топол бран – Kurir.mk

Од четврток топол бран- температури над 40 степени

Катерина Бојаџиева — Tue, 11 Jul 2023 10:39:18 +0000

Од Управата за хидрометеоролошки работи информираат дека под влијание на топол бран следува период на стабилно и многу топло време со дневни температури во поголемиот дел од земјава над 35 степени. Како што посочуваат од УХМР, утринските во Скопје и во јужните делови нема да се спуштаат под 20 степени. Особено топло ќе биде во четврток и петок, кога наместа температурата ќе надмине 40 степени и ќе биде активно портокалово ниво на опасност од високи температури.

Страшен црн рекорд: Топлотен бран во Канада зеде најмалку 233 жртви

Ивана Ефремовски — Wed, 30 Jun 2021 19:57:11 +0000

Смртоносниот топлотен бран во Канада досега однесе најмалку 233 животи, соопштија властите. Ова е невиден црн рекорд поради екстремно високи температури. Најсилно беше погодена провинцијата Британска Колумбија, каде во градот Литон беше регистрирана рекордна температура од 49,6 степени Целзиусови. Претходниот рекорд беше поставен во минатиот век – 1937 година и беше 45 степени. Експертите предупредуваат дека таквите екстремни температури може да предизвикаат големи шумски пожари. (МИА)

Африкански бран се движи кон Македонија- метеоролозите најавуваат пеколни температури

Предраг Кукиќ — Sun, 04 Aug 2019 14:03:40 +0000

Од средината на следната недела нашата територија ќе започне да потпаѓа под влијание на уште потопол Африкански бран, кој ќе биде најсилен ова лето. Температурите на воздухот повторно ќе бележат тенденција на голем пораст и истите на повеќе места ќе се искачат над 35 степени, во централните и во југоисточните предели веќе од следниот викенд температурите уште повеќе ќе се зголемат и се очекува да се искачат и до 42, 43 степени. Времето пак ќе биде стабилно, суво и сончево без врнежи повремено со мала до умерена облачност, а ќе дува и слаб до умерен ветер од променлив правец. УВ индексот ќе има многу висока вредност и ќе изнесува 9, па така на граѓаните им ппрепорачува да не се изложуваат на директно сонце и да пијат што повеќе течности.

Мразот на Гренланд годинава може да се топи побрзо, предупредуваат климатолозите

Ивона Петрова — Mon, 29 Jul 2019 07:19:17 +0000

Топлиот бран со кој се соочува Европа се заканува да го забрза топењето на мразот на Гренланд, што оваа година почна порано од вообичаено, предупредија климатолозите. Светската метеоролошка организација соопшти дека топлиот бран ја зафати и Скандинавија и се движи кон Гренланд. – Имајќи предвид дека бранот се движи преку Арктикот, тој потенцијално ќе донесе голема количина енергија која ќе го топи мразот, како во Арктичкиот океан, така и ледената покривка на копното во наредните три до пет дена, изјави Рут Мотрам, климатолог од Данскиот метеоролошки институт. Според истражувањата на овој Институт, околу 170 гигатони вода се додадени во светските океани како последица на топењето на мраз и снег во периодот од 12 до 26 јули. Околу 100 гигатони вода придонесуваат за зголемување на глобалното ниво на морето за околу 0,28 милиметри.

Расте бројот на жртви на топлото време во Јапонија

Ивона Петрова — Tue, 24 Jul 2018 06:53:29 +0000

Најмалку 80 лица до сега починаа како резултат на жешкиот бран што ја зафати Јапонија во последните неколку недели. До сега се хоспитализирани околу 35 илјади луѓе кои се пожалиле на последици поврзани со рекордно високите температури во последните три недели. Изминатата недела просечните температури во земјата изнесуваа повеќе од 35 степени Целзиусови во сенка, во големите градови изнесуваа од 35 до 40 степени, а влажноста била над 80 проценти. МИА

Најмалку 33 починати во топлиот бран во Канада

Ивона Петрова — Fri, 06 Jul 2018 06:21:38 +0000

Необично топлиот летен бран уби најмалку 33 лица во канадската провинција Квебек, соопштија локалните власти. Температурите достигнаа до 45 степени во Монтреал, при што 18 лица починаа. Повеќето од жртвите се постари мажи, кои живееле на високите катови на згради и немале клима уреди. Топлиот бран почна при крајот на јуни, и го зафати источниот дел на Канада, а метеролозите очекуваат да престане деновиве. МИА

Топлиот бран во Пакистан однесе 65 животи

Ивона Петрова — Tue, 22 May 2018 06:50:27 +0000

Топлотниот бран, кој претходните три дена го погоди Пакистан, усмрти 65 лица во градот Карачи на југот на земјата, а бројот на жртви би можел да се зголеми доколку температурите се задржат, соопштија официјални лица. Жештината од 44 степени и повеќе го погоди тој дел од Пакистан, во време на рамазанските пости, кога повеќето муслимани не јадат и не пијат преку ден. Фондацијата Еди, која се занимава со погребални услуги и итна помош, соопшти дека починале 65 лица од топлотен удар во градот Карачи, а повеќето жртви биле работници и со потекло од сиромашните квартови на градот. - Тие работеа блиску грејачите и бојлерите во текстилната фабрика, информира фондацијата. Се очекува до четврток температурата да биде околу 40 степени Целзиусови. Пакистан во 2015 година го погоди топлотен удар, при што починаа најмалку 1.300 лица.