Трајановски – Kurir.mk

Трајановски: Кристофер Хил беше во Скопје кога ја направивме Илинденска, мислеше сме ја промашиле улицата која води до поранешната амбасада

Тале Кристо — Fri, 22 Nov 2019 19:37:16 +0000

Екс градоначалникот на Скопје од редовите на ВМРО-ДПМНЕ, Коце Трајановски како свој проект првенец како градоначалник во гостувањето во емисијата Јади Бурек на телевизија Сонце истакна дека еден од проектите на кои најмногу се гордее како градоначалник е изгрдбата на булеварот Илинденска. Тој спомена една анегдота поврзана со поранешниот амбасадор на САД во Македонија, Кристофер Хил кој по изградбата на амбасадата на Калето и завршувањето на неговиот мандат во Македонија при посета на нашата држава посакал повторно да ја види локацијата на старата амбасада. Патувајќи кон локацијата на старата амбасада на САД, Хил во еден момент помислил дека е промашена локацијата на што Трајановски му одговорил дека локацијата е точна, но многу е променето и изградено во Скопје вклучувајќи ја и Илинденска на која се наоѓаше некогашната американската амбасада. Тој говореше и за низа други проекти како подигнувањето на стандардите во Скопската зоолошка градина која е под ингеренција на Град Скопје, но и некогашната црна точка во Скопје каде се случуваа голем број сообраќајни несреќи, во близина на католичката црква во Скопје. Таму претходната локална власт изгради кружен тек со што бројот на сообраќајни несреќи на оваа локација значително се намали.

Трајановски до Шилегов: Ветивте дека ќе ја изградите универзалната, две години поминаа се уште ја немате почнато

Тале Кристо — Wed, 20 Nov 2019 19:38:22 +0000

Вечерва во емисијата „Само Вистина“ гостуваа Петре Шилегов и Коце Трајановски. Трајановски во текот на дебатата го потсети Шилегов дека има ветено дека ќе изгради универзална, но за жал поминаа две години, а се уште ја нема започнато. Господине Шилегов, Вие сте градоначалник две години во изјавата пишувате дека само што ќе станам градоначалник ќе ја почнам универзалната сала. Имате готов проект кој што чини 17 милиони евра. И две години не го започнувате, истакна Трајановски. Трајановски додаде дека на Шилегов му помина половина од мандатот, а се уште не е започната ветената универзална сала. А, велите универзалната сала, ќе ја вратиме на граѓаните.

Трајановски до Шилегов: Бидете среќен што сте градоначалник после мене

Тале Кристо — Wed, 20 Nov 2019 18:08:52 +0000

Во емисијата „Само Вистина“ гостуваше Коце Трајановски, член на ИК на ВМРО-ДПМНЕ кој што посочи дека сегашниот градоначалник на Скопје Шилегов има среќа што станал градоначалник по него. -Господине Шилегов бидете среќен што сте градоначалник после мене, т.е. во 2017 година. Да бевте градоначалник 2009-та година, да имавте јавни претпријатија кои што должеа 18 милиони евра. Да го имате едно ЈСП кое што нема исправен автобус или автобус помлад од 25 години, да имавте комунална хигиена со 5 до 6 стари автобуси, постари од 25 години, да имавте паркови и зеленило кое што нема една до две косилки на пунктовите, во тој случај јако ќе се замислевте како да работите понатака, истакна Трајановски. Трајановски додаде дека долговите беа од неисплатено ДДВ кое што Социјалдемократскиот сојуз од 2002 до 2004 година го воведе и за комуналните работи. И нормално јавните претпријатија не ги плаќа бидејќи гледаат плата да поделат. Му се има случувано 2009/2010 година да директорот на УЈП да доаѓа во ЈСП, да доаѓа во Комунална хигиена и да запленува возила бидејќи должеле на државата, поради ДДВ кое што го воведе СДСМ. -Наследивме јавни претпријатија кои што беа хендикипирани, неопремени, неорганизирани, нагласи Трајановски.