транскрипти – Kurir.mk

Google Meet наскоро ќе испраќа до корисниците транскрипти од состаноци

Ристе Здравков — Mon, 17 Oct 2022 09:25:51 +0000

Google најави голем број нови функции за Workspace, вклучувајќи и една која ќе биде многу корисна за оние кои сакаат да зачуваат разговори од состаноци. Корисниците веќе можат да ги зачувуваат повиците на Google Meet како видео-фајлови, но наскоро ќе добиваат и транскрипти од нивните состаноци во Google Docs. Функцијата е достапна за англиски јазик, додека поддршката за француски, германски, шпански и португалски ќе пристигне следната година. Исто така, оваа функција доаѓа по проширувањето на преводот во живо за тие јазици. Подоцна овој месец, Google ќе понуди функција Meet за автоматско центрирање на учесниците на состанокот во нивниот прозорец дури и пред да се приклучат на повикот, но ќе биде можно и рачно прилагодување. Покрај тоа, Google Chat добива и нови функции, вклучително и прилагодување на емотиконите, како и простор за еднонасочно емитување и споделување информации со целиот тим.

Шокантна содржина: Објавени транскрипти од авион киднапиран на 11-ти септември 2001 година

Ивана Ефремовски — Thu, 12 Sep 2019 06:32:15 +0000

По 18 години од киднапирањето американски авиони и терористичките напади од 11 септември 2001 година, во кои загинаа 2.983 лица, новинарот Гарет М. Граф напиша книга „Единствени на небото: Усмена историја за 9/11“. Книгата наскоро ќе биде објавена, а дел медиуми објавија извадоци од неа. Извадоците се темелат на транскрипти од повици на 911 и снимање звуци од пилотска кабина од 11 септември како и на архивски разговори со клучни учесници водени по 2002 година и дополнителни интервјуа кои до пролетта ги водел авторот на книгата. Оние кои тој ден биле во Белата куќа рекле дека им било наредено да се засолнат во бункер што за првпат тогаш бил употребен, а изграден за време на Студената војна. Дик Чејни, потпретседател: На радар е регистриран авион што се движи кон Белата куќа со 500 милји на час. Луис Скот Либи, шеф на Кабинетот на потпретседателот Дик Чејни: Дознавме дека авионот е оддалечен пет милји, паднал под 500 метри во висина и не може да се најде, го снема. Погледнете го вашиот часовник и размислете, оддалечен е 5 милји и се движи со 500 милји на час. Дик Чејни: Агентот на тајната служба рече: „Господине, мора веднаш да заминеме“. Тој ме грабна и ме одведе до подземното засолниште на Белата куќа. Кондолиза Рајс: Дојдоа агенти на тајната служба и рекоа: „Мора да заминете во бункерот“. Се сеќавам дека ме водеа, скоро ме носеа по патот. Не знаевме каде бевме безбедни и каде не бевме. Во тој момент, не мислевме дека бункерот во Белата куќа е безбеден. Поручник Хетер Лаки Пени: Имавме намера да удриме во авионот. Немавме никакви проектили со кои би го собориле авионот. Додека земавме опрема, Сас ме погледна и рече – Ќе се залетам во пилотската кабина. Јас одлучив да одам кон задниот дел од авионот. Потполковник Марк Сасвили: Немавме баш многу опции. Во последните минути од летот на „Јунајтед ерлајнс 93“, патниците и екипажот користеле телефони од своите места за да ги повикаат пријателите, семејствата и операторите на „Јунајтед ерлајнс“ и да ги известат за киднапирањето. Неколку минути пред 10 часот попладне, патник на „Јунајтед лет 93“ Едвард Фелт, оженет 41-годишник со две деца, кој патувал по работа како компјутерски инженер за системот БЕА, повикал 911 од авионот и го добил офицерот Џон Шо од округот Вестморленд, Пенсилванија. Тоа беше првиот сигнал до властите во Пенсилванија дека над нив има проблеми. Ова е скратен транскрипт од тој повик. Ед Фелт: Киднапирање во … Џон Шо: Извинете? Еј, некој пријавува … Фелт: Киднапирање во тек. Шав: Господине, те губам, каде си? Фелт: Јунајтед лет 93. Шав: Чекајте малку, почекајте летот на Јунајтед. Лет на Јунајтед 93. Фелт: Киднапирање е во тек! Шав: Во ред, каде си сега? Каде се наоѓате? Фелт: Јас сум во тоалетот на Јунајтед лет 93. Шав: Во ред, каде сте? Фелт: Не знам. Шав: Каде сте? Фелт: Не знам каде се наоѓа авионот. Шав: Од каде полетавте? Фелт: Од Њуарк до Сан Франциско. Шав: Разбрав. Океј, останете на врска. Фелт: Се обидувам … (неразбирливо) во тоалетот. Не знам што се случува. Шав: Еј, некој да ја повика ФАА во Њуарк и Сан Франциско и да им каже дека имаат киднапирање во тек. Океј, повикај некој на аеродромот. Имаме киднапирање во тек. Транскрипт на звучни записи во пилотската кабина на летот 93 на Јунајтед ерлајнс 9:57 Глас на арапски: Што е тоа? Глас на арапски: Тепачка? Глас на арапски: Да? Глас на арапски: Ајде момци. Алах е голем. Алах е голем. О, момци. Алах е голем. Глас на арапски: О Алах. О, Алах. О, ти најмилостив. (Звуци на борба) Глас на англиски: Остани позади. Глас на англиски јазик: Во пилотската кабина! Во кабината! Глас на арапски: Тие сакаат да влезат внатре. Држете, држете одвнатре. Држете внатре. Глас на англиски: Држете ја вратата. Глас на англиски: Запрете го. Глас на англиски: Седнете. Седнете. Седнете. Глас на арапски: Има некои луѓе. Сите тие момци. Глас на англиски: Ајде да ги зграбиме. Глас на англиски: Седнете. Глас на арапски: Верувајте во Алах и во него. 10:03 Глас на арапски: Алах е голем. Глас на арапски: Алах е голем. Глас на арапски: Алах е голем. Глас на англиски: Не! Глас на арапски: Алах е голем. Алах е голем. Глас на арапски: Алах е голем. Алах е голем. Во 10:03 часот, летот 93 на „Јунајтед ерлајнс“ се урна во напуштен рудник за јаглен во округот Сомерсет, Пенсилванија. Сите 40 патници и членови на екипажот загинаа, како и четворица киднапери. Алис Ен Хоглан, мајка на Марк Бингам, патник на „Јунајтед лет 93“: Посебноста на летот 93 е што е во воздухот остана подолго од другите летови. Луѓето во авионот ја дознаа судбината на другите три лета и се обидоа да ги спречат киднаперите знаејќи дека нема да можат да го спасат својот живот.

Родителите на убиените кај Смилковско: Заев нé лажеше дека ќе ни даде разговори за убиството на нашите деца

Дарко Андоновски — Tue, 17 Apr 2018 10:31:42 +0000

Доказите кои премиерот Зоран Заев ги покажал на родителите на децата кои беа убиени кај Смилковското Езеро во 2012 година, да ги достави до судот, денеска побара Горан Наќески, таткото на убиениот Александар Наќески, по одложувањето на рочиштето. - Кога бев кај Заев ни вети дека ќе ги даде петте државни тајни, односно тоа се транскрипти од броеви на функционери на ДУИ. Ни покажа и транскрипт од разговор воден помеѓу потпретседателот на ДУИ, Невзат Бејта со обвинетиот Фејзи Азири, кажа Наќески пред судот и побара неговиот исказ да влезе во записник. Тој побара од судот да се изврши претрес во СДСМ и да се одземат овие документи, како и стражарно приведување на Заев, за, како што рече, во судот да се соочи со сите родители. Премиерот Заев, според Наќески, на родителите им кажал и дека возилото со кое се превезувале извршителите, Опел омегата, е на МВР, иако од роднини и пријатели во полицијата им било кажано дека такво возило немало кај „Алфите“. Одложувањето на денешното рочиште беше поради болест на обвинетиот Фејзи Азири, по што адвокатката на родителите на децата Дафина Ивановска рече дека одложувањето не е со соодветна документација, а направи паралела со здравствената состојба на родителите која е нарушена и дека цело време се со лекарства но, како што рече, сепак доаѓаат на секое судење. Масакрот кај Смилковското Езеро се случи на 12 април 2012 година, на Велики четврток, пред големиот христијански празник Велигден, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски. За петкратното убиство беше отворен предмет „Монструм“, а на доживотен затвор беа осудени Алил Демири, Африм и Агим Исмаиловиќ и Езим и Хаки Азири и Сами Љута. Врховниот суд во декември лани ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири, и им определи мерки на претпазливост. За судот се уште недостапни се Алил Демири и Африм Исмаиловиќ по кои се распишани меѓународни потерници.