традиционален концерт – Kurir.mk

Следната среда СБ на ОН ќе одржи седница посветена на БиХ

Тале Кристо — Wed, 04 May 2022 06:11:26 +0000

Советот за безбедност на ОН на 11 мај ќе одржи седница посветена на ситуацијата во Босна и Херцеговина. Дебатата и анализата на ситуацијата во БиХ се должи на политичката криза и тензиите во земјата кои траат речиси една година, но и војната во Украина и, како што се наведува, „проруското влијание на Балканот“. Во ноември минатата година Русија и Кина успеаја да го спречат обраќањето на високиот претставник во БиХ Кристијан Шмит пред Советот за безбедност, но според сараевски меидуми сега постои опција Шмит да се обрати пред Советот за безбедност и да го изнесе својот став за ситуацијата во БиХ за време на неговиот мандат. Со Советот за безбедност овој месец претседаваат САД. Како што јавува саревскиот информативен портал Кликс, за длабоката криза, блокадата на државните институции, подривање на Дејтонскиот мировен договор, антиуставни потези, како и раст на национализмот и ширење на проруско влијание, „задолжени се политичарите и партиите на власт во Република Српска, што го препознаа и САД и ЕУ“. Претставници на РС, исто така, се уште го оспоруваат легитимитетот на високиот меѓународен претставник Шмит, како и присуството на силите на ЕУФОР во БиХ, односно продолжување на мандатот на мисијата Алтеа.

Традиционалниот Виенски Новогодишен концерт првпат без публика

Ивона Петрова — Fri, 01 Jan 2021 12:41:32 +0000

Традиционалниот Виенски Новогодишен концерт оваа година се одржува без публика поради Ковид-19 пандемијата. Овој 1 јануари музичарите од виенската филхармонија под диригентската палка на Италијанецот Рикардо Мути, настапуваат пред празна сала, првпат откако се одржува овој концерт од 1939 година. За да се надомести тишината, особено по воочливата полка и маршот кои традиционално се на програмата, телевизијата ORF го живо ги пренесува аплаузите на гледачите - 7000 луѓе кои онлајн може да го споделат своето воодушевување. Новогодишниот концерт посветен на династијата Штраус се пренесува во повеќе од 90 земји во светот со 50 милиони телевизиски гледачи.

Традиционален божиќен концерт на хорот „Св. Злата Мегленска“

Ивона Петрова — Sun, 07 Jan 2018 07:44:20 +0000

Женскиот хор „Св. Злата Мегленска“ вечер ќе го одржи традиционалниот концерт „Божиќ - Слава“ по повод празникот Христово раѓање - Божиќ. На концертот на хорот „Св. Злата Мегленска“, кој го води диригентката Летка Димовска-Полизова, ќе гостуваат мешаниот хор „Rozafaexpression“ од Скадар, Албанија, и мешаниот хор „Про арс“ од Скопје. Солисти ќе бидат Билјана Стафансон од Шведска и Лилјана Јовановиќ од Србија. Концертот ќе се одржи во црквата „Пресвета Богородица“ од 19.30 часот.