тотенхен – Kurir.mk

Тотенхем му понуди зголемување на платата и две засилувања на Конте во јануари за да го убеди да остане

Дарко Андоновски — Tue, 20 Dec 2022 17:41:57 +0000

Раководството на Тотенхем ќе му понуди нов договор на Антонио Конте со зголемување на платата, објави „The Telegraph“. Според изворот, англискиот клуб е подготвен да ја покачи платата на италијанскиот стручњак за 1 милион фунти годишно, како и да ангажира двајца нови играчи во зимскиот преоден рок за да го засили тимот. Забележано е дека Конте не брза со продолжување на договорот. Тој сака да се погрижи да биде поддржан не само во јануари, туку и во летниот преоден рок. Дополнително, одлуката на италијанскиот стручњак ќе зависи и од желбите на неговото семејство кое се уште живее во Италија. Конте го презема Тотенхем во 2021 година. Актуелниот договор на тренерот со клубот истекува во летото 2023 година. Тотенхем е четврти во англиската Премиер лига со 29 бода од 15 натпревари.

Барселона подготвена да го продаде Ленглет на Тотенхем за 10-15 милиони евра

Дарко Андоновски — Tue, 25 Oct 2022 11:37:57 +0000

Дефанзивецот на Барселона, Клемент Ленгле, кој е на позајмица во Тотенхем, може да остане во англискиот клуб. Според „Фудбал Еспања“ двата клуба ќе разговараат за трансфер опција за 10-15 милиони евра. Дваесет и седумгодишниот Французин дојде во Барселона во 2018 година. Оваа сезона настапува за Тотенхем за кого одигра осум натпревари и постигна една асистенција.

Кејн може да почне бојкот во Тотенхем ако клубот не го пушти да замине во Манчестер сити

Дарко Андоновски — Sat, 17 Jul 2021 08:16:01 +0000

Напаѓачот на Тотенхем, Хари Кејн, сака да ја продолжи кариерата во Манчестер сити, објави Телеграф. Според соиграчите на 27-годишниот напаѓач во репрезентацијата на Англија, кои беа со него повеќе од еден месец за време на ЕВРО 2020, доколку „спарс“ не го пуштат играчот, тој може да ги бојкотира тренинзите на тимот. Претходно, новиот тренер на лондонци Нуно Еспирито Санто изјави дека Кејн е потребен на тимот и затоа ќе остане во Тотенхем. Во јуни беше објавено дека „граѓаните“ работат на трансфер на Кејн во Манчестер сити, а интерес за фудбалерот покажува и Реал Мадрид. Порталот „transfermarkt.de“ го проценува фудбалерот на 120 милиони евра. Неговиот договор со Тотенхем трае до 30 јуни 2024 година. Минатата сезона Кејн одигра 49 натпревари, постигна 33 погодоци и забележа 17 асистенции.

Тотенхем за нов договор на Сон му нуди плата од 200 илјади фунти неделно

Тале Кристо — Thu, 07 Jan 2021 16:10:46 +0000

Тотенхем е во преговори за продолжување на договорот со Сон Хеунг Мин. Клубот е уверен дека ќе постигне договор со 28-годишниот играч за врска. Преговорите забавија поради тоа што Сон го смени агентот. Наскоро, комуникацијата по ова прашање ќе продолжи, а Сон ќе потпише договор со плата од 200 илјади фунти неделно, објави „Телеграф“. Така, платата на фудбалер кој сега заработува 150 илјади фунти неделно ќе се зголеми за 25%. Потпишувањето нови договори со Сон и напаѓачот Хари Кејн се главната цел на претседателот на Спарс, Даниел Леви. Актуелниот договор на јужнокорејскиот репрезентативец со клубот истекува во 2023 година. Сон постигна 12 гола и направи 5 асистенции на 16 натпревари во Премиер лигата оваа сезона.

Мурињо: Штета е што нема уште неколку натпревари, веќе изгледаме како тим од топ 4

Дарко Андоновски — Sun, 26 Jul 2020 11:05:07 +0000

Спринтот на Тотенхем до најдобрите четири започна предоцна, призна менаџерот на тимот Жозе Мурињо, откако ги пофали своите играчи за својата форма по продолжението на англискиот шампионат. Тимот од Лондон има освоено пет од последните осум натпревари и се искачија на седмото место во пласманот, еден бод зад Вулверхемптон и пет зад Челси, кој моментно ја зафаќа последната квота за најпрестижниот клупски турнир. Тотенхем може да обезбеди место во Лигата на Европа со победа против Кристал Палас денес или пораз на Волците против Челси. – За нас натпреварот со Палас е бараж за Европа, така што е многу важно. Големо финале на кое сите треба да се фокусираме. Ние сме во добра форма и жалам што немаме уште неколку натпревари до крајот на сезоната. Во моментов играме напорно, немаме повредени и изгледаме како топ 4 тим. Кога сме во таква состојба, ние сме многу добар тим. Се надевам дека ќе го докажеме тоа следната сезона, посочи Мурињо за веб-страницата на клубот.

Мурињо постави цел пред Тотенхем

Дарко Андоновски — Mon, 20 Jul 2020 14:34:15 +0000

Менаџерот на Тотенхем, Жозе Мурињо, постави пред своите играчи цел да го освојат шестото место во крајниот пласман во Премиер лигата. Коло пред крајот на првенството, „спарси“ ја заземаат токму оваа позиција со 58 бода, имајќи два повеќе од седмиот Волверхемптон, кој, сепак, вечерва е домаќин на Кристал Палас. Во последното коло, сепак, „волците“ имаат тешко гостување кај Челси, додека Тотенхем гостуваат кај Палас. – За нас беше многу важно да го направиме крајот на сезоната како што го имаме сега. Ние сме една од екипите кои освоија најмногу поени од рестартирањето на првенството. Наша цел е да го освоиме шестото место. За таа цел мора да го победиме Кристал Палас и да чекаме за резултатите од другите натпревари. Можеме да го обезбедиме седмото место и сами, но можеби не е доволно за нас за Лига Европа. Важно е што ќе постигнеме со оглед на нашите цели следната сезона, рече Мурињо, чиј тим го забележа својот трет последователен успех во неделата по победата од 3 0 на домашен терен против Лестер.

Лорис за инцидентот со Сон: Ова е дел од фудбалот

Магдалена Андонова — Tue, 07 Jul 2020 09:56:55 +0000

Голманот на Тотенхем, Хуго Лорис има свое објаснување за пресметката со соиграчот Сон Хјунг-Мин. Конфликтот се случи кога екипите по првото полувреме беа испратени во соблекувалната. – Оваа ситуација припаѓа на тимот. Однадвор можете да кажете што сакате. Она што се случи меѓу мене и Сон е понекогаш дел од фудбалот. Нема проблем. На крајот на натпреварот, можете да видите дека бевме повеќе од среќни, изјави Лорис. Голманот на полувреме од синоќешниот дуел тргна физички да се пресмета со Сон, но соиграчите спречија контакт и се остана на вербални префрлања. Подоцна двајцата играчи демонстрираа помиреност. (МИА)

Тотенхем главен кандидат за нов клуб на Ракитиќ

Дарко Андоновски — Mon, 04 May 2020 12:49:17 +0000

Играчот од средниот ред на Барселона, Иван Ракитиќ може да го смени клубот во летен трансфер прозорец. Според Мундо Депортиво, 32-годишниот Хрват би можел да ја продолжи кариерата во Тотенхем. Англискиот клуб е главен кандидат за Ракитиќ. Претходно беше објавено дека Атлетико, Севиља и Јувентус се интересираат за играчот од средниот ред. Тековниот договор на Ракитиќ со Барселона истекува летото 2021 година. Познато е дека каталонскиот клуб не планира да го продолжи. Оваа сезона Ракитиќ настапи на 21 натпревар во Ла Лига за Барса и оствари три асистенции.

Тотенхем се приклучи во борбата за голманот на Аталанта, Голини

Дарко Андоновски — Sun, 19 Apr 2020 14:16:36 +0000

Голманот на Аталанта, Пјерлуиџи Голини може да замине во Тотенхем, објавува „Ла Газета дело Спорт“. Според изворот, лондонскиот клуб се приклучил во борбата за 25-годишниот Италијанец со Астон Вила и Милан. Тотенхем го бара наследникот на Хуго Лорис, а главниот тренер на Спарс, Жозе Мурињо беше импресиониран од настапите на Голини во Серија А и Лигата на шампионите. Оваа сезона, Голини одигра 30 натпревари на сите турнири, на кои прими 46 гола.

Интер нуди 10 милиони евра за Ериксен, Тотенхем сака 20

Ивона Петрова — Wed, 15 Jan 2020 09:17:08 +0000

Италијанскиот фудбалски прволигаш Интер е подготвен да понуди 10 милиони евра за играчот од средниот ред на Тотенхем Кристијан Ериксен, пренесува веб-страницата на новинарот Џанлука Ди Марцио. Според изворот кој е добар познавач на италијанскиот фудбал, англискиот клуб сака да добие 20 милиони евра за 27-годишниот Данец. Самиот фудбалер се согласи да замине во Интер. Неговата плата ќе биде околу 10 милиони евра годишно. Оваа сезона, Ериксен настапи на 18 натпревари во Премиер лигата, постигна два гола и оствари две асистенции. На пет натпревари од Лигата на шампионите тој постигна гол и асистенција. Неговиот договор со Тотенхем има важност до летото 2020 година.