Трајко Вељановски – Kurir.mk

Вељаноски: Согласно Деловникот претресот за измена на Устав трае 10 работни дена, гласањето мора да се случи најдоцна денеска

Ристе Здравков — Fri, 01 Sep 2023 09:24:59 +0000

Трајко Вељаноски, поранешен Претседател на Собранието на Република Македонија вели дека согласно Деловникот претресот за измена на Устав трае 10 работни дена, гласањето мора да се случи најдоцна денеска. Неговата реакција ја пренесуваме интегрално. „Во врска со дебатата во медиумите, а во која се вклучени експерти, новинари, политичари, а на тема текот на 123 седница на Собранието на Република Македонија на чиј дневен ред е иницијативата за пристапување кон измена на Уставот на Република Македонија, дозволете ми да го истакнам следново: Основно правило, но и правило од праксата, за пристапување кон измена на Уставот е веќе обезбедно 2/3 мнозинство пратеници. Предлагачот на иницијативата кон измена на Уставот, во овој случај Владата, воопшто не требаше да си дозволи да покрене ваква постапка без предходно обезбедено 2/3 мнозинство. Во досегашната пракса на Собранието на Република Македонија никогаш не се случило да се покрене постапка за измена на Уставот без претходно обезбедена политичка согласност од најмалку 2/3 од пратениците. Единствен исклучок е оваа постапка и насилната постапка за измена на Уставот по Преспанскиот договор. Согласно член 196 став 1 од Деловникот за работа на Собранието на Република Македонија претресот за измена на Устав трае 10 работни денови и по завршување на претресот се пристапува кон гласање. Денес, на 1 септември завршуваат десетте работни денови откако беше отворена постапката и завршена расправата за измена на Уставот на собраниската седница број 123, закажана и одржана на 18 август. Гласањето мора да се случи најдоцна денес. Секое спротивно постапување не е во согласност со Деловникот. Деловникот за работа на Собранието на Република Македонија не дозволува неизвесност со постапката од толку високо значење. Во согласност со Уставот на Република Македонија односно неговиот член 67 и во согласност со Деловникот за работа на Собранието, односно неговите член 6 и член 60, Претседателот на Собранието единствено го претставува Собранието и се грижи за примената на Деловникот и за остварување на правата на сите пратеници подеднакво. Политичките одлуки ги носи Собранието, а не Претседателот на Собранието. За излез од оваа ситуација потребно е согласно член 67 став 2 од Деловникот за работа на Собранието минимум 20 пратеници да бараат продолжување на 123 седница а Претседателот на Собранието согласно член 24 став 2 од Законот за Собрание да постапи и свика ад хок кординација на која би се договорил датумот на продолжување на 123 седница на Собранието, кога ќе треба да се гласаат уставните измени Доколку Претседателот на Собранието на Република Македонија и покрај барањето на минимум 20 пратеници не закаже продолжение на седницата ја презема на себе целата одговорност, прави лоша практика. се става над сите пратеници и конечно го изместува целосно политичкиот систем на институционалната поставеност на уставното уредување на Република Македонија.“

Апелација ја укина првостепената пресуда за „Организатори на 27-ми април“ – случајот вратен на повторно судење

Ивана Ефремовски — Mon, 03 Apr 2023 13:36:46 +0000

Апелациониот суд Скопје ги уважи жалбите и ја укина првостепената пресуда за случајот Организатори на 27 Април од 26.07.2021 година и предметот го врати на повторно судење пред Основниот кривичен суд Скопје. - Апелациониот суд Скопје во интерес на јавноста и медиумите информира дека постапувајќи по кривичниот предмет КОКЖ-121/21, донесе решение со кое ги уважи жалбите на обвинетите Т.В., С.Р., М.Ј., сите од С. и В.А од Д., со привремено престојувалиште во С., ја укина првостепената пресуда КОК.бр.2/20 од 26.07.2021 година и предметот го врати на повторно судење пред Основниот кривичен суд Скопје, Специјализирано судско одделение надлежно за судење на дела од областа на организираниот криминал и корупција, се вели во соопштението од Апелација. Жалбата на Основното јавно обвинителство за гонење на организиран криминал и корупција, во оваа фаза на постапката, Апелациониот суд одлучи дека е беспредметна. Мерките за претпазливост спрема обвинетите Т.В од С. и В.А од Д. со привремено престојувалиште во С., остануваат во сила. -Поради големиот интерес и транспарентност во работењето, судискиот совет на Апелациониот суд Скопје информира дека при разгледување на првостепената пресуда, оцени дека при постапувањето по овој кривичен предмет сторени се суштествени повреди на одредбите на кривичната постапка од член 415 став 1 точка 11 и став 3 од Законот за кривичната постапка, кои придонеле првостепениот суд да не биде во можност правилно да го примени материјалното право – Кривичниот законик, посочуваат од Апелација. Ова, од причина што првостепениот суд врз основа на расположивиот доказен материјал во недоволна мера ги расправил сите спорни околности и не ги утврдил со сигурност сите решителни факти што го чинат обележјето на кривичното дело и го определуваат неговото дејствие на извршување, при утврдување на фактичката состојба не утврдил со сигурност во што се состојат дејствијата на секој од обвинетите преземени во насока на остварување на битието на кривичното дело за кое се обвинети, ако се има предвид дејствието на извршување на предметното кривично дело, за кое правната теорија и судската пракса се едногласни дека покрај умислата во субјективното битие како субјективен елемент на противправноста влегува и намерата за загрозување на уставниот поредок или безбедноста на РМ. Првостепениот суд, се вели во соопштението од Апелација, сторил и суштествена повреда на одредбите на кривичната постапка од член 415 став 3 од Законот за кривична постапка, односно го повредил правото на одбрана на обвинетите која влијаела врз законитото и правилното донесување на пресудата и врз правото на обвинетите на правично судење, бидејќи не го расправил во доволна мера прашањето за одредбите кои се однесуваат за амнестија на кривичното гонење. - Првостепниот суд не ги утврдил правилно и со сигурност сите решителни факти по однос на преземените процесни дејствија кои го исклучуваат кривичното гонење во смисла на член 416 став 1 точка 3 в.в со член 113 од Кривичниот законик. Ова, од причини што при постпувањето и одлучувањето во предметот, првостепениот суд ги занемарил истакнатите приговори, како во формална, така и во материјална смисла по однос на примената на Законот за амнестија (Сл.весник на РМ бр.233/2018) кој во член 1 став 1 и 2 ги пропишува условите кои се однесуваат на лицата поврзани со настаните од 27 април 2017 година, за ослободување од кривично гонење, за запирање на поведените постапки и ослободување од издржување на казната затвор, се вели во соопштението од Апелација. Вака донесената одлука, посочуваат од Апелација, ќе биде објавена во целост на веб страната на судот во рокот определен со Законот за управување со движењето на предметите во судовите. Основниот кривичен суд Скопје на 26 јули 2021 година им изрече вкупно 25 години затвор на четворицата обвинети за случајот познат во јавноста како „Организатори на 27 април“ и тоа 6 и пол години казна затвор за поранешниот собраниски спикер Трајко Вељановски, 6 години и три месеци казна затвор за екс-министерот за образование Спиро Ристовски, и 6 години и три месеци казна затвор за министерот за транспорт Миле Јанкиески, додека на екс директорот на УБК, Владимир Атанасовски шест години казна затвор. (МИА)

Апелација ги укина притворите за Драги Рашковски и Трајко Вељановски

Ивона Петрова — Thu, 03 Feb 2022 07:53:25 +0000

Апелацискиот суд Скопје вчера ги укина мерките куќен притвор за Драги Рашковски и за Трајко Вељановски, објави МКД.мк. Во случајот со поранешниот генерален секретар на Владата Драги Рашковски, судот ја прифати понудената гаранција од 192.980 евра во недвижен имот. На Рашковски определени му се мерки на претпазливост и тој секој понеделник ќе мора да се јавува во Основниот кривичен суд Скопје и провремено му е одземен пасошот се до правосилноста на пресудата во случајот во кој тој е обвинет за злоупотреба на службената положба и овластување и перење пари. Трајко Вељаноски, поранешниот претседател на Собранието, е во куќен притвор за случајот Организатори на 27 апприл за кој од првостепениот суд е осуден на шест години и шест месеци затвор.

Македонска правда: Вељановски го осудија за непочитување на Деловникот, а кој ќе го осуди судијата Трпков за непочитување на ЗКП?!

Катерина Бојаџиева — Thu, 07 Oct 2021 07:51:28 +0000

Поранешниот претседател на Собранието на РМ, Трајко Вељановски, екс-министрите Спире Ристовски и Миле Јанакиески, како и екс-директорот на УБК, Владимир Андоновски, се уште не ги имаат добиено првостепените пресуди за собраниските настани од 27 април 2017 година. Според првичното обвинение, тие беа обвинети како организатори на настаните, а потоа тоа беше преиначено, па одговараа за „изготвување план со намера да го оневозможат мирното примопредавање на власта“, што исто така беше подведено под терористичко загрозување на уставниот поредок. Судијата Илија Трпков ги осуди Вељановски на 6,6, Ристовски и Јанакиески на 6,3 и Андоновски на 6 години затвор. Пресудата беше донесена на 26 јули годинава. Но, првостепено осудените се уште не ги имаат добиено пресудите, со што, практично, продолжува судската пракса за одлоговлекување и непочитување на законските одредби од Законот за кривична постапка. Судското образложение дека тие се работат не може да го покрие отвореното кршење на основните човекови права и слободи. Зашто, не само што станува збор за притворски предмет, туку многу поголемо е неговото политичко значење и димензија, дотолку повеќе што предметот повеќе од сигурно, ќе заврши пред Судот за човекови права и слободи во Стразбур. Според законските одредби, односно според членот 407 од ЗКП, став 1, децидно стои:„Пресудата што е објавена МОРА писмено да се изготви во рок од 15 дена по објавувањето, а во сложени предмети по исклучок во рок од 60 дена, рокови кои НЕ МОЖАТ да бидат пречекорени“. Рокот за доставување на првостепената пресуда истече на 24 септември, што значи дека Кривичниот суд веќе доцни две недели, со што се одлоговлекуваат и спречуваат правата во натамошната постапка на првично осудените. Ова особено во делот на одредените мерки домашен притвор. Сето ова е типичо за македонската правда. Но, да биде иронијата на судбината поголема, Трајко Вељановски, на пример, беше осуден за непочитување на членот 78, став 2, од собранискиот деловник. Оттука и прашањето кој ќе го осуди судијата Илија Трпков за непочитуавње на Законот за кривична постапка? А, собранискиот деловник, правно гледано, е барем за неколку нивоа пониско од ЗКП, пишува порталот Пресинг.

Велјановски на 27-ми април ја водел седницата согласно Деловникот на Собранието – тврди неговиот адвокат

Ивана Ефремовски — Tue, 06 Jul 2021 10:46:25 +0000

Обвинетитот Трајко Велјановски, не комуницирал со ниту еден од другите обвинети во случајот „Организатори на 27 април”, во наводно планирање на упадот во Собранието, истакна неговата одбрана во завршните зборови за овој случај. Адвокатот Еленко Миланов истакна дека од 30.000 пораки од Велјановски, воопшто нема комуникација меѓу него и Атанасовски, Бошковски и Јанакиевски. -Од ниту еден сведок од обвинителството не слушнавме дека Трајко Велјановски имал комуникација со Владимир Атанасовски и Никола Бошковски. Во овој период Велјановски нема апсолутно никаква комуникација со Миле Јанакиевски. Додека, има шест пораки меѓу него и обвинетиот Спиро Ристоски, кој во тоа време бил министер за образование, рече Миланов. Од сите изнесени докази, и вербални и материјални, нагласи Миланов, само се потврди дека Трајко Вељановски конститутивната седница во Собранието ја водел строго според Деловникот. -Не може за ова да го прогласите Трајко Вељановски за виновен, рече Миланов.

Вељановски со докази поби дел од паушалното обвинение за 27-ми април

Тале Кристо — Wed, 26 Aug 2020 09:00:21 +0000

На стартот на денешното судење за случајот 27 ми април, во кое обвинети се Трајко Вељановски, Спиро Ристоваки, Миле Јанакиевски, Владимир Атанасовски, беа изложени матерјалните докази од страна на обвинетиот Трајко Вељановски. Тој во своето излагање ги читаше сценограмите од сесницата која се одржа на 27 април. Вељановски по читањето на сценограмите од македонското собрание, пушти видео од седницата одржана на 27 април. Вељановски го поби обвинението дека согласно сценариото му дал шанса да ја пее химната на Зекири. Вељановски потврди дека не еднаш туку во три наврати му дал збор на Ибрахими. Тој со докази поби еден дел од паушалното обвинение дека веднаш после процедуралното обраќање на Крсто Муковски кој што ја пеел македонската химна, не му дал веднаш збор на Зекири, туку меѓу двајцата говореле уште тројца пратеници меѓу кои Антонијо Милошоски и Владимир Ѓорчев. Вељановски презентираше докази дека СДСМ барале седницата од 27 да се одложи за 28 април. Овој поднесок е потпишан од 31 пратеник. После поднесокот имало координација каде што присуствувале сите координатори на пратенички групи и договориле седницата да продолжи на 28 април следниот ден во 11 часот, и тука Вељановски ја завршил седницата на 27-ми.

Вељаноски до СДСМ: Не обезбедивте економска сигурност на странските компании

Катерина Бојаџиева — Wed, 25 Dec 2019 13:34:24 +0000

На денешната собраниска седница, пратеникот од редовите на ВМРО-ДПМНЕ, Трајко Вељаноски посочи дека жали зошто секогаш на седниците е присутна заменик-министерката, а министерката за финансии само се слика по настани. -Класичен потег на владата е одвраќање на странските инвестиции. Рамен данок имаше па вие воведовте прогресивен данок и фалејќи се тука дека на тој начин ќе ја зајакнете средната класа, богатите ќе плаќаат, ги потсети Вељаноски пратениците од СДСМ. Додаде дека за неполна година СДСМ се врати на старото решение на рамниот данок. -Ви укажуваа, коморите, странските компании, домашните комори, и германска стопанска комора ви укажуваше дека е лошо решение вашиот закон за прогресивен данок бидејќи така се одвраќаат инвестициите, истакна Вељаноски. Образложи дека СДСМ не им обезбеди економска сигурност на странските компании.

Вељановски до Заев: Од она што направивте до сега најдобро знаат граѓаните и тоа ќе ви го кажат на 12-ти април

Дарко Андоновски — Tue, 12 Nov 2019 12:57:31 +0000

Има една констатација господине Заев. Во министерството за здравство во овие две години имаше тројца заменици министри и двајца министри. Значи нон-стоп се менува екипата која што треба да го води министерството за здравство, ова денеска од собраниската говорница до премиерот Зоран Заев го истакна пратеникот на ВМРО-ДПМНЕ, Трајко Вељановски. -И ќе Ве потсетам, значи на секоја реконструкција на владата, ќе Ве потсетам на Вашето ветување. Во програмата „За живот” вие ветивте дека владиниот кабинет нема да биде повеќе од дваесет луѓе. Тоа беше Ваше ветување. Не треба да се лажат граѓаните дека ќе се грижите да има помал владин кабинет, кога сега го зголемивте на 27. Инаку, од она што е направено знаат најдобро граѓаните и тоа ќе ви го кажат на 12ти април. Еве сега пред избори Ви текна на јавната администрација, па решивте минимално да им ги покачите платите. Јас како што имам информации министерката за финансии не сака да го потпише покачувањето, затоа што знае дека тоа е во голем дел, условно да кажам, криминал, рече Вељановски.

Вељановски: Тројца министри не си поднесуваат оставка, тоа значи дека не се согласуваат со вашиот предлог за нивна смена

Катерина Бојаџиева — Wed, 26 Jun 2019 15:38:42 +0000

Предложивте 6 министри за разрешување. Тројца се повлекоа со оставки, останаа уште тројца за разрешување. Немате контрола на нив, односно не се согласуваат со вас за да бидат сменети. Тоа е знак дека не се согласува и Тевдовски со ова што го кажувате, со ова што го предлагате и со нешто што сте сакале да му наметнете нешто да прави, вели пратеникот од ВМРО-ДПМНЕ Трајко Вељановски на денешната седница за реконструкција на Владата. Вељановски укажа дека Заев не може да биде и претседател и министер, посочувајќи му дека со министерството раководи министерот, а во случај на отсуство на министерот, го заменува заменик министерот.

Велјановски до Заев: Не правете некои потези кои се со краток ефект, а имаат трајни последици врз Македонија

Предраг Кукиќ — Wed, 07 Nov 2018 16:57:15 +0000

На чело на таа мала владина група не се затскривте зад едно колективно тело и цврсто решивте да го промените Уставот без оглед на сите последици кои ќе има Република Македонија, му се обрати Трајко Велјановски, пратеникот на ВМРО-ДПМНЕ и Коалицијата на Зоран Заев на денешната седница на комисијата за уставни прашања каде што се дискутира за Нацрт амандманите. Велјановски актуелната ситуација како и однесувањето на Владата на СДСМ го поистоветува со една поговорка прашувајќи дали знаат како се јаде слонот и додавајќи дека тој цел не може да се изеде туку парче по парче, потенцирајќи дека и Заев го прави истото со Република Македонија. Велјановски ги спомена изјавите на Зоран Заев давани минатите месеци каде што ја лажел целата македонска јавност дека нема да дозволи промена на уставното име, додавајќи дека и покрај тоа што тој сакал да ги излажe граѓаните тие биле многу попаметни од секој политичар кој постојано ги менува изјавите и ставовите. Заев во јуни вели „додека ме држи памет нема да дозволам промена на Устав“. Во топ тема Заев вели нема промена на Уставот. Во февруари 2018 вели: не гледам потреба за промена на уставот. При посета во Струга имате изјавено: СДСМ цврсто ќе стои на црвената линија, нема промена на име, устав и идентитет, изјави тој. Велјановски го прочита амандманот 33 во кој се вели дека во Уставот на Република Македонија името ќе се менува во Република Северна Македонија. Тој додаде дека доколку географската одредница била пред Република било во ред, но сега кога е Република Северна Македонија, се менувал и идентитетот каде што граѓаните ќе бидат северно македонци. Велјановски го праша Заев зошто се внесувал и Рамковниот договор кога еднаш веќе кажал пред граѓаните дека Рамковниот договор нема да биде внесен во амандманите и уставот. Лошо е што со некакви математики и некакви игри што ги правте во врска со промена на уставното име се непринципиелни, задкулисни. Знаеме што се случи на првото ласање и со такви игри ќе имате краток ефект. Ќе завршите работа, ќе го исполните она што го имате ветено, ќе ве потапшаат по рамо и ќе ви кажаат браво го завршивте тоа што го ветивте. Но, ќе има трајни последици за Република Македонија. Наша е наследена ние е, треба да ја оставиме на идните генерации. Ако вака правеле и претходните тогаш ќе ја немало до сега Македонија. Затоа барем за вакви работи да не правиме некои потези со кратки ефекти а со трајни последици, заврши Велјановски.