тренер – Kurir.mk

Чави по ремито со Мајорка: Барселона загуби бодови поради две еклатантни грешки

Дарко Андоновски — Wed, 27 Sep 2023 07:57:45 +0000

Тренерот на Барселона, Чави го критикуваше тимот грешките во одбраната на синоќешното гостување во Палма де Мајорка. Каталонците одиграа 2:2 со Мајорка и освоија само бод, иако важеа за големи фаворити. - Проблемот е што противникот поведе по нашата грешка. Само што почнавме да го играме нашиот најдобар фудбал, имаше уште една грешка во одбраната. Вакви грешки не треба да се случуваат, особено на вакви натпревари. Имавме чисти шанси, а примивме два гола по наши очигледни грешки. Не победивме поради грешки. Треба да ја подобриме нашата дефанзивна игра. Минатата година во одбрана бевме многу силни, изјави Чави. Барселона по седум натпревари во Ла Лига има 17 бодови и во моментов е на првото место.

Тен Хаг за мечот со Барнли: Многу ни требаше оваа победа

Дарко Андоновски — Sun, 24 Sep 2023 09:37:04 +0000

Тренерот на Манчестер јунајтед, Ерик тен Хаг како исклучително важна ја оцени победата (1:0) над Барнли вчера на гостински терен во натпреварот од 6. коло од Премиер лигата. - Се беше очигледно. Секако, многу ни требаше оваа победа. Имавме тешка серија на натпревари против добри противници. Оваа победата беше неопходна. Бев импресиониран од тимскиот дух и од тоа како играчите се бореа заедно. Напаѓаа 11, се бранеа 11. Сите се поддржуваа еден со друг. Многу работи беа против нас, вклучувајќи повреди и одлуки. Но, треба да се бориме и да бараме можност да ја свртиме ситуацијата. И тоа беше демонстрација дека тимот е обединет, изјави Тен Хаг за „BBC Sport“. Манчестер јунајтед има 9 бодови и се наоѓа на8. место на табелата во Премиер лигата. Тимот има 3 победи и 3 порази.

Два натпревара суспензија за Чави и Рафиња

Дарко Андоновски — Wed, 16 Aug 2023 16:33:07 +0000

Тренерот на Барселона, Чави кој доби црвен картон на натпреварот од 1. коло на Ла Лига против Хетафе (0:0) поради расправии со судиите доби суспензија на два натпревара. Тренерот избегна дополнителна дисквалификација поради тоа што остана во подтрибинскиот тунел по исклучувањето. Чави избегна казна и поради коментарите по натпреварот за судискиот тим на Цезар Сото Градо. Главниот тренер на „Барселона“ ја нарече работата на судиите „апсолутна срамота“. Два меча суспендиран е и крилниот напаѓач на Барса, Рафиња, кој доби директен црвен картон поради ударот со лакт на дефанзивецот Гастон Алварез во слепоочницата. Чави и Рафиња поради суспензиите ќе ги пропуштат натпреварите против Кадиз и Виљареал.

Тренер по тенис допирал малолетнички по телото, мајките го пријавиле

Ивана Ефремовски — Tue, 13 Jun 2023 14:58:18 +0000

На 12.06.2023 во 18:00 часот во Полициската станица Чаир, 50 – годишна и 40 –годишна жена од Скопје пријавиле дека во спортска сала на подрачје на Радишани нивните малолетни ќерки биле допирани по телото од тренер по тенис. Се преземаат мерки за расчистување на случајот.

Сасуоло го продолжи договорот со тренерот Диониси до 2025 година

Дарко Андоновски — Tue, 06 Jun 2023 07:30:17 +0000

Тренерот на Сасуоло, Алесио Диониси го продолжи договорот со тимот до летото 2025 година, соопшти прес-службата на тимот. Четириесет и тригодишниот играч е во тимот од летото 2021 година. Претходно, Диониси ги предводеше Фиоренцуола, Имолезе, Венеција и Емполи. Минатата сезона Сасуоло заврши на 13. место со 45 бодови.

Потер: Позитивен ден, освен фактот што не освоиме три бода

Дарко Андоновски — Sat, 21 Jan 2023 17:42:29 +0000

Тренерот на Челзи, Греам Потер ги сумираше впечатоците од натпреварот од 21. коло на шампионатот на Англија против Ливерпул (0:0). – Мислам дека играта беше добра. Задоволен сум од тимот, енергијата, она што се трудевме да го направиме. Секогаш е тешко на „Енфилд“. Во првото полувреме имавме предност, немавме среќа што не постигнавме гол. Во вториот дел противникот ја зграпчи иницијативата. Потоа исправивме нешто и повторно го зедовме натпреварот под контрола, имавме неколку шанси. Генерално, позитивен ден, освен тоа што не освоивем три бода, изјави Потер. Ливерпул се наоѓа на 8. место на табелата во Премиер лигата со 29 бодови на 19 натпревари, додека тимот на Греам Потер е на 10. место со 29 бодови од 20 натпревари.

Тренер по карате им покажувал експлицитни фотографии на малолетнички, ги терал да сликаат мало девојче!

Ивана Ефремовски — Tue, 17 Jan 2023 15:06:47 +0000

На 16.01.2023 во 22:00 часот во полициска станица во Скопје две скопјанки, на возраст од 38 и 41 година, пријавиле дека за време и после тренинзите во карате клуб кои се одржувале во сала на подрачјето на Скопје, на нивните две малолетни ќерки од страна на тренерот им биле покажувани фотографии со експлицитни содржини. Според пријавата, тој од нив барал да фотографираат друга малолетничка. Се преземаат мерки за расчистување на случајот.

Ќерката на легендарниот тениски тренер Ник Болитиери со порака: Татко ми е на пат да замине на другиот свет, молете се за него

Ивона Петрова — Mon, 21 Nov 2022 11:55:50 +0000

Светски познатиот американски тениски тренер Ник Болитиери е во тешка здравстена состојба. Тој има 91 година, а неговата ќерка Анџелик Ен на социјалните мрежи повика луѓето да се молат за него. -Мојот татко е близу да замине на другиот свет, но се уште е тука со нас. Молете се за него. Те сакаме тато, напиша Ен Болитиери. Дел од американските медиуми погрешно го протолкуваа статусот на ќерката и објавија дека Болитиери починал во неделата како последица на бубрежна инфекција. Ник Болитиери е познат по својата тениска академија во Флорида низ која минаа голем број тениски ѕвезди, вклучувајќи ги Моника Селеш, Андре Агаси, Џим Куриер, Серена и Венус Вилијамс, Марија Шарапова, Мартина Хингис, Мери Пирс, Ана Курњикова и Борис Бекер.

Mурињо: Среќен сум поради победата над ХЈК

Дарко Андоновски — Fri, 28 Oct 2022 06:58:10 +0000

Тренерот на Рома, Жозе Мурињо е задоволен од изданието на неговиот тим на синоќешниот натпреварот од Лига Европа против ХЈК. Римјаните победија со 2:1 и си ги зачуваа шансите за пласман во плејофот. – Дали сум задоволен. Да. Пред натпреварот знаевме како заврши средбата Бетис – Лудогорец, па секој резултат го оставаше отворено прашањето за плејофот. Сакавме да победиме. Овој резултат добро ни дојде по поразот од Наполи во Серија А. Во соблекувалната зборувавме за нашите навивачи кои дојдоа од Рим. Исто така и нив им беше важно да победиме. Го направивме тоа и сега мора да се подготвуваме за следниот предизвик, изјави Мурињо. Рома сега е на третото место во Ц-групта со седум бодови исто колку што има и Лудогорец. Бетис е убедливо прв со 13, ХЈК е последен со само еден бод.

Спалети по 12 победи во низа на Наполи: Ливерпул е тешко да се победи на неговиот терен, но шоуто е гарантирано

Дарко Андоновски — Thu, 27 Oct 2022 07:47:11 +0000

Тренерот на Наполи, Лучијано Спалети е задоволен од изданието на својот тим кој синоќа го победи Ренџерс со 3:0. Наполи е во серија од 12 победи. – Следниот меч е ветувачки бидејќи да се победи Ливерпул на негов терен е многу тешко. Треба да напаѓаме и да ја контролираме топката. Ако им дадеме време да размислат и да одлучат каде да не пробијат, тогаш ќе им создадеме удобни услови, а тоа не би сакале да го дозволиме. Ќе биде одлично да се оди таму, откако веќе обезбедивме пласман во плејофот. Шоуто е гарантиран, изјави Спалети. Во А-групата, Наполи е лидер со 15 бодови, Ливерпул има 12, Ајакс 3, Ренџерс е последен без освоен бод.