Тoтенхем – Kurir.mk

Клоп бара да се преигра натпреварот со Тотенхем

Ивона Петрова — Wed, 04 Oct 2023 18:18:14 +0000

Тренерот на премиерлигашот Ливерпул, Јирген Клоп, побара денеска да се преигра натпреварот против Тотенхем, откако ВАР судиите изминатиот викенд му поништија регуларен гол на неговиот тим. Раководното тело на англиските судии (ПГМОЛ) ја призна грешката кога голот на Луис Дијаз беше поништен поради наводен офсајд и најави измени на правилото со цел да се избегне повторување на грешката во иднина. „Би требало да постои решение. Мислам дека натпреварот треба да се повтори. Навикнав на грешки и тешки одлуки, но вакво нешто никогаш не се случило и затоа мислам дека вистинската работа е натпреварот да се преигра“, рече Клоп. Ливерпул во неделата издаде соопштение во кое наведе дека ќе ги „истражи сите можни опции имајќи ја предвид јасната потреба за решавање на проблемот“.

Тотенхем може да го врати Кејн во Лондон

Бошко Тасиќ — Wed, 20 Sep 2023 04:01:14 +0000

Хари Кејн долго време го носеше дресот на Тотенхем, клуб на кој верно му служеше до ова лето во кое направи трансфер во редовите на Баерн Минхен. Англискиот репрезентативец одбиваше понуди низ години, клубот не сакаше да го пушти, поточно не се создадоа услови за реализација на една ваква операција се до ова лето кога Баерн притискаше, притискаша и за сума поголема од 100 милиони евра го доведе на „Алијанц Арена“. Меѓутоа „петлите“ не се откажале целосно од напаѓачот затоа што си обезбедиле опција за негово враќање во иднина. Претседателот на клубот, Даниел Леви обелодени дека Тотенхем се изборил за таква точка во преговорите со бунделсигашот. -Да, имаме откупна клаузула за Хари Кејн. Му се заблагодарувам на Хари за сè што направи за нас – тој е секогаш добредојден назад. Многу е сакан и ценет член на семејството Спарс и засекогаш во нашата историја, -истакнал Леви.

Хрватски млад фудбалер потпишува за Тотенхем

Бошко Тасиќ — Tue, 12 Sep 2023 03:55:06 +0000

Еден од најталентираните хрватски фудбалери Лука Вушковиќ наскоро ќе стави потпис на договор со премиерлигашот Тотенхем, пренесува доброупатниот Фабрицио Романо. За услугите на 16-годишникот постоеше интерес од повеќе клубови, но изборот падна на тимот од главниот град на Англија. Според хрватските медиуми за стоперот на Хајдук „петлите“ ќе издвојат повеќе од 11 милиони евра со што тоа ќе биде нов трансфер рекорд за сплитскиот тим.

Лукаку се сели во големиот ривал на Челзи

Бошко Тасиќ — Sun, 20 Aug 2023 15:16:21 +0000

Иднината на Ромелу Лукаку се уште е нејасна, а сега во трката за неговиот потпис се вклучи Тотенхем. Интер дефинитивно се откажа од него откако Лукаку почна преговори со Јувентус. Меѓутоа, „бјанконерите“ не можат да го донесат доколку не го продадат Впаховиќ. Белгиецот се уште е член на Челзи, но не е дел од тимот и сигурно ќе си замиме, па Тотенхем сака да ја искористи таквата ситуација.

Ромелу Лукаку почнал преговори со клуб од Премиер лигата

Бошко Тасиќ — Mon, 14 Aug 2023 03:55:32 +0000

Ромелу Лукаку со своето однесување го откажа Интер од идејата да го откупи неговиот договор со Челси, а во меѓувреме очигледно ја загуби надежта дека би можел да биде ангажиран од Јувентус. Белгиецот кратко флертуваше со „бјанконерите“ и ги налути сите во досегашниот клуб од Милано, но покрај специфичната трансфер сума, против неговото доаѓање во Торино притискаа и навивачите на Јуве, кои неколку пати јасно порачаа дека не го сакаат Лукаку во својот клуб. Поради ваквиот развој на настаните, Лукаку и неговите агенти решиле да се свртат кон нова солуција, а според италијанскиот новинар Алфредо Педулја, таа се вика Тотенхем. Лукаку сега е најблиску до Тотенхем и би можел во новата сезона да настапува за еден од најголемите градски ривали на Челси, клуб кој бара најмалку 40 милиони евра за Белгиецот.

Хари Кејн потпиша за Баерн Минхен во 2 часот по полноќ

Бошко Тасиќ — Sat, 12 Aug 2023 06:19:22 +0000

Најлудата приказна од преодниот рок заврши рано утринава со среќен крај за Баерн Минхен. Хари Кејн (30), најдобриот стрелец во историјата на Тотенхем и на репрезентацијата на Англија, потпиша во 2 по полноќ за Баерн. Германските медиуми посочуваат дека сега Баерн се обидува да ја реши регистрацијата и документацијата, па Кејн денеска да дебитира за новиот клуб во Суперкупот на Германија против Лајпциг.

Трансфер сагата околу Кејн продолжува

Бошко Тасиќ — Thu, 03 Aug 2023 03:47:00 +0000

Амглискиот фудбалер Хари Кејн очекува дека ќе остане во Тотенхем, ако претседателот на клубот Даниел Леви, не попушти и го продаде на Баерн Минхен до стартот на новата сезона кој е закажан за 13 август. Кејн од респект кон клубот и новиот менаџер Постекоглу, смета дека не би бил коректно да си замине во текот на сезоната. Тотенхем новата сезона ќе ја започне на 13 август со мечот против Брентфорд. Кејн сепак би можел го напушти Тотенхем и да се преслеи во Баерн Минхен до крајот на летниот преоден рок кој трае до 1-ви септември. Првиот човек на Тотенхем кој се смета за најтежок преговарач во светот на фудбалот, ја одби последната понуда на Баерн Минхен од 100 милиони евра и бара повеќе од 115 милиони за својот најдобар играч чиј договор истекува идното лето.

Тотенхем не попушти, не го пушти Кејн ниту за 100 милиони евра

Бошко Тасиќ — Wed, 02 Aug 2023 06:01:28 +0000

Претставниците на Тотенхем и на Баерн Минхен не успеаја да се договорат за трансфер на Хари Кејн на „Алијанц Арена“, пренесуваат медиумите на Островот. Британските медиуми објавија дека челниците на Баерн се подготвени да платат околу 100 милиони евра за Кејн, но до договор не дојде откако раководството на Тотенхем побара 115 милиони евра за англискиот репрезентативец. „Скај Спорт“ пренесува дека претседателот на Тотенхем, Даниел Леви, повторно се покажал како тежок преговарач и упорно ги одбива понудите на Баерн, иако Кејн влезе во последната година од договорот. Напаѓачот има договор со Баварците и инсистира да се пресели во германскиот клуб, но Тотенхем не попушта.

Баерн Минхен не се откажува од Хари Кејн

Бошко Тасиќ — Mon, 31 Jul 2023 03:57:42 +0000

Само неколку часа откако англиските медиуми објавија дека Кејн ќе биде фудбалер на Баерн Минхен, германскиот тим ја подготви понудата која очекува да биде доволна за претседателот на Тотенхем, Даниел Леви да даде зелено светло за трансферот. Откако претходно Леви ја откажа средбата која беше закажана за среда, а новинарот Руди Галети ја откри сумата која Баерн ќе ја понуда. Според новинарот, Баерн на маса ќе достави понуда тешка 105 милиони евра за Кејн. Се очекува оваа понуда да биде прифатена бидејќи најмалата сума која Леви ја бараше за својот капитен беше 100 милиони евра. Тотенхем ги одби првите две понуди на Баерн од 70 и 80 милиони евра.

Сопственик на Тотенхем уапсен во САД поради финансиски малверзации

Бошко Тасиќ — Thu, 27 Jul 2023 04:11:24 +0000

Британскиот милијардер и мнозински сопственик на фудбалскиот клуб Тотенхем, Џо Луис е уапсен поради сомнежи за тргување со повластени информации, јавува американското обвинителство. 86-годишниот бизнисмен е обвинет за „оркестрирање бесрамни шеми за тргување со повластени информации“, изјави обвинителот од државата Њујорк, Демиен Вилијамс. Обвинението се однесува на периодот помеѓу 2013 и 2021 година, а Луис споделувал важни информации кои не биле лесно достапни за јавноста и на тој начин им овозможил на негови блиски соработници да заработат неколку милиони долари. Обвинението е испишано на 29 страници, а против инволвираните се поднесени кривични пријави за 19 различни дела кои можат да ги „сместат“ зад решетки во времетраење од 25 години. „Се работи за класична злоупотреба на повластени информации. Џо Луис ги „наградувал“ своите соработници и на тој начин тие се стекнале со незаконска материјална корист во износ од над 40 милиони долари“, изјави обвинителот Вилијамс.