месец. Јули 2023 година беше најтоплиот месец досега забележан на земјата, потврди европската служба Коперник минатата недела. „Важно е да се запамети дека оваа година ќе биде свежо во споредба со средината на векот, ако продолжиме да ја загреваме нашата планета со емисија на стакленички гасови“, рече Сара Капник. Температурата на површината на океанот е особено вознемирувачка за научниците: постигна рекорд четврти месец по ред, според НОАА. „Повеќе од 40 отсто од океанот моментално е под морски топлотен бран“, предупреди Капник. Ова има потенцијално катастрофални последици за видовите што живеат таму, особено за коралите. „Мајката природа ни испраќа порака, а таа порака е: подобро да дејствуваме сега, пред да биде предоцна да ја спасиме нашата клима, или со други зборови, да ја спасиме нашата планета“, рече шефот на НАСА, Бил Нелсон.

Во кој дел од Македонија е најстудено, а каде е најтопло?

Ивана Ефремовски — Tue, 20 Dec 2022 07:46:18 +0000

Најстудено утрово е во Крива Паланка со -5 и во Маврово со -4 степени. Минусни температури има и во Берово, Демир Капија и Куманово, во Скопје е нула, а најтопло е во Гевгелика со 5 степени. Во текот на ноќта имаше променлива облачност и дуваше слаб променлив ветер. Утринава во источните делови е сончево, а зголемена облачност има во централните и западните делови. Дува слаб променлив ветер. Во Крушево и во Скопската котлина е магливо. Денеска наутро е студено и особено во котлините во јужниот дел со појава на магла или ниска облачност. Преку денот ќе биде сончево со мала до умерена локална облачност поголема во југоисточните делови од земјата и понекаде во западните. Ќе дува слаб ветер од југоисточен правец. Максималната температура ќе биде во интервал од 4 до 11 степени. Во Скопје наутро свежо, преку денот сончево со мала до умерена облачност и со слаб јужен ветер. Максималната температура ќе достигне до 6 степени.

Еве што се случува доколку цел ден ви се затворени прозорците, а надвор е топло

Ристе Здравков — Sat, 25 Jun 2022 08:51:09 +0000

Дали е штетно прозорците да ни се затворени цел ден? Еве го одговорот! Зголемувањето на температурата предизвикува почесто користење на климата. Меѓутоа, што да правиме кога немаме клима? Дали е подобро да ги оставите прозорците отворени или затворени цел ден? Мислењата се поделени. Некои велат дека е пожелно да се отворат прозорците и да се пушти што повеќе воздух, додека други сметаат дека доколку сакате да се заштитите од неподносливата топлина, подобро е да ги држите прозорците затворени. На крајот на краиштата, изборот зависи главно од личните преференции. Суштинското прашање е дали е штетно нашите прозорци да бидат затворени цел ден? Редовното проветрување на просторијата е важно во секое време од годината. Истражувањата покажуваат дека квалитетот на воздухот, особено во помалите простори (домашна канцеларија, дури и во спални!) брзо се влошува. Во една студија која го испитува квалитетот на воздухот во спалната соба, во повеќето случаи измерените нивоа на CO2 значително ги надминуваат препорачаните вредности. Во некои случаи тие беа и до 75% поголеми! Лошиот квалитет на воздухот не само што негативно влијае на вашиот сон, туку дополнително го нарушува вашето општо здравје и благосостојба, работната ефикасност и концентрацијата. Истражувачите од Медицинскиот универзитет во Њујорк ги проучувале последните две ставки. Имено, тие собрале 24 здрави возрасни лица во затворен простор и ја тестирале нивната способност да донесуваат одлуки на различни нивоа на концентрација на јаглерод диоксид. Со анализа на добиените резултати, истражувачите откриле дека високата концентрација на овој природен гас значително ги забавува мисловните процеси на волонтерите. За повикување: нивото на јаглерод диоксид надвор е околу 380 на милион честички, но нивото во затворен простор може да биде многу повисоко (поради дишењето) – во преполните канцеларии или сали за состаноци нивото често достигнува 1.000, а понекогаш и 3.000 на милион честички, тие велат истражувачите. Секако, не смееме да заборавиме дека во воздухот има и други загадувачи, како и фактот дека поголемата влажност ја прави топлината уште понепријатна, што исто така може да го отежне одржувањето на концентрацијата. Што најчесто се препорачува на горештините? За сето горенаведено, важно е куќата или станот да бидат добро проветрени дури и кога температурите растат. Затворањето на прозорците и спуштањето на ролетните во текот на денот е пожелно само кога нема никој дома. Доколку поголемиот дел од денот го поминувате во вашиот дом, повеќето експерти препорачуваат прозорците да се отвораат неколку пати на ден (најмалку 5 минути) дури и кога надвор е многу топло. Идеално е да направите провев, а потоа веднаш да ги затворите прозорците за да се заштитите од топлината. Кога сме зафатени од топлотен бран, оптимално е да се проветруваме во раните и сеуште студени утра и во доцните вечерни часови, но и во текот на ноќта. Во други периоди, пожелно е прозорците да бидат затворени, особено оние што се изложени на директна сончева светлина.

Сончево и доста топло со мала до умерена локална облачност

Тале Кристо — Tue, 24 May 2022 07:09:13 +0000

Времето ќе биде сончево и доста топло со мала до умерена локална облачност. Ќе дува слаб до умерен ветер од променлив правец. Попладне ќе има локална појава на нестабилност со пороен дожд и грмежи. Минималната температура ќе биде во интервал од 6 до 15, а максималната ќе достигне од 26 до 32 степени. УВ=8 Во Скопје, сончево и топло од пладневните часови во делови од котлината ќе има појава на нестабилност со пороен дожд, грмежи и засилување на ветерот. Минималната температура ќе се спушти до 12, а максималната ќе достигне до 31 степен. Во следните денови ќе се задржи топло со максимални температури малку над просекот за овој период од годината. Во попладневните часови ќе има локална појава на нестабилност со пороен дожд, со грмежи и засилен ветер и со услови за појава на град, понекаде и во форма на невреме.

Сончево и топло, од четврток промена на времето

Тале Кристо — Tue, 04 Jan 2022 07:57:45 +0000

Сончево време со мала до умерена облачност ќе преовладува денеска во земјава. Претпладне, според најавите на синоптичарите, можна е појава на магла по одделни котлини и речни долини. Ќе дува слаб до умерен ветер од југозападен правец. Минималната температура ќе биде во интервал од -3 до 3, а максималната од 10 до 17 степени. Во Скопје, слично време со минимална температура до 0 степени и максимална до 11 степени. Во следните два дена ќе се задржи стабилно и релативно топло време, претпладне со значителна облачност и магла по одделни котлини и речни долини. Од четврток попладне веќе следува период на променливо облачно време со повремени локални врнежи од дожд, а на планините и на некои повисоки места со снег. Дневните температури ќе бидат во опаѓање.

Сончево и топло време со температура до 26 степени

Тале Кристо — Sun, 11 Oct 2020 06:45:18 +0000

Времето ќе биде сончево со мала до умерена облачност. Во утринските часови ќе има услови за слаба магла по одделни котлини. Ќе дува слаб до умерен ветер од јужен правец, информира Управата за хидрометеоролошки работи. Утринската температура ќе се движи од 4 до 12 степени, а дневната од 17 до 26 степени. Во Скопје и околината времето ќе биде сончево со мала до умерена облачност. Утринската температура ќе достигне до 8 степени, а дневната до 23 степени.

Во овие македонски градови денеска беа измерени пеколни 40 степени

Ристе Здравков — Thu, 30 Jul 2020 19:54:50 +0000

Најтопло денеска беше во Демир Капија и Гевгелија каде максималната температура достигна 40 степени. Како што соопшти УХМР, по Демир Капија и Гевгелија следи Скопје-Зајчев Рид каде се измерени максимални 39 степени, во Скопје-Петровец, Штип и Струмица 38, во Тетово 37, Битола и Виница 36, Претор 35, Крива Паланка 34 и во Охрид се измерени 33 степени. Во сабота ќе има зголемена облачност и развој на локална нестабилност со краткотраен пороен дожд и појава на грмежи. Од недела ќе настапи повторно стабилизирање на времето.

Времето денеска ќе биде сончево и топло со умерен јужен ветер

Дарко Андоновски — Sat, 18 May 2019 07:14:09 +0000

Времето во Македонија денеска ќе биде сончево и топло, со мала до умерена облачност, и со умерен јужен ветер. Според Управата за хидрометеоролошки работи, најниската утринска температура ќе се движи од 4 до 11 степени, а највисоката преку ден ќе достигне до 28 степени Целзиусови.

Декември 2018. најтопол месец во историјата на Австралија

Ристе Здравков — Thu, 17 Jan 2019 09:22:05 +0000

Најтоплиот ден во историјата на Австралија е регистриран во декември минатата година, кој воедно е и најтопол месец. Температурата на воздухот на 27 декември се искачи нам 40,19 степени Целзиусови, соопшти австралиската Метеоролошка станица. Топлотниот бран, кој почна во декември, продолжи и во јануари.

Што е поздраво, топлото или студеното кафе?

Ристе Здравков — Wed, 07 Nov 2018 15:20:21 +0000

Не е сеедно дали пиете топло или студено кафе. Според ново истражување спроведено од професори по хемија, топлото кафе е поздраво од студеното бидејќи има повеќе антиоксиданси. „Кафето има доста антиоксиданси. Ако го пиете умерено, истражувањата покажуваат дека може да биде прилично добро за вас. Откривме дека топлото кафе има повеќе антиоксиданси од студеното“, вели професорката Меган Фулер. Таа и нејзин колега истражувале на оваа тематика и откриле дека топлото кафе има поголеми ефекти на здравјето, вклучувајќи го и тоа дека го намалува ризикот од некои видови рак, дијабетес и депресија. Овие научници откриле дека топлото и оладеното кафе имаат исто pH ниво, што ги поништува претходните тврдења дека студеното кафе има помалку киселини и дека поради тоа не предизвикува жиговина (непријатно чувство на киселост што се јавува во грлото предизвикано од стомачни киселини) и проблеми со цревата.