Тотенехем – Kurir.mk

ПСЖ започна преговори со Хари Кејн

Бошко Тасиќ — Thu, 18 May 2023 05:01:16 +0000

ПСЖ сака да го доведе во своите редови Хари Кејн, еден од најдобрите напаѓачи во светот член на Тотенхем и репрезентативец на Англија. Како што пренесуваат медиумите во Франција и Англија, спортскиот директор на “светците“, Луис Кампош, веќе имал разговори со менаџерскиот тим на Кејн. Сепак не се објавуваат детали од тие разговори, а се знае дека за услугите на Кејн се заинтересирани речиси сите најголеми клубови во Европа, како Баерн Минхен, Барселона и Манчестер Јунајтед.

Иван Перишиќ се враќа во Италија

Бошко Тасиќ — Sun, 16 Apr 2023 06:29:32 +0000

Хрватскиот репрезентативец и член на Тотенхем, Иван Перишиќ, сака по секоја цена да се врати во Италија и тоа не било каде, туку во Италија. Хрватот минатата сезона се пресели од Интер во Тотенхем, но неговата етапа во Лондон по сè изгlеда ќе заврши само после една измината година. Перишиќ е незадоволен од статусот во екипата, а англиските медиуми објавуваат дека тој сигурно нема да биде во плановите на менаџерот кој ќе го преземе лондонскиот клуб следната сезона. Одличниот фудбалер веќе има полни 34 години и изјавил дека многу би сакал да се врати токму во Интер, каде со голем успех настапуваше седум сезони.

ЛШ: Минимални победи на Баерн и Милан во првите натпревари

Бошко Тасиќ — Tue, 14 Feb 2023 22:51:59 +0000

Баерн Минхен со предност ќе го пречека Пари Сен Жермен во реваншот на „Алијанц арената“, откако вечерва славеше на гостувањето во главниот град на Франција со минимални 0-1. Првото полувреме кое заврши без голови 0-0 го одбележа младиот Заир-Емери кој стана најмладиот фудбалер во историјата на елитното натпреварување кој стартувал натпревар во нокаут фаза. Заир-Емери во моментов има 16 години и 343 дена. Водство за Баварците исто како и во финалето во Лисабон во корона сезоната во 2020 година, донесе Кингсли Коман во 53. минута по центаршут на Алфонсо Дејвис. Токму францускиот репрезентативец во кариерата го носеше и дресот на „светците“ каде беше десет години и ги помина сите младински школи. Најубавата шанса домаќините ја имаа во 74. минута кога Зомер беше феноменален и во иста акција успеа да ги скроти ударите на Мбапе и Нејмар, а потоа погодокот на Французинот беше поништен поради офсајд. Мбапе немаше среќа на овој меч бидејќи поради офсајд беше поништен и неговиот втор погодок ви 82. минута. Две минути подоцна шанса имаше и Меси, но Павар успеа да спаси чист погодок. За издвојување е и црвениот картон кој го доби фудбалерот на гостите Бенџамин Павар во 91. минута. Во вториот натпревар од вечерашната понуда Милан на домашен терен славеше против Тотенхем со 1-0. Клучниот момент во мечот се случи во шестата минута кога Брахим Дијаз го постигна победничкиот погодок. Реваншите од овие два натпревари ќе се одиграат на 8. март.

Тотенхем сака да го ангажира Облак на местото на Лорис

Дарко Андоновски — Thu, 29 Sep 2022 08:20:02 +0000

Премиерлигашот Тотенхем е заинтересиран за голманот на Атлетико Мадрид, Јан Облак, објави „Ивнинг Стандард“. Спарс го гледаат 29-годишниот Словенец како замена за сегашниот голман на тимот, 35-годишниот Уго Лорис. На Тотенхем му е приоритет да го купи Облак и планира да го ангажира следното лето. Претходно беше објавено дека и Манчестер јунајтед е сериозен во намерата да го донесе Облак на „Олд Трафорд“. Во сезоната 2022/23, Облак прими шест гола на шест натпревари за Атлетико и имаше два натпревара со „сува мрежа“. Договорот на словенечкиот голман со мадридскиот клуб е со важност до крајот на јуни 2028 година. „Transfermarkt.com“ ја проценува вредноста на Облак на 40 милиони евра.

Тотенхем сака да го обнови договорот со Лорис

Дарко Андоновски — Mon, 03 Jan 2022 11:50:01 +0000

Претставници на премиерлигашот Тотенхем се во преговори со голманот Уго Лорис за продолжување на договорот. Според Фабрицио Романо, лондонскиот клуб сака да го продолжи договорот со 35-годишниот фудбалер до 2023 година. Актуелниот договор на Лорис со Тотенхем е до јуни 2022 година. Фудбалерот игра во Англија од 2021 година. Лорис оваа сезона одигра 20 натпревари во сите натпреварувања и прими 23 гола, додека на осум натпревари не беше совладан.

Конте го чека многу работа во Тотенхем

Дарко Андоновски — Fri, 26 Nov 2021 13:51:09 +0000

Тренерот на Тотенхем, Антонио Конте, по вчерашниот шокантен пораз на гостувањето кај словенечка Мура од 2:1 во УЕФА Конференциската лига, оцени дека премиерлигашот од Лондон во моментов не е на високо ниво. – Не ми се допаѓа тоа што се случи. Морам да бидам искрен и да кажам дека по 3,5 недели од моето доаѓање во клубот почнав да ја согледувам состојбата. Сакам да останам тука, но не чека уште многу работа за да го подигнеме квалитетот на екипата. Ние сме Тотенхем, а во овој момент значително заостануваме, изјави Конте, по поразот од Мура која на клупската УЕФА ранг-листа се наоѓа на 341 место, а сезонава во воведното коло од квалификациите во Лигата на шампиони ја елиминираше Шкендија од Тетово. По 12 кола во Премиер лигата, екипата на Тотенхем се наоѓа на седмото место со десет бодови заостанување зад лидерот Челзи, а по поразот на гостувањето во Словенија на тимот од Лондон му е загрозен пласманот во нокаут фазата во Конференциската лига.

Тотенхем му врачи отказ на тренерот Санто

Дарко Андоновски — Mon, 01 Nov 2021 10:58:57 +0000

Лондонскиот премиерлигаш Тотенхем објави претпладнево дека ја прекинува соработката со португалскиот тренер Нуно Еспирито Санто. Отказот за португалскиот стратег доаѓа два дена по поразот на домашен терен од Манчестер јунајтед (0-3) со што кулминираше слабиот почеток на Тотенхем во новата сезона. Санто, кој својата афирмација во англиското првенство ја имаше на клупата на Вулверхемптон, остана само четири месеци на чело на Тотенхем, оставајќи го лондонскиот клуб на осмото место со 15 бодови од 10 натпревари. Санто го наследи Мурињо по четиригодишна соработка со премиерлигашот Вулверхемптон, со кој избори пласман во Премиер лигата во сезоната 2018/19, а следната сезона настапи во четвртфиналето во Лига Европа. Тотенхем објави дека наскоро ќе го назначи наследник на Санто, а како најсериозен кандидат се споменува Италијанецот Антонио Конте.

Мурињо сонува да го види Рамос во Тотенхем

Дарко Андоновски — Wed, 30 Dec 2020 08:08:30 +0000

Тренерот на Тотенхем, Жозе Мурињо сонува да го привлече во својот тим дефанзивецот на Реал Мадрид, Серхио Рамос, пренесува „Daily Mail“. Актуелниот договор на 34-годишниот Шпанец завршува во 2021 година. Португалскиот специјалист внимателно ги следи преговорите помеѓу играчот и клубот. Рамос оваа сезона одигра 15 натпревари на сите турнири, постигна три гола и направи една асистенција. Мурињо претходно работеше со дефанзивец во Реал Мадрид.

Мурињо ја забележа 10. победа над Манчестер јунајтед

Ивона Петрова — Mon, 05 Oct 2020 06:59:28 +0000

Во 4. коло од Премиер лигата, Тотенхем под водство на Жозе Мурињо вчера го совлада Манчестер јунајтед со 6:1. За 57-годишниот тренер оваа победа беше 10-та во 23-от натпревар против неговиот поранешен клуб. Манчестер Јунајтед е осмиот клуб што Мурињо го победил повеќе од 10 пати во својата кариера. Најчесто, Португалецот го има победувано Вест Хем и неговиот сегашен клуб Тотенхем – 13 пати, против Евертон и Ливерпул се радувал на победата по 12 пати, Њукасл и Арсенал ги има совладано по 11 пати, а покрај Јунајтед, 10 победи има и против Манчестер сити.

Лошо ѝ се пишува на Шкендија: Тотенхем поведе по само четири минути (ВИДЕО)

Дарко Андоновски — Thu, 24 Sep 2020 18:18:53 +0000

Нецели пет минути издржа бедемот на Шкендија во вечерашната пресметка од 3. квалификациско коло против фаворизираниот Тотенхем, откако гостите од Лондон по само четири минути дојдоа до водство. Стрелец на погодокот за „петлите“ беше Ерик Ламела, по една филигрантски прецизна акција, по што не му беше тешко да ја пласира топката во десниот агол на голманот Захов.

NO DETALHE!
Belo passe de Son achando Lamela livre, o argentino bateu no cantinho para abrir o placar a favor do Tottenham!#ligaeuropanaespn pic.twitter.com/vUOcipBaUL — Hotspur Talk Brasil 🐓🇧🇷 (@hotspurtalkbr) September 24, 2020