тракторист – Kurir.mk

Тешко повреден тракторист во Кавадарци

Ивана Ефремовски — Sat, 08 Apr 2023 14:51:14 +0000

Министерство за внатрешни работи соопшти дека во текот на вчерашниот ден во 16:50 часот 40 годишно лице од Кавадарци се превртело со трактор за време на извршување земјоделски работи, при што се здобило со тешки телесни повреди.

-Во ОВР Кавадарци вчера во 16.50 часот било пријавено дека на локалниот пат винарска визба Тиквеш кон манастир „Св Спас“, Т.С.(40) од Кавадарци, додека извршувал земјоделски работи со трактор, тракторот се превртел. Притоа, тој се здобил со тешки телесни повреди констатирани во болницата во Кавадарци. Увид бил извршен и за настанот бил известен јавен обвинител, информираат од МВР во дневниот билтен.

Трагедија денес во Македонија: Загина маж, познат неговиот идентитет

Ивана Ефремовски — Sat, 29 Oct 2022 19:15:22 +0000

Загина тракторист во сообраќајка меѓу трактор и автомобил во неготинско. Информацијата вечерва за МИА ја потврди Тони Ангеловски, помошник на министерот за внатрешни работи за односи со јавноста. -Околу 17 часот било пријавено дека на локалниот пат село Липа – село Каљанево, се случила сообраќајна незгода помеѓу трактор управуван од С.А. (1943) од Неготино и ПМВ „сузуки”, управувано од Д. Ѓ. (1967) од Неготино. На лице место, С.А. им подлегнал на повредите, смрт била констатирана од страна на Итна медицинска помош, а Д. Ѓ бил пренесен во Здравствен дом Неготино, појасни Ангеловски.

ДРАМА КАКО НА ФИЛМ: Со полициска кола го бркале низ цел град, а тој со тракторот ги прегазил полицајците – па со боксови им се заканувал дека ќе го запаметат!

Дарко Андоновски — Thu, 25 Aug 2022 12:35:40 +0000

Основното јавно обвинителство Велес поведе постапка против лице на возраст од 63 години за кое постои основано сомнение дека сторило две кривични дела – Напад на службено лице при вршење работи на безбедноста од чл.383 ст.2 в.в.ст.1 од Кривичниот законик. На 23 август, осомничениот нападнал двајца полициски службеници од СВР Велес, нанесувајќи им телесни повреди. Откако управувајќи трактор не сопрел на зададените звучни и светлосни предупредувања од полицајците, туку продолжил да се движи кон индустрискиот дел од градот, оштетените со полициско возило го стигнале. На знак од еден од оштетените со светлечка палка СТОП и гласно упатено барање да запре, осомничениот свртел со тракторот во лево и продолжил да се движи во правец директно кон оштетените. Со тракторот удрил најпрвин во едниот, а потоа и во другиот полициски службеник. Полицајците се обиделе да го запрат, но тој продолжил да ги удира со боксови. Кога конечно успеале да го совладаат, им се заканил дека ќе го запаметат, како и дека ќе ги уништи нив и нивните семејства. Бидејќи постои опасност осомничениот да се даде во бегство или да го повтори делото, особено со оглед на упатените закани кон оштетените, јавниот обвинител достави предлог на осомничениот да му се определи мерка притвор. Судијата на претходна постапка од Основен суд Велес го прифати предлогот и на осомничениот му определи притвор во траење од 8 дена.

Загина тракторист, се превртел во нива

Ивона Петрова — Thu, 14 Oct 2021 08:01:46 +0000

Загина 43-годишен жител на штипската приградска населба Стар Караорман. Несреќата се случила на нива во близина на населбата, кога управувајќи со трактор се превртел и починал на самото место. Портпаролот на СВР-Штип Гордана Панајотова за МИА изјави дека 43-годишниот К.Ц е пронајден околу 21.50 часот во близина на приградската населба Стар Караорман, а од семејството било изјавено дека починатиот кон нивата се упатил околу 16 часот. На местото на несреќата излегле полициски службеници, јавен обвинител, Итна медицинска помош и пожарникари од Територијалната противпожарна единица-Штип. Лекар од Брзата помош на местото констатирал смрт, телото на починатиот е предадено на семејството.

Тракторист се здобил со тешки повреди откатко изгубил контрола и излетал од пат

Магдалена Андонова — Sun, 12 Sep 2021 09:59:45 +0000

На 11.09.2021 во 13.00 часот во Скопје на пат Драчево - Планинарски дом „Караџица“, трактор „стеелс“ со скопски регистарски ознаки, управуван од К.М.(64) од Скопје изгубил контрола и излетал од патот. По несреќата К.М. бил пренесен во комплекс клиники „Мајка Тереза“ каде од доктор му биле констатирани тешки телесни повреди. Известен е јавен обвинител, а увид на лице место извршила екипа од СВР Скопје.

Тракторист излетал од пат, починал на лице место

Ивона Петрова — Wed, 24 Feb 2021 11:05:56 +0000

На 23.02.2021 год. во 15.10 часот на патниот правец Неготино - с.Курија се случила сообраќајна незгода во која Т.Е.(75) од Неготино, управувајќи трактор „ИМТ-539“, со неготински регистарски ознаки, изгубил контрола, излетал од коловозот и од здобиените повреди починал на местото на незгодата, информира МВР.

Смрт констатирал лекар од Итна медицинска помош.

Увид извршиле Јавен обвинител и увидна екипа на ОВР Неготино.

ТРАГЕДИЈА ВО МАКЕДОНИЈА: Загина тракторист излетувајќи од коловоз

Магдалена Андонова — Wed, 10 Feb 2021 11:01:41 +0000

На 09.02.2021 во 13.30 часот во Полициската станица Крива Паланка било пријавено дека на регионалниот пат Крива Паланка-с.Огут, на место викано „Падини“, атар на с.Габар, М.Р.(55) од с.Габар, управувајќи трактор „ИМТ 533“, без регистарски ознаки, излетал од коловозот. На местото на незгодата починал М.Р., а лекар од Итна медицинска помош констатирал смрт. Извршен бил увид од увидна екипа од Полициската станица Крива Паланка.

Тракторист тешко повреден во сообраќајка во струшко

Ивона Петрова — Wed, 11 Nov 2020 09:50:38 +0000

На 10.11.2020 во 17.20 часот на магистрален пат А-2 од Струга кон с.Подмоље, се случила сообраќајна незгода помеѓу патничко моторно возило „рено лагуна“ со вевчански регистарски ознаки, управувано од В.М.(23) од Вевчани и трактор „ИМБ 558“, управуван од С.А.(68) од Струга, информира МВР. Во незгодата С.А. се здобил со тешки телесни повреди и бил пренесен во Медицински центар Струга за укажување на лекарска помош. Увид на место извршила увидна екипа на Полициска станица Струга.

НЕВЕРОЈАТНО: Луѓе успеале да снимаат несекојдневна случка со тракторист, како ли само му успеава?

Магдалена Андонова — Tue, 15 Sep 2020 13:40:26 +0000

Не правете го вие ова! Еден возач на трактор немал време да ја поправи, па затоа решил да ја вози приколката ни помалку ни повеќе со целосно дупната гума. Иако ситуацијата изгледа комична, овој вид на возење може да биде многу опасен.

View this post on Instagram

A post shared by Подгорички времеплов (@podgoricki_vremeplov) on Aug 30, 2020 at 1:33am PDT

Познат идентитетот на трактористот кој загина утринава

Ивона Петрова — Thu, 09 Jul 2020 09:15:11 +0000

На 09.07.2020 во 05.00 часот било пријавено дека на влезот во Кавадарци, Г.Б.(69) од Кавадарци, управувајќи трактор, изгубил контрола и се превртел, при што починал на местото, информираат од МВР. Увид извршила увидна екипа од Полициската станица Кавадарци.