трансфери – Kurir.mk

Барселона официјализираше две големи засилувања

Бошко Тасиќ — Sat, 02 Sep 2023 04:53:32 +0000

Шпанскиот фудбалски шампион Барселона беше доста активен во последниот ден од летниот преоден рок, па откако ги испрати Клемен Ленге и Ансу Фати на позајмици во Премиер лигата дојде време и да ги затвори операциите кои носат нови имиња на „Камп Ноу“. Официјално Барселона успеа да дојде до потписите на двајца португалски репрезентативци Жоао Кансело и Жоао Феликс. Некое време Лапорта и неговите соработници се обидуваа да пронајдат решение, формула за ангажман на овие квалитетни играчи, мисија која на крајот беше успешна. Кансело како и Феликс доаѓаат на позајмица од Манчестер Сити и Атлетико Мадрид и притоа каталонците немаат опција за откуп на нивните договорот.

ПСЖ го потпиша Муани, Гринвуд заврши во Гетафе, грчки голман во Нотингем

Бошко Тасиќ — Sat, 02 Sep 2023 04:04:26 +0000

Коло Муани стана нов играч на ПСЖ. Останува само да биде промовиран, откако двата клуба се догвороија за трансфер од 90 милиони евра. Најпрво беше објавено дека Муани и дефитивно се сели во ПСЖ, за потоа дека трансферот пропаднал и дека играчот веќе се вратил во Франкфурт, но на крајот дојде до договор на пет години. Мејсон Гринвуд, отпишаниот играч на Манчестер Јунајтед на крајот заврши во Гетафе. Пропадна можноста тој да замине во Лацио, а се шпекулираше и со белградска Црвена Звезда. Меѓутоа тој на крајот се договори со Гетафе. Откако Анатоли Трубин дојде во Бенфика, беше познато дека за голманот Одисеас Влаходимос ќе нема иднина во овој тим. Затоа тој најде ангажман и потпиша за Нотингем Форест. Беше поврзуван и со Баерн Минхен.

Лидерот на Чемпионшип доби забрана за трансфери

Бошко Тасиќ — Mon, 13 Mar 2023 05:17:50 +0000

Фудбалскиот клуб Барнли поради проблеми со сметководството за месец ноември, доби забрана од Англиската фудбалска лига (ЕФЛ) да прави трансфери. Во моментов, Барнли е лидер во Чемпиониш, на пат е да се врати во Премиер лигата, и оваа забрана доаѓа во многу деликатен момент. Од Барнли ја признаа грешката и се надеваат дека следниот месец забраната ќе биде тргната.

Трансфери кои го одбележаа зимскиот преоден рок

Ивона Петрова — Wed, 01 Feb 2023 08:37:46 +0000

Зад нас е уште еден преоден рок - овој пат зимскиот и веројатно највозбудлив досега. Во повеќето земји рокот завршуваше на полноќ, а ова трансферите кои го одбележаа преодниот рок. Енцо Фернандеш: Бенфика – Челзи (121 милиони евра) Енцо Фернандез го зазема незаменливото прво место. Најдобриот млад фудбалер на Мундијалот во Катар пристигна во Челзи во трансфер со кој урна неколку рекорди во Премиер лигата, со што и стави крај на најдолгата трансфер сага оваа зима. Фернандез во Лондон пристигнува за над 120 милиони, а потпиша договор на осум и пол години. Михаило Мудрик: Шахтјор – Челзи (90 милиони евра) Мудрик е познат како еден од најталентираните играчи во светот. Тој веќе во првите минути во дресот на Челзи го покажа својот потенцијал, а треба да се напомене дека сините го украдоа буквално токму пред градскиот ривал Арсенал. Жоао Кансело: Манчестер Сити – Баерн Минхен (позајмица со опција за откуп 70 милиони евра) Жоао Кансело беше еден од најважните играчи на Манчестер Сити, па многумина се изненадени тоа што неговото име се појави како најголемото засилување на Баерн Минхен. Португалецот претходно жестоко се судри со Пеп Гвардиола откако дозна дека нема да игра против Арсенал во ФА Купот, работата многу брзо ескалира. Коди Гакпо: ПСВ – Ливерпул (42 милиони евра) Ова е и единствениот договор за „црвените“ во овој преоден рок. Гакпо пристигна на „Енфилд“ по одличните игри на Светското првенство во Катар, но и со репутација на еден од најдобрите фудбалери во холандската Ередивизија. Жоржињо: Челзи - Арсенал (12 милиони евра) А се виде и едно „предавство“ - Жоржињо, според многумина, еден од најзаслужните играчи за титулата на ЕП на Челзи во 2021 година, изненадувачки го засили тимот на Арсенал за 12 милиони евра.

Англиските клубови оваа зима потрошија рекордни 440 милиони фунти за засилувања

Тале Кристо — Wed, 25 Jan 2023 13:41:14 +0000

Клубовите од англиската Премиер лига го соборија рекордот по трошење пари за засилувања во зимскиот преоден рок. Премиерлигашите потрошија 440 милиони фунти на трансфери во зимскиот трансфер прозорец. Последниот рекорд беше поставен во 2018 година, кога англиските клубови потрошија 430 милиони фунти во јануари. Челзи беше најголем трошач оваа зима, а новите трансфери го чинат клубот околу 180 милиони фунти. Во овој преоден рок „сините“ потпишаа со Михаил Мудрик, Беноит Бадијашиле, Нони Мадуеке, Андреј Сантос, Давид Фофан и го позајмија Жоао Феликс.

Тухел од новите сопственици на Челзи ќе добие 200 милиони фунти за трансфери

Тале Кристо — Wed, 25 May 2022 09:34:09 +0000

Тренерот на Челзи, Томас Тухел, летово ќе може да потроши 200 милиони фунти на трансфери, пишува „The Telegraph“. Според британскиот весник, конзорциумот на Тод Боули, косопственик на Лос Анџелес Доџерс, кој е блиску до купување на лондонскиот клуб, е подготвен да ја одвои оваа сума. Се истакнува дека приоритет на Челзи во летниот преоден рок е засилување на одбраната во врска со заминувањето на Антонио Рудигер, Андреас Кристенсен и Цезар Аспиликуета. Главна цел на клубот се дефанзивците Жил Кунде од Севиља и Јошко Гвардиол од Лајпциг. На списокот на интереси на лондончани има вкупно осум дефанзивци, вклучувајќи ги Пау Торес од Виљареал и Хозе Хименез од Атлетико. Во случај на продажба на напаѓачот Тимо Вернер, како и на играчите од средниот ред Хаким Зиех или Кристијан Пулишиќ, „сините“ ќе се обидат да го ангажираат напаѓачот на Манчестер сити, Рахим Стерлинг.

Клубовите потрошија 3,72 милијарди долари за летни трансфери, oва е само 60% од рекордните 5,8 милијарди во 2019 година

Дарко Андоновски — Tue, 07 Sep 2021 18:10:04 +0000

Светската фудбалска федерација (ФИФА) објави податоци за трансферните трошоци ова лето. Од јуни до август 2021 година, клубовите направија 7.481 меѓународен трансфер – нешто помалку од минатата година (7.771). Сите транзиции чинат 3,72 милијарди долари, што е за 7,5% помалку од 2020 година (4,02 милијарди долари). Ова е нешто повеќе од 60% од рекордната сума потрошена во 2019 година (5,8 милијарди). Повеќето зделки летово беа склучени со учество на играчи чии договори со нивниот поранешен клуб истекоа (58,6%). Закупот и враќањето на фудбалерите од закуп изнесуваа 26,6% од сите трансакции, а целосните трансфери – само 14,8%. Играчите во возрасните групи 18-23 и 24-29 години заедно учествуваа со 84,3% од сите меѓународни трансфери, а овие групи учествуваа со речиси еднаков број трансфери. Трансферите на играчи над 35 и под 18 години беа помали од 1% и 2%, соодветно. Останатите 13,8% се играчи на возраст од 30 до 35 години.

Цветан Кузманоски нов играч за Еурофарм Пелистер

Бошко Тасиќ — Thu, 18 Feb 2021 17:55:59 +0000

По потписот со Карим Хендави пред еден месец, Еурофарм Пелистер го доведе и второто засилување за вториот дел од сезоната. Овој пат новото име е репрезентативното крило Цветан Кузманоски од Еурофарм Пелистер 2 во Еурофарм Пелистер. „РК Еурофарм Пелистер ја информира јавноста дека ракометарот Цветан Кузманоски е нов член на екипата. Тој доаѓа од Еурофарм Пелистер 2 и во следните три и пол сезони ќе го носи дресот на нашиот клуб. Кузманоски веќе се приклучи на тренинзите на Жељко Бабиќ и неговиот стручен штаб и ќе дебитира во вторник во Лига Европа против Рајн Некар Левен“. Стружанецот одигра одлична есен во дресот на Еурофарм Пелистер 2, а дебитираше и за сениорската репрезентација на Македонија на Светското првенство во Египет. Талентираното 21-годишно крило две сезони беше најдобар стрелец на неговиот матичен клуб Струга, пред да дојде во Битола.

Веселин Вујовиќ селектор на Босна и Херцеговина ?

Бошко Тасиќ — Wed, 17 Feb 2021 18:00:53 +0000

Некогашниот тренер на скопски Вардар кој во моментот работи во Борац од Бања Лука, Веселин Вујовиќ би можел да седне на селекторското столче на ракометната репрезентација на Босна и Херцеговина, пренесуваат медиумите од оваа земја. Досегашниот селектор Билал Шуман ќе биде разрешене од оваа позиција и ќе ја заземе улогата на координатор на сите селекции. Веселин Вујовиќ сега е прв фаворит, откако претходно со оваа позиција се споменуваа имињата на уште еден поранешен селектор на Македонија, Ивица Обрван како и ракометната легенда Ирфан Смаилагиќ.

Бергеруд замина од Флензбург

Бошко Тасиќ — Thu, 11 Feb 2021 17:44:54 +0000

Норвешкиот голман Торбјерн Бергеруд од наредната сезона ќе настапува во редовите на данскиот ГОГ Гудме. Данскиот клуб го официјализира трансферот на еден од најдобрите голмани на денешницата, кој во изминатите три сезони ги бранеше боите на Флензбург. Договорот меѓу двете страни е на една година по што талентираниот Норвежанец од 2022 година ќе потпише со францускиот гигант ПСЖ. Бергеруд е редовен член на норвешката репрезентација со која има освоено два сребрени медали на Светските првенства.