трајко славески – Kurir.mk

Арсовска им должи 112.500 евра на советниците: Поради неисплатен надомест, правдата ќе ја бараат на суд

Ивана Ефремовски — Wed, 18 Oct 2023 13:04:20 +0000

Дури 112.500 евра им должи Градот Скопје и градоначалничката Данела Арсовска на советниците во Советот на Град Скопје. Тие пари треба законски да ги добијат како надомест за извршувањето на нивната функција, а дел од нив наплатата ќе ја бараат преку суд, пишува ПлусИнфо. Според информациите до кои дојде Плусинфо во разговор со неколку советници, ниту еден од нив нема добиено пари за мај, јуни, јули, август и за септември, во висина од една просечна плата или околу 500 евра. Ова го потврдува и претседателот на Советот, Трајко Славески, кој вели дека средствата редовно се уплаќале до април, а според него Арсовска има дадено усна наредна парите повеќе да не им се исплаќаат -Точна ви е информацијата околу долгот на град Скопје кон советниците. На нив, според закон, им следува месечен надомест за извршување на функцијата во висина од една просечна плата, исплатена во РМ во изминатата година, во бруто износ (се задржува персонален данок). Заклучно со април оваа година, надоместот се исплаќаше редовно, кога по наредба на Арсовска, најверојатно усна, Сектор за финансии престана да го исплаќа надоместокот, вели Славески, пренесува порталот. Тој додава дека не им се исплатени надоместоци на 45 советници. Дел од нив имаат испратено опомени пред тужба, дури се подготвени парите да си ги бараат на суд. Целата вест прочитајте ја на ПлусИнфо.

Славески: Арсовска бега од советнички прашања, две недели не дала одговор кој термин и одговора за закажување на седницата

Ивона Петрова — Thu, 05 Oct 2023 14:02:33 +0000

Претседателот на Советот на Град Скопје, Трајко Славески на денешната седница на советот на крајот од седница по исцрпениот дневен ред ја информираше јавноста дека иако пред две недели до градоначалничката Данела Арсовска испратил писмо со кое ја известува дека планира да закаже редовна седница за поставување на советнички прашања во месец октомври и самата таа да одбере термин, се уште нема одговор. Само една информација, на 19 септември, пред точно 2 недели, како што спомнав испратив писмо до градоначалникот на Град Скопје со следната содржина: Почитувана, ве известувам дека планирам да закажам редовна седница на Советот на Град Скопје посветена на поставување на советнички прашања во текот на месец октомври. Како можни термини за одржување на седницата се 12 и 19 октомври 2023 година. Ве молиме да ни посочите еден од наведените термини и денови за одржување на седницата на Советот на Град Скопје за поставување на советнички прашања, на која ќе биде во можност да присуствува и градоначалничката на Град Скопје, Данела Арсовска. До овој момент немам одговор на ова барање што мислам дека не е коректно. Може да се одговори со ДА или НЕ, или да се посочи некој друг термин, рече Славески. Славески посочи дека според статут и деловник за работа на Град Скопје мора да се одржи седница за советнички прашања. Ова не е коректно, и 2 недели немам одговор на она кое што е предвидено и во статут и деловник за закажување на седница за поставување на советнички прашања, истакна Славески.

Славески: Договорот со „Бехтел и Енка“ е прв капитален проект кој е без проект и не обезбедено финансирање

Ивона Петрова — Fri, 16 Jun 2023 19:52:06 +0000

„СДС уште од 2015-та година промовираше модел на раст кој банкротираше пред нашите очи, тоа беше раст наводен со зголемување на личната потрошувачка, но не гледаме дека се постигнаа стапки на раст од околу 2 проценти а се предизвика инфлација не само заради енергетската криза, кризата со храната на светски берзи кои се стабилизирани оддамна а кај нас инфлацијата е сеуште присутна“, кажа членот на ИК На ВМРО-ДПМНЕ Трајко Славески во вечерашното гостување во емисијата „Трилинг“ на Телевизија 24. Тој додаде дека длабоки се проблемите од таков модел на очекуван раст . Славески истакна дека јавниот долг нема да се намалува, тој и понатаму ќе расте се додека кретидорите што ни даваат средства на зеаем дека не сме влезени во ризичната зона. Запрашан за договорот за „Бехтел и Енка“, Славески изјави дека македонската јавност разбра дека се работи за еден пристап кој досега е невиден, не го одобрува и бара поголема транспарентост. „Беше кажано се што требаше да се каже со штетниот договор за „Бехтел и Енка“ нема никаква транспарентот каде и пратениците не го добија договорот што беше ветен дека ќе го добијат. Антикорупциска и таа замолкна кога кажаа дека не го добија целосниот дел од договорот“, вели Славески. Тој заклучи дека ова е прв ваков капитален проект во кој се тргнува не само без проекти, туку не е обезбедено ни финансирање.

Славески за резолуцијата од Германија: Тоа е за поздравување, но не го решава проблемот бидејќи Бугарија целосно го негира идентитетот на македонскиот народ, јазик и нација

Ивона Петрова — Fri, 16 Jun 2023 19:20:46 +0000

Пред самата лидерска средба имавме Извршен Комитет каде бевме запознаени со позициите кои ќе настапи лидерот Христијан Мицкоски и по лидерската средба и јавноста беше запознаена со позициите на ВМРО-ДПМНЕ“, изјави членот на ИК на ВМРО-ДПМНЕ Трајко Славески во вечерашното гостување во емисијата „Трилинг“ на Телевизија 24. Тој додаде дека пристапот на ВМРО-ДПМНЕ е сосема различен. Доколку се формира широка коалиција Влада која ќе ги подготви изборите за кратко време тоа би било прифатливо. „Да се формира Влада без ДУИ која ќе подготви избори, а по тие избори секоја од партиите да ја добие поддршката од партиите власт – опозиција македонски блок во решавање на горливите прашања за пристапување кон ЕУ и преговарачката рамка со ЕУ“, кажа Славески. Во однос на резолуцијата изгласана во Бундестагот, Славески посочи дека Германија и досега немала проблеми со нашиот идентитет. „Германија да беше на некој начин толку вредна да го спречи натамошното вето што го поставува Бугарија тоа ќе беше направено и до сега. Во секој случај тоа е за поздравување, но не го решава проблемот на намерите на Бугарија која целосно го негира идентитетот на македонскиот народ, јазик и нација“, вели Славески. Тој додаде дека сосема е извесно дека ВМРО-ДПМНЕ ќе биде партијата што ќе формира Влада. „ДУИ го прекрши правилото победник со победник, тие тоа го прекршија и оттаму е ставот на ВМРО-ДПМНЕ, тоа е партија која 20 години е во власта и долгата власта корумпира апсолутно затоа е најдобро за самата партија ДУИ и Македонија да оди ДУИ опозиција“, кажа Славески.

Славески: Идната влада на ВМРО-ДПМНЕ ќе ја санира катастрофалната економска состојба која што ја прави владата на СДС и ДУИ, ќе обезбеди раст и развој

Ивана Ефремовски — Mon, 05 Jun 2023 16:55:51 +0000

За да постигнеме економски раст и развој на наредниот период на Република Македонија, прво е потребно санација на катастрофалната состојба во која што СДС и ДУИ ќе ја остават државата, а потоа и да ја стабилизираме економијата, рече членот на ИК на ВМРО-ДПМНЕ, Трајко Славески на денешната трибина насловена Развојни политики за стабилна економија во организација на ВМРО-ДПМНЕ. Славески истакна дека стабилизација на економијата претставува справување со инфлацијата. -Стабилизацијата на економијата претпоставува борба со инфлацијата. Но, основен предуслов и предизвик во овие моменти за народна власт е да се зачува економската самостојност на државата, додаде тој. Славески потенцираше дека Македонија е на пат да го изгуби економскиот самостојност со контроверзниот и коруптивен проект со Бехтел и Енка за изградба на коридорите 8 и 10д, бидејќи најавиле нешто за кое не само што немаат проект тоа како ќе изгледа, туку немаат ниту обезбедени средства, укажувајќи дека владата на ВМРО-ДПМНЕ кога започнала со изградба на делницата Демир Капија Смоквица во 2006 година прво обезбедила средства од Европската Инвестициона банка. -Сега сме на пат да ја изгубиме економската самостојност. Директно ќе кажам дека станува збор за контроверзниот и коруптивен проект со Бехтел и Енка за изградба на коридорите 8 и 10д. Без преседан е да започнете да трошите милион евра, не само што нема проект, туку ова е прв пат да влезете во една огромна инвестиција без обезбедени финансиски средства. Јас се сеќавам на годините 2006, 2007 година кога единственото парче од коридорот 10д, автопатот Е 75, делницата Демир Капија – Смоквица требаше да се изгради, се дека не обезбедивме поволни средства од Европската Инвестициска Банка и исто толку грант не тргнавме во изградба на таа делница. Сите автопати во државата се градени со обезбедени средства од ЕУ, особено коридорите, затоа што тоа се и европски патишта. Овде не само што не побарана поддршка, туку ние сме на пат и да се контрираме со ЕУ. И првите знаци на незадоволство од нивна страна за ова веќе стигнува, нагласи тој. -Како што тргнале работите може ова време следната година ќе нема средства да им се исплаќа на бескрупулозните изведувачи, проектот некаде ќе зариба, нешто ќе се изгради ќе видиме што, но како понатаму ќе треба да мислиме ние со ре преговараме и поставување на една здрава основа, заклучи Славески.

Славески: Градоначалниците од ВМРО-ДПМНЕ имаат проблеми со централната власт на различни нивоа

Ивана Ефремовски — Thu, 02 Mar 2023 19:47:41 +0000

Од градоначалниците кои се од ВМРО-ДПМНЕ и коалицијата се гледа дека имаат проблеми со централната власт на различни нивоа, бојкот, друг тип на проблеми, проблемот со идејата за општински обврзници недавањето дозвола од Министерството за финансии итн. Тука централната власт која е помоќна и треба на некој начин да биде слепа, да не прави разлика на политичката провиниенција на градоначалниците, рече професор Трајко Славески, претседавач со Советот на Град Скопје и член на Извршниот комитет на ВМРО-ДПМНЕ. Професорот Славески говореше за емисијата Вин вин што се емитува на телевизија Телма на тема фискална децентрализација на општините. Славески се осврна на пречките во функционирање кои ги имаат општините. „Проблемот е прво, кадровски не можете со овие средства да бидете атрактивни за електроинженерите, програмерите, архитектите, добри правници, тие не може од општините или потешко е да се ангажираат и второто прашање е и политичко, до каде кој е балансот на распределба на надлежностите“, вели Славески. Според Славески критериумот за баланс на распределба на средствата меѓу локално и централно ниво треба да биде, ако се делегираат надлежности треба да се обезбедат средства, или поради специфичноста треба да се водиме од земји кои се на сличен развој на Македонија. „Не сакам да бидат адвокат ниту на централна, ниту на локалната власт, оттука ќе кажам парите ги нема од два аспекти затоа што ние имаме високи буџетски дефицити зборувам за централниот буџет, понатаму ги нема затоа што сме релативно сиромашна држава“, посочи Славески.

Славески: Во периодот додека СДСМ и ДУИ во хор се фалат дека ги зголемиле платите, реалната плата и куповната моќ на граѓаните падна

Тале Кристо — Thu, 23 Feb 2023 14:08:11 +0000

Се вели дека некои луѓе може да ги лажете цело време, сите луѓе можете да ги лажете одредено време, но не можете сите луѓе да ги лажете цело време. На владата на ДУИ поддржана од СДСМ и успеа во изминатите година-две да излаже некои луѓе за одредено време дека ги зголемува платите, но вистината излезе на виделина, според податоците од Државен завод за статистика за исплатената просечна нето-плата во Македонија. Во периодот за кој ДУИ и СДСМ во хор се фалат со зголемување на платите, граѓаните се соочуваат со она што и статистиката го констатира. Куповната моќ на платите, т.е. вредноста на реалната плата во земјава континуирано се намалува, од што најмногу страдаат семејствата со пониски доходи. Најголем пораст на цените бележат производи со највисоко учество во семејните буџети на овие семејства, како што се храната и трошоците поврзани со домувањето. СДСМ и ДУИ својата економска логика треба да ја приспособат на логиката на просечен земјоделец. На земјоделците не им е битно колку изнесува цената на еден трактор лубеници или зелка, туку колку вреќи ѓубриво или средства за заштита на растенијата можат да купат со тие пари. И колку пари им остануваат откако ќе ги подмират сите трошоци за да можат да ги прехранат своите семејства. Став на проф. д-р Трајко Славески, член на ИК на ВМРО-ДПМНЕ

Славески: Закажана е вонредна седница на Советот на Град Скопје за носење одлука за помош на настраданите од земјотресот во Туркије и Сирија, за во среда, 8 февруари

Тале Кристо — Mon, 06 Feb 2023 16:41:47 +0000

Координативното тело при Совет на Град Скопје, во кое членуваат претставници на сите советнички групи, застапени во Совет на Град Скопје, кои настапија на локалните избори за советници во Совет на Град Скопје, одржа состанок на кој се договори одржување итна вонредна седница на Совет на Град Скопје за 8 февруари 2023 година (среда) со почеток во 13:00 за носење одлука за помош на настраданите во катастрофалниот земјотрес што зафати делови од Туркије и Сирија, информира преку писмена изјава ретседателот на Совет во Град Скопје, Трајко Славески. Градоначалник и соодветните сектори на Град Скопје се обврзаа да достават до советниците предлог-одлука за финансиска помош, во рамките на можностите на Град Скопје, која ќе се достави до настраданите подрачја, стои во писмената изјава на Славески.

Славески до Ковачевски: Можам само да ви ја честитам полутајната и неформална коалиција во градот Скопје со Арсовска

Ристе Здравков — Thu, 01 Dec 2022 16:26:36 +0000

Очигледно премиерот на државата, покрај растечката инфлација, проблемите во економијата, блокадите во градот, истоштените институции, проблемите со бизнисите, има доволно време да се посвети да ја коментира мојата работа, се вели во писмената изјава на претседателот на советот на Град Скопје, Трајко Славески од ВМРО-ДПМНЕ. -Прво, фактот што призна дека имал средби со градоначалничката Арсовска во владата дава објаснување за позадината на многу работи, блокади и напади врз мене како претседател на Советот и хаосот кој се продуцира во работењето на градот и градоначалничката. Второ, во интерес на вистината и во однос на неговата хипотеза дека дека не сум заслужил да бидам претседавач на совет, ќе нагласам дека како советник, носител на листа сум избран од убедливото мнозинство од граѓаните на Скопје, за разлика од него како премиер кој не е избран на избори, туку поставен на позицијата премиер договорено на зелена маса, во неговата партија. Воедно, повеќе пати сум бил на избори, како носител на листа, за советници и за пратеници. СДСМ во втора изборна единица (неговата и во неговото Куманово) сум го победувал катастрофално со огромна поддршка од негови сограѓани. Така да единствениот кој не заслужува да биде премиер е токму Ковачевски, бидејќи тоа Македонија, а гледаме и градот Скопје ја чини прилично многу, истакна Славески. Во оваа прилика, иако не е за фалење можам само да им ја честитам полутајната и неформална коалиција во градот, додава Славески.

Славески: Буџетот е гломазен и инфлациски, се зголемува дефицитот и јавниот долг

Тале Кристо — Fri, 25 Nov 2022 20:47:11 +0000

„Не би сакал да верувам дека власта свесно го прави тоа да ја подгрева инфлацијата, но политиките во економијата само го зголемуваат долгот и дефицитот, изјави членот на ИК на ВМРО-ДПМНЕ Трајко Славески во вечерашното гостување во емисијата „Трилинг“ на Телевизија 24. Тој додаде дека можеби станува збор за незнаење на водење на економските политики и јавните финансии. „Второ популизам, по инерција да им се угоди на оредени општествени групи во државата со тоа што се штети на најголем дел од граѓаните. Трето неможност да се задоволат некој апетити кај коалициските партнери, како што се трошењето средства за коридорот 8 и договорот со Бехтел и Енка, а такви проекти во кризни ситуации се одложуваат во најмала рака за некоја година“, вели Славески. Славески потенцираше дека буџет кој креира дефицити треба тие дефицити да ги намали во најскоро можно време, затоа што секој дефицит значи зголемување на јавниот долг. Пратениците на ВМРО-ДПМНЕ укажаа дека буџетот е гломазен и ифнлациски. „За само две години, односно од крајот на 2021-ва година реализацијата и проекцијата за 2023-та година приходите во буџетот се зголемуваат за една милијарда евра, а раходите за милјарда и сто евра. Споредено со БДП од некаде 12 милијарди евра во Република Македонија тоа е застрашувачка и фрапантна бројка. Со тоа доаѓаме во ситуација кредиторите наскоро да ни кажат стоп, бидејќи вие сте земја која сте задолжена и не сме сигурни дека ќе сте способни понатаму да се задолжувате и плаќате понатму кредитите, сега не сме во ваква ситуација но лесно можеме да се најдеме во ваква ситуација со вакви буџети“, кажа Славески.