товарен воз – Kurir.mk

По пауза од еден месец поради железничката несреќа, товарен воз од Атина стигна во Солун

Дарко Андоновски — Thu, 30 Mar 2023 07:41:29 +0000

Околу 7.30 часот утрово во Солун пристигна товарниот воз на „Hellenic train“, кој синоќа тргна од Атина, со што по пауза од еден месец, поради несреќата кај Темпи, одново постепено почнаа да сообраќаат товарните возови на конкретната релација, објави грчката државна телевизија ЕРТ.

Станува збор за воз со околу 20 вагони, што според ЕРТ, пренесувал цевки, а планирано било да бидат доставени уште пред еден месец.

Според истите информации, сите процедури се вршат со мала брзина и со големо внимание, по несреќата кај Темпи на 28 февруари, во која животот го загубија 57 лица, а оттогаш железничкиот сообраќај во Грција не е целосно вратен во нормала.

Пад на превезената стока со железницата

Ивона Петрова — Mon, 27 Feb 2023 10:25:31 +0000

Во четвртото тримесечје од 2022 година, во патниот патнички превоз бројот на патници изнесува 939 000, во градско-приградскио 11 825 000, во железничкиот 131 000, а во воздухопловниот превоз 559 095, објави денеска Државниот зваод за статистика. Во патниот патнички превоз лани вкупно биле превезени 3 460 000 патници, во градско приградскиот, 41 634 000, во железничкиот 406 000, а во воздухопловниот 2 365 847. Во четвртото тримесечје од 2022 година, во споредба со четвртото тримесечје од 2021 година, количеството на превезената стока во товарниот патен превоз е зголемено за 20,7 проценти, во железничкиот е намаленo за 28,5 проценти, а во воздухопловниот е намалено за 3,5 проценти. Според податоците на ДЗС, во последниот квартал лани се превезени 22 061 000 тони стока во товарниот патен превоз, а во тек на целата година 74 639 000. Железничкиот превоз, пак, бил искористен за транспорт на 316 000 тони стока во четвртиот квартал, а во тек на цела 2022 година се транспортирани 1 372 000 тони стока. Од превезената стока со железницата во последниот квартал лани, 315 илјади тони се во меѓународниот, а илјада тони во националниот железнички превоз.

ФОТО: Товарен воз се заби во цистерна

Ивона Петрова — Mon, 14 Nov 2022 08:25:22 +0000

Железничка несреќа се случила рано утринава во 2 часот во Хрватска. Товарен воз кој сообраќал на релација Ријека-Моравица, удрил во група паркирани вагони. Повредени во несреќата нема, а железничкиот сообраќај меѓу Ријека и Загреб е во прекин во двата правци.

Товарен воз усмрти мигрант кој лежел на пругата кај Миравци

Ивона Петрова — Sun, 06 Nov 2022 11:50:12 +0000

На 06.11.2022 во 01.07 часот било пријавено дека околу 00.15 часот товарен воз кој сообраќал на релација Гевгелија–Скопје, во близина на с.Миравци, удрил во лице кое лежело на пругата. -Од страна на полициски службеници било излезено на местото и било утврдено дека станува збор за 30-годишно лице мигрант. Лекар констатирал смрт, а увид извршила увидна екипа од Полициската станица Гевгелија, информира МВР. По наредба на Јавен обвинител телото е предадено за обдукција.

Товарен воз усмрти двајца мигранти кои лежеле на пругата меѓу Миравци и Клисура

Ивона Петрова — Wed, 29 Jun 2022 10:14:54 +0000

Денеска (29.06.2022) во 02.20 часот во Полициската станица Гевгелија било пријавено дека на железничката пруга, помеѓу Железничка станица Миравци и Железничка станица Клисура, товарен воз кој сообраќал на релација Железничка станица Гевгелија - Товарна Трубарево удрил во две лица мигранти коишто лежеле на пругата, информира МВР. Двете лица од здобиените повреди починале на местото на несреќата. Увид извршила увидна екипа од Полициска станица Гевгелија.

Мигрант од Авганистан тешко повреден, сакал да се качи на товарен воз кај Криволак

Ивона Петрова — Tue, 31 Aug 2021 10:02:13 +0000

На 31.08.2021 во 00,25 часот во Полициската станица Неготино било пријавено дека на Железничката станица Криволак имало повредено лице– мигрант, Р.О. од Авганистан. Според пријавеното, во близина на железничката станица Р.О. се обидел да се качи на товарен воз кој тргнал од станицата кон Скопје, при што се здобил со тешка телесна повреда, информира МВР. Тој бил пренесен во Комплекс клиники „Мајка Тереза“ за укажување на лекарска помош. Извршен бил увид на местото на настанот од екипа на Полициската станица Неготино.

Товарен воз се излизга кај Романовце, нема повредени

Ивона Петрова — Wed, 28 Apr 2021 09:56:30 +0000

Товарен воз се излизга на пругата во село Романовце, Кумановско нема повредени лица, соопштија денеска од ЈП за Железничка инфраструктура, Железници на Република Северна Македонија- Скопје. Несреќата се случила во 9:20 часот кога товарниот воз кој сообраќаел од Трубарево кон Куманово и превезувал толчаник (камен) за потребите на ЈП за Железничка инфраструктура се излизгал и се случила хаварија на 14 вагони од вкупно 20-те вагони. Од претпријатието соопштија дека оштетена е и пругата и ќе има застој на коридорот 10. -Комисијата за вонредни настани која е составена од стручни лица вработени во АД МЖ Транспорт и ЈП МЖ Инфраструктура е излезена на местото за да направи увид и ги открие причините за несреќата, соопштија надлежните. Од Јавното претпријатие велат дека првин ќе се расчисти пругата од излизганите вагони, по што стручни екипи ќе извршат санација на оштетениот дел. -Ќе се работи со засилен интензитет за да може што е можно побргу, повторно да се воспостави сообраќајот на Коридорот 10, кој е од најголемо значење за железничкиот сообраќај во државата,наведуваат претпријатието. Од СВР Куманово велат дека кај нив настанот е пријавен и дека нивна екипа врши увид

Тешка кражба во воз: Кога полицијата видела што било украдено останала во неверување

Дарко Андоновски — Thu, 11 Mar 2021 15:58:04 +0000

На 10.03.2021 во 23.34 часот било пријавено дека на Граничен премин Табановце-железнички премин била извршена тешка кражба од контејнери на товарен воз, при што биле одземени кутии со апарати за домаќинство. Се преземаат мерки за расчистување на случајот.

Воз удри во автомобил во Велес, малолетник – возач тешко повреден

Ивона Петрова — Fri, 24 Apr 2020 08:50:28 +0000

На 24.04.2020 година околу 06.40 часот на патниот премин кој се наоѓа кај влезот на Фабриката за порцелан во Велес, товарниот воз кој сообраќа на линијата Велес – Прилеп удрил во патничко возило „фолксваген голф“, со прилепски регистарски ознаки, управувано од А.Џ.(16) од с.Согле, општина Чашка, информира МВР. Возачот на возилото со тешки телесни повреди е пренесен во болницата во Велес. Извршен е увид на местото на настанот.

Товарен воз се излизга од пругата меѓу Миравци и Клисура

Ивона Петрова — Thu, 02 Apr 2020 08:44:23 +0000

Товарен воз што сообраќал на релација Гевгелија-Трубарево, меѓу станиците Миравци и Клисура, утрово околу 6 часот и 40 минути се излигал од шините откако претходно удрил во одрон од камења. Во незгодата нема повредени. Од СВР Струмица потврдија дека поради незгодата железничкиот сообраќај е во прекин меѓу Гевгелија и Велес. Полицијата врши увид на местото на несреќата.