торонто репторс – Kurir.mk

Кошаркарот на Торонто најави дека ќе игра за САД на Мундобаскетот

Бошко Тасиќ — Thu, 15 Jun 2023 04:39:26 +0000

Кошаркарот Фред Вaнвлит ќе му се стави на располагање на селекторот на САД, Стив Кер за Мундобаскетот оваа година. Кошаркарот на Репторс е уште еден во низата кошаркари кои се подготвени да играат за САД, а ова е момче кое е лојално на Репторс од 2016 година, најави дека има голема желба да игра за американскиот тим. Брендон Инграм (Њу Орлеанс), Ентони Едвардс (Минесота), Тајрис Халибартон (Индијана), Остин Ривс (ЛА Лејкерс), Микал Бриџис (Бруклин), Боби Портис (Милвоки), Џејлен Брансон (Њујорк) и Џерен Џексон (Мемфис) се само дел од играчите кои досега го потврдија учеството во американскиот тим.

Српски тренер седнува на клупата на Торонто Репторс

Бошко Тасиќ — Mon, 12 Jun 2023 05:29:30 +0000

Дарко Рајаковиќ е пред ангажман од страна на Торонто Репторс во НБА лигата лигата. Канадската гордост во најсилната кошаркарска лига на светот во потрага за алтернатива на Ник Нурс налета на српскиот стручњак. Според угледните медиуми во Соединетите Американски Држави, зделката е пред финализирање и остануваат уште најмали детали и официјална промоција. Така, Рајаковиќ ќе стане вториот Србин кој водел НБА екипа, откако претходно Игор Кокошков беше тренер на Феникс Санс. Рајаковиќ во НБА лигата е од 2014 година, работејќи како помошник во неколку екипи. Пет сезони мина во Оклахома, па заедно со Кокошков работеше во Феникс. Последните три години тој е асистент во Мемфис Гризлис, а сега е пред својот прв самостоен ангажман на клупата на Торонто.

Серџо Скариоло седнува на клупата на Торонто Репторс?

Бошко Тасиќ — Wed, 31 May 2023 04:45:18 +0000

Најверојатно привршува многу успешниот престој на Серџо Скариоло во Виртус од Болоња. Различни опции се на маса за италијанскиот тренер, а една доаѓа од најсилната кошаркарска лига на светот. Според „Газета дело спорт“, Скариоло наводно е еден од тројцата кандидати за нов тренер на Торонто Репторс. Селекторот на Шпанија веќе работеше во Торонто од 2018 до 2021 година како помошен тренер и ја понесе титулата со Репторси. Скариоло го освои Еврокупот со Виртус, а ја извршува и функцијата селектор на Шпанија, со која има четири европски и едно светско злато, олимписко сребро и бронза, како и европска бронза.

Торонто Репторс го смени тренерот на крајот од сезоната

Бошко Тасиќ — Sat, 22 Apr 2023 05:54:21 +0000

Кошаркарскиот клуб Торонто му даде отказ на тренерот Ник Нурс, четири години откако тој ги предводеше Репторс до нивната прва и единствена титула во НБА лигата. Нурс помина десет сезони во Торонто, првите пет како асистент. Како прв тренер на Репторс имаше ефект од 227 победи и 163 порази. Последните три сезони не одеа како што планираше тимот, Торонто Репторс го пропуштија плеј-офот во 2021 година кога своите натпревари ги играа на Флорида поради пандемијата на коронавирус, во 2022 година загубија во првото коло од плеј-офот, а оваа година сезоната ја завршија во плеј-ин. Првото име што го споменуваат американските медиуми како наследник на Нурс на клупата на Торонто е поранешниот тренер на Бостон, Име Удока. .

НБА: Коронавирус во Торонто репторс

Ивана Ефремовски — Mon, 07 Dec 2020 19:26:45 +0000

Тројца членови на екипата на Торонто репторс се позитивни на Ковид 19 на задолжителното тестирање пред почетокот на подготовките за новата сезона, соопшти вечерва НБА лигата. Торонто, шампионската екипа од 2019 година, не го објави идентитетот на заразените кошаркари, но наведе дека сите тројца се во самоизолација. –Почитувањето на протоколот, тестирањата и следењето на контактите досега не открија ширење на вирусот меѓу другите членови на Репторс“, соопшти канадскиот НБА лигаш

Ник Нурс: Нивото на НБА е многу високо, сите екипи се силни

Дарко Андоновски — Mon, 26 Oct 2020 11:28:32 +0000

Тренерот на Торонто репторс, Ник Нурс, рече дека нивото на НБА е толку високо што тимот, за да победи, мора да се претстави најдобро на секој натпревар. – Во НБА, сите екипи се силни, сите се борат, секој е тешко да се победи. Најтешко е да се победат екипите кои се надвор од плејоф-зоната, бидејќи играчите се борат за своите договори. Мора да се докажувате на секој натпревар, бидејќи нивото на лигата е многу високо, изјави Нурс за порталот „Светот на кошарката“. Торонто оваа година не успеа да ја одбрани шампионската титула освоена во сезоната 2018/19.

Милвоки преку шампионот Торонто до 50. победа оваа сезона во НБА лигата

Ивона Петрова — Wed, 26 Feb 2020 09:21:18 +0000

Тимот на Милвоки бакс ја забележа победата број 50 во тековната НБА сезона, откако ноќеска на гостински терен го совлада бранителот на трофејот Торонто репторс. Најзаслужни за, триумфот на Бакс беа Крис Мидлтон со 22 поена и осум скока и Јанис Адетокунбо со 18 поени и 17 скокови. Резултати на натпреварите од НБА лигата одиграни ноќта меѓу вотник и среда: Индијана – Шарлот 119:80 Торонто – Милвоки 97:108 Чикаго – Оклахома Сити 122:124 Денвер – Детроит 115:98 Лос Анџелес лејкерс – Њу Орлеанс 118:109 Портланд – Бостон 106:118 Голден Стејт – Сакраменто 94:112. Најуспешен тим на Запад е ЛА Лејкерс со 44 победи и 12 порази, Милвоки е лидер во Источната конференција со биланс 50 победи и осум порази.

Рeпторс ја забележаа најголемата победа во клупската историја

Ивона Петрова — Mon, 24 Feb 2020 07:22:51 +0000

Торонто репторс поставија нов клупски рекорд совладувајќи ја Индијана со разлика од 46 поени (127:81). Ова е најголемата победа во клупската историја на актуелниот НБА шампион. Претходниот рекорд изнесуваше 44 поени и беше поставен на натпреварот против Атланта на 3 декември 2016 година. Ова е четврти натпревар во историјата на Торонто на кој канадскиот тим го совлада противникот со разлика од 40 или повеќе поени. Резултати на натпреварите во НБА лигата играни ноќта недела кон понеделник: Денвер – Минесота 128:116 Торонто – Индијана 127:81 Чикаго – Вашингтон 126:117 Оклахома – Сан Антонио 131:103 Голден Стејт – Њу Орлеанс 101:115 Портланд – Детроит 107:104.

Хјустон конечно славеше на гости, и тоа кај шампионот

Ивона Петрова — Fri, 06 Dec 2019 08:03:49 +0000

Хјустон рокетс извојува победа против Торонто репторс во најинтересниот натпревар во НБА лигата, одигран рано утрово. Тексашаните прекинаа серија од три гостински порази по ред. Канадскиот тим во одбраната се фокусураше на неутрализација на Џејмс Харден, постојано го удвојуваа, па затоа „брадата“ даде за него скромни 23 поени. Но, „ракетите“ покажаа дека имаат и други квалитетни играчи, па Расел Вестбрук направи трипл-дабл, Бен Мек Лемор уфрли 28 поени, а Пи Џеј Такер имаше 18 поени и 11 скока. Резултати од натпреварите од НБА лигата одиграни ноќта четврток кон петок: Вашингтон – Филаделфија 119:113, Њујорк – Денвер 92:129, Торонто – Хјустон 109:119, Њу Орлеанс – Феникс 132:139.

Шампионот во НБА поразен од ЛА клиперс

Ивона Петрова — Tue, 12 Nov 2019 07:12:05 +0000

Бранителот на трофејот во НБА лигата, тимот на Торонто репторс, утрово загуби на гостувањето кај Лос Анџелес клиперс со 98:88. Победникот беше решен во последната четвртина која домаќините ја добија со 25:10. За Торонто ова е трет пораз сезонава, додека ЛА клиперс ја забележа седмата победа. Резултати на другите натпревари играни ноќта меѓу понеделник и вторник: Детроит – Минесота 114:120 Бостон – Далас 116:106 Сан Антонио – Мемфис 109:113 Њу Орлеанс – Хјустон 116:122 Голден стејт – Јута 108:122. Пласман во Западната конференција: ЛА лејкерс 7-2 (победи-порази), Денвер 7-2, ЛА клиперс 7-3, Јута 7-3, Хјустон 7-3,… Поредок на Исток: Бостон 8-1, Милвоки 7-3, Торонто 7-3, Мајами 6-3, Филаделфија 6-3,…