требиње – Kurir.mk

ФОТО: Анастасија и Немања го напуштија Белград, фудбалерот не ја испушта од прегратка, а еве каде ги полнат батериите

Ристе Здравков — Fri, 09 Jun 2023 09:27:49 +0000

Српската пејачка, Анастасија Ражнатовиќ по неколку месеци и по трагедијата која и се случи дојде во Белград, но не остана долго. Таа во Белград пристигна од Будимпешта каде го следеше своето момче кој играше финале во Лига Европа, а истото го освои. Таса беше присутна и на роденденот на внукот Жељко, но набрзо се упати кон Требиње со Немања. Со нив на ова патување е братот на Немања, Драган, неговата девојка, таткото на Немања и нивниот возач. Фудбалерот на Севиља објави заедничко селфи од овој град во Херцеговина. На фотографијата се гушка со Анастасија, а со нив се и неговиот брат и неговата девојка. Анастасија полека се опоравува од неодамнешната загуба на бебето, а Гудељ целото свое внимание го посветува на неа.

Земјотрес ја погоди околината на Требиње

Магдалена Андонова — Mon, 21 Mar 2022 16:50:48 +0000

Земјотрес со јачина од 2,98 степени според Рихтеровата скала денеска околу 15 часот ја потресе околината на Требиње, јавува ЕМСЦ. Според нив, епицентарот бил на 13 километри од Требиње. - Добро се тресеше. Воопшто не беше пријатно - пишуваат жителите на Требиње. Бидејќи се работи за слаб земјотрес, се претпоставува дека нема жртви и поголема материјална штета.

СЕ НАОЃА НА БАЛКАНОТ: Најдоброто место за живеење по пензионирањето

Ивона Петрова — Thu, 30 Dec 2021 12:00:18 +0000

Германското списание „Фокус“ го прогласи Требиње во БиХ за најдобро место на светот за живеење по пензионирањето. „Фокус“ ја направи ранг листата споредувајќи 575 градови во светот, а како критериум, меѓу другото, ја зеде безбедносната состојба и квалитетот на здравствената заштита според мислењето на странците кои живеат таму. Изборот на најдоброто место за живеење по пензионирањето ја зеде предвид и просечната кирија и трошоците за живот во споредба со Берлин, добрата клима, квалитетот на воздухот и колку брзо и без стрес можете да поминете низ градот со автомобил или јавен превоз. Според „Фокус“, Требиње освои 81,9 поени од вкупно 100, со што годинава од врвот е симнат минатогодишниот победник, грузискиот град Батуми. Најмногу поени се поврзани со кириите, трошоците за живот и здравствената заштита, а секоја земја се појавува на листата само еднаш со својот најдобар град. Требиње годинава забележа напредок од 1,1 поен. Германскиот магазин пишува дека Требиње се наоѓа во најјужниот дел на Босна и Херцеговина и e блиску до морето и дека тоа е најмалото место на оваа листа. „Фокус“ посочува дека градот е историски интересен со католичка катедрала, српски православен манастир и џамија кои ги илустрираат разликите. Меѓу десетте најдобри места за „златното доба“ по Требиње се Анталија во Турција, Мангалор во Индија, Чингдао во Кина, Куенка во Еквадор, Сорокаба во Бразил, Коимбра во Португалија, Великo Трново во Бугарија, Темишвар во Романија и Осиек во Хрватска.

Вардар го освои трофејот на турнирот во Требиње

Ивона Петрова — Mon, 12 Aug 2019 06:18:29 +0000

Македонскиот и европски шампион Вардар триумфираше на турнирот во Требиње, БиХ што се играше викендот. Вардар вчера во финалето ја победи Металопластика со 34:28. Ова всушност беше дуел меѓу актуелниот европски шампион и европскиот „владетел“ од пред 33 години. Покрај победничкиот на тимот, во Скопје доаѓаат и две индивидуални награди, оние на Тимур Дибиров за најдобар стрелец и најдобар играч. – Се што работам, работам за тимот. Благодарам за признанијата. Турнирот ги оправда нашите очекувања, а Металопластика се претстави како одличен тим, изјави Дибиров. За најдобар голман е прогласен Тодор Јандриќ од Металопластика, а пехарот за фер-плеј го доби тимот на Борац Бања Лука. Третото место на турнирот го освои тимот на Бутан Плин од Изола чии ракометари го победија Борац Бањалука со 26:25. Петти е тимот на Извиѓач од Љубишки, а шесто е домаќинот Леотар.