траекторија – Kurir.mk

Судот вклучи турбо за „ТНТ“ и „Траекторија“ – најважните случаи за државата или за една партија на власт?

Љупчо Цветаноски — Tue, 14 Jan 2020 07:50:45 +0000

Во Основниот кривичен суд во Скопје денеска се закажани нови рочишта за случаите „ТНТ” и „Траекторија”. Судењето за уривањето на комплексот „Космос” на инвеститорот Фијат Цановски треба да почне од почеток, откако вчера судијата поротник Лилјана Ивановска Кочковска поднесе неотповиклива оставка. Од пи-ар аспект, познавачите на овој случај гледаат како на акт со кој судството директно влегува во шемата на актуелната влада. И помага ли „независното“ судство на владата да ги постигне своите цели, прашуваат експертите. Индикативно, во исто време кога владејачката СДСМ секој ден го почнува со утринско соопштение и „плашење“ за враќање на „режимот“, судот инсистра на забрзана постапка за случаи во кои се вмшани екс високи челници на опозицијата. Никој досега не даде логично објаснување - чуму ова е најважниот случај во државата и зошто толку се брза со него. Истото прашање, адвокатите од одбраната го поставија повече пати, но без логичен одговор. За делото се обвинети повеќе лица, меѓу кои ексминистерот за транспорт и врски Миле Јанакиески и тогашниот градоначалник на Општина Гази Баба Тони Трајковски, додека во отсуство му се суди на поранешниот премиер Никола Груевски. Судењето за постапката за избор на компанија за изградба на автопатиштата Миладиновци-Штип и Кичево-Охрид, „Траекторија”, се наоѓа во доказна постапка и го води судијата Горан Бошевски, а застапник на обвинението е Лиле Стефанова. Случајот се води против ексминистерот за транспорт и врски Миле Јанакиески, поранешниот вицепремиер Владимир Пешевски и ексдиректорот на ЈП Државни патишта Љупчо Георгиевски, како и против поранешниот премиер Никола Груевски. .

Одбраната бара одложување на „Траекторија“ до разјаснување на ситуацијата со Јанева

Ивона Петрова — Tue, 03 Sep 2019 09:01:26 +0000

Одбраната бара прекин на главната расправа на судењето за постапката за избор на компанија за изградба на автопатиштата Миладиновци – Штип и Кичево – Охрид „Траекторија“ додека Советот на јавни обвинители и Собранието не се произнесат за разрешувањето на специјалната јавна обвинителка Катица Јанева. Судот во моментов е на пауза од половина час за да одлучи за барањето на одбраната за прекин на рочиштето додека Советот на јавни обвинители и Собранието не се произнесат за разрешувањето на специјалната јавна обвинителка Катица Јанева. На судењето се присутни сите обвинети со исклучок на поранешниот премиер Никола Груевски кому му се суди во отсуството. Одбраната смета дека нема легитимитет да се застапува било кој предмет покренат од Јанева, вклучително и овој додека не се произнесат двете институции надлежни за нејзиното разрешување. Адвокатот Еленко Миланов посочи дека застапникот на обвинението, обвинителката Лиле Стефанова е и сведок против нејзиниот властодател Јанева во случајот „Рекет“ и додаде дека неколку предмети во фаза на предистражна и истражна постапка или за кои се поднесени обвиненија можат да бидат поврзани со оваа афера. Тоа додаде, според него е доволен основ Стефанова да биде изземена од предметот „Траекторија“. Случајот „Траекторија” се наоѓа во доказна постапка и во него се обвинети поранешниот премиер Никола Груевски, на кого му се суди во отсуство, екс-министерот за транспорт и врски Миле Јанакиески, поранешниот вицепремиер Владимир Пешевски и екс-директорот на ЈП Државни патишта Љупчо Георгиевски. МИА

Нови рочишта за „Монструм“, „Траекторија“ и „Тарифа“

Ивана Ефремовски — Thu, 18 Apr 2019 05:55:03 +0000

Во Кривичниот суд во Скопје денеска треба да се одржат нови рочишта за „Монструм“, „Траекторија“ и „Тарифа“. Случајот „Монструм“, кој се однесува за петкратното убиство кај Смилковско Езеро на 12 април 2012 година, го води судијата Огнен Ставрев и се наоѓа во доказна постапка. За петкратното убиство кај Смилковско Езеро на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута. Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири, и им определи мерки на претпазливост. По укинувањето на пресудите, случајот „Монструм“ го презеде СЈО и предметот беше вратен на повторно судење. Случајот „Траекторија” се наоѓа во доказна постапка и во него се обвинети поранешниот премиер Никола Груевски, на кого му се суди во отсуство, ексминистерот за транспорт и врски Миле Јанакиески, поранешниот вицепремиер Владимир Пешевски и ексдиректорот на ЈП Државни патишта Љупчо Георгиевски. Според обвинението на СЈО, обвинетите во втората половина на 2012 година и во текот на 2013 година презеле повеќе дејства со кои во постапката за избор на компанија за изградба на автопатиштата Миладиновци – Штип и Кичево – Охрид ги искористиле и пречекориле своите овластувања. Со тоа му нанеле штета на Буџетот од најмалку 155 милиони евра. Во судот денеска треба да се одржи рочиште и за предметот на „Тарифа“, во кој се обвинети поранешниот генерален директор на АД „ЕЛЕМ“ Дејан Бошковски и уште други две лица за противзаконска набавка на софтверски систем за потребите на државната компанија „Електрани на Македонија“ вреден околу четири милиони евра. Според СЈО, обвинетите ја злоупотребиле службената положба и овластувањето во постапка за јавна набавка на софтвер – „ЕРП систем“. Обвинетите со неизвршување на службената должност овозможиле правното лице – конзорциум, кое подоцна го добило тендерот, да се квалификува во втората фаза на преговарање при јавната набавка, иако немало доставено комплетна документација.

Нови рочишта за „Траекторија”, „Монструм” и „Титаник 3″ на СЈО

Ивана Ефремовски — Fri, 15 Mar 2019 07:57:33 +0000

Во Кривичниот суд во Скопје денеска треба да се одржат нови рочишта за „Траекторија”, „Монструм” и „Титаник 3″ на Специјалното јавно обвинителство. Случајот „Траекторија” се наоѓа во доказна постапка и во него обвинети се поранешниот премиер Никола Груевски на кого му се суди во отсуство, екс министерот за транспорт и врски Миле Јанакиески, поранешниот вицепремиер Владимир Пешевски и екс директорот на ЈП Државни патишта Љупчо Георгиевски. Според обвинението на СЈО обвинетите во втората половина на 2012 година и во текот на 2013 година презеле повеќе дејствија со кои во постапката за избор на компанија за изградба на автопатиштата Миладиновци-Штип и Кичево-Охрид ги искористиле и пречекориле своите овластувања. Со тоа му нанеле штета на Буџетот од најмалку 155 милиони евра. На минатото рочиште беа изведувани материјални докази, предложени од СЈО. Случајот „Монструм”, кој се однесува за петкратното убиство кај Смилковско Езеро на 12 април 2012 година го води судијата Огнен Ставрев и се наоѓа во доказна постапка. На минатото рочиште јавноста беше исклучена бидејќи се презентираа докази обезбедени со посебни истражни мерки. За петкратното убиство кај Смилковско Езеро на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута. Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири, и им определи мерки на претпазливост. По укинувањето на пресудите, случајот „Монструм” го презеде СЈО и предметот беше вратен на повторно судење. Случајот „Титаник 3″ почнува одново, по именување на нов судија во предметот, судијката Марија Клетичка. Во „Титаник 3″ обвинети се Ејуп Аљими и Исмет Гури од ДУИ кои се товарат дека како членови на Општинската изборна комисија во Чаир на локалните избори во 2013 година уништувале изборен материјал. Судијката Оља Ристова, која го водеше случајот, побара изземање од предметот, што и беше одобрено од страна на претседателот на Кривичниот суд Скопје Иван Џолев. (МИА)

Нови рочишта за „Траекторија“ и „Топлик“ на СЈО

Ивана Ефремовски — Thu, 14 Feb 2019 06:44:04 +0000

Во Кривичниот суд во Скопје денеска продолжуваат судењата за „Траекторија“ и „Топлик“ на Специјалното јавно обвинителство.

Случајот за постапката за избор на компанија за изградбата на автопатите Миладиновци-Штип и Кичево-Охрид „Траекторија“ на Специјалното јавно обвинителство се наоѓа во доказна постапка. Во „Траекторија“ обвинети се поранешниот премиер Никола Груевски на кого му се суди во отсуство, ексминистерот за транспорт и врски Миле Јанакиески, поранешниот вицепремиер Владимир Пешевски и ексдиректорот на ЈП Државни патишта Љупчо Георгиевски. Според обвинението на СЈО, обвинетите во втората половина на 2012 година и во текот на 2013 година презеле повеќе дејствија со кои во постапката за избор на компанија за изградба на автопатиштата Миладиновци-Штип и Кичево-Охрид ги искористиле и пречекориле своите овластувања. Со тоа му нанелe штета на Буџетот од најмалку 155 милиони евра. Во Кривичниот суд денеска треба да се одржи и ново рочиште за случајот „Топлик“, каде првоосомничен е ексминистерот за транспорт и врски Миле Јанакиески, за продажба на државно земјиште за изградба на комплексот „Сончев град“. Случајот се наоѓа во доказна постапка и го води судијата Осман Шабани. Според обвинението на СЈО, првоосомничениот Јанакиески, како раководно лице во Министерството за транспорт и врски, спротивно на Законот за јавни набавки составил Комисија за јавни наддавања на која и наложил да избере понудувач за купување и располагање со државно земјиште за изградба на елитниот комплекс „Сончев град“ во Сопиште, иако фирмата не ги исполнувала условите за тоа. Од доказите, според СЈО, произлегува дека поради раскинувањето на договорот по вина на Министерството, тоа се обврзало во износ од еден милион евра да му исплати долг и затезна камата на правното лице „Сан сити“. Според обвинението Јанакиески и другите петмина обвинети го оштетиле државниот Буџет за 64.206.839 денари, односно за милион и 44.000 евра. (МИА)

Во Кривичен продолжува судењето за „Траекторија“ на СЈО

Ивана Ефремовски — Tue, 05 Feb 2019 06:54:13 +0000

Во Кривичниот суд во Скопјде денеска продолжува судењето за постапката за избор на компанија за изградбата на автопатите Миладиновци-Штип и Кичево-Охрид „Траекторија“ на Специјалното јавно обвинителство. Случајот се наоѓа во доказна постапка и во него обвинети се поранешниот премиер Никола Груеваки на кого му се суди во отсуство, ексминистерот за транспорт и врски Миле Јанакиески, поранешниот вицепремиер Владимир Пешевски и ексдиректорот на ЈП Државни патишта Љупчо Георгиевски. На денешното рочиште, како што е најавено, треба да биде изведена смс-комуникација на Владимир Пешевски, по што следуваат економски вештачења од СЈО и одбраната. Случајот го води судијата Горан Бошевски, а застапник на обвинението е Лиле Стефановска од СЈО. Според обвинението на СЈО обвинетите во втората половина на 2012 година и во текот на 2013 година презеле повеќе дејствија со кои во постапката за избор на компанија за изградба на автопатиштата Миладиновци-Штип и Кичево-Охрид ги искористиле и пречекориле своите овластувања. Со тоа му нанелр штета на Буџетот од најмалку 155 милиони евра. (МИА)

Одбраната во случајот Траекторија тврди: СЈО спротивно на законот презентира докази на ексел фајл креиран во 2017 година

Дарко Андоновски — Fri, 26 Oct 2018 11:49:37 +0000

СЈО денеска во кривичниот суд презентираше СМС пораки на видео бим креирани во 2017 година во ексел програма за случајот „Траекторија“, тврди одбраната. Адвокатите побарале да се снима со камера видео бимот на кој се презентираа СМС пораките, бидејќи снимката е единствен записник кој се води во судницата. -Барам да се снима тоа што го чита обвинителот и да се види на камера во кој формат се доказите кои ги презентира и која година се креирани. Постојат стриктни правила за изведување на докази - снимен материјал и негова презентација од страна на обвинителот и не преку помошни средства и табели кои се креирани пост фестум, рече адвокатот Дончо Наков. Исто така одбраната побарала од судот обвинителот да не ги коментира СМС пораките додека ги чита, бидејќи тоа е спротивно на законот. Според одбраната дополнително ексел фајлот лесно се менува и никој не гарантира за негова веродостојност. Фајлови во Ексел програмата може да ги смени секој еден кој има основни познавања од ИТ.

Судењето за „Траекторија“ продолжи со слушање „бомби“

Ивана Ефремовски — Tue, 18 Sep 2018 09:54:24 +0000

Во Кривичен суд продолжи судењето за предметот „Траекторија" на Специјалното јавно обвинителство (СЈО) со слушање на „бомбите“ за кои одбраната бараше да биде исклучена јавноста. Во „бомбите“ се слуша како поранешниот вицепремиер Владимир Пешевски го советува поранешниот министер за транспорт и врски Миле Јанакиески да одберат голема градежна компанија од Кина која пак ќе им помогне да добијат кредит, бидејќи, како што вели, тие си имаат свои луѓе кои посредуваат со кинеските банки. Одбраната на Пешевски рече дека во разговорите (бомбите) во кои учествува тој, не постои никакво кривично дело кое му се става на товар. Тие сметаат дека СЈО треба да ги достави сите разговори, а не селективно како што направиле. Бранителот на Миле Јанакиевски и никола груевски, Димитар Дангов рече дека има забелешка на неподобноста на доказите. Дангов побара пауза за да се консултира со техничиот советник. Во „Траекторија“ обвинети се поранешниот премиер Никола Груевски, поранешниот вицепремиер Владимир Пешевски, ексминистерот за транспорт и врски Миле Јанакиески и поранешниот директор на ЈП Државни патишта Љупчо Георгиевски. Според СЈО, тие во 2012/2013 година ги пречекориле своите овластувања во постапката за избор на компанија за изградба на автопатските делници до Штип и Охрид и нанеле штета на Буџетот на државата од најмалку 155 милиони евра. (МИА)

Пешевски и Јанакиески со Кинезите заштедиле над 150 милиони долари

Предраг Кукиќ — Tue, 18 Sep 2018 08:37:03 +0000

На денешното рочиште на предметот Траекторија се слушаше разговор помеѓу тогашниот вицепремиер Владимир Пешевски и министерот Миле Јанакиевски поврзан со условите за финансирање кои Македонија ги преговарала и добила од кинеската Ексим банка. Во денешниот разговор се слушна како разменуваат мислења и прават план со цел да добијат многу поповолни услови од оние кои ги добила Република Србија за сличен проект, и од оние кои ги понудила првобитно Ексим банката. Пешевски и Јанакиески успеале да ја симнат каматата од 3% на 2% на годишно ниво, со што за кредитот од околу 780 милиони УСД секоја година се заштедуваат 7,8 милиони УСД, односно за 20 години колку што е рокот на кредитот направиле заштеди во буџетот од 156 милиони УСД. Во истиот разговор се гледа дека нашле начин работниците на проектот да не бидат Кинези (како што е на проектот што се гради во Црна гора), туку тие да се македонски државјани и успеале да го зголемат учеството на македонските компании во изведување ма работите од понудените 20%, на најмалку 49%, со цел да обезбедат работа за македонските компании. Денес е познато дека досега над 80% од работите на кинеските автопати во Македонија ги изведуваат македонски компании.

Нови рочишта за „Траекторија“ и „Тарифа“ на СЈО

Матеја Петровски — Tue, 04 Sep 2018 05:43:55 +0000

Во Кривичниот суд за денеска се закажани рочишта за предметите „Траекторија“ и „Тарифа“ на Специјалното јавно обвинителство. Во „Траекторија“ осомничени се поранешниот премиер Никола Груевски, поранешниот вицепремиер Владимир Пешевски, екс министерот за транспорт и врски Миле Јанакиески и поранешниот директор за државни патишта Љупчо Георгиевски, дека во 2012/2013 година ги пречекориле своите овластувања во постапката за избор на компанија за изградба на автопатските делници до Штип и Охрид. Досега на рочиштата за „Траекторија“ се преслушани околу 300 разговори, од таканаречените бомби предложени како докази. Во сите разговори се слуша гласот на поранешниот министер за транспрот и врски Миле Јанакиески со соговорници во кои се договара кои македонски компании да учествуваат во изградбата на патот. На обвинителна клупа денеска треба да седнат и поранешниот генерален директор на АД „ЕЛЕМ“ Дејан Бошковски и уште две други лица, кои се обвинети во случајот „Тарифа“. Станува збор за обвинение за противзаконска набавка на софтверски систем за потребите на државната компанија „Електрани на Македонија“ вреден околу четири милиони евра. (Миа)