Торнике Шенгелија – Kurir.mk

Шенгелија ќе го пропушти Евробаскет 2022 поради повреда на рамото

Дарко Андоновски — Thu, 25 Aug 2022 07:05:54 +0000

Капитенот на грузиската репрезентација Торнике Шенгелија тешко се повреди на натпреварот против репрезентацијата на Холандија (77:66) во рамките на квалификациите за Светското првенство 2023. Во третата четвртина, кошаркарот на Виртус го повреди рамото како последица на пад и го напушти теренот, по што беше пренесен во болница на дополнителни прегледи. Голема е веројатноста Шенгелија да го пропушти претстојниот Евробаскет 2022 година кој ќе се игра од 1 до 18 септември. Грузија ќе биде ко-домаќин на турнирот за прв пат во историјата. Противници на Грузијците во А-групата ќе бидат Црна Гора, Шпанија, Бугарија, Белгија и Турција. з

Најдобриот кошаркар на Грузија се повреди на седум дена пред Евробаскет

Бошко Тасиќ — Wed, 24 Aug 2022 21:26:22 +0000

Грузија се соочи со огромен проблем во пресрет на европскиот шампионат што ќе стартува на 1 септември откако најдобриот кошаркар на оваа репрезентација, Торнике Шенгелија, заработи незгодна повреда на рамото на денешниот квалификациски дуел за СП против Холандија. Шенгелија во болка го напушти теренот и повеќе не се врати во игра. До моментот на повредата тој беше најдобар поединец во дресот на Грузија со 20 постигнати поени (8/11 шут од поле). Се очекува крилниот центар да го пропушти квалификацискиот дуел со Италија закажан за 27 август, а деталните лекарски прегледи ќе покажат дали има шанса Шенгелија да се рехабилитира навреме за настап на претстојниот европски шампионат.

Шенгелија потпиша за Виртус Болоња

Бошко Тасиќ — Mon, 07 Mar 2022 21:55:44 +0000

Грузијскиот искусен кошаркар Торнике Шенгелија е нов играч на Виртус Болоња. По стартот на воениот конфликт, Шенгелија како и многумина, ја напушти руската ЦСКА Москва. Искусниот кошаркар играше сезонава и во Евролигата, а бележеше просек од 12,7 поени, со 4,7 скока и 2,5 асистенции. Во својата кариера Шенгелија настапуваше за Валенсија, Шарлоа, Вервиер, Бруклин Нетс, Чикаго Булс и ЦСКА Москва

Шенгелија заработи сериозна повреда, ЦСКА без него два месеци

Бошко Тасиќ — Sat, 16 Oct 2021 07:34:14 +0000

Рускиот кошаркарски гигант ЦСКА Москва се соочува со сериозен проблем откако беше обелоденето дека Торнике Шенгелија ќе мора да паузира два месеци по повредата на рамото заработена минатата недела. Грузиецот одигра феноменално постигнувајќи 33 поени во победата над Зенит, но притоа заработи незгодна повреда. „Нашиот кошаркар Торнике Шенгелија ќе мора да мине подолго време надвор од терените, по повредата заработена на мечот со Зенит. Врз Шенгелија беа извршени детални прегледи во ГМС Клиниката, а првите лекарски прогнози велат дека Токо ќе паузира најмалку два месеци“, објави ЦСКА на својата официјална веб-страница.

Шенгелија избран за претседател на синдикатот на играчи во Евролигата

Бошко Тасиќ — Wed, 08 Sep 2021 22:22:21 +0000

Кошаркарот на ЦСКА Москва, Торнике Шенгелија е избран за нов претседател на синдикатот на играчи во Евролигата, пренесува веб -страницата на рускиот клуб. Мандатот на Италијанецот Луиџи Датоме како претседател заврши. Неговиот наследник беше потврден на годишниот состанок на синдикатот, одржан во вчера во Барселона. Дваесет и деветгодишниот Шенгелија игра за ЦСКА од 2020 година. Пред тоа, грузискиот кошаркар помина шест сезони со шпанската Баскија.