трабзонспорт – Kurir.mk

Трабзонспор, има голема желба да го ангажира Аријан Адеми

Ристе Здравков — Fri, 16 Jun 2023 07:43:35 +0000

Турскиот прволигаш Трабзонспор, чиј член е Енис Барди, има голема желба да го ангажира Аријан Адеми. Македонскиот репрезентативец игра во кинескиот шампионат и го носи дресот на Пекинг Гуан, но раководството на Трабзонспор ќе се обиде брзо да го врати во Европа. Новиот тренер на Трабзонспор, Ненад Бјелица, одлично ги познава квалитетите на Трабзонспор од периодот кога работеше со него во Динамо Загреб и смета дека тој би бил идеално решение за средниот ред на турскиот тим. Сепак, преговорите со Пекинг Гуан нема да бидат лесни, со оглед дека Адеми штотуку се пресели во Кина и потпиша договор до 2025 година. Адеми за Динамо Загреб одигра 359 натпревари, постигна 41 гол и забележа 30 асистенции.

Официјално: Барди го облече дресот на Трабзонспор (Видео)

Ристе Здравков — Fri, 12 Aug 2022 11:11:33 +0000

Македонскиот репрезентативец Енис Барди по пет години го напушти Леванте и се пресели во турскиот првак Трабзонспор со кој потпиша тригодишен договор. Барди вчера ги помина медицинските прегледи, по што стави потпис на соработка според која ќе заработува 1,5 милиони евра по сезона, а денеска Трабзонспор го промовираше преку социјалните мрежи. Турскиот гигант објави специјално видео на нивниот профил на Твитер, а може да се забележи дека Барди го избрал бројот 29 со кој ќе игра во следната сезона и ќе се обиде да му помогне на тимот да обезбеди место во групната фаза на Лига на шампиони (ЛШ), но и да ја одбрани титулата во Турција.

Yeni yuvana hoş geldin Enis Bardhi. ♥️💙 pic.twitter.com/YyvhCrQM4u
— Trabzonspor (@Trabzonspor) August 12, 2022

Леванте го продаде Енис Барди за три милиони евра во Трабзон!

Ристе Здравков — Wed, 10 Aug 2022 07:04:57 +0000

Македонската колонија во Турција како што изгледа се зголемува, затоа што шпанска „Марка“ објави дека трансферот на Енис Барди во Трабзонспор е комплетиран. Леванте и турскиот суперлигаш постигнале договор за трансфер на македонскиот репрезентативец. Откако Леванте испадна во втората лига, беше јасно дека Барди ќе бара нова средина. Иако беше во интензивни преговори со Олимпијакос, имаше и понуда од МЛС-лигата, Барди ја избра Турција. Договорот меѓу двете страни е на три години. Недостасуваат уште медицинските прегледи, за целата зделка да биде комплетирана. Леванте за трансферот на Барди ќе добие три милиони евра, плус бонуси. Во турската Суперлига пред извесен период потпиша Езџан Алиоски, од претходно таму е Бесир Гуџуви со Бешикташ, играат и Коста Манев и Арда Окан Курталан (Адана Демиспор) и Лука Станковски (Газијантеп).