товарно возило – Kurir.mk

Товарно возило пробило ограда од мост и паднало во Вардар на патот Зелениково – Таор

Ивона Петрова — Wed, 31 May 2023 20:31:04 +0000

Секторот за операции и координација (СОК) на ЦУК, денеска информира дека околу 18:00 часот товарно возило, движејќи се на регионалниот патен правец село Зелениково - село Таор, изгубило контрола ја пробило оградата и паднало во реката Вардар. Градоначалникот на Општина Зелениково, Коста Маневски, со своите соработници веднаш излегле на терен и направиле соодветно одбележување на оштетениот мост што претставува потенцијална опасност за движење на возилата и пешаците коишто поминуваат по него. - Од страна на Секторот за операции и координација (СОК) на ЦУК во координација со Градоначаникот на Општина Зелениково се известени Јавното претпријатие за оддржување на магистралните и регионалните патни правци се со цел за превземање на мерки и активности во нивната надлежност. Посочено им дека е потребно итно да се излезе на местото на настанот за да се постави соодветно одбележување и сигнализација, а во најкраток можен рок да се изврши санација на оштетената ограда се со цел да не дојде до несакни последици врз возилата и населението. Тоа е и направено. Екипата на ЈП за одржување на магистралните и регионалните патни правци во моментот се на терен, вршат увид и постапуваат соодветно нивните надлежности. Инаку, за сега, според информациите од терен, нема жртви при настанот, соопштија од ЦУК.

Тешко повредена битолчанка, била удрена со товарно возило

Ивана Ефремовски — Sat, 19 Nov 2022 11:48:01 +0000

На 18.11.2022 во 13:50 часот во СВР Битола било пријавено дека на крстосница од ул.„Васко Карангелевски“, ул.„Игњат Атанасовски“ и крак кон влез за паркинг простор од Новиот пазар’ во Битола, товарно возило „ман“ со битолски регистарски ознаки, управувано од П.С.(52) од Битола, удрило во пешакот М.Г.(70) од Битола.

Во несреќата, М.Г. се здобила со тешки телесни повреди констатирани во Клиничка болница Битола.

Увид на местото на настанот извршила екипа од СВР Битола.

Тешко повреден скопјанец, во него удрил камион

Ивана Ефремовски — Sat, 14 May 2022 09:56:38 +0000

На 13.05.2022 во 07:15 часот кај бензинска пумпа на ул.„15. Корпус“, товарно возило „ман“, со скопски регистарски ознаки, управувано од М.В.(29) од Скопје удрило во пешак А.К.(56) од Скопје. Во несреќата А.К. се здобил со тешки телесни повреди, констатирани во Градската општа болница „8 Септември“. Увид на местото на несреќата извршила увидна екипа од СВР Скопје.

Усмртен пешак на патот Охрид-Струга

Ивона Петрова — Fri, 13 Aug 2021 09:42:19 +0000

На 12.08.2021 во 18.45 часот кај Оровничка плажа на регионалниот пат Охрид – Струга, товарно возило „ман“, со струшки регистарски ознаки, управувано од Ј.Т.(33) од с.Оровник, општина Дебарца, удрило во пешакот Б.С.(58) од Скопје, кој починал на местото на незгодата, информира МВР.

Смрт констатирал од лекар на Итната медицинска помош Охрид.

Увид извршиле полициски екипи и Јавен обвинител, по чија наредба телото на починатиот е предадено на обдукција.

Со товарно возило удрил во наплатна станица, па избегал

Ивана Ефремовски — Mon, 18 Jan 2021 11:20:03 +0000

На 17 јануари 2021 во 13:20 часот било пријавено дека на автопатот Демир Капија-Неготино, кај наплатна станица Демир Капија, товарно возило удрило во кабина за наплата на патарина, по што го напуштило местото на незгодата. Извршен бил увид од Полициската станица Неготино и се преземаат мерки за расчистување на случајот.

Две лица во Скопје осомничени за тешка кражба на товарно возило

Дарко Андоновски — Wed, 24 Jun 2020 13:10:37 +0000

Истражна постапка се спроведува против две лица по наредба на Основното јавно обвинителство Скопје поради основано сомнение дека како соизвршители сториле кривично дело – тешка кражба од член 236 став 2 во врска со став 1 точка 1 и во врска со член 22 од Кривичниот законик. Осомничените, на возраст од 39 и 37 години, на 4 јуни, од плац за паркирање камиони на булеварот „Борис Трајковски“ во Скопје одзеле товарно моторно возило – кипер марка „Ивеко“ во вредност од 1.900.000 денари. Делото го сториле така што заедно и по претходен договор дошле на наведената локација, па додека едниот осомничен внимавал некој да не наиде, другиот со употреба на погоден предмет – штрафцигер го стартувал возилото, со што противправно го присвоиле и го напуштиле местото на настанот. -Бидејќи постојат околности што укажуваат на постоење опасност од бегство и особени околности кои го оправдуваат стравот дека осомничените би можеле да го повторат кривичното дело, надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за двајцата осомничени, се наведува во соопштението на Обвинителството.

Судир на товарно возило и мотоцикл во Штип, тешко повредено едно лице

Тале Кристо — Tue, 19 May 2020 09:23:10 +0000

На 18.05.2020 во 17.00 часот на ул.„АСНОМ“ во Штип се случила сообраќајна незгода помеѓу товарно возило „пежо бипер“ со штипски регистарски ознаки, управувано од Д.Н.(21) од Штип, мопед „Aprilia SR 50“ со штипски регистарски ознаки, управуван од И.А.(41) од Штип и мопед „пежо“ со штипски регистарски ознаки, управуван од 17-годишен малолетник од Штип.

Во незгодата со тешки телесни повреди се здобил И.А., и бил пренесен во Клиничка болница Штип, каде му била укажана лекарска помош.

Увид извршила екипа од СВР Штип.

Се запали товарно возило во движење- еве ги деталите

Дарко Андоновски — Wed, 18 Dec 2019 15:21:02 +0000

На 17.12.2019 во 19.10 часот во Полициското одделение Кривогаштани било пријавено дека на регионалниот пат Прилеп - Крушево, во близина на с.Кривогаштани, настанал пожар во товарно возило „волво“ во движење, сопственост на компанија од Демир Капија, управувано од С.Ѓ.(25) од с.Бистраници, демиркаписко. Пожарот бил локализиран од екипи на Територијалните противпожарни единици Прилеп, Кривогаштани и жители од селото. Увид извршила екипа од Полициската станица Прилеп, информираат од МВР.

Се судрија трактор и товарно возило, две лица повредени

Ивана Ефремовски — Thu, 18 Jul 2019 08:19:30 +0000

На 17.07.2019 во 18:00 часот на регионалниот пат Прилеп-Македонски Брод, кај влез за с.Дебреште, се случила сообраќајна незгода помеѓу трактор „ИМТ“ со прилепски регистарски ознаки, управуван од О.М.(39) од село Дебреште и товарно возило „Сканија“ со прилепски регистарски ознаки, управувано од Б.С.(33) од Крушево. Во незгодата со тешки телесни повреди се здобил возачот на тракторот, а со телесни повреди се здобила сопатничката О.С.(39) од село Дебреште, кои биле пренесени во болницата во Прилеп. Увид на местото извршила екипа од Полициската станица Прилеп.

Жена пешак прегазена од товарно возило, со тешки повреди пренесена во Ургентен

Ивона Петрова — Sat, 22 Dec 2018 10:14:54 +0000

Жена е тешко повредена откако во неа вчера околу пладне удрило товарно возило. Од МВР информираат дека несреќата се случила на крстосницата од регионалниот пат Куманово-Свети Николе, и ул.„425“ и крак од ул.„Ѓорче Петров“ кога возилото управувано од Н.Д (27) од Куманово, удрило во пешак Д.П (60) од Куманово. -Во незгодата Н.Д. се здобила со тешки телесни повреди и е пренесена во Ургентен центар Скопје. Увид извршила увидна екипа на СВР-Куманово, информираат од МВР. Се работи на расчистување на случајот.