трансвери – Kurir.mk

Рекордна потрошувачка на клубовите од Премиер лигата во јануарскиот преоден рок

Тале Кристо — Wed, 01 Feb 2023 16:00:33 +0000

Клубовите од Премиер лигата потрошија рекордни 815 милиони фунти во зимскиот преоден рок, покажуваат резултатите од анализата на ревизорската куќа Дилојт Спорт Бизнис груп (Deloitte’s Sports Business Group). На чело на листата е Челзи, кој потрошил 37 отсто од вкупниот износ, што е повеќе од вкупната потрошувачка на сите клубови во Бундеслигата, Ла Лига, Серија А и Лига 1, се наведува во извештајот. Лондонскиот клуб го урна британскиот рекорд со трансферот на аргентинскиот фудбалер Енцо Фернандез од португалска Бенфика за кого вчера, на последниот ден од преодниот рок, плати 106.8 милиони фунти (121 милиони евра). Потрошувачката на водечките англиски клубови е речиси три пати поголема во споредба со минатиот јануари.

Милан во летниот преоден рок ќе потроши 100 милиони евра за трансфери

Тале Кристо — Sun, 28 Mar 2021 16:33:51 +0000

Раководството на Милан ќе оди на сериозни финансиски инвестиции пред летниот преоден рок, пренесува „Фудбал Италија“. Според изворот, клубот ќе добие 100 милиони евра за трошоци на трансфер пазарот. „Росонерите“ наводно гледаат на неколку играчи како потенцијални засилувања, посебно ако се избори учество во Лигата на шампионите. Милан е втор на табелата во италијанската Серија А со 59 бода по 28 натпревари.

Доколку не се пласира во Лигат на шампиони, Ливерпул ќе има проблем со трансверите

Тале Кристо — Thu, 04 Mar 2021 08:52:06 +0000

Тренерот на Ливерпул, Јирген Клоп зборуваше за потенцијалните проблеми на клубот на трансфер пазарот доколку ја пропушти Лигата на шампионите оваа сезона. – Најважната работа за нас е влез во Лигата на шампионите. Од ова многу зависи финансискиот фактор. Самиот турнир е исто така одличен, но парите се важни за клубовите. Секако, би сакал да ги инспирирам играчите за време на преговорите. Кога првпат дојдов во Ливерпул, преговаравме со играчи кои имаа понуди од клубови од Лигата на шампионите, а ние можевме да им ја понудиме само Лигата на Европа, изјави Клоп за „Goal“. Ливерпул е шести во поредокот во Премиер лигата со 43 бода од 26 натпревари. Тимот заостанува зад зоната во Лигата на шампионите два бода.

Солскјер: Без трансфери никаде нема да стигнеме

Тале Кристо — Sun, 16 Aug 2020 12:55:41 +0000

Менаџерот на Манчестер Јунајтед, Оле Гунар Солскјер изјави дека неговиот тим нема да може да ги постигне своите цели во следната кампања доколку инвестициите во првиот тим не следат за време на трансфер летото. „Црвените ѓаволи“ удрија на камен во потрагата по англискиот репрезентативец Џејден Саннчо од Борусија Дортмунд. Гигантот од Манчестер продолжува да се поврзува со голем број на познати имиња на Стариот континент, но досега не е финализиран договор. Норвешкиот стручњак побрза да олесни одредена напнатост на темата, но сепак истакна дека неговиот тим не е доволно широк за да се справи со предизвикот да игра на 4 фронта во текот на следната кампања. – Ние не сме ни блиску да бидеме готов тим. Ливерпул и Сити се уште се далеку пред нас. Ќе имаме доста време да се подготвиме помеѓу двете сезони. Со оглед на настаните околу пандемијата, ние сме во деликатен момент и знаеме дека нема да биде лесно да бидеме конкурентни на сите натпреварувања. Потребен ни е голем тим. Не можеме да сметаме на 12-13 играчи, мора да имаме 20-21 рамноправни играчи. Ќе биде тешко ментално и физички, изјави Оле.

Хавиер Пасквал: Следните недели чекорите на трансфер пазарот ќе бидат посигурни

Тале Кристо — Fri, 19 Jun 2020 17:47:03 +0000

Познатиот кошаркарски стручњак, Хавиер Паскал, кој ја извршува тренерската функција во Зенит, смета дека поради пандемијата на коронавирус и суспензијата на сезоната 2019/20, клубовите не се толку активни на пазарот за трансфери како порано. – Постојат клубови како Милан или Олимпијакос кои сега се агресивни на пазарот. По сите овие проблеми со пандемијата, многу екипи размислуваат што да направат, да ги проценат економските загуби и сè уште чекаат за нивниот буџет за сезоната. Некои екипи веќе преземаат чекори и собираат одлични ростери. Пазарот постепено се движи, бавно, но се движи, така што сите тимови мора да бидат подготвени за поактивно делување во следниот период, изјави Паскал. Пазарот е сè уште мирен, но мислам дека веќе следната недела чекорите ќе бидат посигурни, додаде шпанскиот тренер.