трејлер – Kurir.mk

Принцот Хари со интригантен трејлер за нов документарец на Нетфликс (ВИДЕО)

Катерина Бојаџиева — Thu, 17 Aug 2023 08:31:44 +0000

Принцот Хари неодамна го најави својот нов документарен филм наречен „Heart of Invictus“, а сега беше објавен и првиот официјален трејлер. Филмот, кој ќе се прикажува на Нетфликс од 30 август, е производ на наводниот договор од 80 милиони фунти меѓу семејството на принцот Хари и стриминг гигантот, каде споменатиот гигант наводно платил три милиони фунти за филмските права на романот, кој во продукцијата ќе му помогне војводата од Сасекс, пишува DailyMail. Оваа продукција покажува како ветераните учат повторно да бидат дел од заедницата. Во трејлерот кој беше објавен, во првите кадри е принцот Хари кој зборува за игрите и борбата за враќање во заедницата. „Што и да носите е отскочна даска што ве издига на следното ниво“, вели војводата од Сасекс, додавајќи: „Игрите не се фокусираат на она што ја предизвикува повредата, туку на закрепнувањето во однос на тоа како да бидете дел повторно на заедницата“.

Продолжението на „Bird Box“ на Нетфликс во јули

Катерина Бојаџиева — Mon, 29 May 2023 08:15:57 +0000

Нетфликс објави трејлер за продолжението на „Со затворени очи“ (Bird Box). Оригиналната приказна екранизирана 2018 година, е сместена во САД и следи мајка на две деца (Сандра Булок) која се бори за опстанок во апокалиптичен свет... Трилер-драмата во режија на Сузан Биер, е заснована на романот на Џош Малерман од 2014 година, а вториот дел којшто не ја следи првичната приказна, и е наречен „Со затворени очи: Барселона“ (Bird Box Barcelona), го следи она што се случува со епидемијата во Шпанија. Новиот филм е на шпански и англиски јазик и ќе биде достапен на стрим-платформата од 14 јули. Сценариото и режијата се на Алекс и Давид Пастор, а главните улоги ги толкуваат Марио Касас, Џорџина Кембел, Диего Калва, Алекандра Хауард, Наила Шуберт, Патрик Криадо, Гонзало де Кастро, Мишел Џенер и Леонардо Сбараља. „Со затворени очи“ пред пет години постигна 282 милиони часови гледаност за првите четири недели. Единствениот филм што го надмина досега, е „Црвено известување“ (Red Notice) со 328,8 милиони часови гледаност за три недели.

ВИДЕО: Објавен првиот трејлер за филмот „Флеш“

Тале Кристо — Wed, 15 Feb 2023 10:16:26 +0000

„Ворнер брос“ и „Ди-си комикс“ го објавија првиот трејлер за новиот суперхеројски филм „Флеш“ (The Flash), со Езра Милер во насловната улога. Световите и универзумите ќе се судрат кога Бери ќе одлучи да ги искористи своите супермоќи и да се врати во времето за да ги промени настаните од минатото, се вели во еден опис на филмот. Во него глумат и Бен Афлек, Мајкл Шенон, Кирси Клемонс, Саша Кејл, како и Мајкл Китон - како „Бетмен“ од „мултиверзумот“. Режисерската палка му припадна на Енди Маскиети, а приказната на Џоби Харолд во сценарио ја преработи Кристина Ходсон. Филмот излегува на 16 јуни, оваа 2023 година.

Најдолгиот филмски трејлер трае над седум часа

Ивона Петрова — Tue, 15 Nov 2022 13:12:35 +0000

Можеби најдолгиот филм некогаш снимен, има трејлер којшто трае повеќе од седум часа. А пак, кусиот трејлер трае околу еден час. „Остварувањето“ носи наслов „Амбиент“ (Ambiancé) и, наводно, требаше да излезе на 31 декември 2020 година. Според најавите на Семрежната филмска база на податоци – ИМДБ, филмот трае околу 30 дена, или 720 часа, па веројатно затоа и трејлерот трае седум часа и 20 минути. Ова што следи, е само мал исечок од сѐ тоа. „Просторот и времето се испреплетени во надреално патување како сон вон познатото место и се апстрактно, нелинеарно наративно резиме на времето на уметникот Андерс Веберг минато со подвижната слика“, се вели во описот на ИМДБ-страницата за филмот. Филмот, според познавачите, бил замисла на шведскиот експериментален режисер Андерс Веберг, како своевидна уметничка реакција на „еднократната употреба“ на денешните киноостварувања, при што прикаските од минатото само се преправаат и повторно се објавуваат. Трејлерот беше објавен уште во 2016., а премиерата беше закажана за 2020 година. Сепак, тоа на крајот не се случи.

ЗА ЕДЕН ДЕН: Трејлерот за новиот „Аватар“ прегледан 24 милиони пати

Ивона Петрова — Fri, 04 Nov 2022 11:29:31 +0000

Новиот, долг трејлер им дава на обожавателите увид во долгоочекуваното продолжение на „Аватар“ на Џејмс Камерон, кој првпат се појав пред 13 години. Обожавателите ширум светот, очигледно со нетрпение го очекувало, бидејќи за еден дел истиот е прегледан над 24 милиони пати. Трејлерот почнува со првите сцени од главните јунаци на првиот дел, Џејк и Нејтири кои сега имаат неколку деца. Продолжението очигледно ќе се занимава со истражување на водниот свет Пандора.

Трејлерот за „Малата сирена“ собра над 12 милиони прегледи

Тале Кристо — Wed, 14 Sep 2022 07:11:42 +0000

Трејлерот за новиот филм на „Дизни“ – „Малата сирена“, беше објавен овие денови. Главната улога на принцезата на океанот – Ариел, ја толкува Хали Бејли, а трејлерот собра повеќе од 12 милиони прегледи и голем број позитивни коментари на исчекување. Пред Хали, имаше само една Афроамериканка принцеза на Дизни – Тијана од анимираниот филм „Принцезата и жабата“ од 2009 година. Кога 22-годишничката доби улога во новиот филм на „Дизни“, што е преработка на цртаниот од 1989., многу Афроамериканки и Афроамериканци се пресреќни поради тоа, наведуваат американските медиуми, па интернет-просторот е полн со радосни реакции на деца при првото гледање на трејлерот на претстојниот игран филм. „Кога твојата омилена принцеза на Дизни личи на тебе“, гласи описот на една видеоснимка со мало девојче. И самата Бејли сподели видео со натпис: „Со липање го гледав ова“. Во филмот глумат и Џона Хауер-Кинг како принц Ерик, Хавиер Бардем како морскиот крал Тритон, Давид Дигс како ракот Себастијан и Мелииса МекКарти како вештерката Урсула. Прикажувањето е закажано за 26 мај 2023 година.

Нов трејлер за „Црниот Пантер 2“

Ивона Петрова — Tue, 26 Jul 2022 07:19:36 +0000

Новиот кус трејлер за „Црниот Пантер 2: Ваканда засекогаш“ (Black Panther: Wakanda Forever) собра над 172 милиони прегледи во првите 24 часа, по објавбувањето, со што го постави првиот свој рекорд за суперхеројски филм на продукциската куќа „Марвел“. Во продолжението на хит-филмот од 2018. којшто го прослави младиот починат глумец Чедвик Бозман, сега ќе глумат Тенох Хуерта (како Намор). Лупита Њонго, Летиша Рајт, Данај Гурира, Флоренс Касумба, Винстон Дјук, Анџела Басет, Михаела Коел, Доминик Торн, Алекс Нивилани, Мејбел Кадена, Мартин Фримен и други. Режисерската палка повторно му припадна на Рајан Куглер, кој и го пишува сценариото заедно со Џо Роберт Кол. Прикажувањето на новиот филм е закажано за 22 ноември годинава.

Пристигнува серијата која сите ја чекаат: Погледнете го трејлерот за „Зоки Поки“ (ВИДЕО)

Ивана Ефремовски — Tue, 28 Apr 2020 14:13:33 +0000

Денеска беше објавен трејлерот за телевизиската серија „Зоки Поки“, модерна екранизација на лектирата од писателката Оливера Николова, објавена во 1963 година. Десетте епизоди од „Зоки Поки“ ќе се емитуваат од 4 мај, секој понеделник и четврток во 20:15 часот на првата програма, со репризи наредниот ден и во сабота и недела. По емитувањето на МРТ, епизодите ќе се поставуваат и на веб-страницата zokipoki.mk и на официјалниот YouTube канал. Главна улога во серијата „Зоки Поки“ ја игра Матеј Настевски, кој е петтооделенец во ООУ „Мирче Ацев“ во Скопје. Останатите улоги ги толкуваат децата-актери Анастасија Аневска (Лидија), Матео Матоски (Боки) и Матеј Зимбаков (Гоки). Покрај детската екипа, во серијата играат и Сашко Коцев и Даниела Иваноска, кои ги глумат родителите на Зоки и Сабина Ајрула-Тозија, која ќе ја видиме во улогата на неговата баба.

ВИДЕО: Ѕирнете дел од сцените на „Џентлмен“, објавен вториот трејлер

Ивона Петрова — Fri, 27 Dec 2019 08:44:54 +0000

Откако на почетокот на октомври пред јавноста беше претставен првиот трeјлер за најновиот акционен хит „Џентлмен“, фановите деновиве беа израдувани и со вториот во кој се гледаат некои интересни сцени во кои се појавува Метју Кеконахи, кој го игра лондонскиот крал на марихуаната. Фабулата на филмот се врти околу дилерот Мики Пирсон, пренесен од Меконахи, кој се обидува да го продаде своето царство на династија на милијардер од Оклахома. Тој, меѓутоа, одеднаш ќе се најде пред бројни ривали кога ќе се појави веста дека се подготвува на повлекување од царството на наркотиците, пренесоа хрватските медиуми. Меѓу имињата што се појавуваат во филмот се и Чарли Ханам, Хенри Голдинг, Мишел Докери, Џереми Стронг, Еди Марсан, Колин Фарел и Хју Грант. Сценариото и режијата ги подготви Гај Ричи, а американската премиера на филмот е закажана за 24 јануари, по што ќе следи и дистрибуција низ кината ширум светот.

Со нетрпение го очекувавте овој трејлер: Доаѓа Мулан (ВИДЕО)

Ивана Ефремовски — Mon, 08 Jul 2019 16:36:36 +0000

Дизни ќе ја објави филмската верзија за Мулан во пролет 2020-та година. Фановите едвај го чекаат ова остварување, а дотогаш може да го погледнете трејлерот. Истиот е изгледан повеќе од 8 милиони пати досега.