торонто – Kurir.mk

Осум тинејџерки убиле маж, убиството го договориле на социјалните мрежи

Ивана Ефремовски — Wed, 21 Dec 2022 08:18:26 +0000

Осум тинејџерки се обвинети за убиство на 59-годишен маж кој беше избоден со нож во центарот на Торонто. Полицијата објави дека верува оти девојките се запознале на социјалните мрежи и го планирале убиството. Според полициските извештаи, девојките во неделата рано наутро нападнале и избоделе маж на плоштад во близина на главната железничка станица. -Три девојки имаат 13, три 14 и две имаат 16 години, јавуваат канадските медиуми. Полицијата не го наведе името на жртвата, но на прес-конференција рече дека мажот неодамна се преселил во системот за засолниште за бездомници во градот.

Симона Халеп победничка на турнирот во Торонто

Тале Кристо — Mon, 15 Aug 2022 07:41:01 +0000

Романската тенисерка Симона Халеп го освои трофејот на ВТА турнирот во Торонто, Канада. Романката синоќа во финалето ја победи Беатриз Хадад Маја од Бразил со 2-1, по сетови 6:3, 2:6 и 6:3. За Халеп ова е деветта титула на ВТА 1000 турнирите и вкупно 24-та во кариерата. Воедно, ова е нејзината највредна титула од турнирот во Рим 2020 година. По успешниот настап во Канада, Романката која во минатото беше прв светски рекет, од денес е шеста на светската ранг-листа на ВТА, односно бележи прогрес за девет позиции.

Во Торонто веруваат дека Кришито ќе биде пример за младите во канадскиот клуб

Ивона Петрова — Thu, 30 Jun 2022 08:33:51 +0000

Канадскиот фудбалски клуб Торонто објави з апотпишување на соработка со одбранбениот играч Доменико Кришито. Главниот тренер и спортски директор на клубот, Боб Бредли, е уверен дека 35-годишниот Италијанец ќе стане пример за младите играчи. -Кришито е извонреден дефанзивец, многу добар додавач и интелигентен играч. Може да игра или како лев бек или како централен бек и ќе биде одличен пример за нашите млади играчи. Кришито се пресели во Торонто од Џенова. Во својата кариера, Доменико Кришито има настапувано и за Зенит и Јувентус.

Медведев го освои Мастерсот во Торонто

Ивона Петрова — Mon, 16 Aug 2021 06:46:06 +0000

Рускиот тенисер Даниел Медведев синоќа го победи Американецот Рејли Опелка со 6:4, 6:3 во финалето на турнирот во Торонто. Мечот траеше 1 час и 27 минути. Русинот направи четири аса и четири двојни грешки, а исто така конвертира три брејк топки од седум можности. Опелка исто така сервираше четири аса, имаше три грешки на вториот сервис, и ниту еден реализиран брејк од четири шанси. Наградниот фонд на турнирот изнесуваше 2,8 милиони долари. За Медведев ова е трета титула во 2021 година. Претходно победи на турнирите во Мајорка и Марсеј. Вкупно, Медведев има 12 победи на АТП турнирите

Федерер ги откажа настапите во Торонто и Синсинати

Тале Кристо — Fri, 06 Aug 2021 16:51:06 +0000

Легендарниот швајцарски тенисер Роџер Федерер, кој в недела ќе го прослави својот 40. роденден, ги откажа поради повреда настапите на АТП турнирите од серијата „мастерс 1000“, кои следните две недели ќе се играат во Торонто и Синсинати. – За жал во текот на сезоната на настапи на трева почувствував проблеми со коленотo“, објави Федерер. Швајцарскиот тенисер двапати победи на канадскиот „мастерс“ во 2004 и 2006 година, додека во Синсинати седум пати го подигнуваше победничкиот трофеј.

Крвава роденденска забва во Торонто: Ранети три деца и двајца возрасни

Тале Кристо — Sun, 20 Jun 2021 07:11:47 +0000

Три деца и двајца возрасни се повредени по пукањето на детската роденденска забава во западниот крај на Торонто, соопштија официјалните лица. Според канадската полиција, меѓу ранетите имало едногодишно момче, петгодишно девојче, 11 годишно момче и 23 годишен маж. Засега не е познато дали второто повредено возрасно лице има повреди од огнено оружје. Според болнички извори, едно дете е во критична состојба, другото е во сериозна, а третото е со полесни повреди. Полициската инспекторка Кели Скинер дека единствената достапна информација за осомничените е дека биле повеќемина и дека „избегале од областа“. – Не знаеме што доведе до пукањето, рече таа, додавајќи дека кога полицајците пристигнале на местото на настанот, било „хаотично“.

Торонто казнет со 25 илјади долари поради одморање на здрави играчи

Тале Кристо — Sun, 18 Apr 2021 09:50:41 +0000

Торонто е казнет со 25.000 долари од страна на НБА-лигата поради непочитување на правилата на лигата за регулирање на одмор на играчи. Репторс решија да ги одморат Кајл Лаури, Паскал Сијакам и О Џи Ануноби во победата против Орландо во петокот, и покрај фактот дека сите тројца играчи беа здрави. Поради пандемијата на коронавирус, лигата им дозволува на играчите ветерани да пропуштат еден од два натпревари доколку тимот одигра два натпревари за два дена, особено во натпреварите што не се емитуваат на националната телевизија. Сепак, Репторс немаа настап од средата, па на тројцата играчи не им следуваше одмор.

Торонто ги загуби први три натпревари во регуларниот дел од сезоната за прв пат по 15 години

Магдалена Андонова — Wed, 30 Dec 2020 09:01:17 +0000

Екипата на Торонто загуби од Филаделфија (93:100) во ноќешниот натпревар од новата сезона во НБА лигата. Овој пораз беше трет во трите натпревари од сезоната 2020/21 за канадскиот тим. „Репторс“ го бележат својот најлош старт во последните 15 години. Торонто последен пат започна со три последователни порази во 2005/06 година. Тогаш тимот загуби девет натпревари по ред. Следниот натпревар на Торонто е на 1 јануари против Њујорк. (МИА)

Ануноби се согласи да го продолжи договорот со Торонто

Тале Кристо — Tue, 22 Dec 2020 07:41:58 +0000

Торонто и Оџи Ануноби се согласија да ја продолжат соработката за уште четири години. Според новиот договор кошаркарот ќе заработи 72 милиони долари. Во договорот е вклучена опцијата за можност играчот во сезоната 2024/25 да го напушти клубот како слободен агент. Репторс го избраа Ануноби на драфтот во 2017 година како 23-ти генерален пик. Во 2019 година, кошаркарот стана шампион во НБА-лигата како дел од канадскиот тим. Минатата сезона Ануноби имаше просек од 10,6 поени, 5,3 скока, 1,6 асистенции и 1,4 украдени топки по натпревар.

Торонто ја разгледува можноста во новата сезона да биде домаќин во Њу Џерси

Тале Кристо — Sun, 01 Nov 2020 08:52:17 +0000

Раководството на канадскиот НБА-лигаш Торонто репторс, размислува следната сезона да биде домаќин во Њу Џерси, пишува „The New York Daily News“. Веќе биле остварени разговори со операторите на „Пруденшал центар“ во Њујорк, за можноста Репторс домашните натпревари да ги игра во таа арена. Шампионот од 2019 година, сака да ја одигра претстојната сезона во еден од американските градови, поради ограничувања на движење предизвикани од коронавирусот. Клубот веќе преговарал со арените во Тампа-беј или Нешвил. Исто така беше објавено дека Канаѓаните можат привремено да се преселат во Луисвил или Канзас Сити. Останува да се почека на конечната одлука каде ќе игра Торонто како домаќин претстојната сезона.