Пјонгјанг: Одржувањето на средбата Трамп-Ким зависи од Вашингтон

Даниел Василев — Thu, 24 May 2018 07:24:46 +0000

Одржувањето на средбата меѓу американскиот претседател Доналд Трамп и севернокорејскиот лидер Ким Џонг-ун зависи од однесувањето на САД, изјави денеска заменик-министерката за надворешни работи на Северна Кореја, Чое Сон-хуи. - Доколку САД ја игнорираат добрата волја на Северна Кореја и продолжат да спроведуваат незаконски и срамни постапки, ќе му предложам на највисокото раководство на земјата да ја прертазгледа одлуката за одржување на средба меѓу лидерите на Северна Кореја и САД, изјави Чое. Според неа, како што јави ДПА, само од одлуките и постапките на САД зависи дали „ќе се сретнат со Северна Кореја на преговарачка маса или во решавачки нуклеаран судир“. Чое упати критики и кон американскиот потпретседател Мајк Пенс, кој во телевизиско интервју во понеделникот ја поистовети Северна Кореја со Либија. Пенс изјави дека Северна Кореја би можела да ја доживее сидбината на Либија, ако Ким Џонг-ун не се откаже од нуклеарното оружје. Пенс исто така му порача на севернокорејскиот лидер „да не си игра“ со Трамп. Чое оцени дека ваквите изјави на Пенс се „глупави и бесрамни“, додавајќи дека не може да верува оти „такви зборови излегле од устата на американски потпретседател“. МИА

Белата куќа изработи монета за средбата Трамп – Ким

Даниел Василев — Tue, 22 May 2018 08:05:30 +0000

Белата куќа изработи комеморативна монета за претстојната историска средба меѓу американскиот претседател Доналд Трамп и лидерот на Северна Кореја Ким Џонг-ун. Монетата е украсена со профилите на Трамп и Ким кои се означени како „врховни лидери“ а на задната страна се знамињата на двете земји. На врвот на медалот се наоѓа натпис „мировни преговори, а на дното годината 2018 “. Трамп и Ким треба да се сретнат на 12 јуни во Сингапур, иако Пјонгјанг неодамна се закани со можност за откажување на средбата. Белата куќа редовно изработува комеморативни монети кои се подаруваат на високи функционери или се даваат како сувенири на посетителите. Поради неизвесноста за одржување на средбата голем број твитераши бурно реагираа на таа социјална мрежа, коментирајќи дека е избрзана изработката на ваква паричка, пишува „ Гардијен“. МИА

трамп – ким – Kurir.mk

Пјонгјанг: Одржувањето на средбата Трамп-Ким зависи од Вашингтон

Белата куќа изработи монета за средбата Трамп – Ким