„тортура“ – Kurir.mk

Руската армија користела тортура врз вработените во електраната

Ристе Здравков — Wed, 09 Mar 2022 08:11:10 +0000

Еуромајдан прес, англиски весник кој известува за руската инвазија на Украина, исто така се огласи на Твитер. – Руската армија употреби тортура за да ги натера вработените во заземената нуклеарна централа Запорожје да снимаат лажна адреса, која Русија ќе ја користи за пропагандни цели – изјави министерот за енергетика Херман Халушченко, пренесува Suspilne. Потсетуваме дека нападот на нуклеарната централа во Запорожје се случи во петокот минатата недела.

The Russian military has used torture to force the personnel of the captured Zaporizhia nuclear power plant to record a fake address, which Russia is going to use for propaganda purposes, said Energy Minister Herman Halushchenko, according to Suspilne.
— Euromaidan Press (@EuromaidanPress) March 9, 2022

Tаткото на Боки 13 тврди: Жарко Луковски почина поради тортурата од власта, вмешан и Рашковски

Тале Кристо — Tue, 04 Jan 2022 11:12:01 +0000

Taткото на Бојано Јовановски во јавноста познат како Боки 13, Миле Јовановски во своето интервју за А1 Он открива детали за случајот „Рекет“ кои досега биле непознати за македонската јавност. Според Миле Јовановски на чело на рекет шемата бил токму екс премиерот Зоран Заев кој рекетирал десетици бизнисмени, а неговиот син попознат под прекарот Боки 13 бил само посредник во рекетот на познати македонски бизнисмени. Едно од имињата кои Јовановски го споменуваше повеќе пати е името на Жарко Луковски кој според него починал од тортурата која ја преживеал од власта. -Што мислите како така набрзина почина Жарко Луковски? Од што? Така не се умира… Жарко Луковски во мало 50 години сме, знаете какви тортури и пресии му правеа, лично ми кажувал. Знаете дека го малтретираа, една, втора, трета, четврта изјава за да им се поклопат коците за рекет, истакна тој. Тој тврди една од жртвите на рекетот на Заев е и бизнисменот Жарко Луковски кој ненадејно починува за време на постапката за предметот „рекет“. Миле Јовановски истакна дека ако проговори Рашковски за случајот, екс-премиерот ќе нема повеќе никаков избор. -Aко прозбори Рашковски, Зоран Заев „а“ нема да може да каже. Гарантирам поради една порака пратена од Жарко Луковски. Бојан го запозна со Зоран Заев. И цела комуникација во еден момент се сведува дека „Жарко Луковски најубаво ќе биде да се слуша со Рашковски“: Поранешниот главен извршен директор на „Т-мобиле“ – Жарко Луковски беше обвинет во случај на СЈО за „Базни Станици“, а како и останатите случаи на ова згаснато обвинителство, Луковски најверојатно бил рекетиран и уценуван. Во еден од разговорите меѓу Бојан Јовановски и Орце Камчев, објавени од италијанскиот весник „Ла Верита“, Боки 13 спомнува дека Луковски завршил работа за случајот со базните станици, и во СЈО, и во Владата.

Пресуда за „Тортура”на 17 јуни

Ивана Ефремовски — Mon, 31 May 2021 15:12:03 +0000

Пресудата за предметот „Тортура”, каде првообвинет е поранешниот директор на УБК Сашо Мијалков и шест припадници на единицата „Алфа” е закажано за 17-ти следниот месец. На денешните завршни зборови на одбраната беше посочено дека БЈБ при МВР, а не УБК, како што тврди обвинителство, го организирало и извршило приведувањето на Лубе Бошковски, во јуни 2011 година. Случајот за овој предмет го води судијката Александра Ристовска, а застапник на обвинението е јавниот обвинител Љубомир Лапе. (МИА)

Во Италија покрената истрага против 44 полицајци поради тортура во затворите

Дарко Андоновски — Fri, 12 Jun 2020 09:22:01 +0000

Во Италија е покрената истрага проти 44 затворски полицајци кои се обвинети за употреба на прекумерна сила и за тортура врз затвореници, јави италијанската новинска агенција АНСА. На почетокот од април избија бунтови во неколку италијански затвори. Осудениците заедно со членовите на нивните семејства, кои протестираа пред затворите, барааа подобра заштита во време на пандемија со Ковид-19. Членовите на семејствата на затворениците и здружението Антигона, кое ги застапува интересите на осудениците поднесоа обвинение против управата на затворот Мариа Капуа Ветере. Тие тврдат дека околу 400 полицајци употребиле прекумерна сила врз арестантите.

Одбраната бара да не се слушаат снимки во предметот „Тортура“

Ивона Петрова — Fri, 07 Sep 2018 09:31:04 +0000

Со изведување на докази на Специјалното јавно обвинителство, односно видео и аудио снимки, денеска продолжи судењето за предметот „Тортура“ за апсењето на Љубе Бошковски. Бранителот Љупчо Шврговски побара воопшто да не се пушта снимка од разговорот меѓу Сашо Мијалков и Драган Павловиќ-Латас со образложение дека се нарушува приватноста на Мијалков и дополнително побара да се исклучи јавноста за другите аудио докази. На ова, обвинителот Љубомир Лапе од СЈО рече дека приговорот на одбраната бил за четвртиот разговор, а не за првиот, и оти тогаш треба да реагираат, а не анблок за сите разговори. Во снимката што беше пуштена се слуша како Латас му вика на Мијалков да биде уапсен Бошковски во кафеана и да биде влечен на под. Мијалков го нарекува Љубе „лудак“ и додава „се бореше кучето“. По пуштениот разговор, адвокатот Шврговски повторно реагираше дека во снимката има политичка конотација и приватен разговор и оти се прави театар за јавноста. Тој упорно бара да не се слушаат снимките. Во овој предмет обвинети се поранешниот директор на УБК Сашо Мијалков, поранешниот прв човек на единицата „Алфи” Ивица Антевски - Пуки и уште петмина припадници на единицата. МИА

Продолжува судењето за „Тортура“

Ивона Петрова — Fri, 07 Sep 2018 06:56:41 +0000

Со изведување материјални докази денеска во Кривичниот суд треба да продолжи рочиштето за предметот „Тортура“ на Специјалното јавно обвинителство во кое се обвинети поранешниот директор на УБК Сашо Мијалков, поранешниот прв човек на единицата „Алфи” Ивица Антевски - Пуки и уште петмина припадници на единицата, за апсењето на Љубе Бошкоски. На минатото рочиште оштетениот Бошкоски, на сослушувањето во својство на сведок, рече дека му е многу жал што се случил таков настан, и оти сака да го избрише од неговата меморија. Тој оцени дека апсењето било политички реваншизам што произлегол од неговите јавни настапи по напуштањето на партијата ВМРО-ДПМНЕ и формирањето на Обединети за Македонија. Бошкоски рече дека ќе бара обвинетите кривично да одговараат, а за оштетното побарување ќе каже во текот на постапката. Сите обинети пред судот се изјаснија дека не се чувствуваат виновни. Бошкоски во изјава за медиумите прашан колкава материјална штета ќе побара, рече дека тој не е тука за материјална штета, туку за штетата која му била нанесена наму, на неговото семејство и на неговата политичка партија од, како што го нарече, полициско-политичкиот монтиран процес.

Бошкоски ќе сведочи за „Тортура“ на СЈО

Матеја Петровски — Mon, 03 Sep 2018 05:46:45 +0000

Со сведочење на Љубе Бошкоски денеска во Кривичниот суд треба да продолжи рочиштето за предметот „Тортура“ на Специјалното јавно обвинителство во кое се обвинети поранешниот директор на УБК Сашо Мијалков, поранешниот прв човек на единицата „Алфи” Ивица Антевски – Пуки и уште петмина припадници на единицата, за апсењето на Бошкоски. Обвинителот Љубомир Лапе во воведните зборови на претходното рочиште рече дека СЈО ќе докаже дека по основ на политичка определба првообвинетиот Мијалков ги навел останатите обвинетите при апсењето на Бошкоски тој душевно да страда, а сето тоа поради политичка одмазда за упатени пораки за време на изборна кампања. Според Лапе, полицајците спротивно на уредбата за средства за присилба, употребиле прекумерна сила. Полицајците, како што рече тој, ја послушале наредбата и ги пренеле заканите од Мијалков, а еден од обвинетите му ставил пиштол на глава и му рекол „бел ден нема да видиш“. Како докази, обвинителот Лапе рече дека ќе бидат приложени снимки од неколку телевизии и видео снимки од МВР од денот на апсењето, како и писмените докази поткрепени од т.н. бомби. - Последицата од апсењето односно душевното страдање ќе се докаже со медицинска документација, рече Лапе. Според адвокатот Љупчо Шврговски меѓу другото истакна дека ќе докаже дека Бошкоски давал отпор во апсењето и од тие причини обвинетите постапиле како што треба. Сите обинети пред судот се изјаснија дека не се чувствуваат виновни. Бошкоски во изјава за медиумите прашан колкава материјална штета ќе побара, рече дека тој не е тука за материјална штета, туку за штетата која му била нанесена наму, на неговото семејство и на неговата политичка партија од, како што го нарече, полициско-политичкиот монтиран процес. (Mиа)

Нови рочишта за „Тортура“, „Тарифа“, „Тревник“ и „Насилство во Центар“

Ивона Петрова — Mon, 09 Jul 2018 05:58:30 +0000

Во Кривичниот суд за денеска се закажани рочишта за предметите на Специјалното јавно обвинителство „Тортура“, „Тарифа“, „Тревник“ и „Насилство во општина Центар“.

Минатото рочиште за предметот „Тортура“ беше одложено поради болест на обвинетиот Филип Атанасов, за што медицинска потврда до Судот достави неговиот адвокат Љупчо Шврговски.

Судијката Александра Ристевска опомена дека ова ќе биде последно одложување и најави дека од наредното рочиште ќе ја раздвојува постапката доколку некој е болен затоа што, како што кажа, тоа е од интерес на обвинетите, оштетениот, обвинителите, бранителите и судот. Во „Тортура“ обвинети се поранешниот директор на УБК Сашо Мијалков, поранешниот прв човек на единицата „Алфи" Ивица Антевски - Пуки и уште петтмина припадници на единицата.

Специјалното јавно обвинителство ги гони за мачење и друго сурово, нечовечко или понижувачко постапување и казнување, за начинот на лишување од слобода на лидерот на Обединети за Македонија и поранешен министер за внатрешни работи Љубе Бошковски, на 6 јуни 2011 година, ден по предвремените парламентарни избори. На обвинителна клупа денеска треба да седнат и поранешниот генерален директор на АД „ЕЛЕМ“ Дејан Бошковски и уште две други лица, кои се обвинети во случајот „Тарифа“. Станува збор за обвинение за противзаконска набавка на софтверски систем за потребите на државната компанија „Електрани на Македонија“ вреден околу четири милиони евра. Според обвинението на СЈО, обвинетите ја злоупотребиле службената положба и овластување во постапка за јавна набавка на софтвер – „ЕРП Систем“. Обвинетите со неизвршување на службената должност овозможиле правното лице – конзорциум, кое подоцна го добило тендерот да се квалификува во втората фаза на преговарање при јавната набавка, иако немало доставено комплетна документација. Ново рочиште денеска ќе се одржи и за случајот „Тревник“, во кој се обвинети Драган Павловиќ - Латас и неговите браќа Срѓан и Звездан за бесправна градба на три викенд-куќи во Зелениково. Според СЈО, обвинетите изградиле три викенд-куќи во општина Зелениково без да имаат право на ваква градба, односно градење без одобрение за градење. Латас изградил викендичка од 317 квадратни метри, а неговите браќа, викендички со квадратура од 130, односно 104 квадратни метри. Во прибавените докази на СЈО, меѓу кои и сателитски снимки, вештачење, како и останата документација, овие три викенд-куќи биле започнати со градење во 2011 година, а одобрение за нивно градење од општината е добиено во 2013 година кога веќе биле и завршени. Во Основен суд Скопје 1 денеска треба да продолжи судењето и за случајот „Насилство во општина Центар“. Обвинети се поранешниот премиер Никола Груевски, поранешниот министер за транспорт и врски Миле Јанакиески, пратеничката на ВМРО-ДПМНЕ Даниела Рангелова и уште девет лица. На претходните рочишта за овој предмет, вина признаа четвртообвинетиот Томислав Лазаров и петообвинетиот Јордан Ристевски и добија условни казни. За седмообвинетиот Димче Крстев, пак, се води одвоена постапка. МИА

Нови рочишта за „Тортура“ и „Тенк“

Ивона Петрова — Wed, 13 Jun 2018 07:08:53 +0000

Во Кривичниот суд денеска ќе се одржи ново рочиште за предметот на Специјалното јавно обвинителство „Тортура“, каде обвинети се поранешниот директор на УБК Сашо Мијалков, поранешниот прв човек на единицата „Алфи" Ивица Антевски - Пуки и уште петмина припадници на единицата. Специјалното јавно обвинителство ги гони за мачење и друго сурово, нечовечко или понижувачко постапување и казнување, за начинот на лишување од слобода на лидерот на Обединети за Македонија и поранешен министер за внатрешни работи Љубе Бошковски, на 6 јуни 2011 година, ден по предвремените парламентарни избори. Претходното рочиште беше одложено поради отсуство на третообвинетиот Новица Станковски, за што одбраната достави медицинска документација. Во Кривичниот суд денеска треба да се одржи и рочиште за раздвоената постапка за поранешната министерка за внатрешни работи Гордана Јанкулоска, која е обвинета во случајот на СЈО „Тенк“, што се однесува за набавката на луксузниот мерцедес од 600 илјади евра. Во случајот „Танк“, за набавката на луксузниот „мерцедес“ вреден 600 илјади евра, обвинети се поранешниот премиер Никола Груевски, поранешната министерката за внатрешни работи Гордана Јанкулоска и поранешниот помошник министер во МВР Ѓоко Поповски. За овој случај Ѓоко Поповски беше осуден на шест години и шест месеци затвор, а Никола Груевски како поттикнувач за извршување на делото е осуден на две години затвор. МИА