трамвај – Kurir.mk

Имобиле се изјасни за невин за несреќата со трамвај

Катерина Бојаџиева — Mon, 17 Apr 2023 16:57:09 +0000

Напаѓачот на Лацио, Чиро Имобиле изјави дека се однесувал правилно во моментот на несреќата со трамвајот. Ова го објави адвокатот на фудбалерот на социјалните мрежи. - Мислите на мојот клиент, кој е шокиран од тоа што се случи, се насочени кон неговите две ќерки и кон возачот на трамвај, за кој, се надева дека наскоро ќе закрепне. Драго му е што никој не е сериозно повреден, сфаќајќи дека во овој момент се однесувал правилно, има целосна доверба во властите кои ја завршуваат истрагата, напиша адвокатот. Самиот играч успеа да зборува на видеото од местото на настанот: „Трамвајот помина на црвено светло. За среќа, добро сум, само малку ме боли раката“. Претходно беше објавено дека теренецот управуван од Имобиле удрил во трамвај во Рим. Италијанецот оваа сезона забележа 30 настапи за Лацио во сите натпреварувања, постигнувајќи 12 гола и пет асистенции.

ВИДЕО: Тешка несреќа во Истанбул, трамвај преполови автобус, најмалку 33 повредени

Ивона Петрова — Mon, 05 Dec 2022 15:51:11 +0000

Најмалку 33 лица се повредени во несреќа во која се судрија трамвај и автобус во Истанбул, јавува Анадолија. На социјалните мрежи се појави вознемирувачко видео од судирот. Пожарникарите спасиле едно лице кое било заглавено во автобусот по судирот. Спасувачките екипи го поделиле автобусот на два дела за со кран и шлепер да го отстранат од местото на несреќата. Селахатин Шахин, кој работи на блискиот паркинг, рече дека видел како трамвајот го преполовил автобусот, јавува Анадолија. Еден од очевидците на несреќата, Мелих Картал, изјави дека се слушнал силен удар, а излегле надвор мислејќи дека е земјотрес. Истанбулското јавно обвинителство покрена истрага за несреќата.

WATCH: #BNNTurkey Reports An IETT bus and tram collided in the early hours of the morning on Alibeyköy Marshal Fevzi akmak Street in Istanbul's Eyüpsultan district, injuring 19 people, four of whom were critically injured. pic.twitter.com/Dml5sq9e2t
— Gurbaksh Singh Chahal (@gchahal) December 5, 2022

Шок глетка: На седиште во трамвај во Сараево пронајдена бомба (ФОТО+ВИДЕО)

Магдалена Андонова — Sat, 12 Mar 2022 14:31:43 +0000

Експлозивна направа е пронајдена во трамвај во сараевската населба Ченгиќ Вила, потврдија од МВР на кантонот Сараево, пишува Кликс.ба. Диспечерот на ГРАС околу 13 часот повикал полиција откако во празен трамвај, кај свртницата била забележана рачна бомба. Засега не се знае кој ја оставил оваа направа, а полицијата веќе интензивно работи на расветлување на овој случај и пронаоѓање на сторителот.

ЈЕЛЕНА КАРЛЕУША СНИМЕНА КАКО СЕ ВОЗИ ВО ТРАМВАЈ ВО БЕЛГРАД: Дивата се откажа од луксузот, живее како цел нормален свет (ФОТО+ВИДЕО)

Магдалена Андонова — Tue, 28 Dec 2021 21:09:07 +0000

На Твитер се појави видео на кое се гледа како Јелена Карлеуша ја придружуваат трубачи во Скадарлија, по што таа ќе се качи во јавен превоз. Во опуштено издание Карлеуша се шета низ градот и ги прославува новогодишните денови, а потоа се качува во стар трамвај и црта срце на стаклен прозорец. Никому не му е јасно зошто Јелена се одлучила на овој потег. Како изгледаше нејзиното возење погледнете во видеото подолу.

SR(B)PSKA maJKa!🥰🥰🥰 pic.twitter.com/t715pYlanQ
— 🎄padobroštalagano🎄 (@alphyyyyyyyyy) December 28, 2021

Герила акција: Реализирн уште еден проект на Шилегов, Скопје „доби“ трамвај (ФОТО)

Тале Кристо — Sat, 12 Dec 2020 12:36:18 +0000

Уште еден проект кој што беше ветен за време на предизборната кампања за локалните избори од страна на актуелниот градоначалник Петре Шилегов стана „реалност“, односно Скопје го „доби“ долговетуваниот трамвај. Имено, станува збор за герила акција на младите на УМС на ВМРО-ДПМНЕ, кои што сакаат да го потсетат татко то на градот на неговите предизборни ветувања, а Скопјани да ги дознаат лагите и манипулациите на Шилегов и СДСМ. Инаку, станува збор за проект кој што Шилегов и СДСМ го имаа во предизборната програма и ветгуваа дека граѓаните ќе добијат трамвај, но за жал тоа остана само ветување и ништо повеќе.

Најмалку 40 повредени во судар на тролејбус и трамвај во Чешка

Ивана Ефремовски — Mon, 01 Apr 2019 15:37:58 +0000

Најмалку 40 лица се повредени во директен судар на трамвај и тролејбус во чешкиот град Брно. Противпожарната служба соопшти дека сударот се случил на прометна улица и дека повредените патници се од тролејбусот, додека трамвајот бил празен и во него се наоѓал само возачот. Во тек е истрага за причините за несреќата.

Трагедија во Белград: Трамвај излета од шини , еден загинат петмина повредени (ФОТО)

Ивона Петрова — Mon, 12 Nov 2018 09:58:38 +0000

Едно лице загина, а петмина се повредени во тешка сообраќајна несреќа во центарот на Белград, која се случи утрово, кога трамвај излета од шините. Несреќата се случила кога автомобил „Дачија“ поминал на црвено и се удрил во предниот дел на трамвајот, кој од силата на ударот излегол од шините, удрил во дрво и згазил пешак. Човекот починал на местото на несреќата. Според неофицијални информации, повредени се пет лица, вклучувајќи го и возачот на автомобилот. Повредените се пренесени во Ургентниот центар во Белград. Двајца од нив се во критична состојба. На местото на инцидентот се испратени полициски екипи, итна медицинска помош и пожарникарска служба.

Прага: Во судир на трамваи повредени 23 лица

Ивона Петрова — Fri, 29 Jun 2018 17:38:33 +0000

Два трамваи се судрија денеска во Прага, при што се повредени 23 лица, јави ДПА, повикувајќи се на итните служби. Несреќата се случи во центарот на главниот град на Чешка. Шест амбулантни возила пристигнаа на местото на настанот. Еден трамвај удрил во задниот дел на другиот трамвај пред една крстосница. Штетата се проценува на 200.000 евра. Повеќето од повредените се здобиле со повреди на вратот и нагмечувања на ребрата. МИА