товарни возила – Kurir.mk

Пред да тргнете на пат, дознајте каква е состојбата на македонските патишта

Ивана Ефремовски — Sat, 29 Jul 2023 07:51:53 +0000

ЗАБРАНА ЗА ТЕШКИ ТОВАРНИ ВОЗИЛА: Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури. Термините се следни: - петок од 17:00 – 22:00 часот, - сабота од 09:00 до 18:00 часот и - недела од 09:00 до 22:00 часот. На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали: - петок од 15:00 – 22:00 часот, - сабота од 07:00 до 12:00 и од 18:00 до 24:00 часот и - недела од 07:00 до 22:00 часот. СОСТОЈБА: Сообраќајот на државните патишта се одвива по суви коловози. ФРЕКВЕНЦИЈА: Интензитетот на сообраќај на патните правци надвор од градските средини е зголемен. Поради зголемена фреквенција на возила на ГП Богородица за излез од државата и на ГП Табановце за влез во државата времето на чекање е околу 45 минути. На останатите гранични премини од македонска страна, нема поголеми задржувања за влез и излез од државата. ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. ИЗВЕСТУВАЊЕ: Од настанатите поплави на 14.06.2003 год. во Делчево и околината оштетени се темелите на мостот на Црвенска река на магистралниот пат А3 делница Македонска Каменица – Делчево. Сообраќајот на мостот се одвива наизменично, по една коловозна лента. Регионалниот пат од с.Извор кон Прилеп, поточно с. Степанци Општина Чашка кон Прилеп е со наноси од земја и кал поради дождот и истиот е непрооден. СЕЗОНСКИ РЕЖИМ НА СООБРАЌАЈ: Почнувајќи од 08.4.2023 година, патниот правец Охрид - Ресен, преку националниот парк Галичица е отворен за сообраќај за возила со дозволена носивост до 3.5 тони. РАБОТИ НА ПАТ: Од 03.7.2023 ќе се започнат градежни активности со што ќе се изврши промена на режимот на сообраќај на Регионалниот пат Р1201 Струга - Дебар (фаза 1 асфалтирање кај с. Глобочица и фаза 2 - асфалтирање кај с. Луково) каде што ќе има целсно затворање на сообраќајот од 10:00 до 14:00 часот. Градежните активности на регионалниот пат ќе се извршуваат до 08.7.2023 г. Поради вградување на асфалтен слој (асфалтирање), од 19.06 до 23.06.2023 год., делницата Велес - Градско (во н.м. Градско) ќе биде затворена за сообраќај во периодот од 08:00 – 18:00 часот. Од 16.06.2023 година почнува реконструкција на регионалниот пат Р 1206 од потегот кај кружниот тек во с.Боговиње до с.Пирок. Градежните работи ќе се извршуваат во наредните 10 дена секој ден од 07 до 19 часот со повремени прекини во сообраќајот. Од 14.06.2023 година почнува проектот „Санација на трупот на патот Р1303, делница Македонски Брод – Прилеп, премин Барбаpос. Сообраќајот на овој патен правец ќе се одвива непречено, со ограничување на максимална брзина до 30 км/час. Поради изведување на градежни работи (реконструкција на коловозот) на патниот правец Подмоље – Охрид на магистралниот пат А3, сообраќајот ке биде пренасочен преку регионалниот пат Р-1208. Работите започнуваат на 09.6.2023, а на местото ќе биде поставена соодветна сообраќајна сигнализација. ГД Гранит АД Скопје известува дека поради изведување градежни работи при реконструкција и изградба на државен пат А2, делница: Крива Паланка – ГП Деве Баир, ќе има времена измена на режимот на сообраќај. ДТГ Жикол Доол извести дека од ден 10.5.2023 г. поради вршење на градежни активности на делницата Струмица – Дабиље, е поставен времен режим на сообраќај. Од ден 08.5.2023 г. започнаа градежни активности на објект: Поставување на заштитна звучна ограда на автопатот А2, делница Скопје -Тетово, од страна на фирмата изведувач ДГПТУ Битем Дооел Скопје согласно склучениот договор помеѓу договорниот орган Јавно претпријатие за државни патишта и фирмата изведувач ДГПТУ Битем Дооел Скопје. На трасата на која се изведуваат градежните работи има времен режим на сообраќај. Од ден 26.4.2023 г. започнаа градежни активности на Државен пат А1, во насока од Демир Капија кон Неготино, за што ќе се изврши промена на режимот на сообраќај со целосно затворање на автопатот на клучката Демир Капија, а сообраќајот е пренасочен на Регионалниот пат Р1102. Почнувајќи од 06.03.2023, на автопатот А1, делница Петровец – Катланово, започнуваат градежни активности поради што има изменет режим на движење на возилата. Сообраќајот се одвива непречено и се препорачува внимателно пристапување. Според информација од ДГТ Жикол, поради изведување на градежни работи на државен пат А2, делница Миладиновци – Хиподром, сообраќајот на автопатот ќе се одвива според времен режим. Поради изведување на работи на експресниот пат од Градско до Дреново, на државен пат А1, делница Велес - Неготино, ќе се применува времена измена на режим на сообраќај. Времениот режим ќе се применува во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско. Од 03.11.2022 започнуваат градежни работи на Државниот пат А4, делница Блаце - Скопје. Градежните работи почнуваат со комплетно затворање од 11 + 056 км до 12 + 369 км и пренасочување на сообраќајот по околната сообраќајна мрежа. Г.П. Илинден – Струга известува дека на патниот правец Кичево – Охрид, на делницата од с.Требеништа – Охрид од 13.10.2022, се воведува изменет режим на сообраќај. На учесниците во сообраќајот им се препорачува да ја почитуваат поставената сообраќајна сигнализација и да ја прилагодат брзината спрема условите на патот. На регионалниот пат Р1102, односно делница Велес – Градскo поради изведување на градежни работи наведената делница ќе биде затворена за сообраќај од 28.09.2022 год. во наредните 9 месеци, и сообраќајот ќе се одвива согласно одобрениот времен режим на сообраќај. СТРАБАГ АГ известува: Врз основа на Одобрение за времена измена на режим на сообраќај на државен пат А1 – делница Велес – Неготино, издадено од Министерство за транспорт и врски со број 11-уп-46/4, од 21.07.2022 година, кое се однесува за изградба на новата клучка Градско (како дел од автопат А1), на гореспоменатата делница ќе се изведуваат градежни работи и во следните 12 месеци, а ќе се применува времената измена на режим на сообраќај. Времениот режим ќе се применува во двата правци на автопатот Е-75, во зоната на изградба на новата клучка Градско и тоа во правец кон граничен премин Богородица и во правец кон граничен премин Табановце. Сообраќајот ќе се одвива по возната сообраќајна лената, додека нема да може да вози по сообраќајната лента за претекнување. ГД Гранит АД Скопје известува дека согласно издаденото одобрение за времен режим на сообраќај за време изведба на Aвтопат А4, делница ГП “Блаце” - Скопје (клучка “Стенковец”) Подделница 1 - проширување на постоен пат А4 од ГП “Блаце” до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин “Блаце” од 17.06.2022 г. на местото на изведување на градежните работи се одвива дополнителен времен двонасочен режим на сообраќај со поставена соодветна сообраќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација. Според информација од Друштво за градежништво Пелагонија АД Гостивар, од 05.04.2022 се изведуваат градежни активности за санација на свлечишта на км 19+500 (кај село Глобочица) и 24+000 (кај село Луково) на регионалниот пат Р1201 делница Струга - Дебар. Сообраќајот се одвива наизменично и е регулиран со семафори. ”Стентон градба ДОО” известува за времена измена на режим на сообраќај на државен пат крак А1 ,делница Градско – Прилеп (Фариш-Прилеп), поточно после мостот на р. Раец кон Плетвар заради градежни активности од 02.03.2022 г. во врска со проект Рехабилитација на државен пат А1,Делница Фариш-Прилеп и ќе трае во наредните 12 месеци. Поради изведување на градежните работи ќе има пренасочување на сообраќајот по две коловозни ленти, возачите треба да ја следат поставената патна сигнализација и да возат со намалена брзина при поминување на работната делница. На патниот правец А2 Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

„Мерцедес“ удрил во две товарни возила, повредени три лица

Ивана Ефремовски — Tue, 20 Dec 2022 11:12:31 +0000

На 20.12.2022 во 00:25 часот во Полициската станица Гостивар било пријавено дека во населбата Млаки во Гостивар, патничко возило „мерцедес“ со гостиварски регистарски ознаки, управувано од С.С.(25) од с.Речане, гостиварско, удрило во две паркирани товарни возила со гостиварски регистарски ознаки, „форд“ и „фиат“. Во несреќата со тешки телесни повреди се здобил сопатникот И.Б.(23) од Гостивар, а со телесни повреди се здобиле уште двајца сопатници, Ф.Ш.(20) од Швајцарија и Л.И.(21) од Гостивар, констатирани во Медицинскиот центар во Гостивар. Извршен бил увид од увидна екипа од Полициската станица Гостивар.

СВР Штип: 21 товарно возило упатени на вонреден технички преглед

Магдалена Андонова — Tue, 04 Oct 2022 13:30:09 +0000

Денеска (04.10.2022) во времето од 07.00 до 11.00 часот на подрачјето на СВР Штип била спроведена акциска контрола на возачи кои управуваат товарни возила. За време на контролата 21 возило биле упатени во станица за вонреден технички преглед. Притоа биле констатирани 4 прекршоци во однос на возила, од кои 3 за техничка неисправност и 1 за неносење сообраќајна дозвола. Преземени се 4 мерки за констатирани прекршоци кај возачи, од кои 3 за бесправно управување и 1 на возач почетник. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Забрана за тешки товарни возила на патот Тетово-Попова Шапка и Крак Маврово-Жировница

Тале Кристо — Sun, 12 Dec 2021 08:56:16 +0000

Забрана за тешки товарни возила утрово има на патниот правец Крак Маврово – Жировница, патниот правец Тетово – Попова Шапка, каде дополнително забраната важи за камиони и автобуси, а за останатите е задолжителна употребата на зимска опрема, информираат од АМСМ. Патниот правец Македонски Брод – Скопје, кај село Близанско се уште е блокиран за сообраќај за сите возила, поради одрон на патот. -Сообраќајот на државните патишта се одвива по влажни коловози. Поради голем број на одрони на патните правци Делчево-Кочани, Делчево-Пехчево и Делчево-граничен премин Делчево се препорачува да не се користат овие патни правци без поголема потреба, велат од АМСМ. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Забрана за движење на товарни возила на патниот правец Битола – Ресен

Тале Кристо — Tue, 30 Nov 2021 09:11:32 +0000

Од 09:40 часот се воведува забрана за сообраќај на тешки товарни возила на патниот правец Битола – Ресен преку планинскиот премин Ѓавато, информираат надлежните од АМСМ. Инаку претходно како што информираа од УХМР претпладне времето ќе биде облачно со повремени врнежи кои и на некои пониски места ќе се менуваат од дожд до снег. Во западните делови ќе се формира нова снежна покривка. Повремени слаби врнежи од снег ќе има и на повисоките делови од Скопската котлина. Во пладневните часови врнежите ќе престануваат и облачноста ќе се намали. Ќе дува засилен ветер од северен правец, најизразен вдолж Повардарието. Утринските температури ќе се движат од -4 до 5 степени, а дневните од -1 до 9 степени. Наутро доста студено, ќе биде времето утре, а преку денот сончево со мала, а во западните делови умерена облачност. Ќе дува слаб до умерен ветер претежно од западен правец.

Забрана за движење на товарни возила на патот Маврово-Дебар, нормализиран сообраќајот на Плетвар

Ивона Петрова — Fri, 15 Jan 2021 06:07:24 +0000

Престанува важноста на забрана за тешки товарни возила од 05:50 ч. на патниот правец крак Стража - Кичево во двата правци. Сообраќајот на државните патишта се одвива по влажни коловози. Поради снежни врнежи воведена е забрана за движење на ТМВ во 17:50 на патниот правец крак Маврово- Дебар Од 04:00 часот, на регионалниот пат Велес-Прилеп, превој „Плетвар“, сообраќајот се одвива нормално за сите видови моторни возила. Од 13:00 ч. сообраќајот e нормализиран, изградена е трета лента во должина од 100 м. на патниот правец А3 Кочани – М.Каменица, на делницата од Истибања до брана Калиманци, кај м.в. Ајдучки Камен. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Забрана за товарни возила на Стража и Маврово-Дебар поради снег

Ивона Петрова — Wed, 15 Apr 2020 05:19:21 +0000

Поради врнежи од снег утринава од 06:40 часот воведена е забрана за тешки товарни возила на аптниот правец Маврово – Дебар, соопшти Авто мото сојузот на Македонија. Забрана за тешки товарни возила е воведена и на планинскиот превој Стража од 04:20 часот. Од АМСМ информираат дека денеска од 12 до 15 часот на патниот правец Кичево – Охрид кај селото Врбјани поради минирање сообраќајот ќе биде во прекин од 10 до 15 минути.

Забрана за тешки товарни возила на Пресека

Ивона Петрова — Wed, 01 Apr 2020 09:20:02 +0000

Поради интензивни врнежи од снег на патниот правец Кичево – Охрид преку планинскиот превој Пресека во 10:45 часот се воведува забрана за сообраќај за тешки товарни возила. Од АМСМ информираа дека изутринава во шест часот забрана за движење на тешки товарни возила е воведена и на планинскиот премин Стража.

Укината забраната за товарни возила на патот Маврово – Дебар

Дарко Андоновски — Thu, 27 Feb 2020 10:47:36 +0000

Од 11:10 часот укината е забрана за сообраќај на тешки моторни возила на патниот правец Дебар – Маврово. Забрана за сообраќај во двете насоки за товарни моторни возила беше воведена од 9:40 часот изутрината, соопшти од Автомото сојузот.

Денеска од 12 часот е дозволен влез на товарни возила во Грција

Катерина Бојаџиева — Mon, 06 Jan 2020 14:20:41 +0000

Според добиените информации од грчките погранични служби, денеска од 12 часот, забраната за влез на сите товарни моторни возила во Република Грција е повлечена на сите гранични премини и сообраќајот се одвива непречено. МВР соопшти дека според известувањето од грчките служби, забраната беше воведена на 05.01.2020 поради најава за лоши временски услови.