Торино – Kurir.mk

Торино во преговори со Енис Барди

Бошко Тасиќ — Mon, 17 Jul 2023 04:14:30 +0000

Италијанскиот фудбалски клуб Торино сака оваа сезона да го добие Барди на позајмица, а идното лето комплетно да го откупи. Италијанскиот клуб чека одговор од Турците дали една таква понуда е прифатлива за нив. Барди сака да остане во Трабзон, барем така најавуваа турски медиуми, има уште две години договор откако ланското лето дојде за три милиони евра од шпански Леванте, но Трабзон поради кратење на буџетот за добра сума на пари сакаат да го продадат, а еден од ланските џиновски засилувања веќе спогодбено раскина – Марк Бартра.

Белоти потпиша за Рома

Бошко Тасиќ — Sun, 28 Aug 2022 16:10:49 +0000

Андреа Белоти се согласи да се приклучи на Рома со необичен договор на една сезона со опција за уште две години на „Олимпико“, објаснувајќи дека амбициите на клубот под Жозе Мурињо го привлекле кај „волчицата“. „Амбициите и растот на Рома се јасни за сите и тоа беше најголемиот магнет. Во овој дел од мојата кариера, сакам да бидам уште подобар и мислам дека тоа можам да го направам воовој клуб. Сега, едвај чекам да ја чујам химната на стадионот, пред нашите фанови“, вели Белоти. Белоти има 106 гола во 270 меча во Серија А за Торино и Палермо, каде што беше колега со Пауло Дибала.

Лукиќ побарал трансфер во Рома

Бошко Тасиќ — Sat, 13 Aug 2022 08:03:32 +0000

На денот кога започнува новата сезона во Серија А, главна тема во италијанскиот спортски печат е Србинот од Торино, Саша Лукиќ. Играчот кој требаше да ја добие капитенската лента, според „Тутоспорт“, започнал бунт во клубот и сака да го напушти клубот. Како што стои во текстот, Лукиќ е лут на управата која не му понудила нов договор иако тоа му било ветено, а исто така му е преку глава и би сакал да се пресели во Рома. Наводно, Лукиќ ги известил соиграчите за својата одлука. Тој разговарал и со тренерот Игор Јуриќ од кого побарала да не биде во тимот на отворањето на сезоната против Монца. Лукиќ има договор до 2024 година, па ќе биде интересно да се види како ќе се развива ситуацијата.

Рома преговара со Андреа Белоти

Бошко Тасиќ — Mon, 01 Aug 2022 07:05:55 +0000

Португалскиот тренер Жозе Мурињо е пред носење на уште едно импресивно засилување во Рома, откако „волчицата“ испрати понуда за поранешниот капитен на Торино, Андреа Белоти. 28-годишниот италијански репрезентативец е слободен играч откако му истече договорот со Торино, каде што помина седдум сезони, и според „Калчомеркато“, Рома смета на неговите услуги како засилување на нападот покрај Теми Абрахам, и се чека само Елдор Шомуродов да биде позајмен на Болоња. Рома му нуди на Белоти двегодишен договор со опција за уште една сезона и годишна плата од 2.8 милиони по сезона, која може да порасне на 3.5 милиони евра со бонусите. Рома очекува одговор од Белоти и неговата сопруга, која му е агент на фудбалерот во текот на следната недела.

Бремер пред трансфер во Интер

Бошко Тасиќ — Sat, 16 Jul 2022 17:52:02 +0000

Интер е во напредни преговори со Торино за трансфер на дефанзивецот Бремер, пренесуваат италијанските медиуми. Бразилецот е трансфер цел број еден на „нероаѕурите“ за засилување на дефанзивата, бидејќи е означен како идеална замена за Скриниар. Иако трансферот на Скриниар во ПСЖ се уште не е комплетиран, сепак Интер реши да ги забрза преговорите со Торино, бидејќи интерес за Бремер покажува и Јувентус. Италијанските медиуми пренесуваат дека двата клуба постигнале начелен договор и Интер за Бремер ќе плати 30 милиони евра плус младиот играч Чезаре Казадеј. 25-годишниот Бремер беше избран за најдобар дефанзивец во Серија А минатата сезона и ќе биде адекватна замена за Скриниар.

Монца заинтересирана за Белоти кој чини повеќе од половина од тимот

Ивона Петрова — Tue, 31 May 2022 06:04:34 +0000

Монца, која следната сезона ќе игра во првата дивизија на италијанското фудбалско првенство, има намера да го ангажира напаѓачот на Торино, Андреа Белоти, пишува „La Stampa“. Договорот на 28-годишниот напаѓач со сегашниот негов клуб истекува на 30 јуни оваа година. Така, дебитантот во Серија А може бесплатно да потпише со напаѓачот на Италија. Белоти оваа сезона одигра 23 натпревари за Торино и постигна осум голови. Вредноста на напаѓачот според „ Transfermarkt“ е 28 милиони евра. Вкупната вредност на сите играчи на Монца едвај надминува 45 милиони евра. Монца во неделата се пласираше во Серија А, победувајќи ја Пиза со 4:3 во баражот. Новајлијата во италијанското првенство е во сопственост на поранешниот премиер Силвио Берлускони.

Не пејачка или уметник, еве што сака да биде Констракта по големиот успех на Евровизија

Ивана Ефремовски — Wed, 18 May 2022 13:32:13 +0000

Пред да замине за Торино, Констракта се претставуваше како домаќинка и претседател на Куќниот совет, а сега ја прашаа, по големиот успех на „Евровизија“, која е “уметничка“ по ред на листата нејзини “професии“. -Во суштина и кога велам уметник има некое отстапување, всушност јас не сум член на ниту едно здружение, јас сум самопрогласен уметник, има некој сарказам во тоа. Не знам што сум во моментов. Сакам да бидам домаќинка, рече таа и откри дали имала некои очекувања од престижното натпреварување. -Во Торино немав очекувања, никогаш не си го приредувам тоа на себе. Она што го сакав и мислев дека е добро да се пласираме во финале и ми се чини дека тука имаше мало обединување, не само во Србија. Кога стигнавме до финалето, не ми беше грижа, рече таа.

Торини играше, Рома победи

Бошко Тасиќ — Sun, 28 Nov 2021 20:25:29 +0000

Рома стигна до триумф со 1-0. Мхитарјан одлично го проигра Абрахам, а напаѓачот прецизно пласираше и ја смести топката во мрежата. Неколку минути подоцна, Ел Шарави беше соборен во шеснаесетникот и досуден пенал, но ВАР на момент откажа, па се чекаше пет минути за да се утврди дека Абрахам на почетокот од акцијата бил во милиметарски офсајд и одлуката на теренот да се поништи. Торино во продолжението од мечот се обиде да стигне до изедначување, гостите имаа иницијатива, но Рома умешно се бранеше и стигна до трите бода на овој меч.

Погба се врати во Торино и ги „запали“ навивачите на Јувентус

Ристе Здравков — Fri, 08 Oct 2021 10:03:38 +0000

Репрезентацијата на Франција синоќа се сретна со Белгија во полуфиналето од Лигата на нации, а мечот се играше на Алијанц стадионот во Торино. Пол Погба настапуваше на него како домаќин од 2012 до 2016 година, во дресот на Торино по што се врати во Манчестер Јунајтед. Сега изгледа дека му следи ново враќање и тоа во Јувентус. Пред синоќешниот меч, тој даде изјава со која ги „запали“ навивачите на овој тим и најави дека е можно повторно да го облече црно-белиот дрес. „Го сакам Торино, ова е мој дом. Постојано сум во контакт со некои поранешни соиграчи од Јувентус, како Дибала“, откри Погба. Неговиот трансфер од Јувентус во Манчестер Јунајтед се уште е најскап во историјата на премиерлигашот, а изнесуваше 105 милиони евра.

Локатели донесе победа на Јувентус во градското дерби

Бошко Тасиќ — Sat, 02 Oct 2021 18:43:40 +0000

Вечерва во рамките од седмото коло во Серија А беше одиграно градското дерби помеѓу Торино и Јувентус, а на крајот трите бода ги освои екипата на Масимилијано Алегри. Натпреварот беше решен во 86. минута, Мануел Локатели беше оставен само во шеснаесетникот и новото засилување на Јувентус тоа знаеше да го искористи и да погоди во долниот десен агол. Во продолжение и Кулушевски ја погоди стативата, па резултатот остана 1:0. Со оваа победа Јувентус дојде до осмата позиција на табелата, а што е поважно за тимот на Алегри успеаа да врзат три победи во низа во Серија А, но ја прекинаа црната низа од 20 натпревари во низа во кои примаа гол во италијанското првенство. Како што стојат работите во продолжение од сезоната се најавува еден подобар Јувентус.