трансфер – Kurir.mk

Серхио Рамос пред трансфер во Галатасарај

Дарко Андоновски — Tue, 01 Aug 2023 06:11:17 +0000

Поранешниот фудбалер на ПСЖ и Реал Мадрид, Серхио Рамос е блиску до преминување во Галатасарај. Фудбалерот има статус на слободен играч. Според новинарот Фатих Демиркол од „Хабер Глобал“, клубот од Истанбул го убедил 37-годишниот Шпанец да му се приклучи на турскиот шампион. За ПСЖ, Рамос за две години одигра 58 натпревари, постигнувајќи шест гола и една асистенција. Пред тоа, Шпанецот играше во Реал Мадрид од 2005 до 2021 година.

ПСЖ ќе го стави Нејмар на трансфер-листата

Ристе Здравков — Mon, 13 Feb 2023 13:53:49 +0000

ПСЖ во вторник го игра клучниот натпревар во сезоната. Во првиот осминафинален натпревар во Лигата на шампиони, во Париз ќе гостува Баерн Минхен. Од исходот на оваа осминафинална пресметка зависи целата сезона на клубот од „Паркот на принцовите“. Париските шеици вложија милијарди евра во клубот со цел да ја освојат Европа, но тоа се уште не се случи. Килијан Мбапе сигурно нема да игра против Баварците, под знак прашалник е и Лионел Меси, а шампионот на Франција е во голема игра и резултатска криза. Минатата недела парижаните беа елиминирани од Марсеј во купот, имаат три порази во првенството, а во последното коло, викендов загубија со 3:1 од Монако. Но, уште поголем проблем од резултатот е атмосферата во соблекувалната која Нејмар од ден на ден ја влошува. Бразилецот по поразот од Монако направил вистински хаос во соблекувалната бидејќи прво се расправал со соиграчите, а потоа го нападнал спортскиот директор Луис Кампос. Ова не е прв ваков испад на Нејмар и претходно тој правеше слични глупости, клубот знаеше да му прости, но изгледа и на тоа му дојде крајот. „Ле Паризиен“, денеска објави дека во клубот одлучиле, дека е најдобро Нејмар да го напушти Париз, бидејќи внесува непотребен немир во тимот. ПСЖ на лето ќе го стави на трансфер листа. Нејмар во ПСЖ пристигна како огромно засилување пред речиси шест години од Барселона за рекордни 222 милиони евра. Сепак, прашање е дали ПСЖ ќе може да го продаде фудбалерот кој има цврст договор. Цената за него верјатно нема да претставува проблем за богатите клубови, но голем проблем е неговата плата од околку 30 милиони евра на годишно ниво.

Челзи потпиша со најдобриот стрелец на Молде

Дарко Андоновски — Sat, 07 Jan 2023 15:27:11 +0000

Англискиот премиерлигаш Челзи на својата официјална веб-страница денес објави дека го комплетира трансферот на напаѓачот Давид Фофанa од Молде. Лондонскиот клуб потпиша договор со напаѓачот од Брегот на Слоновата Коска до 2029 година со опција за продолжување на уште една година. Оваа сезона Фофана забележа 37 настапи за норвешкиот тим во сите натпреварувања, постигна 21 гол и седум асистенции. Претходно се дозна дека Челзи за 20-годишниот играч ќе плати 12 милиони евра.

Повредата на Обамејанг при грабежот на неговиот дом, може да го спречи трансферот во Челзи

Дарко Андоновски — Wed, 31 Aug 2022 12:49:41 +0000

На напаѓачот на Барселона, Пјер-Емерик Обамејанг, му беше скршена вилицата за време на грабеж во неговиот дом, објави „The Athletic“. Нападот се случил во понеделникот вечерта во предградие на Барселона. Се известува дека на фудбалерот ќе му треба извесно време за заздравување на скршеницата. Ова може да биде проблем за преселбата во Челзи. Времето на закрепнување зависи од тоа дали Обамејанг се согласува на операцијата. Според шпанските медиуми ова може да потрае околу еден месец. Обамејанг не учествуваше на натпреварот од 3. коло на шампионатот на Шпанија против Ваљадолид (4:0), но сепак беше заведен во записникот како резервен играч.

Нуњес го сруши клупскиот трансфер-рекорд на Волвс

Ивона Петрова — Thu, 18 Aug 2022 07:39:26 +0000

Премиерлигашот Вулверхемптон објави за трансфер на Матеус Нуњес од Спортинг. Со 45+5 милиони евра поставен е нов рекорден трансфер во историјата на англискиот клуб. Волвс успеа да го убеди досегашниот фудбалер на Спортинг од Лисабон на петгодишен договор. Договорот на 23-годишниот Португалец вклучува опција за продолжување на уште една сезона. Според прес-службата на Волвс, овој трансфер е рекорден во историјата на клубот. Нуњес минатата сезона забележа 50 настапи во сите натпреварувања, постигнувајќи четири гола и пет асистенции.

Икарди поради Ванда Нара одбил трансфер во Премиерлигата

Ристе Здравков — Mon, 04 Jul 2022 07:49:26 +0000

Напаѓачот на Пари Сен Жермен, Мауро Икарди, ја одбил понудата на англискиот клуб Вулверхемптон да се пресели во Премиерлигата. Аргентинецот не е во плановите на ПСЖ за следната сезона и речиси сигурно ќе го напушти „Паркот на принцовите“ ова лето. Сепак, Икарди одбил да замине во Англија затоа што неговата сопруга Ванда Нара сака нивното семејство да се врати на Апенините. Со оглед дека таа е и негов фудбалски агент, Ванда Нара води преговори со новиот калчолигаш Монца чиј сопственик е Силвио Берлускони. Минатата сезона, 29-годишниот Икарди одигра 30 натпревари и постигна само пет гола за ПСЖ во сите натпреварувања.

Меси од трансферот во ПСЖ ќе заработи 110 милиони евра

Дарко Андоновски — Sat, 18 Sep 2021 10:24:14 +0000

Вредноста на трансферот во ПСЖ на Лионел Меси, кој летово по две децении ги напушти редовите на Барселона, изнесува фантастични 110 милиони евра, објави денеска францускиот весник „Л Екип“. Изнесувајќи ги финансиските детали од тригодишниот договор, весникот наведе дека Меси ќе заработува 30 милиони евра по сезона, плус дополнителни 10 милиони евра за лојалност за втората и третата сезона од неговиот престој во Париз. Аргентинецот Меси ќе заработува исто колку и Нејмар, според новиот договор што Бразилецот го потпиша претходно оваа година, а повеќе од францускиот напаѓач Килијан Мбапе, кој засега одбива да го продолжи договорот со ПСЖ. Дел од парите на Меси ќе му бидат исплатени во криптовалути.

ПОЗНАТА СУМАТА ЗА ТРАНСФЕРОТ НА РОНАЛДО – еве колку пари ќе плати Манчестер Јунајтед за 36. годишниот португалец

Магдалена Андонова — Mon, 06 Sep 2021 14:24:06 +0000

Деталите за трансферот на напаѓачот Кристијано Роналдо од Јувентус во Манчестер јунајтед ги објави новинарот Фабрицио Романо. Англискиот клуб ќе плати 15 милиони евра за 36-годишниот Португалец. Но, оваа исплата ќе биде поделена на пет транши – по три милиони секоја година до 2026-та. Исто така, договорот содржи бонуси во вкупна вредност од осум милиони евра. Се очекува Роналдо да ги исполни барањата за пет милиони, но условите за уште три милиони се потешки. Манчестер јунајтед објави враќање на Роналдо на 27 август. Кристијано претходно играше за „црвените ѓаволи“ од 2003 до 2009 година. Како дел од Јунајтед, тој стана трикратен шампион во Премиер лигата и победник во Лигата на шампионите. Од 2018 година, напаѓачот играше за Јувентус. Учествуваше на 133 натпревари на сите турнири, на кои постигна 101 гол. (МИА)

Влезете во трансфер периодот: Mozzart квоти за Мбапе, Роналдо и Кејн!

Super Admin — Wed, 25 Aug 2021 12:37:32 +0000

Кој каде ќе оди? Кристијано Роналдо изгледаше како навредена млада девојка во Торино, Килијан Мбапе како љубоморно дете кое се лути дека веќе не е во центарот на вниманието, Хари Кејн како во моментот да сфати дека животот веќе пројде покрај него додека он во маало се забавува со другарите... А потоа се јави Реал Мадрид и сите претпоставки и планови избија на површина. Животот повторно се врати на фудбалскиот пазар. Со него и квотите. Овој пат на трансфери. Кој каде ќе оди? Роналдо во Манчестер Сити или во ПСЖ? Мбапе во Реал или пак Шеиците од Катар ќе одлучат да ги запалат 160.000.000 евра само да покажат дека нив пари не им требаат. Ќе успее ли Пеп Гвардиола конечно да го донесе Кејн на Етихад со што би му овозможил да го освои првиот трофеј во кариерата? Одговорот ќе го дадат последните седум дена од преодниот рок. Одговор, а за некого и добивка, бидејќи во обложувалниците Mozzart се објавени квотите за потенцијални трансфери на трите најголеми ѕвезди на преодниот рок. Да не должиме и понатаму, бирајте сами...

ТФТ Тафталиџе донесе нов Американец во своите редови

Бошко Тасиќ — Fri, 12 Feb 2021 18:07:12 +0000

Кошаркарскиот тим на ТФТ Тафталиџе донесе нов кошаркар од САД. Се работи за 22-годишниот Брендон Бејли, кој доаѓа од Универзитетот Маркет. Американецот кој беше пријавен на последниот НБА-драфт, но не помина, доаѓа во Скопје со просек од 7,1 поени, 5,2 скока и 3,4 асистенции по натпревар. Кошаркарот кој е висок 203 сантиметри се очекува да биде од голема помош за ростерот на Смилковски во БИБЛ-лигата, а по потреба ќе биде регистриран и за настапи на домашната сцена. .ТФТ во деби-сезоната во најелитната македонска кошарка по 11 одиграни кола има скор 8-3 и котира на делба на второто место на табелата, додека во БИБЛ-лигата обезбеди втора рунда каде ќе во втората рунда ќе игра со Галил Гилбоа и Берое.