тренер на годината – Kurir.mk

Монти Вилијамс прогласен за тренер на годината во НБА

Тале Кристо — Tue, 10 May 2022 09:04:19 +0000

Тренерот на Феникс Санс, Монти Вилијамс, е прогласен за најдобар тренер на сезоната 2021/2022 година во НБА-лигата. Тој ги предводеше Санс до првото место во Западната конференција во регуларниот дел од сезоната, со рекордни 64 победи и 18 порази. Во гласањето Вилијамс е убедливо прв со 458 поени. На второто место се наоѓа Тејлор Џенкинс од Мемфис со 270, а трет е Ерик Сполстра од Мајами кој доби 72 поени. Вилијамс ги водеше Санс од почетокот на сезоната 2019/2020. Тие останаа непоразени во балонот од Орландо пред да стигнат до финалето на НБА минатата сезона.

Флик, Гвардиола, Манчини и Тухел претенденти за наградата тренер на годината според ФИФА

Тале Кристо — Mon, 22 Nov 2021 18:52:50 +0000

Светската фудбалска асоцијација (ФИФА) ги именуваше кандидатите за најдобар тренер во 2021 година. На листата се: Антонио Конте (Интер/Тотенхем), Ханс Дитер Флик (Баерн/Германија), Хосеп Гвардиола (Манчестер сити), Роберто Манчини (Италија), Лионел Скалони (Аргентина), Диего Симеоне (Атлетико Мадрид) и Томас Тухел (Челзи). За кој било од кандидатите можете да се гласа на веб-страницата на ФИФА до 10 декември. Победникот ќе биде објавен на 17 декември на „The Best FIFA Football Awards“.

Рамос, Азар и Модриќ гласаа за Зидан, Бејл не, во изборот за тренер на годината

Тале Кристо — Fri, 18 Dec 2020 07:45:32 +0000

Познато е како гласаа фудбалерите на Реал Мадрид во изборот на ФИФА за најдобар тренер за 2020 година. Капитенот на Реал и на шпанската фудбалска репрезентација, Серхио Рамос и играчот за врска и предводник на Белгија, Еден Азар го ставија Зинедин Зидан на првото место, додека играчот за врска на Реал и капитен на Хрватска, Лука Модриќ, го смести Зидан на второто место, по Ханс-Дитер Флик од Баерн Минхен. Капитенот на Велс и член на „кралскиот клуб“ кој во моментов е позајмен во Тотенхем, Герет Бејл, не го наведе Зидан во најдобрите тројца. Велшанецот, кој не добиваше доволно минутажа од Французинот, своите гласови ги даде на Флик, Јирген Клоп (Ливерпул) и Хулен Лопетеги (Севиља). Зидан не се пласираше помеѓу најдобри тројца во номинацијата за тренер на годината.

Дешан – „Тренер на годината“

Ивона Петрова — Mon, 24 Sep 2018 20:12:49 +0000

Тренерот на репрезентацијата на Франција, Дидие Дешан, целосно очекувано беше избран за најдобар тренер на годината на церемонијата „The Best“ на ФИФА. Тој успеа да ги изведе „петлите“ до својата втора светска титула во историјата, што беше и клучот за освојување на оваа награда. Другите двајца кандидати за наградата беа Зинедин Зидан и хрватскиот селектор - Златко Далиќ.

Нико Ковач тренер на годината во Германија

Матеја Петровски — Wed, 29 Aug 2018 05:58:29 +0000

Хрватскиот фудбалски стручњак Нико Ковач доби најмногу гласови во изборот за најдобар тренер во Германија спроведен од магазинот „Билд“. Ковач го предводеше Ајнтрахт Франкфурт до трофејот во Купот на Германија. - Ова признание не ми припаѓа само мене туку на целиот тим и стручен штаб на Ајнтрахт, изјави хрватскиот тренер на церемонијата на доделувањето на наградата во Хамбург и потенцира дека таму е претставник на тимот од Франкфурт. Од оваа сезона Нико Ковач е тренер на германскиот шампион Баерн Минхен со кого го освои Супер купот по триумфот над неговиот поранешен тим Ајнтрахт. (Миа)