торнада – Kurir.mk

Вонредна состојба поради торнада во јужниот дел на САД, седум жртви досега

Тале Кристо — Fri, 13 Jan 2023 16:24:44 +0000

Најмалку седум лица загинаа во торнада во југоисточните американски држави Алабама и Џорџија, соопштија локалните власти. Во државата Џорџија и во некои окрузи во Алабама е прогласена вонредна состојба. Вкупно 45 торнада беа регистрирани вчера, се вели во прелиминарниот извештај на американскиот Центар за предвидување бури (SPC). Градот Селма во округот Далас претрпе значителна штета и градоначалникот ги повика жителите да останат во затворени простории и да се држат подалеку од паднатите далноводи. Југот на САД беше погоден од 36 торнада на крајот на ноември кога две лица загинаа во Алабама, а една година претходно, на крајот на 2021 година, само во државата Кентаки од торнада загинаа 80 луѓе.

Предупредување за бури, торнада, поројни врнежи и силен ветар за Хрватска и Западен Балкан

Магдалена Андонова — Fri, 25 Sep 2020 15:54:29 +0000

Европскиот систем за предупредување за невреме ЕСТОФЕКС издаде предупредување од втор и прв степен за делови од Хрватска и Западен Балкан, наведувајќи дека дел од регионот ќе биде под влијание на пороен дожд и град. Тие додаваат дека се можни торнада и силни налети на ветер. Бури се формираат на северот на Хрватска се до југот на Словачка и дека станува збор за силни бури. Најголема активност се очекува во вечерните часови, кога се очекуваат најмногу врнежи. Severe Weather Europe објави и прогноза со која најавува за попладенто поројни врнежи од дожд за Западен Балкан и дел од Медитеранот. Промената на времето во Хрватска веќе почна и пороен дожд врне во Далмација и Истра, додека паѓа град во Загорје. (МИА)

ВИДЕО: Силно невреме со Истанбул со дожд, торнада и грмотевици

Ивона Петрова — Wed, 24 Jun 2020 07:02:24 +0000

Силно невреме го погоди вчера Истанбул проследено со пороен дожд, грмотевици и торнада, јавија турските медиуми. Во невремето загина Сириец на возраст од околу 30 години. Истанбулската метеоролошка служба предупреди со жолт код за очекуваното лошо време во метрополата. Во населбата Бешикташ, многу автомобили останаа потопени до половина. Плоштадите и улиците се претворија во реки. Во областа на Босфорот и околината, дождот се претвори во град. Од невремето искорнати беа дрва во областа Аџибадем, а торнада се формираа во Чаталџа и Хадумкој, што се гледаат само во апокалиптични филмови, јавија локалните медиуми. Десетици покриви беа урнати, поплавени се згради. „Невреме во метрополата се очекува и денеска“, предупредуваат медиумите.