Трајче Димков – Kurir.mk

Димков: Нема крај на понижувањата за нас Македонците од Егејска Македонија, од страна на СДСМ

Дарко Андоновски — Fri, 12 May 2023 09:22:55 +0000

Пратеникот од редовите на ВМРО-ДПМНЕ, Трајче Димков преку статус на Фејсбук пишува дека нема крај на понижувањата за нив Македонците од Егејска Македонија, од страна на СДСМ. „Нема крај на понижувањата за нас Македонците од Егејска Македонија, од страна на СДСМ. По моето обраќање во 2019 година за неписмениот министер, кој за среќа не може да прави повеќе штета на македонскиот народ од позиција на министер, сега за жал Македонија доби неписмена министерка. Имено заменик министерот за правда Викторија Аврамовска - Мадиќ во нејзиното гостување на телевизија 24, нас Егејците не спореди со малцинствата во Македонија како посебна заедница која би требало да се впише во Уставот... Вие во власта очигледно имате проблем со се она што е македонско, ние Егејците сме нераскинлив дел од Македонскиот народ, ние не сме посебна заедница ние сме Македонци.... Ако имате храброст и доблест можеме заедно да ги посетиме Егејците кои живеат во Македонија, а и оние кои живеат во Егејска Македонија за да се уверите дека тие не се ништо поразлични од Македонците кои живеат во Македонија, Бугарија, Албанија, Србија и Косово, ние Егејците зборуваме на македонски јазик и пееме македонски песни затоа што сме пред се Македонци. Дали вашата изјава е резултат на Преспанскиот договор со која правите разлика помеѓу Македонците во Република Македонија и Егејска Македонија треба да и објасните на целата македонска јавност. Ние Македонците од Егејскиот дел на Македонија покрај голготите кои ги поминавме низ историјата, сега сме повторно изложени на понижувања од страна на ваквите неписмени функционери од Македонија. Најостро го осудувам начинот на кој ние Егејците сме претставени како различен народ од Македонскиот и барам јавно извинување од страна на заменик министерката за правда“, стои во неговиот пост на Фејсбук.

Димков до СДСМ: Во лозјето не се влегува на црвен тепих

Дарко Андоновски — Thu, 07 Nov 2019 13:56:21 +0000

Пратеникот Трајче Димков од редовите на пратеничката група на ВМРО-ДПМНЕ денес на собраниската седница посочи на министерот за земјоделие дека на лозјето не се влегува на црвен тепих. -Во лозјето не се влегува на црвен тепих. На вашиот премиер му поставија црвен тепих да влезе. Таму се влегува со чизми, со кондури, со мотика, со ножици, се работи таму. Лозарите не треба да бидат оставени сами на себе, да се молат секоја година, да плачат бидејќи родот што го сработиле да не можат да го продадат, истакна Димков. Димков додаде дека за целиот мандат на оваа влада не исполнија тоа што го ветија сигурен откуп, загарантирани цени, квалитет итн. Има многу грешки во законот за вино. -Првата грешка е што тргате да решите еден проблем занемарувајќи го другиот. Ако не го земеме како целина , да ги гледаме оние кои што го произведуваат , лозаропроизводителите , но исто треба да се посвети внимание и на оние што го откупуваат. Дали со ова предлог решение им помагате на оние кои што го откупуваат или им одмагате на другите. Доколку не се земе како целина да се постави на маса и да се рече чекај што им треба на едните, а нема да им одземе на другите. За што станува збор, ако сакаме ние на винариите да им помогнеме со ова дека во исклучително лоши години вие би направиле нешто, ама дали во тој дел квалитетот ќе им падне. Што добиваме со тоа? Што понатаму, запраша Димков. Димков истакна затоа во однос на винариите може да им се помогне на друг начин. За да им се помогне од државата, од Владата за понатамошна продажба, за брендирање на виното, да им се дадат поволни услови за купување на машини, за механизација итн. На тој начин треба да им се помогне на винариите. Исто така паралелно треба да им се помогне и на лозаропроизводителите.

Димков: За прв пат во историјата на македонскиот спорт се најавува протест

Предраг Кукиќ — Fri, 01 Nov 2019 13:28:31 +0000

На денешната собраниска седница се обрати и пратеникот Трајче Димков од редовите на ВМРО-ДПМНЕ при што посочи дека зборот „ЌЕ“ постојано е во устата на пратениците на СДСМ и на самата власт, но реализација од „ЌЕ“ нема. Вие понудивте 6 милионско решение. Од тие 6 милиони дали знаете дека само 15% се реализирани. 15% тоа е помалку од еден милион евра, а велите 6. Сега додавате 4. Со самата постапка дека нудите ново законско решение, го поправате претходното, ни потврдувате дека имате згрешено. Во континуитет од почетокот на носењето на законот, ви укажувавме, не слушате, додаде Димков. Димков истакна дека за прв пат во историјата на македонскиот спорт се најавува протест. Требаше македонските спортисти во недела да излезат на протести, до таму стигна работата. Дури и земјоделците, вработените во образованието, вработените во затворите сите протестираа. И дојде ред и спортистите да излезат на протест. Во врска со реализација на ваучер системот мора да се напомене дека во моментот не е многу практичен. Ви укажувам од луѓе. Од причини што најголем дел од спортските клубови што се натпреваруваат во втора, односно во трета лига останатите младински лиги во национални првенства се изземени од неговото користење, појасни Димков.

Димков: Според Пратеничката група на ВМРО-ДПМНЕ единствено решение е да се врати старото законско решение за спортот

Предраг Кукиќ — Wed, 16 Oct 2019 14:30:35 +0000

Предлог законот за спорт кој што Пратеничката група на ВМРО-ДПМНЕ и коалицијата го поднесе до Собранието на Република Македонија со кој што се бара враќање на старите законски решенија кои што беа позитивно прифатени од спортска јавност и даваа одлични резултати е повеќе од неопходна. Постоечкото законско решение коа го донесе Владата предводена од СДСМ продолжува да прави проблеми на спортските федерации и спортистите, а дополнителен проблем е и новата ситуација која што се појави во парламентарното мнозинство помеѓу СДСМ и ДУИ со Законот за данок на добивка во кој измените се однесуваат токму за вредноста на ваучерите кои се доделуваат на спортските субјекти од страна на Агенцијата за млади и спорт, а преку кои се врши донирање на финансиски средства од страна на правните лица во спортските субјекти и се користи даночното ослободување, изјави денеска пратеникот Трајче Димков од редовите на ВМРО-ДПМНЕ кој додаде: „Имено, коaлициониот партнер на СДСМ, ДУИ, побара симнување на оваа точка од дневен ред што предизвика еден вид на блокада на носењето на овој закон. Спортските федерации и спортистите реагираат со право и бараат политичките пазарења да се тргнат настрана од спортот. Иако, според нас се работи за проблем кој што СДСМ и ДУИ треба како коалициони партнери да го решат, ние сметаме дека сепак овој постоен закон ќе продолжи да нанесува штета на спортските клубови, посебно на оние кои што се натпреваруваат во помал ранг и не можат да успеат да ги исполнат критериумите кои што ги постави Агенцијата за млади и спорт за да добијат право на вауер односно на финансиски средства кои што им се повеќе од потребни.“ Според Димков реализацијата на ваучер системот мора да се напомене дека во моментот не е многу практичен, од причина што најголем дел од спортските клубови кои се натпреваруваат во втората односно трета лига и останатите младински лиги во националните првенства се одземени од негово користење и не се во можност понатаму да функционираат и да се натпреваруваат. -Од друга страна пак, спортските клубови кои што го имаат ваучерот од страна на Агенцијата за млади и спорт се соочуваат со големи проблеми околу реализирањето на истиот затоа што правните субјекти односно потенцијалните спонзори не се доволно информирани и кај нив постои скептицизам во врска со начинот и постапката за неговата реализација. Според Пратеничката група на ВМРО-ДПМНЕ и коалицијата единствено решение е да се врати старото законско решение кој што даваше одлични резултати и понатаму во дебата и разговори со спортските федерации да се работи на овозможување на уште подобри услови и изнаоѓање на начини како спортот во Република Македонија поквалитетно да добива финансиска сигурност бидејќи тоа е единствениот начин за негов развој, потенцираше Димков.

„Македонскиот спорт со законот кој што оваа Влада го донесе се повеќе тоне“

Предраг Кукиќ — Fri, 04 Oct 2019 13:50:57 +0000

Македонскиот спорт со законот кој што оваа Влада го донесе се повеќе тоне. Веќе почнуваат да се гледаат негативните ефекти на кои што ние како пратеници од ВМРО-ДПМНЕ, предупредувавме дека ќе нанесат штета на спортот во нашата држава. Постоечкото законско решение кое го донесе Владата предводена од СДСМ по не знам кој пат ја покажа неспособноста на оваа Влада да донесе добар и квалитетен Закон за спорт, изјави денеска пратеникот од ВМРО-ДПМНЕ Трајче Димков кој додаде: „Затоа, како одговорна пратеничка група денес поднесовме нов Закон за спорт односно закон кој ги содржи старите одредби кои беа отстранети од оваа власт, а истите беа позитивно прифатени од спортската јавност и даваа одлични резултати. Најпрво ќе истакнам некои од штетните последици од постојниот закон кој го донесе оваа власт. Ситуацијата е повеќе од сериозна. На Македонија и на нејзиниот спорт и се заканува комплетна меѓународна изолација. Веќе подолго време меѓународните спортски институции го толерираат одреденото мешање на политиката во спортот. Македонија со постојниот закон влезе во список на земји за кои интервенира Интернационалниот Олимписки Комитет кој со месеци давале инструкции на Владата предводена од СДСМ и Зоран Заев и на Агенцијата за млади и спорт но никој од таму не гледал сериозно на овие ставови и препораки.“ Според Димков федерациите мора да бидат автономни и нивните статути прилагодени кон статутите на меѓународните спортски федерации, а не кон Законот за спорт во земјава кој што е контрадикторен и далеку од она што во моментов се спортските федерации. „Како што забележавме додека се носеше Законот за спорт од страна на оваа Влада, дека решението е спротивно на интересите на спортските федерации и спортистите, така денес откако тоа се виде во пракса реагираат сите федерации и Македонскиот Олимписки Комитет. Со постоечкото законско решение голем проблем имаат малите спортови кои не се толку атрактивни за спонзорирање, а со ваучерскиот систем се оставени со минорни средства за финансирање. Сегашниот закон предвидува можност за инвестирање само за спортски субјекти кои имаат ваучер, а износот е лимитиран на 6 милиони евра вкупно за сите федерации, клубови, индивидуални спортисти и дополнителен проблем претставуваат високите критериуми кои ги ставаат богатите клубови во прв план во однос на помалите клубови и федерации на кои им се потребни повеќе средства, а за волја на вистината овие клубови се далеку позастапени од оние кои можат да се пофалат со голем буџет.“ -Поради овие но и други катастрофални одредби во постојниот закон, ние со новиот закон предлагаме враќање на претходните одредби кои што придонесоа за револуција во спортот и истите изградија систем кој што беше најпозитивно прифатен од сите спортски субјекти. Со претходниот закон, само за три години преку даночното олеснување во македонскиот спорт влегоа 10 милиони евра, а преку Законот за игри на среќа се поддржаа преку 64 спортски федерации и стотици клубови и спортисти со дополнителни 7.5 милиони евра. Со овој закон сакаме овие успешни политики да ги вратиме повторно. Редно време е оваа власт да научи дека укинувањето на позитивните закони само поради тоа што се решенија на претходната власт и носење на нови катастрофални решенија не е добро за интересите на граѓаните во случајов за спортистите, посочи Димков и подвлече: „Апелирам до парламентарното мнозинство да се надмине себеси и да го поддржи овој закон со цел да ја запреме оваа апокалипса која што и се заканува на македонскиот спорт. Ако не нас, пратениците од ВМРО-ДПМНЕ и Коалицијата, послушајте ги спортските федерации и Македонскиот Олимписки Комитет кои што секојдневно предупредуваат дека чашата е прелеана и дека мора итно да се реагира.“

Димков за АНБ: За жал морам да констатирам дека во делот на ова не се испочитувани неколку законски норми

Предраг Кукиќ — Wed, 02 Oct 2019 14:40:16 +0000

Денес го разгледувавме извештајот на комисијата за селекција за премин на вработените од УБК во АНБ. Јас вчера дадов изјава во однос на тоа, затоа што чувствував обврска. И претходно имаше неколку изјави од медиуми од лица и така натаму каде што бев посочен и на некој начин и обвинет, дали или како учествуваш што направи за време. Чувствував обврска дека треба да кажам, сведоци сме дека во Република Македонија безбедносниот систем се наруши подолго време, се утврди потребата дека треба да се направат реформи. Една од реформите покрај ОТА и другите реформи е и создавањето на Агенцијата за национална безбедност. За жал морам да констатирам дека во делот на ова не се испочитувани неколку законски норми. Јас ги кажав тогаш, стојам на она што го кажав вчера, а тоа се тестот за интегритет, полиграфско тестирање, мислењето од Антикорупциска за кое јас препорачувам да видете како треба биде во однос на ова и понатамошното делување, меѓутоа во однос и на датумот на донесување на одлуката требаше да биде 20-ти, меѓутоа да бидам искрен беше еден тежок процес и многу краток период за да се реши целата работа. Меѓутоа факт е дека не се заврши во тој дел и субјективноста иако е субјективно мое мислење она што успеав да го видам се плашам дека во делот на оценките имаше субјективност. Реагирав за време на процесот дека има одредени проблеми, сугерирав за одредени размислувања за лица кои што сметав дека можеби треба да влезат во АНБ, затоа што се со долго искуство, долг стаж, биле началници. Сугерирав луѓе ве молам бидејќи не ги знам началниците од другата страна, ве молам имајте ги во предвид тие луѓе се со големо искуство, да не се направи штета или некоја лична можеби не толку партиска, туку лична кавга и за тоа да бидат слабо оценети. Имаше лица кои на некој начин беа школувани, имаа обуки и сертификати на високи рангирани служби за таа потреба и тука исто така укажував дека тие луѓе треба да се дадат. Дадов поддршка на крајот на процесот, тогаш кога се заврши, се со цел овој процес бидејќи беше краен рок тоа беше 30 и 31 ноќта кога работевме, беше страшно тешко со цел да можат тие луѓе на некој начин да влезат во службата. Меѓутоа за волја на вистината, бев поставен во оваа институција со обврските кои што ги имам јас морам и под притисокот да ја информирам јавноста што се е на преговор. Не навлегувам во личните квалификации за некоја личност ниту партиска, ниту било каква, сведоци сте за некои личности кои што се спомнуваа и влијанието нивно дали било или не било во целиот процес, меѓутоа ние мораме да кажеме дејка дел од законските обврски не се испочитувани.

Пратеникот Димков повика: Крајно време е за Семакедонско помирување и обединување

Дарко Андоновски — Sun, 30 Jun 2019 12:08:37 +0000

Пратеникот од ВМРО-ДПМНЕ Трајче Димков денеска постави свежо цвеќе во чест на 70 години од крајот на граѓанската војна во Егејска Македонија пред споменикот во жена парк. По тој повод тој на својот Фејсбук профил сподели и статус: -Порака од одбележувањето на: 70 ГОДИНИ ОД КРАЈОТ НА ГРАЃАНСКАТА ВОЈНА ВО ЕГЕЈСКА МАКЕДОНИЈА "Крајно време е за Семакедонско помирување и обединување", стои во неговиот пост на Фејбсук.

Димков: Со законот за возила власта прави поделба на богати и сиромашни граѓани

Предраг Кукиќ — Mon, 27 May 2019 16:36:49 +0000

Пратеникот на ВМРО-ДПМНЕ, Трајчо Димков на денешната собраниска седница за новиот закон за возила со кој се предвидуваат еколошки налепници истакна дека се прави поделба на сиромашни и богати граѓани, и се удира по џебот на граѓаните без да го реши проблемот со загадувањето. Трошоците за утврдување на еколошката категорија на возилото се на товар на сопственикот на возилото, а трошоците ги утврдува министерот за економија. Секое возило ќе биде жигосано и некој ќе ни го ограничува правото кога ние ќе можеме да се движиме. Не знам како можеше некој да си дозволи да се направи вакво законско решение, посочи Димков. Тој потенцираше дека овој предлог закон има многу негативности, а исто така студиите покажуваат дека возилата најмалку го загадуваат воздухот и токму затоа оваа мерка е апсолутно катастрофална и нема да донесе никакво решение во однос на решавање на загадениот воздух во Република Македонија. Во споредба со другите загадувачи возилата имаат најмало учество во вкупното загадување на воздухот во Република Македонија. Негативните страни врз основа на кои критериуми возилата сои црвена или жолта налепница ќе се исклучат од сообраќајот и кој ќе ги извести? Дали има доволно алтернативни возила за превоз и колку пари ќе ги чини граѓаните дополнително преглед за мерење на гасови, заврши Димков.

Димков: Оваа власт драстично ги намали критериумите за вработување во затворска полиција

Ивана Ефремовски — Wed, 27 Mar 2019 13:54:49 +0000

На денешната седница во Собрание на Република Македонија, пратеникот Трајче Димков од пратеничката група на ВМРО-ДПМНЕ и Коалицијата „За подобра Македонија“ рече дека се намалија драстично критериумите за вработување во затворската полиција.

-Прво закон за извршување санкции е препишан од стариот со повеќе измени или 417 члена. Во кои за ресолизација на лицата нема подобрување. Туку напротив одземање на право за жалба во случај на репрогусирање и слично. За вработените мало покачување на платите но со додавање на член со кој што по желба на директорот вработените од затворската полиција мора да бидат испратени во било кој друг затвор во Република Македонија, појасни Димков.

Димков посочи дека за нововработените и директорите, намалени се критериуми за вработување и концентрација на власт на директорот за извршување на санкции. Укинат е надзорот за државната комисија за извршување на санкции.

-И сметам дека на некој начин свесно и се дава простор на управа за извршување на санкции да нема контрола во барем во еден дел на државна комисија за извршување на санкции, истакна Димков.

Димков: Добро е што власта предводена од СДСМ ги поддржува реформите и законите кои биле направени од страна на ВМРО-ДПМНЕ

Предраг Кукиќ — Wed, 06 Mar 2019 12:39:53 +0000

На денешната собраниска седница пртаеникот од ВМРО-ДПМНЕ, Трајче Димков за Централниот регистар за населението посочи дека оваа реформа е позната многу поодамна и е по препорака на ЕУ и Европската Комисија за која многу долго работела и претходната влада која беше предводена од ВМРО-ДПМНЕ. -Добро е што на некој начин некогаш власта на СДСМ продолжува со одредени реформи и проекти кои претходно биле направени од страната на власта предводена од ВМРО-ДПМНЕ, истакна пратеникот Димков. Тој додаде дека е добро што се продолжи оваа реформа, и таквите закони и таквите реформи во иднина ВМРО-ДПМНЕ ќе ги поддржи.