Тоше Проески – Kurir.mk

СНИМКА КОЈА ЈА НЕМАШЕ НА НИТУ ЕДНА ТЕЛЕВИЗИЈА – ова се првите сведоци на лице место откако загина Тоше, ќе ве полазат морници од видеото направено со мобилен

Дарко Андоновски — Tue, 17 Oct 2023 09:56:35 +0000

Вчера се навршија 16 години од кобниот 16 октомври кога во 2007-та година загина најпознатиот македонски пејач Тоше Проески. Фотографиите и видеата од смачканиот џип „Туарег“ на сите веќе им се добро познати, но речиси по многу години се појави и видео од сведоците на лице место тоа утро. Имено на Јутјуб пред четири години се појавило видео кое е направено со мобилен телефон во тоа време, а на него се гледа како има колона возила запрени во место поради сообраќајна несреќа. Сведокот со мобилниот телефон се приближува кон смачканиот автомобил, а во меѓувреме има и брза помош на лице место што значи дека се уште на никој не му било јасно дека тој ден Балканот ќе биде завиен во црно... Само неколку минути подоцна, медиумите пристигнале на лице место, но на местото останал да сведочи само „Туарегот“ со траги на свежа крв.

Во Крушево сеќавања и љубов за Тоше, црвени рози за ултрамаратонците

Катерина Бојаџиева — Mon, 16 Oct 2023 13:15:32 +0000

Со црвени рози на Гумење во Крушево беа пречекани 13-те маратонци, кои по 16-ти пат го трчаа маратонот во чест и за љубов на најголемата македонска и балканска ѕвезда Тоше Проески. Тоше загина на 16 октомври во 2007 година во сообраќајна несреќа кај Нова Градишка, Хрватска од каде маратонците го почнаа својот маратон, па преку Македонија низ Крушево до неговото вечно почивалиште на Гумење. -Ова е за Тоше, нашиот ангел, за најсаканата личност во нашава држава. Ова е 16-та година без нашиот ангел и 16-ти ултрамаратон. Синоќа на Плетвар и дожд и ветер, ама денот во Крушево не огреа сонце како што тоа го правеше нашиот Тоше. Ова е малку што го правиме за големиот човек со уште поголемо срце за сите нас. Затоа го носиме во срцето, изјави маратонецот Наум Капричевски. Тој и 12-те маратонци извикуваа за кого го прават тоа со одговор дека е за Тоше. -Тргнавме од Нова Градишка, Хрватска. Таму поминавме 198 километри. Потоа стартувавме на граничниот премин Табановце за денеска напладне да стигнеме во Крушево. Низ Македонија поминавме 220 километри. На Гумење се поклонуваме на вечното почивалиште на Тоше. Годинава имаме неколку нови маратоци и секоја чест на сите. Само за нашиот ангел Тоше кој е и љубов, рече маратонецот Никола Геов. Во спомен-куќата на Тоше, каде се 360 експонати и која за 12 години ја посетиле над еден милион гости, беше отворена знаковна изложба и за слепите лица да можат да ја доживеат поставката. -Тажни сме без Тоше Проески. Неизмерни се и болката и спомените, посебно во оваа куќа на сеќавања. За првпат преку тактилна изложба и со Браевото писмо им е овозможено на слепите лица да може да ја доживеат поставката и со раката да поминат по ликот на Тоше и да може да го помилуваат. Избрани се повеќе такви фотографии: на неговиот лик, на манастирот „Свето Преображение“, на облеката што ја носеше на Евровизија, на Мајката Божја, на неговите омилени гитари. Располагаме со околу 500 експонати, главно од семејството Проески, а изложени се 360. Другите се во депото и често ја обновуваме и менуваме поставката, изјави Лефкија Гажоска, директорка на спомен-куќата Тодор Проески. Фановите и бројните почитувачи на делото на Тоше и денеска беа на Гумење. Ги имаше од Македонија и од други земји. - Доаѓам веќе 15 години. Секогаш се трудам да бида тука, и на 16 октомври и на 25 јануари. Многу ми значи, за сите мои животни случувања. Јас ќе доаѓам секогаш и така ќе биде, рече Бруна од Загреб, Хрватска. Идејата веќе шеста година да се пречекуваат маратонците со црвени рози е на учениците од крушевското средно училиште „Наум Наумоски-Борче“. Тие на Гумење ги пеат и песните на Тоше, потсетувајќи дека сите генерации ги знаат. фото извор МИА

МОЛЧЕШЕ 40 ДЕНА, А ПОТОА ПРЕД КАМЕРИТЕ ОТКРИ СОМНИТЕЛЕН ДЕТАЉ – по ова прашање кое и го поставил Тоше во колата на Лилјана Петровиќ и било јасно што следува!

Дарко Андоновски — Mon, 16 Oct 2023 12:59:26 +0000

Времето поминува, а секој 16 октомври и по 16 години не престанува да боли. Медиумите ширум регионот денеска се потсетуваат на трагично загинатата наша најголема музичка ѕвезда Тоше Проески. Речиси со месеци неговата менџерка Лилјана Петровиќ беше топ тема во медиумите, а ексклузивно таа по 40 дена се огласи за телевизијата Нова. Во интервјуто таа раскажа до детаљ што се случувало кобното утро, а еден детаљ особено и станал сомнителен. Имено Тоше ја запрашал дали сонувала нешто чудно, а таа му рекла не, иако никогаш не ја прашувал такви работи... Потоа раскажа како заспала, па го слушнала само ударот...

НЕ СЕ ЧУВСТВУВАМ ВИНОВЕН И БЕЗ ПРЕСУДА СУМ КАЗНЕТ: Еве што тврдеше низ солзи возачот на Тоше по трагедијата, еден детаљ во неговата рака сите го паметат

Дарко Андоновски — Mon, 16 Oct 2023 12:15:30 +0000

Пред точно 16 години пејачот Тоше Проески трагично го загуби животот во сообраќајна несреќа која се случи на автопатот кај Нова Градишка во Хрватска. Тоа кобно утро тој тргна за Загреб каде требало да снима англиска верзија на една од неговите песни, а во несреќата која се случи тешко повредени беа и возачот на „Туарегот“, Ѓорги Ѓоргиевски како и менаџерката на пејачот, Лилјана Петровиќ. Инаку, иако семејството се откажа од кривично гонење на човекот кој го возел автомобилот, судот по службена должност покренал спор во скопскиот суд, обвинувајќи го возачот за дело против безбедноста во сообраќајот со смртни последици. Исто така и менаџерката на Тоше се откажа од тужба и материјална оштета. Ѓоргиевски во 2009 година по две години по трагедијата во Основниот суд во Скопје е осуден на две години затвор, иако тој до крајот на судењето тврдеше дека е невин плачејќи и држејќи негова фотографија во судницата денот кога му е изречена казната. -Не се чувствувам виновен. Не е точно дека сум спиел зад воланот пред несреќата. Жал ми е, изгубив брат и без пресуда веќе сум казнет. Ќе патам додека сум жив поради изгубениот пријател, велеше низ солзи тогаш Ѓоргиевски.

ОВА Е НАЈТЕШКИОТ ДЕН ВО ГОДИНАТА ЗА НЕА: Весна Петрушевска со емотивно видео се потсети на Тоше Проески, за седум часа откако те гушнав за последен пат те снема!

Дарко Андоновски — Mon, 16 Oct 2023 11:39:34 +0000

Денеска е 16-ти октомври, а точно на овој ден пред 16 години во тешка сообраќајна несреќа животот го загуби најголемата музичка икона која некогаш ја имала Македонија, Тоше Проески. Сообраќајната несреќа се случи кај Нова Градишка во Хрватска, а тогаш медиумите во целиот регион со брзина на светлината ја пренесоа оваа страшна вест… Од тогаш, па навака веќе ништо не е исто на македонската музичка сцена… Не е исто ниту во животите на многу луѓе кои го сакаа неизмерно и беа дел од неговото секојдневие… Една од нив беше и водителката Весна Петрушевска – Бејби, со кого Тоше беше исклучително близок… Повеќето од вас знаат дека токму неколку часа пред неговата смрт, односно на 15-ти октомври во вечерните часови, Тоше беше гостин во емисијата на Весна каде искрено разговараа на многу теми. Од тогаш, па навака, Весна на овој ден постојано се потсетува на нејзиниот голем пријател и знае да напише доста емотивни зборови. Така беше и сега… Петрушовска сподели неколку спомени од Тоше и напиша неколку емотивни реченици… Погледнете: „Секој 15-ти октомври е ист. И тоа точно некаде околу 22 часот. Завршивме околу 23 часот. За неполни 7 часа те снема. Небото е поделено на 7 елементи. Виножитото има 7 бои. Сакам да мислам на тебе затоа што тогаш чувствувам дека си жив некаде, макар и во мојата глава. Ти уживаше во секое изгрејсонце, бидејќи знаеше дека никому не е ветено утре, дури и остатокот од денес. Тагата е љубов што не сакам да ја оставам.. Те сакам,твоја Бејби“.

View this post on Instagram

A post shared by Vesna Petrushevska (@vesnapetrushevska)

Црвени рози за маратонците во чест на Тоше во Крушево

Катерина Бојаџиева — Mon, 16 Oct 2023 07:06:46 +0000

Со црвени рози и многу сеќавања крушевчани денеска на пладне ќе ги пречекаат маратонците кои трчаат до Гумење во Крушево во чест на нашата и балканска музичка ѕвезда, Тоше Проески. Пред 16 години, на 16 октомври 2007 година Тоше го загуби животот во сообраќајната несреќа што се случи кај Нова Градишка, Хрватска. Маратонците своето трчање го почнаа во Нова Градишка. На пладне ќе пристинат и ќе се поклонат пред неговото вечно почивалиште на Гумење во Крушево. Низ улиците до Гумење, крушевчани ќе ги пречекаат со црвени рози. Тоа е традиција што ја воспоставија учениците од средното крушевско училиште „Наум Наумоски - Борче“. Спомен-куќата на Тоше на Гумење ги пречекува бројните посетители и фанови кои и годинава ги има од сите краишта. -16 октомври е ден кој носи многу тага, солзи и неверување за сите кои го познававме, го сакавме и се уште го почитуваме. Во Спомен-куќата ќе биде претставена Тактилната изложба на музејски предмети, со објаснување со Брајовото писмо. На овој начин на денот кога пред суровата реалност затвораме очи пред фактот дека Тоше го нема, заедно со слепите лица ќе имаме можност да ги допреме, тактилно, неговиот лик, неговиот манастир, неговите гитари и многу други музејски предмети, дел од поставката во Спомен-куќата, вели директорката на Спомен-куќата „Тодор Проески“, Лефкија Гажоска. Во Спомен-куќата, која е најпосетуваниот музеј откако е изграден во 2011 година, ќе биде презентирано и видео на знаковен јазик и ќе биде поставено на веб-страницата на Спомен-куќата.

Македонија и Балканот тагуваат: 16 години без Тоше Проески

Ивона Петрова — Mon, 16 Oct 2023 05:30:57 +0000

Македонија и Балканот тагуваат и се сеќаваат на Тоше Проески кој на денешен ден пред 16 години трагично го загуби животот во сообраќајна несреќа кај Нова Градишка, на пат кон Загреб. Тодор Проески – Тоше е роден на 25 јануари 1981. и својот музички талент го покажал уште како петтоодделенец на фестивалот „Златно славејче“ (1992) каде испеал песна на влашки јазик. Музичката кариера ја почна со победата на „Мелфест“ во Прилеп, во 1997. година, и оттогаш настапуваше на сите значајни фестивали во земјава и регионот, а во 2004-та ја претставуваше Република Македонија на Евровизија во Истанбул. Таа година стана и амбасадор на УНИЦЕФ. Објави седум албуми – неколку и во превод на српски/хрватски јазик. Последниот – „Игри без граници“ беше промовиран две недели пред несреќата, а последниот концерт го одржа на Градскиот стадион на 5 октомври 2007. Спомен-куќата на Тоше Проески на Гумење во Крушево за десет години ја посетиле преку 700 000 гости. На 25 април 2011 година е отворен овој импозантен музеј, Спомен дом кој една деценија ја раскажува приказната за Тоше, за големиот музичар, за хуманистот, човекот кој и денес ги плени срцата на луѓето од земјава, Балканот и од Европа. Спомен-куќата е симболиката на сѐ во што веруваше Тоше, најпосетуваниот музеј на овие простори и со меѓународна награда за уникатно архитектонско дело. Во него се изложени 350 експонати, предмети, дел од животот на Тоше, а во депото има уште.

Од Прилеп тргна караванот „Тоше за овој свет“

Дарко Андоновски — Thu, 01 Jun 2023 13:14:50 +0000

Со оригиналната облека на Тоше од неговото последно интервју во „Вртелешка“ на 15 октомври 2007 година, со омилената бела гитара и со репликата на костимот од Евровизија, Спомен куќата на Тодор Проески го почна караванот низ училиштата во земјава за презентација на ликот и делото на големата музичка ѕвезда и хуманист кој најмногу ги сакаше децата. Караванот започна со гостувањето во прилепското основно училиште „Кире Гаврилоски - Јане“. Под мотото „Тоше за овој свет“, македонските ученици ќе се запознаваат и ќе се потсетуваат на големото дело на музичарот и најмлад амбасадор на УНИЦЕФ. Ова е првпат да се изнесуваат предмети од музејот во Крушево. -Нашата кампања под мотото „Тоше за овој свет“ е првенствено посветена на двете години 2003 и 2004 година, а годинава и догодина одбележуваме 20 години, од прогласувањето на Тоше за најмлад амбасадор на УНИЦЕФ. Тоше секаде, на своите настапи, ја потенцираше љубовта спрема сите (Ве сакам сите), посебно кон децата. Да не зборуваме за неговата хумана мисија која ја остваруваше секојдневно преку неговите хуманитарни концерти и донации за децата, кои пред се имаа или потешкотии во развојот или беа без семејна и родителска грижа, изјави Јефкија Гажоска, директорка на спомен-куќата Тодор Проески. Караванот започнува од денеска, од основното училиште „Кире Гаврилоски-Јане“, а ќе продолжи во основните училишта кои ќе покажат интерес за оваа презентација и за изложбата, за претставувањето на музејските експонати, изложени во спомен куќата „Тодор Проески“ кои на овај начин за првпат излегуваат од музејските витрини. - Во различни училишта ќе се носат различни предмети од музејската поставка, во зависност од пригодата. Денеска во спортската сала на училиштето се репликата на костимот (мантилот) од настапот на Тоше Проески на Евровизија во Истанбул 2004 година и неговата безвременска изведба на песната „Ангел си ти“, неговата омилена бела гитара, како и облеката од последното негово интервју, гостување во емисијата „Вртелешка“ кај Весна Петрушевска. Со ова поврзуваме што сѐ претставуваше Тоше за нас, и сѐ уште претставува за децата и мислам дека ќе имаме голема заинтересираност од училиштата. Од септември тоа ќе ни биде редовна посета на училиштата, изјави Гажоска. Учениците со внимание од кустосот на Музејот, Надица Николоска слушаа за животниот пат и успесите на Тоше Проески, чии почетоци се врзуваат за Прилеп и за фестивалот „Мелфест“. Ги слушаа песните на Тоше, меѓу кои изведбата на „Овој свет“ што е и неофицијална химна за децата. - Посебно е задоволството што од нашето училиште почнува овој караван, особено што имаме можност децата, кои се родени по загинувањето на Тоше, повеќе да знаат за него, за неговата големина и неизбришливите траги што ги остави и во музиката и во хуманоста. Организираме ученички посети на спомен-куќата во Крушево и тие се и во иднина дел од училишните екскурзии, рече Влатко Кузманоски, директор на прилепското основно училиште „Кире Гаврилоски-Јане“. Спомен куќата на Тоше е меѓу петте најпосетувани музеи. Има 630 предмети поврзани со делото на Тоше Проески и досега ја посетиле преку еден милион гости од земјава Балканот и од светот.

Не оди на неговиот гроб, но го чува подарокот кој и го подарил Тоше за нејзиниот последен роденден – еве што ќе има засекогаш Лилјана Петровиќ како спомен

Дарко Андоновски — Wed, 25 Jan 2023 17:29:17 +0000

Лилјана Петровиќ, менаџерката на Тоше Проески, која беше со него во автомобилот ноќта кога почина македонскиот пејач, неодамна изјави дека секој ден се сеќава на него, иако не оди во Крушево. -Не одам на неговиот гроб, бидејќи е насекаде околу мене. Само не сакам да прифатам дека го нема. Секогаш се чувствувам лошо во овој период, бидејќи ме потсетува дека тој навистина не е повеќе тука. Не можам да објаснам, вели Петровиќ и додава: „Ги чувам сите подароци од него, сите ми се омилени. Нашите фотографии на кои сме насмеани, ми висат на ѕид. Го сакам неговиот часовник што ми го подари за мојот последен роденден. Ќе го чувам засекогаш“.

ТАЖЕН РОДЕНДЕН: Сестрата на Тоше Проески направи торта за својот непрежален брат (ФОТО)

Ивана Ефремовски — Wed, 25 Jan 2023 12:36:53 +0000

Да беше жив, денес Тоше Проески ќе наполнеше 42 години. На денот на неговиот роденден во семејството во Крушево беше направена прекрасна торта. На тортата, испишана емотивна порака. „Секој твој роденден Тоше е наша воздишка“. Неговата сестра Дора ја објави тортата на својот Фејсбук профил.