Транспортен центар – Kurir.mk

Малолетник нападнат и ограбен на Транспортен центар

Ивана Ефремовски — Sun, 05 Feb 2023 16:25:05 +0000

На 05.02.2023 во 02:10 часот во СВР Скопје, Х.Ј.(46) од Скопје пријавила дека околу 23:00 часот на Транспортен центар нејзиниот малолетен син бил физички нападнат од неколку малолетници, кои притоа му одзеле пари. Се преземаат мерки за расчистување на случајот.

Целосно обновено осветлувањето на паркингот под Транспортен центар

Магдалена Андонова — Mon, 21 Feb 2022 12:24:24 +0000

Екипи на Град Скопје викендов целосно го обновија осветлувањето на паркингот под Транспортен центар во делот кај поштата, како и осветлувањето на сервисната улица на тој потег. На овој простор, старите и расипани светилки се заменети со 30 нови светилки, од кои 22 на паркингот, а 8 на сервисната улица. - На овој потег осветлувањето не функционираше подолго време, за што имаше и реакции од голем број граѓани. Град Скопје постапува по барањата на граѓаните, а со новото осветлување се зголемува безбедноста на пешаците во овој дел од градот, информираат од град Скопје.

Царина и Транспортниот центар си ја префрлаат одговорноста за несреќата во Бугарија

Тале Кристо — Thu, 25 Nov 2021 13:53:06 +0000

Трет ден откако се случи немилиот настан во кој загинаа 45 македонски државјани, а од институциите ниту трага, ниту глас. Од ден во ден јавноста се повеќе се шокира од избегнувањето одговорност и префрлањето на вината од една на друга институција. Како што се зборува во јавноста, ова е трет случај за многу краток период кој останува без брза разрешница и без конкретни информации за сообраќајната незгода во Република Бугарија. Државниот инспекторат за тоа што Беса транс немала лиценца вината ја префрла на царинската управа, а инспекторот вели дека тоа не влијаело на несреќата. Царинската управа вели доколку имало пропуст во контролата, сепак факт е дека автобусот превезувал патници без лиценца подолг период. Од Беса транс веќе трет ден не излегуваат со соопштение и немаат конкретни информации за тоа зошто автобусот превезувал патници без лиценца, а исто така и телефонските линии се затворени. Ваквите пропусти само говорат за трулиот систем кој владее во Македонија, а директни жртви на истиот се граѓаните. Преминувањето на границата од голем број превозници долги години се извршувало без целосна документација, а автобусот на Беса транс е само капка во морето, која за жал ја прели чашата. Иако веќе двајца вработени во царинската управа се санкционирани поради пропустот, сепак главниот проблем не е во нив двајца, туку во било кои други кои би го направиле истото или го правеле години наназад. Вината треба да се бара во врвот на Царинската управа, како и во министерството за транспорт и врски, кои што ги издаваат лиценците за автобуските превозници. Македонската јавност вели дека нечовечно е да се избегнува одговорност и да се префрла вината, додека десетици семејства тагуваат по своите најблиски кои загинаа во страотната сообраќајна незгода. Ако нешто овие луѓе заслужуваат, тоа е да ја знаат вистината и да имаат јасна слика за тоа што се случило рано утрото кога целосно изгоре автобус во кој загинаа 45 македонски државјани.

ВАЖНО ИЗВЕСТУВАЊЕ ОД ЈСП: Од денеска автобусите кон Транспортен центар со променета траса на движење

Ивона Петрова — Fri, 30 Jul 2021 09:38:57 +0000

ЈСП Скопје информира дека од денеска петок (30.07.2021 година) од 18 часот, поради изведување на градежни активности на дел од коловозот на булевар „Кузман Јосифовски Питу“,на потегот од крстосницата со улица „Беласица“ и улица „Никола Карев“ до крстосницата со булевар „Кочо Рацин“,возилата од линиите кои сообраќаат во овој реон во насока кон Бит пазар, мост „Гоце Делчев“, Градска болница, Билна аптека и слично, ќе имаат изменет режим на сообраќање. Пренасочувањето ќе трае се до завршување на активностите на терен кои се вршат по налог на „БЕГ“, од каде очекуваат градежните зафати да завршат до недела (01.08.2021 година). Линиите 3, 3Б, 5, 15, 23 и 27 *после постојката Железничка станицакон центар од булевар „Кузман Јосифовски Питу“, ќе продолжуваат лево по улица „Никола Карев“, десно по булевар „Трета македонска бригада“, лево по булевар „Крушевска република“, десно по булевар „11 Октомври“ кон Градска болница и ќе продолжуваат по својата редовна траса Линиите 7,17 и 33 *по булевар „Трета македонска бригада“ (од Поликлиника Пролет), ќе продолжуваат право, па потоа лево по булевар „Крушевска република“, десно по булевар „11 Октомври“ кон Градска болница и ќе продолжуваат по својата редовна траса Линиите 31, 41, 51, 51а, 58, 58а, 58б, 67, 70, 74 и 80а *од Транспортен центар, лево по булевар „Кузман Јосифовски Питу“, десно по улица „Беласица“, лево по булевар „Гоце Делчев“, па лево по булевар „Крсте Петков Мисирков“ (Црква Пресвета Богородица), право по булевар „Кочо Рацин“ (Југодрво) и ќе продолжуват по својата редовна траса Линиите 21, 21А и 22 *од Транспортен центар ќе продолжуваат лево по улица „Никола Карев“, па десно по булевар „Трета македонска бригада“, лево по булевар „Крушевска република“, па десно по булевар „11 Октомври“ кон Градска болница и ќе продолжуваат по својата редовна траса Линиите 18а, 20, 45, 47, 47а, 65Б, 65В, 52, 53, 54, 55, 55а, 55в, 61, 62, 63, 63а, 65, 66, 66а, 68, 69, 71 и 81 *од Транспортен центар, лево по булевар „Кузман Јосифовски Питу“, па десно по улица „Беласица“, лево по булевар „Гоце Делчев“, па десно по булевар „Крсте Петков Мисирков“ (Бит пазар) и потоа ќе продолжуваат по својата редовна траса Линиите 11, 11а, 15А, 18, 118, 32, 35, 56, 56а, 60 и 64а *од Транспортен центар, после постојката Железничка станицакон центар од булевар „Кузман Јосифовски Питу“, ќе продолжуваат лево по улица „Никола Карев“, десно по булевар „Трета македонска бригада“, лево по булевар „Крушевска република“, десно по булевар „11 Октомври“,десно по булевар „Кочо Рацин“ (Југодрво), потоа кон булевар „Крсте Петков Мисирков“, па лево по булевар „Гоце Делчев“ кон мост Гоце Делчев и ќе продолжуваат по својата редовна траса Во обратна насока возилата од посочените линии ќе сообраќаат по вообичаената траса.

Повреден возачот на запалениот автобус кај Транспортен центар

Ивона Петрова — Thu, 14 May 2020 08:57:13 +0000

На 13.05.2020 во 07.45 часот во СВР Скопје, Д.Ј.(48) од Скопје, возач на автобус, пријавил дека околу 07.40 часот на автобуска постојка на бул.„Кузман Јосифоски Питу“ се запалил автобус „мерцедес“, со скопски регистарски ознаки, сопственост на правно лице. Според пријавеното, Д.Ј. се обидел да го изгаси пожарот, при што се здобил со повреди и бил пренесен Градската општа болница „Св.Наум Охридски“, информираат од МВР. Извршен бил увид од увидна екипа од СВР Скопје.

ЈСП со детали за запалениот автобус кај Транспортен центар

Ивона Петрова — Wed, 13 May 2020 08:17:11 +0000

ЈСП информира дека автобусот што утринава се запали на терминалот Транспортен центар е приватен автобус, сопственост на „Слобода превоз“, кој сообраќал на линија 45. -На терен веднаш интервенирала Бригадата за противпожарна заштита, а увид направи и екипа на МВР. За среќа, нема повредени патници, ни околни минувачи, причинета е само материјална штета на возилото. Увид направи и Внатрешна контрола на ЈСП. Според изјавата на возачот, неколку минути пред 8 часот, тој се подготвувал да се вклучи на линија. Го запалил возилото, по што забележал чадење. Со противпожарен апарат се обидел да го изгаси огинот, но, тој за брзо време почнал да се шири, велат од јавното претпријатие. Во меѓувреме на терен пристигнала и екипа на Бригадата за противпожарна заштита, која спречила пожарот да ескалира. Според првичните сознанија, причина за пожарот е краток спој на електричната инсталација на автобусот.